ਸਸਤੇ ਦੇ ਲਾਲਚ ‘ਚ ਸੇਲ ‘ਚ ਲੈ ਲਿਆ iPhone, ਕਿਤੇ ਨਕਲੀ ਤਾਂ ਨਹੀਂ? ਇਦਾਂ ਕਰੋ ਪਛਾਣ
ਜੇਕਰ ਤੁਸੀਂ ਫਲਿੱਪਕਾਰਟ ਜਾਂ ਐਮਾਜ਼ਾਨ ਸੇਲ ਤੋਂ ਆਈਫੋਨ ਖਰੀਦਿਆ ਹੈ ਅਤੇ ਤੁਹਾਨੂੰ ਸ਼ੱਕ ਹੋ ਰਿਹਾ ਹੈ ਕਿ ਅਸਲੀ ਹੈ ਜਾਂ ਨਕਲੀ? ਤਾਂ ਅਸੀਂ ਤੁਹਾਨੂੰ ਦੱਸਾਂਗੇ ਕੁਝ ਆਸਾਨ ਤਰੀਕੇ।
ਐਮਾਜ਼ਾਨ ਅਤੇ ਫਲਿੱਪਕਾਰਟ ਸੇਲ ਦੌਰਾਨ ਮੋਬਾਈਲ ਫੋਨਾਂ 'ਤੇ ਜ਼ਬਰਦਸਤ ਡੀਲ ਚੱਲ ਰਹੀ ਹੈ। iPhone 16 Pro Max ਵਰਗੇ ਮਹਿੰਗੇ ਮਾਡਲਸ 'ਤੇ ਵੀ ਕਾਫ਼ੀ ਛੋਟ ਮਿਲ ਰਹੀ ਹੈ, ਜਿਸ ਕਾਰਨ ਵੱਡੀ ਗਿਣਤੀ ਵਿੱਚ ਲੋਕ ਉਨ੍ਹਾਂ ਨੂੰ ਆਰਡਰ ਕਰ ਰਹੇ ਹਨ। ਅਕਸਰ ਲੋਕ ਹੈਰਾਨ ਹੁੰਦੇ ਹਨ ਕਿ ਇੰਨਾ ਮਹਿੰਗਾ ਫੋਨ ਸਸਤੇ ਵਿੱਚ ਮਿਲ ਰਿਹਾ ਹੈ ਕਿਤੇ ਇਹ ਨਕਲੀ ਤਾਂ ਨਹੀਂ ਹੈ। ਤਾਂ ਇਸ ਕਰਕੇ ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਤੁਸੀਂ ਇਸ ਦੀ ਕਿਵੇਂ ਪਛਾਣ ਕਰ ਸਕਦੇ ਹੋ।
ਆਈਫੋਨ ਦੀ ਡਿਲੀਵਰੀ ਲੈਣ ਵੇਲੇ ਪਹਿਲਾਂ ਇਸ ਦਾ ਸੀਰੀਅਲ ਨੰਬਰ ਚੈੱਕ ਕਰੋ। ਅਜਿਹਾ ਕਰਨ ਲਈ ਐਪਲ ਦੀ ਅਧਿਕਾਰਤ ਵੈੱਬਸਾਈਟ ਖੋਲ੍ਹੋ ਅਤੇ ਬਾਕਸ 'ਤੇ ਲਿਖਿਆ ਸੀਰੀਅਲ ਨੰਬਰ ਪਾਓ। ਇਸ ਨਾਲ ਤੁਹਾਨੂੰ ਪਤਾ ਲੱਗੇਗਾ ਕਿ ਤੁਹਾਡੇ ਕੋਲ ਜਿਹੜਾ ਆਈਫੋਨ ਹੈ ਉਹ ਅਸਲੀ ਹੈ ਜਾਂ ਨਕਲੀ। ਇਸ ਤੋਂ ਇਲਾਵਾ, ਜੇਕਰ ਵੈੱਬਸਾਈਟ "ਡਿਵਾਈਸ ਨੋਟ ਐਕਟੀਵੇਟਿਡ" ਕਹਿੰਦੀ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਤੁਹਾਡਾ ਆਈਫੋਨ ਅਸਲੀ ਅਤੇ ਬਿਲਕੁਲ ਨਵਾਂ ਹੈ। ਇਸੇ ਤਰ੍ਹਾਂ, IMEI ਨੰਬਰ ਦੀ ਵਰਤੋਂ ਫੋਨ ਦੀ ਪਛਾਣ ਕਰਨ ਲਈ ਵੀ ਕੀਤੀ ਜਾ ਸਕਦੀ ਹੈ।
ਬਣਾਵਟ ਅਤੇ ਆਪਰੇਟਿੰਗ ਸਿਸਟਮ
ਤੁਸੀਂ ਫ਼ੋਨ ਦੇ ਮਾਡਲ ਨੰਬਰ ਨੂੰ ਦੇਖ ਕੇ ਇਹ ਵੀ ਪਤਾ ਲਗਾ ਸਕਦੇ ਹੋ ਕਿ ਤੁਹਾਨੂੰ ਮਿਲਿਆ ਆਈਫੋਨ ਨਵਾਂ ਹੈ ਜਾਂ ਪੁਰਾਣਾ। ਦਰਅਸਲ, ਮਾਡਲ ਨੰਬਰ ਦੇ ਅੱਗੇ ਜਿਹੜੇ ਕੋਡ ਹੁੰਦੇ ਹਨ, ਉਸ ਨਾਲ ਫ਼ੋਨ ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ ਪਤਾ ਲੱਗਦਾ ਹੈ। ਉਦਾਹਰਣ ਦੇ ਤੌਰ 'ਤੇ ਜੇਕਰ iPhone ਦਾ ਮਾਡਲ ਨੰਬਰ M ਨਾਲ ਸ਼ੁਰੂ ਹੁੰਦਾ ਹੈ, ਤਾਂ ਇਸਦਾ ਮਤਲਬ ਹੈ ਕਿ ਇਹ ਬਿਲਕੁਲ ਨਵਾਂ ਹੈ। ਸ਼ੁਰੂਆਤੀ ਅੱਖਰ F ਦਾ ਅਰਥ ਹੈ ਨਵੀਨੀਕਰਨ, N ਦਾ ਅਰਥ ਹੈ ਰਿਪਲੇਸਮੈਂਟ ਡਿਵਾਈਸ, ਅਤੇ P ਦਾ ਅਰਥ ਹੈ ਪਰਸਨਲਾਈਜ਼ਡ ਡਿਵਾਈਸ।
ਨਵੇਂ ਆਈਫੋਨ ਬਿਲਕੁਲ ਪ੍ਰੀਮੀਅਮ ਦਿਖਾਈ ਦਿੰਦੇ ਹਨ ਅਤੇ ਸ਼ਾਨਦਾਰ ਫਿਨਿਸ਼ਿੰਗ ਦੇ ਨਾਲ ਆਉਂਦੇ ਹਨ। ਫਿਨਿਸ਼ਿੰਗ ਨੂੰ ਨੇੜਿਓਂ ਦੇਖਣ ਨਾਲ ਪਤਾ ਲੱਗ ਸਕਦਾ ਹੈ ਕਿ ਆਈਫੋਨ ਨਵਾਂ ਹੈ ਜਾਂ ਪੁਰਾਣਾ। ਇਸ ਤੋਂ ਇਲਾਵਾ, ਤੁਸੀਂ ਇਸਦੇ ਓਪਰੇਟਿੰਗ ਸਿਸਟਮ ਨੂੰ ਦੇਖ ਕੇ ਇਹ ਵੀ ਪਤਾ ਲਗਾ ਸਕਦੇ ਹੋ ਕਿ ਕੋਈ ਫੋਨ ਅਸਲੀ ਹੈ ਜਾਂ ਨਕਲੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
