iPhone 15 'ਚ ਨਹੀਂ ਮਿਲੇਗੀ ਸਿਮ ਕਾਰਡ ਟ੍ਰੇ, ਇਸ ਤਰ੍ਹਾਂ ਚਲਾਉਣਾ ਪਵੇਗਾ ਕੰਮ
ਫਿਜੀਕਲ ਸਿਮ ਕਾਰਡ ਈ-ਸਿਮ ਨਾਲੋਂ ਘੱਟ ਸੁਰੱਖਿਅਤ ਹਨ। ਜੇਕਰ ਕਦੇ ਤੁਹਾਡਾ iPhone ਗੁੰਮ ਹੋ ਜਾਂਦਾ ਹੈ ਅਤੇ ਉਸ 'ਚ ਫਿਜ਼ੀਕਲ ਸਿਮ ਕਾਰਡ ਹੈ ਤਾਂ ਕੋਈ ਵੀ ਇਸ ਦੀ ਗਲਤ ਵਰਤੋਂ ਕਰ ਸਕਦਾ ਹੈ। ਪਰ ਈ-ਸਿਮ 'ਚ ਇਹ ਸੰਭਵ ਨਹੀਂ ਹੈ।
iPhone 15: ਐਪਲ ਦੇ ਆਈਫੋਨ 15 ਬਾਰੇ ਹੁਣ ਤੱਕ ਕਈ ਜਾਣਕਾਰੀਆਂ ਸਾਹਮਣੇ ਆ ਚੁੱਕੀਆਂ ਹਨ। ਐਪਲ ਇਸ ਸਾਲ ਦੇ ਅੰਤ ਤੱਕ ਇਸ ਫ਼ੋਨ ਨੂੰ ਲਾਂਚ ਕਰ ਸਕਦੀ ਹੈ। ਇਸ ਦੌਰਾਨ MacRumours ਦੀ ਇੱਕ ਰਿਪੋਰਟ 'ਚ ਇਹ ਕਿਹਾ ਗਿਆ ਹੈ ਕਿ ਐਪਲ ਆਈਫੋਨ 15 ਤੋਂ ਸਿਮ ਕਾਰਡ ਟ੍ਰੇ ਨੂੰ ਪੂਰੀ ਤਰ੍ਹਾਂ ਹਟਾ ਸਕਦਾ ਹੈ। ਮਤਲਬ ਤੁਹਾਨੂੰ ਇਸ 'ਚ ਸਿਮ ਕਾਰਡ ਟ੍ਰੇ ਦਾ ਆਪਸ਼ਨ ਨਹੀਂ ਮਿਲੇਗਾ ਅਤੇ ਤੁਹਾਨੂੰ ਈ-ਸਿਮ ਨਾਲ ਕੰਮ ਚਲਾਉਣਾ ਹੋਵੇਗਾ। ਇਸ ਤਰ੍ਹਾਂ ਦਾ iPhone ਕੰਪਨੀ ਪਹਿਲਾਂ ਹੀ ਅਮਰੀਕਾ 'ਚ ਵੇਚਦੀ ਹੈ। ਹੁਣ ਕੰਪਨੀ ਇਸ ਫੀਚਰ ਨੂੰ ਫਰਾਂਸ ਅਤੇ ਯੂਰਪੀ ਦੇਸ਼ਾਂ 'ਚ ਵੀ ਲਾਗੂ ਕਰਨ ਜਾ ਰਹੀ ਹੈ।
ਆਖ਼ਰਕਾਰ ਫ਼ੋਨ ਤੋਂ ਸਿਮ ਕਾਰਡ ਟ੍ਰੇ ਨੂੰ ਕਿਉਂ ਹਟਾਇਆ ਜਾ ਰਿਹਾ ਹੈ?
ਜਿਵੇਂ ਕਿ ਤੁਸੀਂ ਸਾਰੇ ਜਾਣਦੇ ਹੋ ਕਿ ਐਪਲ ਦੇ ਫੋਨ ਆਪਣੀ ਸੁਰੱਖਿਆ ਅਤੇ ਪ੍ਰੀਮੀਅਮ ਵਿਸ਼ੇਸ਼ਤਾਵਾਂ ਲਈ ਦੁਨੀਆ ਭਰ 'ਚ ਜਾਣੇ ਜਾਂਦੇ ਹਨ। ਫਿਜੀਕਲ ਸਿਮ ਕਾਰਡ ਈ-ਸਿਮ ਨਾਲੋਂ ਘੱਟ ਸੁਰੱਖਿਅਤ ਹਨ। ਜੇਕਰ ਕਦੇ ਤੁਹਾਡਾ iPhone ਗੁੰਮ ਹੋ ਜਾਂਦਾ ਹੈ ਅਤੇ ਉਸ 'ਚ ਫਿਜ਼ੀਕਲ ਸਿਮ ਕਾਰਡ ਹੈ ਤਾਂ ਕੋਈ ਵੀ ਇਸ ਦੀ ਗਲਤ ਵਰਤੋਂ ਕਰ ਸਕਦਾ ਹੈ। ਪਰ ਈ-ਸਿਮ 'ਚ ਇਹ ਸੰਭਵ ਨਹੀਂ ਹੈ। ਈ-ਸਿਮ ਦਾ ਡਾਟਾ ਫ਼ੋਨ ਦੇ ਅੰਦਰ ਹੀ ਸੇਵ ਹੁੰਦਾ ਹੈ ਜਿਸ ਨੂੰ ਕੋਈ ਵੀ ਐਕਸੈਸ ਨਹੀਂ ਕਰ ਸਕਦਾ। ਮੌਜੂਦਾ ਸਮੇਂ 'ਚ ਈ-ਸਿਮ ਵਾਲੇ iPhone ਸਿਰਫ਼ ਅਮਰੀਕਾ 'ਚ ਹੀ ਵਿਕਦੇ ਹਨ, ਜਿਨ੍ਹਾਂ ਨੂੰ ਹੁਣ ਕੰਪਨੀ ਦੂਜੇ ਦੇਸ਼ਾਂ 'ਚ ਵੀ ਵੇਚਣਾ ਸ਼ੁਰੂ ਕਰ ਸਕਦੀ ਹੈ।
ਕੀ ਸਿਮ ਕਾਰਡ ਟ੍ਰੇ ਤੋਂ ਬਿਨਾਂ iPhone 15 ਵੀ ਭਾਰਤ 'ਚ ਆਵੇਗਾ?
ਖ਼ਬਰ ਪੜ੍ਹਨ ਤੋਂ ਬਾਅਦ ਤੁਹਾਡੇ ਦਿਮਾਗ 'ਚ ਸਭ ਤੋਂ ਵੱਡਾ ਸਵਾਲ ਇਹ ਹੋਵੇਗਾ ਕਿ ਕੀ ਸਿਮ ਕਾਰਡ ਟ੍ਰੇ ਦੇ ਬਗੈਰ ਵਾਲਾ iPhone 15 ਭਾਰਤ 'ਚ ਵੀ ਆਵੇਗਾ? ਮੌਜੂਦਾ ਅਪਡੇਟ ਅਨੁਸਾਰ ਈ-ਸਿਮ ਵਾਲੇ iPhone ਨੂੰ ਸਿਰਫ਼ ਅਮਰੀਕਾ, ਫਰਾਂਸ ਅਤੇ ਕੁਝ ਯੂਰਪੀਅਨ ਦੇਸ਼ਾਂ 'ਚ ਹੀ ਲਾਂਚ ਕੀਤਾ ਜਾਵੇਗਾ। ਭਾਰਤ 'ਚ ਕੰਪਨੀ ਸਿਮ ਕਾਰਡ ਟ੍ਰੇ ਵਾਲੇ iPhone ਲਾਂਚ ਕਰੇਗੀ। ਅਜਿਹਾ ਇਸ ਲਈ ਕਿਉਂਕਿ ਭਾਰਤ 'ਚ ਈ-ਸਿਮ ਕਾਰਡ ਇੰਨਾ ਮਸ਼ਹੂਰ ਨਹੀਂ ਹੈ ਅਤੇ ਐਪਲ ਬਾਜ਼ਾਰ 'ਤੇ ਨਜ਼ਰ ਮਾਰਨ ਤੋਂ ਬਾਅਦ ਹੀ ਫ਼ੋਨ ਰਿਲੀਜ਼ ਕਰੇਗਾ।
iPhone 15 'ਚ ਇਹ ਵੱਡੇ ਬਦਲਾਅ ਦੇਖਣ ਨੂੰ ਮਿਲਣਗੇ
iPhone 15 'ਚ ਯੂਜ਼ਰਸ ਨੂੰ USB Type-C ਪੋਰਟ ਅਤੇ ਪੰਚ ਹੋਲ ਡਿਸਪਲੇ ਡਿਜ਼ਾਈਨ ਮਿਲੇਗਾ। ਇਸ ਦੇ ਨਾਲ ਹੀ ਆਈਫੋਨ 15 ਦੇ ਸਾਰੇ ਮਾਡਲਾਂ 'ਚ ਡਾਇਨਾਮਿਕ ਆਈਲੈਂਡ ਫੀਚਰ ਵੀ ਉਪਲੱਬਧ ਹੋਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
