ਮੋਬਾਈਲ ਸਕਿੰਟਾਂ 'ਚ ਚਾਰਜ ਕਰਨ ਦਾ ਤਰੀਕਾ ਸਿੱਖੋ….

ਉਹ ਦਿਨ ਦੂਰ ਨਹੀਂ ਜਦੋਂ ਤੁਸੀਂ ਆਪਣੇ ਸਮਾਰਟਫੋਨ ਨੂੰ ਮਹਿਜ਼ ਕੁਝ ਸਕਿੰਟਾਂ ਵਿਚ ਹੀ ਚਾਰਜ ਕਰ ਸਕੋਗੇ। ਵਿਗਿਆਨਕਾਂ ਨੇ ਅਜਿਹੀ ਨਵੀਂ ਤਕਨੀਕ ਦੀ ਖੋਜ ਕੀਤੀ ਹੈ ਜਿਸ ਨਾਲ ਇਹ ਸੰਭਵ ਹੋ ਸਕੇਗਾ।

ਟੋਰਾਂਟੋ: ਉਹ ਦਿਨ ਦੂਰ ਨਹੀਂ ਜਦੋਂ ਤੁਸੀਂ ਆਪਣੇ ਸਮਾਰਟਫੋਨ ਨੂੰ ਮਹਿਜ਼ ਕੁਝ ਸਕਿੰਟਾਂ ਵਿਚ ਹੀ ਚਾਰਜ ਕਰ ਸਕੋਗੇ। ਵਿਗਿਆਨਕਾਂ ਨੇ ਅਜਿਹੀ ਨਵੀਂ ਤਕਨੀਕ ਦੀ ਖੋਜ ਕੀਤੀ ਹੈ ਜਿਸ ਨਾਲ ਇਹ ਸੰਭਵ ਹੋ ਸਕੇਗਾ। ਇਸ ਤਕਨੀਕ ਨਾਲ ਊਰਜਾ ਸੰਗ੍ਰਹਿ ਕਰਨ ਦੀ ਡਿਵਾਈਸ ਦੀ ਸਮਰੱਥਾ ਵਿਚ ਜ਼ਿਕਰਯੋਗ ਸੁਧਾਰ ਕੀਤਾ ਜਾ ਸਕਦਾ ਹੈ। ਇਸ ਤਰ੍ਹਾਂ ਦੀ ਡਿਵਾਈਸ ਸੁਪਰ ਕੈਪੇਸੀਟਰਸ ਵਜੋਂ ਜਾਣੀ ਜਾਂਦੀ ਹੈ।

ਖੋਜਕਰਤਾਵਾਂ ਦਾ ਕਹਿਣਾ ਹੈ ਕਿ ਇਸ ਤਕਨੀਕ ਨਾਲ ਡਿਜ਼ਾਈਨ ਦੀ ਊਰਜਾ ਸੰਗ੍ਰਹਿ ਦੀ ਸਮਰੱਥਾ ਦੋਗੁਣੀ ਹੋਣ ਦੇ ਨਾਲ ਹੀ ਉਹ ਫਟਾਫਟ ਚਾਰਜ ਵੀ ਹੋ ਸਕਦੀ ਹੈ। ਇਸ ਖੋਜ ਨਾਲ ਸਮਾਰਟਫੋਨ, ਲੈਪਟਾਪ ਅਤੇ ਇਲੈਕਟ੍ਰਿਕ ਵਾਹਨਾਂ ਤੋਂ ਲੈ ਕੇ ਹਰ ਚੀਜ਼ ਵਿਚ ਇਸ ਦੇ ਇਸਤੇਮਾਲ ਦੀ ਰਾਹ ਖੁੱਲ ਸਕਦੀ ਹੈ। ਕੈਨੇਡਾ ਦੀ ਵਾਟਰਲੂ ਯੂਨੀਵਰਸਿਟੀ ਦੇ ਪ੍ਰੋਫੈਸਰ ਮਾਈਕਲ ਪੋਪ ਨੇ ਕਿਹਾ ਕਿ ਸੁਪਰ ਕੈਪੇਸੀਟਰਸ ਨੂੰ ਪ੍ਰੰਪਰਿਕ ਬੈਟਰੀਆਂ ਦੇ ਬਦਲ ਵਜੋਂ ਵਾਤਾਵਰਣ ਦੇ ਅਨੁਕੂਲ ਮੰਨਿਆ ਜਾਂਦਾ ਹੈ।

ਇਨ੍ਹਾਂ ਵਿਚ ਸੁਧਾਰ, ਸੁਰੱਖਿਆ ਅਤੇ ਫਟਾਫਟ ਚਾਰਜ ਹੋਣ ਦੀਆਂ ਭਰਪੂਰ ਸੰਭਾਵਨਾਵਾਂ ਹਨ। ਹਾਲਾਂਕਿ ਨਿਮਨ ਸੰਗ੍ਰਹਿ ਸਮਰੱਥਾ ਕਾਰਨ ਉਪਕਰਣਾਂ ਵਿਚ ਮੌਜੂਦਾ ਸੁਪਰ ਕੈਪੇਸੀਟਰਸ ਦੀ ਵਰਤੋਂ ਸੀਮਤ ਹੈ। ਪੋਪ ਅਤੇ ਉਨ੍ਹਾਂ ਦੇ ਸਾਥੀਆਂ ਨੇ ਸੁਪਰ ਕੈਪੇਸੀਟਰਸ ਦੀ ਸਮਰੱਥਾ ਵਧਾਉਣ ਲਈ ਨਵੀਂ ਵਿਧੀ ਅਪਣਾਈ। ਉਨ੍ਹਾਂ ਨੇ ਇਸ ਦੇ ਇਲੈਕਟ੍ਰੋਡ 'ਤੇ ਆਇਲੀ ਲਿਕਵਿਡ ਸਾਲਟ ਦੇ ਨਾਲ ਗ੍ਰੈਫੀਨ ਨਾਮਕ ਕੰਡਕਟਰ ਦੀ ਪਤਲੀ ਪਰਤ ਚੜ੍ਹਾਈ। ਇਹ ਲਿਕਵਿਡ ਸਾਲਟ ਗ੍ਰੈਫੀਨ ਦੀਆਂ ਪਤਲੀਆਂ ਪਰਤਾਂ ਵਿਚ ਅੰਤਰ ਰੱਖਣ ਦਾ ਕੰਮ ਕਰਦਾ ਹੈ। ਇਸ ਨਾਲ ਸਤਹਿ ਦੇ ਇਲਾਕੇ ਵਿਚ ਜ਼ਿਕਰਯੋਗ ਵਾਧਾ ਹੋ ਜਾਂਦਾ ਹੈ। ਇਹ ਅਧਿਕਤਮ ਊਰਜਾ ਸੰਗ੍ਰਹਿ ਦੀ ਸਮਰੱਥਾ ਲਈ ਮਹੱਤਵਪੂਰਣ ਹੈ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin