iPhone on EMI: ਦਿਖਾਵੇ ਨੇ ਕਰਜ਼ਾਈ ਬਣਾਏ ਨੌਜਵਾਨ ! EMI 'ਤੇ ਵੇਚੇ ਜਾ ਰਹੇ ਨੇ 10 ਵਿੱਚੋਂ 7 iPhone
iPhone on EMI: ਭਾਰਤ ਵਿੱਚ ਵਿਕਣ ਵਾਲੇ ਹਰ 10 ਵਿੱਚੋਂ 7 ਆਈਫੋਨ ਲੋਨ ਯਾਨੀ ਈਐਮਆਈ ਉੱਤੇ ਖਰੀਦੇ ਜਾ ਰਹੇ ਹਨ। ਇੱਕ ਰਿਪੋਰਟ ਤੋਂ ਇਹ ਖੁਲਾਸਾ ਹੋਇਆ ਹੈ।
ਭਾਰਤ ਵਿੱਚ ਆਈਫੋਨ ਰੱਖਣ ਵਾਲੇ ਲੋਕਾਂ ਦੀ ਗਿਣਤੀ ਦਿਨੋ-ਦਿਨ ਵੱਧ ਰਹੀ ਹੈ। ਇਸ ਦਾ ਅਸਰ ਐਪਲ ਦੇ ਭਾਰਤ ਬਾਜ਼ਾਰ ਦੀ ਆਮਦਨ 'ਤੇ ਵੀ ਨਜ਼ਰ ਆ ਰਿਹਾ ਹੈ। ਵਿੱਤੀ ਸਾਲ 2022 'ਚ ਭਾਰਤ 'ਚ ਕੰਪਨੀ ਦੀ ਕਮਾਈ 45 ਫੀਸਦੀ ਵਧ ਕੇ 4 ਅਰਬ ਡਾਲਰ ਯਾਨੀ 33,000 ਕਰੋੜ ਰੁਪਏ 'ਤੇ ਪਹੁੰਚ ਗਈ ਹੈ। ਐਪਲ ਦੇ ਸੀਈਓ ਟਿਮ ਕੁੱਕ ਨੇ ਦੱਸਿਆ ਸੀ ਕਿ ਵਿੱਤੀ ਸਾਲ 2022 ਦੀ ਆਖਰੀ ਤਿਮਾਹੀ ਵਿੱਚ ਭਾਰਤ ਵਿੱਚ ਆਈਫੋਨ ਦੀ ਸਭ ਤੋਂ ਵੱਧ ਵਿਕਰੀ ਦਰਜ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ ਕੰਪਨੀ ਨੇ ਆਈਫੋਨ ਦੀ ਵਿਕਰੀ ਬਾਰੇ ਵੀ ਦੋਹਰੇ ਅੰਕਾਂ ਵਿੱਚ ਜਾਣਕਾਰੀ ਸਾਂਝੀ ਕੀਤੀ ਸੀ।
ਭਾਰਤ ਵਿੱਚ ਆਈਫੋਨ ਦੀ ਵਿਕਰੀ ਕਿਉਂ ਵਧ ਰਹੀ ?
ਸਾਲ 2021 'ਚ ਭਾਰਤ 'ਚ 48 ਲੱਖ ਆਈਫੋਨ ਵੇਚੇ ਗਏ ਸਨ, ਜੋ ਸਾਲ 2020 ਦੇ ਮੁਕਾਬਲੇ 75 ਫੀਸਦੀ ਜ਼ਿਆਦਾ ਸਨ। ਸਾਲ 2022 ਵਿੱਚ ਦੇਸ਼ ਭਰ ਵਿੱਚ 70 ਲੱਖ ਤੋਂ ਵੱਧ ਆਈਫੋਨ ਵੇਚੇ ਗਏ ਹਨ। ਅਜਿਹੇ 'ਚ ਆਈਫੋਨ ਖਰੀਦਣ ਵਾਲੇ ਲੋਕਾਂ ਦੀ ਗਿਣਤੀ ਹਰ ਸਾਲ ਦੁੱਗਣੀ ਹੋ ਰਹੀ ਹੈ। ਸਾਲ 2018 ਤੱਕ ਦੇਸ਼ ਭਰ 'ਚ ਆਈਫੋਨ ਖਰੀਦਣ ਵਾਲਿਆਂ ਦੀ ਗਿਣਤੀ ਸਿਰਫ 20 ਲੱਖ ਸੀ। ਅਜਿਹੇ 'ਚ ਸਭ ਤੋਂ ਵੱਡਾ ਸਵਾਲ ਇਹ ਉੱਠਦਾ ਹੈ ਕਿ ਦੇਸ਼ 'ਚ ਆਈਫੋਨ ਦੀ ਵਿਕਰੀ 'ਚ ਅਚਾਨਕ ਵਾਧੇ ਦਾ ਮੁੱਖ ਕਾਰਨ ਕੀ ਹੈ।
ਆਈਫੋਨ ਸਿਰਫ 3,746 ਰੁਪਏ ਦੀ EMI 'ਤੇ ਉਪਲਬਧ
ਮੀਡੀਆ ਰਿਪੋਰਟਾਂ ਮੁਤਾਬਕ ਦੇਸ਼ 'ਚ ਵਿਕਣ ਵਾਲੇ ਹਰ 10 ਆਈਫੋਨ 'ਚੋਂ 7 ਈਐਮਆਈ 'ਤੇ ਖਰੀਦੇ ਜਾਂਦੇ ਹਨ। ਭਾਰਤ 'ਚ iPhone 14 ਦੀ ਕੀਮਤ 79,900 ਰੁਪਏ ਹੈ। ਹਾਲਾਂਕਿ, ਤੁਸੀਂ ਇਸਨੂੰ EMI 'ਤੇ ਐਪਲ ਸਟੋਰ ਤੋਂ ਸਿਰਫ 9,404 ਰੁਪਏ ਵਿੱਚ ਪ੍ਰਾਪਤ ਕਰ ਸਕਦੇ ਹੋ। ਇਸ ਤੋਂ ਇਲਾਵਾ ਦੇਸ਼ 'ਚ ਵੱਡੀ ਗਿਣਤੀ 'ਚ ਲੋਕ ਐਮਾਜ਼ਾਨ ਵਰਗੇ ਪਲੇਟਫਾਰਮ ਤੋਂ ਈਐੱਮਆਈ 'ਤੇ ਆਈਫੋਨ ਖਰੀਦ ਰਹੇ ਹਨ। Amazon ਗਾਹਕਾਂ ਨੂੰ iPhone 15 ਸਿਰਫ 3,746 ਰੁਪਏ ਦੀ ਸ਼ੁਰੂਆਤੀ ਦਰ 'ਤੇ ਵੇਚ ਰਿਹਾ ਹੈ।
ਐਪਲ ਨੇ ਪਿਛਲੇ ਕੁਝ ਸਾਲਾਂ 'ਚ ਭਾਰਤ 'ਚ ਬਾਜ਼ਾਰ ਦੇ ਵਿਸਥਾਰ ਲਈ ਆਪਣੀ ਰਣਨੀਤੀ 'ਚ ਵੱਡੇ ਬਦਲਾਅ ਕੀਤੇ ਹਨ। ਕੰਪਨੀ ਲੋਕਾਂ ਨੂੰ ਐਪਲ ਆਈਫੋਨ ਅਤੇ ਮੈਕਬੁੱਕ ਆਦਿ ਈਐਮਆਈ 'ਤੇ ਵੇਚ ਰਹੀ ਹੈ। ਅਜਿਹੇ 'ਚ ਐਪਲ ਨੇ ਉੱਚ ਆਮਦਨੀ ਵਾਲੇ ਸਮੂਹ ਦੇ ਵਿਦਿਆਰਥੀਆਂ ਤੱਕ ਪਹੁੰਚ ਕੀਤੀ ਹੈ। ਅੱਜ ਕੱਲ੍ਹ ਵਿਦਿਆਰਥੀ ਵੀ ਆਪਣੀ ਜੇਬ ਦੇ ਪੈਸੇ ਨਾਲ ਐਪਲ ਖਰੀਦ ਸਕਦੇ ਹਨ। ਪ੍ਰੀਮੀਅਮ ਬ੍ਰਾਂਡ ਹੋਣ ਦੇ ਬਾਵਜੂਦ, ਆਈਫੋਨ ਹੁਣ ਈਐਮਆਈ ਵਿਕਲਪ ਦੇ ਕਾਰਨ ਮੱਧ ਵਰਗ ਦੇ ਹੱਥਾਂ ਵਿੱਚ ਪਹੁੰਚ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
