ਜ਼ਰੂਰੀ ਗੱਲ: ਇਹ ਪੰਜ ਸੰਕੇਤ ਦੱਸਦੇ ਹਨ, ਫਟਣ ਵਾਲਾ ਹੈ ਤੁਹਾਡਾ ਫ਼ੋਨ, ਨਾ ਕਰੋ ਨਜ਼ਰਅੰਦਾਜ਼
Smartphone Alert : ਹਰ ਸੀਜ਼ਨ 'ਚ ਸਮਾਰਟਫੋਨ 'ਚ ਅੱਗ ਅਤੇ ਧਮਾਕੇ ਦੀਆਂ ਖਬਰਾਂ ਆਉਂਦੀਆਂ ਰਹਿੰਦੀਆਂ ਹਨ ਪਰ ਗਰਮੀਆਂ ਦੇ ਮੌਸਮ 'ਚ ਇਨ੍ਹਾਂ ਦੀ ਗਿਣਤੀ ਵਧ ਜਾਂਦੀ ਹੈ। ਅਜਿਹਾ ਵੀ ਨਹੀਂ ਹੈ ਕਿ ਕਿਸੇ ਇਕ ਬ੍ਰਾਂਡ ਦੇ ਫੋਨ ਨੂੰ ਅੱਗ ਲੱਗਦੀ ਹੋਵੇ।
ਹਰ ਸੀਜ਼ਨ 'ਚ ਸਮਾਰਟਫੋਨ 'ਚ ਅੱਗ ਅਤੇ ਧਮਾਕੇ ਦੀਆਂ ਖਬਰਾਂ ਆਉਂਦੀਆਂ ਰਹਿੰਦੀਆਂ ਹਨ ਪਰ ਗਰਮੀਆਂ ਦੇ ਮੌਸਮ 'ਚ ਇਨ੍ਹਾਂ ਦੀ ਗਿਣਤੀ ਵਧ ਜਾਂਦੀ ਹੈ। ਅਜਿਹਾ ਵੀ ਨਹੀਂ ਹੈ ਕਿ ਕਿਸੇ ਇਕ ਬ੍ਰਾਂਡ ਦੇ ਫੋਨ ਨੂੰ ਅੱਗ ਲੱਗਦੀ ਹੋਵੇ। ਲਗਭਗ ਸਾਰੇ ਬ੍ਰਾਂਡ ਦੇ ਫ਼ੋਨ ਅੱਗ ਫੜ ਸਕਦੇ ਹਨ ਅਤੇ ਫ਼ੋਨ ਬੰਬ ਵਾਂਗ ਫਟ ਸਕਦਾ ਹੈ। ਗਰਮੀਆਂ ਵਿੱਚ ਸਮਾਰਟਫੋਨ ਦਾ ਖਾਸ ਖਿਆਲ ਰੱਖਣਾ ਪੈਂਦਾ ਹੈ। ਇੱਥੇ ਇੱਕ ਵੱਡਾ ਸਵਾਲ ਇਹ ਹੈ ਕਿ ਇਹ ਕਿਵੇਂ ਪਤਾ ਕਰੀਏ ਕਿ ਫੋਨ ਵਿੱਚ ਵਿਸਫੋਟ ਹੋਣ ਵਾਲਾ ਹੈ ਜਾਂ ਅੱਗ ਲੱਗਣ ਵਾਲੀ ਹੈ। ਆਓ ਜਾਣਦੇ ਹਾਂ 5 ਕਾਰਨ।
Battery Swelling
ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਤੁਹਾਡੇ ਫੋਨ ਦੀ ਬੈਟਰੀ ਵਿਚ ਸੋਜ ਆ ਗਈ ਹੈ ਜਾਂ ਤੁਹਾਨੂੰ ਫੋਨ ਦੇ ਪਿਛਲੇ ਪੈਨਲ 'ਤੇ ਕੋਈ ਉਭਾਰ ਨਜ਼ਰ ਆ ਰਿਹਾ ਹੈ, ਤਾਂ ਸਾਵਧਾਨ ਹੋ ਜਾਓ। ਅਜਿਹੇ 'ਚ ਬੈਟਰੀ ਦੇ ਫਟਣ ਦੀ ਸੰਭਾਵਨਾ ਬਹੁਤ ਜ਼ਿਆਦਾ ਹੈ।
ਫ਼ੋਨ ਓਵਰਹੀਟਿੰਗ
ਜੇਕਰ ਤੁਹਾਡਾ ਫ਼ੋਨ ਵਾਰ-ਵਾਰ ਗਰਮ ਹੋ ਰਿਹਾ ਹੈ ਤਾਂ ਤੁਰੰਤ ਇਸ ਨੂੰ ਸਰਵਿਸ ਸੈਂਟਰ ਲੈ ਜਾਓ। ਕਈ ਰਿਪੋਰਟਾਂ 'ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਸਮਾਰਟਫੋਨ ਫਟਣ ਤੋਂ ਪਹਿਲਾਂ ਗਰਮ ਹੋ ਜਾਂਦੇ ਹਨ ਜਾਂ ਜੋ ਸਮਾਰਟਫੋਨ ਗਰਮ ਹੁੰਦੇ ਹਨ ਉਨ੍ਹਾਂ ਦੇ ਫਟਣ ਦੀ ਸੰਭਾਵਨਾ ਜ਼ਿਆਦਾ ਹੁੰਦੀ ਹੈ।
ਫੋਨ ਨੂੰ ਗਰਮ ਜਗ੍ਹਾ 'ਤੇ ਚਾਰਜ ਨਾ ਕਰੋ
ਫ਼ੋਨ ਨੂੰ ਹਮੇਸ਼ਾ ਘੱਟ ਤਾਪਮਾਨ 'ਤੇ ਚਾਰਜ ਕਰੋ, ਕਿਉਂਕਿ ਚਾਰਜਿੰਗ ਦੌਰਾਨ ਫ਼ੋਨ ਥੋੜ੍ਹਾ ਗਰਮ ਹੋ ਜਾਂਦਾ ਹੈ। ਫ਼ੋਨ ਨੂੰ ਕਦੇ ਵੀ ਫਰਿੱਜ ਦੇ ਉੱਪਰ ਰੱਖ ਕੇ ਚਾਰਜ ਨਾ ਕਰੋ। ਇਸ ਲਈ ਚਾਰਜ ਕਰਦੇ ਸਮੇਂ ਫੋਨ ਨੂੰ ਕਮਰੇ ਦੇ ਤਾਪਮਾਨ 'ਤੇ ਰੱਖੋ।
ਪਾਣੀ ਵਿੱਚ ਡਿੱਗ ਜਾਣ 'ਤੇ ਮਕੈਨਿਕ ਨਾਲ ਸੰਪਰਕ ਕਰੋ
ਕਈ ਵਾਰ ਜੇਕਰ ਕਿਸੇ ਕਾਰਨ ਫੋਨ ਪਾਣੀ ਵਿਚ ਡਿੱਗ ਜਾਵੇ ਤਾਂ ਅਸੀਂ ਖੁਦ ਮਕੈਨਿਕ ਬਣ ਕੇ ਉਸ ਨੂੰ ਠੀਕ ਕਰਨਾ ਸ਼ੁਰੂ ਕਰ ਦਿੰਦੇ ਹਾਂ, ਜੋ ਕਿ ਗਲਤ ਹੈ। ਪਾਣੀ 'ਚ ਡਿੱਗਣ ਨਾਲ ਫੋਨ 'ਚ ਕਈ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ। ਬੈਟਰੀ ਵਿੱਚ ਸ਼ਾਰਟ ਸਰਕਟ ਵੀ ਹੋ ਸਕਦਾ ਹੈ। ਘਰ ਵਿੱਚ ਫ਼ੋਨ ਦੀ ਮੁਰੰਮਤ ਕਰਨ ਤੋਂ ਬਚੋ।
ਫ਼ੋਨ ਨੂੰ ਵਾਰ-ਵਾਰ ਡਿੱਗਣ ਤੋਂ ਬਚਾਓ
ਫੋਨ ਦੇ ਵਾਰ-ਵਾਰ ਡਿੱਗਣ ਨਾਲ ਵੀ ਬੈਟਰੀ ਖਰਾਬ ਹੋ ਜਾਂਦੀ ਹੈ ਅਤੇ ਇਸ ਤੋਂ ਬਾਅਦ ਅੱਗ ਲੱਗ ਸਕਦੀ ਹੈ। ਅਜਿਹੀ ਸਥਿਤੀ ਵਿੱਚ, ਆਪਣੇ ਫ਼ੋਨ ਦਾ ਧਿਆਨ ਰੱਖੋ ਅਤੇ ਇਸਨੂੰ ਡਿੱਗਣ ਤੋਂ ਬਚਾਓ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
