ਸਿਰਫ 55 ਰੁਪਏ 'ਚ ਦੇਖ ਸਕੋਗੇ 1000 ਤੋਂ ਵੱਧ ਚੈਨਲ, ਆਹ ਕੰਪਨੀ ਲੈਕੇ ਆਈ ਜ਼ਬਰਦਸਤ ਪਲਾਨ; ਫਾਇਦੇ ਜਾਣ ਕੇ ਰਹਿ ਜਾਓਗੇ ਹੈਰਾਨ
JioTV Pro Pack: ਜੀਓ ਨੇ ਆਪਣੇ ਗਾਹਕਾਂ ਲਈ 55 ਰੁਪਏ ਦੇ ਨਵੇਂ ਪਲਾਨ ਦਾ ਐਲਾਨ ਕੀਤਾਆ ਹੈ। ਇਸ ਪਲਾਨ ਵਿੱਚ 16 ਭਾਸ਼ਾਵਾਂ ਦੇ 1,000 ਤੋਂ ਵੱਧ ਟੀਵੀ ਚੈਨਲਾਂ ਦੀ ਐਕਸੈਸ ਮਿਲੇਗੀ। ਇਸ ਪੈਕ ਦੀ ਵੈਲੀਡਿਟੀ 30 ਦਿਨ ਦੀ ਹੈ।
JioTV Pro Pack: ਤੁਹਾਨੂੰ ਆਪਣੇ ਫ਼ੋਨ 'ਤੇ ਇੰਟਰਟੇਨਮੈਂਟ ਦਾ ਪਿਟਾਰਾ ਖੋਲ੍ਹਣ ਲਈ ਕਿਸੇ ਮਹਿੰਗੇ ਰੀਚਾਰਜ ਪਲਾਨ ਦੀ ਲੋੜ ਨਹੀਂ ਹੈ। ਭਾਰਤ ਦੀ ਸਭ ਤੋਂ ਵੱਡੀ ਟੈਲੀਕਾਮ ਕੰਪਨੀ ਜੀਓ ਨੇ ਇੱਕ ਨਵਾਂ ਪੈਕ ਲਾਂਚ ਕੀਤਾ ਹੈ, ਜਿਸ ਨਾਲ ਤੁਸੀਂ ਪੂਰਾ ਦਿਨ ਫੋਨ ਨਾਲ ਚਿਪਕੇ ਰਹਿ ਸਕਦੇ ਹੋ। ਜੀਓ ਨੇ 55 ਰੁਪਏ ਵਾਲਾ ਇੱਕ ਨਵਾਂ ਪੈਕ ਲਾਂਚ ਕੀਤਾ ਹੈ, ਜੋ 1,000 ਤੋਂ ਵੱਧ ਚੈਨਲ ਪੇਸ਼ ਕਰਦਾ ਹੈ। ਇਹਨਾਂ ਵਿੱਚ ਮਿਊਜ਼ਿਕ, ਕਿਡਸ, ਲਾਈਫਸਟਾਈਲ, ਖ਼ਬਰਾਂ ਅਤੇ ਫਿਲਮਾਂ ਸਮੇਤ ਕਈ ਕਿਸਮ ਦੇ ਟੀਵੀ ਚੈਨਲ ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਮੋਬਾਈਲ ਉਪਭੋਗਤਾ 16 ਵੱਖ-ਵੱਖ ਭਾਸ਼ਾਵਾਂ ਅਤੇ 150 ਤੋਂ ਵੱਧ ਪ੍ਰੀਮੀਅਮ ਟੀਵੀ ਚੈਨਲਾਂ ਵਿੱਚ ਵੀ ਐਕਸੈਸ ਕਰ ਸਕਣਗੇ।
ਇਹ Jio ਪੈਕ 30 ਦਿਨਾਂ ਦੀ ਵੈਧਤਾ ਦੇ ਨਾਲ ਆਉਂਦਾ ਹੈ ਅਤੇ ਇਸਦੀ ਕੀਮਤ ₹55 ਹੋਵੇਗੀ। ਧਿਆਨ ਰੱਖੋ ਕਿ ਇਹ ਇੱਕ ਮਨੋਰੰਜਨ ਪੈਕ ਹੈ, ਇਸ ਨਾਲ ਕਾਲਿੰਗ, ਵੌਇਸ ਜਾਂ ਡੇਟਾ ਵਰਗੇ ਲਾਭ ਨਹੀਂ ਮਿਲਣਗੇ। ਤੁਹਾਡੇ Jio ਨੰਬਰ 'ਤੇ ਇੱਕ ਐਕਟਿਵ ਪਲਾਨ ਹੋਣਾ ਵੀ ਜ਼ਰੂਰੀ ਹੈ। ਇਸ ਤੋਂ ਬਿਨਾਂ 55 ਰੁਪਏ ਵਾਲੇ ਪੈਕ ਦੀ ਵਰਤੋਂ ਨਹੀਂ ਕਰ ਸਕੋਗੇ। ਇਹ ਪੈਕ Jio TV ਐਪ ਰਾਹੀਂ ਕੰਮ ਕਰਦਾ ਹੈ ਅਤੇ ਇਸਨੂੰ ਸਿਰਫ਼ ਇੱਕ ਡਿਵਾਈਸ 'ਤੇ ਵਰਤਿਆ ਜਾ ਸਕਦਾ ਹੈ।
ਇਸ ਪੈਕ ਦੇ ਫਾਇਦਿਆਂ ਦੀ ਗੱਲ ਕਰੀਏ ਤਾਂ ਤੁਹਾਨੂੰ ਸੋਨੀ ਐਂਟਰਟੇਨਮੈਂਟ, ਵਾਰਨਰ ਬ੍ਰੋਜ਼, ਡਿਸਕਵਰੀ ਅਤੇ ਜੀਓਸਟਾਰ ਵਰਗੇ ਚੈਨਲ ਮਿਲਣਗੇ। ਇਸ ਤੋਂ ਇਲਾਵਾ, ਤੁਹਾਨੂੰ ਸਟਾਰ ਪਲੱਸ, ਸੋਨੀ ਸਬ, ਸਨ ਟੀਵੀ, ਕਲਰਜ਼ ਐਚਡੀ ਅਤੇ ਹੋਰ ਬਹੁਤ ਸਾਰੇ ਚੈਨਲਾਂ ਤੱਕ ਦਾ ਐਕਸੈਸ ਮਿਲੇਗਾ। ਹਾਲਾਂਕਿ, ਇਹ ਧਿਆਨ ਦੇਣਾ ਮਹੱਤਵਪੂਰਨ ਹੈ ਕਿ ਇਹ ਪੈਕ ਸੋਨੀ ਜਾਂ ਜੀਓਸਟਾਰ ਦੇ ਕਿਸੇ ਵੀ ਸਪੋਰਟਸ ਚੈਨਲ ਤੱਕ ਪਹੁੰਚ ਪ੍ਰਦਾਨ ਨਹੀਂ ਕਰਦਾ ਹੈ। ਇਸ ਪੈਕ ਨੂੰ ਜੀਓ ਐਪ ਦੀ ਵਰਤੋਂ ਕਰਕੇ ਔਫਲਾਈਨ ਵੀ ਰੀਚਾਰਜ ਕੀਤਾ ਜਾ ਸਕਦਾ ਹੈ। ਰੀਚਾਰਜ ਕਰਨ ਤੋਂ ਬਾਅਦ, ਤੁਹਾਨੂੰ ਜੀਓ ਟੀਵੀ ਐਪ 'ਤੇ ਜਾ ਕੇ ਆਪਣੇ ਰਜਿਸਟਰਡ ਨੰਬਰ ਨਾਲ ਸਾਈਨ ਇਨ ਕਰਨ ਦੀ ਜ਼ਰੂਰਤ ਹੋਏਗੀ।
ਜੇਕਰ ਤੁਹਾਡੇ ਕੋਲ ਏਅਰਟੈੱਲ ਕਨੈਕਸ਼ਨ ਹੈ ਅਤੇ ਤੁਸੀਂ ਇੱਕ ਫੁੱਲ-ਆਨ ਐਂਟਰਟੇਨਮੈਂਟ ਪਲਾਨ ਲੱਭ ਰਹੇ ਹੋ, ਤਾਂ ਤੁਸੀਂ 838 ਰੁਪਏ ਵਾਲੇ ਪਲਾਨ ਦੀ ਚੋਣ ਕਰ ਸਕਦੇ ਹੋ। 56 ਦਿਨਾਂ ਦੀ ਵੈਲੀਡਿਟੇ ਦੇ ਨਾਲ ਤੁਹਾਨੂੰ ਰੋਜ਼ਾਨਾ 3GB, ਅਸੀਮਤ 5G ਡੇਟਾ, ਅਸੀਮਤ ਕਾਲਿੰਗ ਅਤੇ ਪ੍ਰਤੀ ਦਿਨ 100 SMS ਮਿਲਣਗੇ। ਵਾਧੂ ਲਾਭਾਂ ਵਿੱਚ 56 ਦਿਨਾਂ ਦੀ ਐਮਾਜ਼ਾਨ ਪ੍ਰਾਈਮ ਲਾਈਟ ਸਬਸਕ੍ਰਿਪਸ਼ਨ, ਏਅਰਟੈੱਲ ਐਕਸਸਟ੍ਰੀਮ ਪਲੇ ਸਬਸਕ੍ਰਿਪਸ਼ਨ ਦੇ ਹਿੱਸੇ ਵਜੋਂ ਸੋਨੀ ਲਿਵ ਸਮੇਤ 18 OTT ਪਲੇਟਫਾਰਮਾਂ ਤੱਕ ਪਹੁੰਚ, ਅਤੇ ਅਡੋਬ ਐਕਸਪ੍ਰੈਸ ਦੀ 12-ਮਹੀਨੇ ਦੀ ਪ੍ਰੀਮੀਅਮ ਸਬਸਕ੍ਰਿਪਸ਼ਨ ਸ਼ਾਮਲ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
