Inverter battery: ਇੰਝ ਨਾ ਪਾਓ ਇਨਵਰਟਰ ਦੀ ਬੈਟਰੀ 'ਚ ਪਾਣੀ, ਹੋ ਜਾਏਗੀ ਜਲਦ ਹੀ ਖਰਾਬ, ਬਲਾਸਟ ਦਾ ਵੀ ਖ਼ਤਰਾ

Inverter battery care tips: ਇਨਵਰਟਰ ਦੀ ਬੈਟਰੀ ਵਿੱਚ ਕਦੋਂ ਤੇ ਕਿੰਨਾ ਪਾਣੀ ਪਾਉਣਾ ਚਾਹੀਦਾ ਹੈ? ਇਹ ਸਵਾਲ ਅਕਸਰ ਹੀ ਪੁੱਛਿਆ ਜਾਂਦਾ ਹੈ। ਬਹੁਤ ਸਾਰੇ ਲੋਕ ਇਨਵਰਟਰ ਦੀ ਬੈਟਰੀ ਵਿੱਚ ਪਾਣੀ ਪਾਈ ਜਾਂਦੇ ਪਰ ਉਨ੍ਹਾਂ ਨੂੰ ਇਸ ਬਾਰੇ ਪੂਰਾ...

Inverter battery

Inverter battery care tips: ਇਨਵਰਟਰ ਦੀ ਬੈਟਰੀ ਵਿੱਚ ਕਦੋਂ ਤੇ ਕਿੰਨਾ ਪਾਣੀ ਪਾਉਣਾ ਚਾਹੀਦਾ ਹੈ? ਇਹ ਸਵਾਲ ਅਕਸਰ ਹੀ ਪੁੱਛਿਆ ਜਾਂਦਾ ਹੈ। ਬਹੁਤ ਸਾਰੇ ਲੋਕ ਇਨਵਰਟਰ ਦੀ ਬੈਟਰੀ ਵਿੱਚ ਪਾਣੀ ਪਾਈ ਜਾਂਦੇ ਪਰ ਉਨ੍ਹਾਂ ਨੂੰ ਇਸ ਬਾਰੇ ਪੂਰਾ ਪਤਾ ਹੀ ਨਹੀਂ ਹੁੰਦਾ। ਜ਼ਿਆਦਾਤਰ ਲੋਕ ਅਣਜਾਣੇ ਵਿੱਚ ਹੀ ਇਨਵਰਟਰ ਦੀ ਬੈਟਰੀ ਵਿੱਚ ਪਾਣੀ ਪਾਈ ਜਾਂਦੇ ਹਨ।

ਜੇਕਰ ਤੁਸੀਂ ਵੀ ਆਪਣੇ ਅੰਦਾਜ਼ੇ ਦੇ ਆਧਾਰ 'ਤੇ ਬੈਟਰ ਵਿੱਚ ਪਾਣੀ ਪਾ ਰਹੇ ਹੋ ਤਾਂ ਸਾਵਧਾਨ ਹੋ ਜਾਓ। ਅਜਿਹਾ ਕਰਕੇ ਸ਼ਾਇਦ ਤੁਸੀਂ ਕੋਈ ਵੱਡੀ ਗਲਤੀ ਕਰ ਰਹੇ ਹੋ। ਅਜਿਹਾ ਕਰਨ ਨਾਲ ਤੁਹਾਡੀ ਬੈਟਰੀ ਵੀ ਖਰਾਬ ਹੋ ਸਕਦੀ ਹੈ। ਇਸ ਲਈ ਹੁਣ ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਕਦੋਂ ਤੇ ਕਿੰਨਾ ਪਾਣੀ ਪਾਉਣਾ ਚਾਹੀਦਾ ਹੈ? ਹੁਣ ਇਸ ਬਾਰੇ ਚਿੰਤਾ ਕਰਨ ਦੀ ਲੋੜ ਨਹੀਂ। ਅਸੀਂ ਇਸ ਬਾਰੇ ਮਹੱਤਵਪੂਰਨ ਜਾਣਕਾਰੀ ਸਾਂਝੀ ਕਰ ਰਹੇ ਹਾਂ।

ਦੱਸ ਦੇਈਏ ਕਿ ਜੇਕਰ ਇਨਵਰਟਰ ਦੀ ਬੈਟਰੀ ਵਿੱਚ ਲੋੜ ਤੋਂ ਵੱਧ ਪਾਣੀ ਪਾਇਆ ਜਾਵੇ ਤਾਂ ਇਹ ਜਲਦੀ ਖਰਾਬ ਹੋ ਜਾਂਦਾ ਹੈ। ਇੱਕ ਪੱਧਰ ਤੋਂ ਵੱਧ ਪਾਣੀ ਤੁਹਾਡੀ ਬੈਟਰੀ ਲਈ ਘਾਤਕ ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ਬਿਜਲੀ ਦੇ ਝਟਕੇ ਤੇ ਬੈਟਰੀ ਫਟਣ ਦੀ ਸੰਭਾਵਨਾ ਵੀ ਕਾਫੀ ਹੱਦ ਤੱਕ ਵਧ ਜਾਂਦੀ ਹੈ। ਇਸ ਲਈ ਇਹ ਬਹੁਤ ਮਹੱਤਵਪੂਰਨ ਹੈ ਕਿ ਤੁਸੀਂ ਲੋੜ ਅਨੁਸਾਰ ਹੀ ਪਾਣੀ ਪਾਓ।

ਬੈਟਰੀ ਪਾਣੀ ਸੂਚਕ

ਇਨਵਰਟਰ ਬੈਟਰੀ ਵਿੱਚ ਪਾਣੀ ਦੇ ਪੱਧਰ ਨੂੰ ਦਰਸਾਉਣ ਲਈ ਇੱਕ ਸੂਚਕ ਦਿੱਤਾ ਗਿਆ ਹੈ। ਇਹ ਸੂਚਕ ਬੈਟਰੀ ਦੇ ਅਨੁਸਾਰ ਬਦਲਦੇ ਹਨ। ਇਸ ਦਾ ਮਤਲਬ ਹੈ ਕਿ ਸਾਰੀਆਂ ਇਨਵਰਟਰ ਬੈਟਰੀਆਂ ਇੱਕੋ ਜਿਹੀਆਂ ਨਹੀਂ ਹੁੰਦੀਆਂ। ਬੈਟਰੀ ਦੇ ਨਾਲ, ਕੰਪਨੀ ਇਸ ਦੇ ਪਾਣੀ ਦੇ ਪੱਧਰ ਬਾਰੇ ਜਾਣਕਾਰੀ ਦੇ ਨਾਲ ਇੱਕ ਕਿਤਾਬਚਾ ਵੀ ਪ੍ਰਦਾਨ ਕਰਦੀ ਹੈ। ਜੇਕਰ ਤੁਸੀਂ ਇਸ ਕਿਤਾਬਚੇ ਨੂੰ ਪੜ੍ਹਦੇ ਹੋ ਤਾਂ ਤੁਹਾਨੂੰ ਸਭ ਕੁਝ ਸਮਝ ਆ ਜਾਵੇਗਾ।

ਦੱਸ ਦਈਏ ਕਿ ਜੇਕਰ ਤੁਹਾਨੂੰ ਇੰਡੀਕੇਟਰ 'ਤੇ ਦਿੱਤੇ ਗਏ ਨਿਸ਼ਾਨ ਦੇ ਹੇਠਾਂ ਸਟਿੱਕ ਦਿਖਾਈ ਦਿੰਦੀ ਹੈ, ਤਾਂ ਸਮਝ ਲਓ ਕਿ ਤੁਹਾਡੇ ਇਨਵਰਟਰ ਦੀ ਬੈਟਰੀ 'ਚ ਪਾਣੀ ਪਾਉਣ ਦੀ ਜ਼ਰੂਰਤ ਹੈ। ਜੇਕਰ ਸਟਿੱਕ ਉੱਪਰ ਹੈ ਤਾਂ ਤੁਹਾਨੂੰ ਟੈਨਸ਼ਨ ਲੈਣ ਦੀ ਲੋੜ ਨਹੀਂ।

ਗਰਮੀਆਂ ਵਿੱਚ ਇਨਵਰਟਰ ਦਾ ਪਾਣੀ ਜਲਦੀ ਖਤਮ ਹੋ ਜਾਂਦਾ ਹੈ। ਅਜਿਹੀ ਸਥਿਤੀ ਵਿੱਚ, ਤੁਹਾਨੂੰ ਮਹੀਨੇ ਵਿੱਚ ਇੱਕ ਵਾਰ ਇਨਵਰਟਰ ਦੇ ਪਾਣੀ ਦਾ ਪੱਧਰ ਜ਼ਰੂਰ ਚੈੱਕ ਕਰਨਾ ਚਾਹੀਦਾ ਹੈ। ਜੇਕਰ ਇੰਡੀਕੇਟਰ ਡਾਊਨ ਹੈ, ਤਾਂ ਤੁਹਾਨੂੰ ਬੈਟਰੀ ਵਿੱਚ ਧਿਆਨ ਨਾਲ ਪਾਣੀ ਪਾਉਣਾ ਚਾਹੀਦਾ ਹੈ। ਜਦੋਂ ਵੀ ਤੁਸੀਂ ਆਪਣੇ ਇਨਵਰਟਰ ਦੀ ਬੈਟਰੀ ਵਿੱਚ ਪਾਣੀ ਪਾਉਂਦੇ ਹੋ ਤਾਂ ਤੁਹਾਨੂੰ ਕੁਝ ਸਾਵਧਾਨੀਆਂ ਵਰਤਣੀਆਂ ਚਾਹੀਦੀਆਂ ਹਨ।

ਇਹ ਵੀ ਪੜ੍ਹੋ: Vegetable price: ਖੇਤ ਤੋਂ ਰਸੋਈ ਤੱਕ ਪਹੁੰਚਦੇ ਸਬਜ਼ੀਆਂ ਦੇ ਰੇਟ ਕਿਉਂ ਹੋ ਜਾਂਦੇ 10 ਤੋਂ ਵਧ ਕੇ 100 ਰੁਪਏ?

ਉਦਾਹਰਨ ਲਈ ਬੈਟਰੀ ਵਿੱਚ ਪਾਣੀ ਪਾਉਂਦੇ ਸਮੇਂ, ਇਨਵਰਟਰ ਨੂੰ ਬੰਦ ਕਰੋ ਤੇ ਇਸ ਦੇ ਸਾਕਟ ਨੂੰ ਅਨਪਲੱਗ ਕਰੋ। ਪਾਣੀ ਪਾਉਣ ਲਈ ਪਲਾਸਟਿਕ ਦੇ ਛੋਟੇ ਭਾਂਡੇ ਜਾਂ ਬੋਤਲ ਦੀ ਵਰਤੋਂ ਕਰੋ। ਇੱਕ ਹੋਰ ਗੱਲ ਜੋ ਧਿਆਨ ਵਿੱਚ ਰੱਖਣੀ ਚਾਹੀਦੀ ਹੈ, ਉਹ ਇਹ ਹੈ ਕਿ ਪਾਣੀ ਪਾਉਣ ਲਈ ਜਗ੍ਹਾ ਨੂੰ ਪੂਰੀ ਤਰ੍ਹਾਂ ਨਾ ਭਰੋ। ਇਸ ਵਿੱਚ ਕੁਝ ਥਾਂ ਛੱਡੋ। ਇਸ ਨੂੰ ਕਰੀਬ 90 ਫੀਸਦੀ ਤੱਕ ਭਰਨ 'ਚ ਕੋਈ ਦਿੱਕਤ ਨਹੀਂ। ਸਿਖਰ 'ਤੇ ਭਰੇ ਜਾਣ 'ਤੇ ਇੰਡੀਕੇਟਰ ਲਗਾਉਣ ਵੇਲੇ ਪਾਣੀ ਬਾਹਰ ਨਿਕਲਣਾ ਸ਼ੁਰੂ ਹੋ ਜਾਵੇਗਾ ਤੇ ਇਸ ਨਾਲ ਬਿਜਲੀ ਦਾ ਝਟਕਾ ਵੀ ਲੱਗ ਸਕਦਾ ਹੈ।

ਇਹ ਵੀ ਪੜ੍ਹੋ: Viral News: ਔਰਤ ਨੇ ਚਬਾ ਲਈ ਸਲਾਦ 'ਚ ਪਈ ਮਨੁੱਖੀ ਉਂਗਲੀ, ਰੈਸਟੋਰੈਂਟ 'ਤੇ ਮਾਮਲਾ ਦਰਜ, ਸੱਚ ਜਾਣ ਕੇ ਹੋ ਜਾਓਗੇ ਹੈਰਾਨ