BSNL vs Vi : 299 ਰੁਪਏ ਦੇ ਰੀਚਾਰਜ 'ਚ ਕਿਹੜੀ ਕੰਪਨੀ ਦੇ ਰਹੀ ਹੈ ਵੱਧ ਫਾਇਦੇ?
BSNL vs VI Recharge Plan : ਦੇਸ਼ ਦੀ ਇਕੱਲੀ ਸਰਕਾਰੀ ਟੈਲੀਕਾਮ ਕੰਪਨੀ BSNL ਆਪਣੇ ਸਸਤੇ ਰੀਚਾਰਜ ਪਲਾਨਾਂ ਲਈ ਕਾਫ਼ੀ ਮਸ਼ਹੂਰ ਹੈ। ਕੰਪਨੀ ਦੇ ਕਈ ਪਲਾਨ ਇੰਨੇ ਸਸਤੇ ਹਨ ਕਿ Jio ਅਤੇ Airtel ਵੀ ਉਨ੍ਹਾਂ ਨਾਲ ਮੁਕਾਬਲਾ ਨਹੀਂ ਕਰ ਸਕਦੇ।
BSNL vs VI Recharge Plan : ਦੇਸ਼ ਦੀ ਇਕੱਲੀ ਸਰਕਾਰੀ ਟੈਲੀਕਾਮ ਕੰਪਨੀ BSNL ਆਪਣੇ ਸਸਤੇ ਰੀਚਾਰਜ ਪਲਾਨਾਂ ਲਈ ਕਾਫ਼ੀ ਮਸ਼ਹੂਰ ਹੈ। ਕੰਪਨੀ ਦੇ ਕਈ ਪਲਾਨ ਇੰਨੇ ਸਸਤੇ ਹਨ ਕਿ Jio ਅਤੇ Airtel ਵੀ ਉਨ੍ਹਾਂ ਨਾਲ ਮੁਕਾਬਲਾ ਨਹੀਂ ਕਰ ਸਕਦੇ। ਦੂਜੇ ਪਾਸੇ Vi (Vodafone Idea) ਵੀ ਪਿਛਲੇ ਕੁਝ ਸਮੇਂ ਤੋਂ ਅਜੇਹੇ ਪਲਾਨ ਲਿਆ ਰਹੀ ਹੈ ,ਜੋ ਕੀਮਤ ਦੇ ਮਾਮਲੇ ਵਿੱਚ BSNL ਨੂੰ ਟੱਕਰ ਦੇ ਰਹੇ ਹਨ। ਨਾਲ ਹੀ Vi ਕਈ ਫੀਚਰ-ਲੋਡਡ ਪਲਾਨ ਵੀ ਲਿਆ ਰਹੀ ਹੈ ਜੋ Jio ਅਤੇ Airtel ਦੇ ਪਲਾਨਾਂ ਨਾਲ ਸਿੱਧਾ ਮੁਕਾਬਲਾ ਕਰਦੇ ਹਨ।
BSNL ਅਤੇ Vi ਦੋਵੇਂ ਕੋਲ 299 ਰੁਪਏ ਦਾ ਰੀਚਾਰਜ ਪਲਾਨ ਹੈ। ਇਹ ਬੇਸਿਕ ਪਲਾਨ ਹਨ, ਜਿਨ੍ਹਾਂ ਵਿੱਚ ਅਨਲਿਮਿਟੇਡ ਕਾਲਿੰਗ, SMS ਅਤੇ ਡਾਟਾ ਵਰਗੀਆਂ ਸੁਵਿਧਾਵਾਂ ਮਿਲਦੀਆਂ ਹਨ। ਜੇ ਤੁਸੀਂ OTT ਪਲੇਟਫਾਰਮ ਵਧੇਰੇ ਨਹੀਂ ਦੇਖਦੇ ਅਤੇ ਸਿਰਫ਼ ਕਾਲਿੰਗ ਤੇ ਡਾਟਾ ਦੀ ਲੋੜ ਹੈ, ਤਾਂ ਇਹ ਪਲਾਨ ਤੁਹਾਡੇ ਲਈ ਵਧੀਆ ਹੋ ਸਕਦੇ ਹਨ।
BSNL ਦਾ 299 ਰੁਪਏ ਵਾਲਾ ਪਲਾਨ
30 ਦਿਨਾਂ ਦੀ ਵੈਧਤਾ
ਰੋਜ਼ਾਨਾ 3GB ਡਾਟਾ (ਕੁੱਲ 90GB)
ਦੇਸ਼ ਭਰ ਵਿੱਚ ਅਨਲਿਮਿਟੇਡ ਕਾਲਿੰਗ
ਹਰ ਰੋਜ਼ 100 ਮੁਫ਼ਤ SMS
SMS ਲਿਮਿਟ ਖਤਮ ਹੋਣ ਤੋਂ ਬਾਅਦ ਸਟੈਂਡਰਡ ਚਾਰਜ ਲਾਗੂ ਹੋਣਗੇ।
Vi ਦਾ 299 ਰੁਪਏ ਵਾਲਾ ਪਲਾਨ
28 ਦਿਨਾਂ ਦੀ ਵੈਧਤਾ
ਰੋਜ਼ਾਨਾ 1GB ਹਾਈ-ਸਪੀਡ ਡਾਟਾ
ਡਾਟਾ ਖਤਮ ਹੋਣ ਤੋਂ ਬਾਅਦ ਸਪੀਡ 64Kbps
ਅਨਲਿਮਿਟੇਡ ਵੌਇਸ ਕਾਲਿੰਗ
ਹਰ ਰੋਜ਼ 100 ਮੁਫ਼ਤ SMS
ਨਾਲ ਹੀ Vi Movies & TV ਦਾ ਐਕਸੈੱਸ, ਜਿੱਥੇ ਤੁਸੀਂ ਮੁਫ਼ਤ ਟੀਵੀ ਚੈਨਲ ਅਤੇ ਫਿਲਮਾਂ ਦੇਖ ਸਕਦੇ ਹੋ।
ਕਿਹੜਾ ਪਲਾਨ ਵਧੀਆ ਹੈ?
ਇਹ ਤੁਹਾਡੀ ਲੋੜ 'ਤੇ ਨਿਰਭਰ ਕਰਦਾ ਹੈ। ਜੇ ਤੁਹਾਨੂੰ ਰੋਜ਼ਾਨਾ ਵੱਧ ਡਾਟਾ ਚਾਹੀਦਾ ਹੈ ਤਾਂ BSNL ਦਾ 299 ਰੁਪਏ ਵਾਲਾ ਪਲਾਨ ਬਿਹਤਰ ਹੈ। ਇਸ ਵਿੱਚ 2 ਦਿਨ ਵੱਧ ਵੈਧਤਾ ਅਤੇ ਰੋਜ਼ 3GB ਡਾਟਾ ਮਿਲਦਾ ਹੈ।
ਜੇ ਤੁਸੀਂ ਡਾਟਾ ਦੇ ਨਾਲ ਮਨੋਰੰਜਨ ਵੀ ਚਾਹੁੰਦੇ ਹੋ, ਤਾਂ Vi ਦਾ 299 ਰੁਪਏ ਵਾਲਾ ਪਲਾਨ ਚੰਗਾ ਵਿਕਲਪ ਹੈ। ਹਾਲਾਂਕਿ ਇਸ ਵਿੱਚ ਸਿਰਫ਼ 1GB ਡਾਟਾ ਪ੍ਰਤੀ ਦਿਨ ਮਿਲਦਾ ਹੈ।
ਟੈਲੀਕਾਮ ਕੰਪਨੀਆਂ ਦੀ ਮਾਰਕੀਟ ਹਿੱਸੇਦਾਰੀ
Vi ਦੇ ਕੋਲ ਲਗਭਗ 19.8 ਕਰੋੜ ਯੂਜ਼ਰ ਹਨ ਅਤੇ ਇਸਦਾ 15.5% ਮਾਰਕੀਟ ਸ਼ੇਅਰ ਹੈ। BSNL ਦੇ ਕੋਲ 9.3 ਕਰੋੜ ਯੂਜ਼ਰ ਹਨ ਅਤੇ ਇਸਦਾ 7.25% ਮਾਰਕੀਟ ਸ਼ੇਅਰ ਹੈ। ਵੱਡੀਆਂ ਟੈਲੀਕਾਮ ਕੰਪਨੀਆਂ ਵਿੱਚ BSNL ਹੀ ਇਕੱਲੀ ਕੰਪਨੀ ਹੈ ,ਜਿਸਨੇ ਅਜੇ ਤੱਕ 5G ਸੇਵਾ ਪੂਰੀ ਤਰ੍ਹਾਂ ਰੋਲਆਉਟ ਨਹੀਂ ਕੀਤੀ।
Jio ਅਤੇ Airtel ਸਭ ਤੋਂ ਅੱਗੇ
Jio ਦੇ ਕੋਲ 50 ਕਰੋੜ ਤੋਂ ਵੱਧ ਯੂਜ਼ਰ ਹਨ ਅਤੇ ਇਸਦਾ 39.2% ਮਾਰਕੀਟ ਸ਼ੇਅਰ ਹੈ।
Airtel ਦੇ ਕੋਲ ਲਗਭਗ 48 ਕਰੋੜ ਯੂਜ਼ਰ ਹਨ ਅਤੇ ਇਸਦਾ ਕਰੀਬ 38% ਮਾਰਕੀਟ ਸ਼ੇਅਰ ਹੈ।
ਦੇਸ਼ ਵਿੱਚ ਮੋਬਾਈਲ ਯੂਜ਼ਰਾਂ ਦੀ ਗਿਣਤੀ
ਭਾਰਤ ਵਿੱਚ ਜੂਨ ਮਹੀਨੇ ਦੌਰਾਨ ਕੁੱਲ ਵਾਇਰਲੈੱਸ ਸਬਸਕ੍ਰਾਈਬਰਾਂ ਦੀ ਗਿਣਤੀ 130 ਕਰੋੜ ਤੋਂ ਪਾਰ ਪਹੁੰਚ ਗਈ ਹੈ, ਜਿਸ ਵਿੱਚ ਮੋਬਾਈਲ ਅਤੇ Fixed Wireless Access (FWA) ਦੋਵੇਂ ਸ਼ਾਮਲ ਹਨ। ਸਿਰਫ਼ ਮੋਬਾਈਲ ਯੂਜ਼ਰਾਂ ਦੀ ਗਿਣਤੀ 127 ਕਰੋੜ ਹੋ ਗਈ ਹੈ, ਜੋ ਮਈ ਦੇ ਮੁਕਾਬਲੇ 0.42% ਵੱਧ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
