ਹੁਣ ਘਰ ਬੈਠਿਆਂ ਮਿਲੇਗੀ BSNL ਦੀ ਸਿਮ! ਖੁਦ ਕਰੋ KYC ਅਤੇ ਪਾਓ ਕੁਨੈਕਸ਼ਨ, ਜਾਣੋ ਪੂਰਾ ਪ੍ਰੋਸੈਸ
BSNL SIM: ਗਾਹਕਾਂ ਲਈ ਮੋਬਾਈਲ ਕਨੈਕਟੀਵਿਟੀ ਨੂੰ ਆਸਾਨ ਅਤੇ ਸੁਵਿਧਾਜਨਕ ਬਣਾਉਣ ਲਈ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਨੇ ਹਰ ਘਰ ਵਿੱਚ ਸਿਮ ਕਾਰਡ ਪਹੁੰਚਾਉਣ ਦੀ ਇੱਕ ਨਵੀਂ ਸਰਵਿਸ ਸ਼ੁਰੂ ਕੀਤੀ ਹੈ।
BSNL SIM: ਗਾਹਕਾਂ ਲਈ ਮੋਬਾਈਲ ਕਨੈਕਟੀਵਿਟੀ ਨੂੰ ਆਸਾਨ ਅਤੇ ਸੁਵਿਧਾਜਨਕ ਬਣਾਉਣ ਲਈ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਨੇ ਹਰ ਘਰ ਵਿੱਚ ਸਿਮ ਕਾਰਡ ਪਹੁੰਚਾਉਣ ਦੀ ਇੱਕ ਨਵੀਂ ਸਰਵਿਸ ਸ਼ੁਰੂ ਕੀਤੀ ਹੈ। ਹੁਣ ਗਾਹਕ ਘਰ ਬੈਠਿਆਂ ਹੀ ਔਨਲਾਈਨ ਪੋਰਟਲ ਰਾਹੀਂ ਨਵਾਂ ਪ੍ਰੀਪੇਡ ਜਾਂ ਪੋਸਟਪੇਡ ਸਿਮ ਆਰਡਰ ਕਰ ਸਕਦੇ ਹਨ ਅਤੇ ਇਸ ਲਈ ਉਨ੍ਹਾਂ ਨੂੰ ਕਿਸੇ ਵੀ ਦੁਕਾਨ 'ਤੇ ਜਾਣ ਦੀ ਜ਼ਰੂਰਤ ਨਹੀਂ ਪਵੇਗੀ।
ਇਸ ਸਰਵਿਸ ਦੀ ਸ਼ੁਰੂਆਤ ਦੇ ਨਾਲ, BSNL ਹੁਣ ਰਿਲਾਇੰਸ ਜੀਓ, ਏਅਰਟੈੱਲ ਅਤੇ ਵੋਡਾਫੋਨ ਆਈਡੀਆ ਵਰਗੀਆਂ ਨਿੱਜੀ ਕੰਪਨੀਆਂ ਦੀ ਕਤਾਰ ਵਿੱਚ ਸ਼ਾਮਲ ਹੋ ਗਿਆ ਹੈ ਜੋ ਪਹਿਲਾਂ ਹੀ ਡੋਰਸਟਾਪ ਸਿਮ ਡਿਲੀਵਰੀ ਕਰ ਰਹੀਆਂ ਹਨ। ਹਾਲਾਂਕਿ, BSNL ਨੇ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਕੀਤਾ ਹੈ ਕਿ ਇਹ ਸਹੂਲਤ ਮੁਫਤ ਹੋਵੇਗੀ ਜਾਂ ਨਹੀਂ, ਜਦੋਂ ਕਿ ਨਿੱਜੀ ਕੰਪਨੀਆਂ ਦੀਆਂ ਸੇਵਾਵਾਂ ਆਮ ਤੌਰ 'ਤੇ ਬਿਨਾਂ ਕਿਸੇ ਚਾਰਜ ਤੋਂ ਉਪਲਬਧ ਹੁੰਦੀਆਂ ਹਨ।
ਇਸ ਸਹੂਲਤ ਦਾ ਲਾਭ ਚੁੱਕਣ ਲਈ, ਉਪਭੋਗਤਾਵਾਂ ਨੂੰ BSNL ਦੇ ਇੱਕ ਵਿਸ਼ੇਸ਼ ਪੋਰਟਲ 'ਤੇ ਜਾਣਾ ਪਵੇਗਾ। ਉੱਥੇ ਉਹ ਇੱਕ ਨਵਾਂ ਮੋਬਾਈਲ ਨੰਬਰ ਲੈਣ ਜਾਂ ਮੌਜੂਦਾ ਨੰਬਰ ਨੂੰ BSNL ਨੈੱਟਵਰਕ 'ਚ ਪੋਰਟ ਕਰਨ ਦੀ ਚੋਣ ਕਰ ਸਕਦੇ ਹਨ। ਇਹ BSNL ਨੂੰ ਨਵੇਂ ਗਾਹਕਾਂ ਨੂੰ ਜੋੜਨ ਵਿੱਚ ਮਦਦ ਕਰੇਗਾ ਅਤੇ ਦੂਜੇ ਨੈੱਟਵਰਕਾਂ ਦੇ ਉਪਭੋਗਤਾਵਾਂ ਲਈ ਸਵਿਚ ਕਰਨਾ ਵੀ ਆਸਾਨ ਬਣਾ ਦੇਵੇਗਾ।
ਪ੍ਰਕਿਰਿਆ ਦੀ ਸ਼ੁਰੂਆਤ ਇੱਕ ਸਧਾਰਨ ਰਜਿਸਟ੍ਰੇਸ਼ਨ ਫਾਰਮ ਭਰਨ ਨਾਲ ਹੋਵੇਗੀ, ਜਿਸ ਵਿੱਚ KYC (Know Your Customer) ਲਈ ਪਿੰਨ ਕੋਡ, ਪੂਰਾ ਨਾਮ ਅਤੇ ਇੱਕ ਵਿਕਲਪਿਕ ਮੋਬਾਈਲ ਨੰਬਰ ਦੀ ਲੋੜ ਹੁੰਦੀ ਹੈ। ਇਸ ਤੋਂ ਬਾਅਦ, ਉਸ ਵਿਕਲਪਿਕ ਨੰਬਰ 'ਤੇ ਇੱਕ OTP ਭੇਜਿਆ ਜਾਂਦਾ ਹੈ, ਜੋ ਬੇਨਤੀ ਦੀ ਪੁਸ਼ਟੀ ਕਰਦਾ ਹੈ। ਇਸ ਤੋਂ ਬਾਅਦ, ਜ਼ਰੂਰੀ ਸੈਲਫ-KYC ਪ੍ਰਕਿਰਿਆ ਨੂੰ ਪੂਰਾ ਕਰਨਾ ਪੈਂਦਾ ਹੈ, ਕੇਵਲ ਤਦ ਹੀ ਸਿਮ ਜਾਰੀ ਕੀਤਾ ਜਾਂਦਾ ਹੈ ਅਤੇ ਤੁਹਾਡੇ ਪਤੇ 'ਤੇ ਭੇਜਿਆ ਜਾਂਦਾ ਹੈ।
ਇਸ ਵੇਲੇ BSNL ਦੇ ਗਾਹਕਾਂ ਦੀ ਗਿਣਤੀ ਘੱਟ ਗਈ ਹੈ। ਅਪ੍ਰੈਲ ਮਹੀਨੇ ਦੇ ਟ੍ਰਾਈ ਦੇ ਅੰਕੜਿਆਂ ਅਨੁਸਾਰ, ਬੀਐਸਐਨਐਲ ਨੇ 20 ਲੱਖ ਐਕਟਿਵ ਗਾਹਕ ਗੁਆ ਦਿੱਤੇ ਅਤੇ ਕੁੱਲ 2 ਲੱਖ ਉਪਭੋਗਤਾ ਘੱਟ ਹੋਏ। ਨਾਲ ਹੀ, ਇਸਦਾ VLR (Visitor Location Register) ਅਨੁਪਾਤ ਸਿਰਫ 61.4% ਸੀ, ਜੋ ਕਿ ਕਿਸੇ ਵੀ ਵੱਡੇ ਟੈਲੀਕਾਮ ਆਪਰੇਟਰ ਦੇ ਮੁਕਾਬਲੇ ਸਭ ਤੋਂ ਘੱਟ ਹੈ। ਇਹ ਦਰਸਾਉਂਦਾ ਹੈ ਕਿ ਬੀਐਸਐਨਐਲ ਦੇ ਨੈੱਟਵਰਕ 'ਤੇ ਕਿੰਨੇ ਲੋਕ ਐਕਟਿਵ ਹਨ।
ਇਸ ਸੰਕਟ ਨੂੰ ਦੂਰ ਕਰਨ ਲਈ, BSNL ਨੇ ਇਹ ਕਦਮ ਚੁੱਕਿਆ ਹੈ ਤਾਂ ਜੋ ਪੇਂਡੂ ਅਤੇ ਸ਼ਹਿਰੀ ਖੇਤਰਾਂ ਦੇ ਲੋਕ ਵੀ ਆਸਾਨੀ ਨਾਲ ਨਵਾਂ ਕੁਨੈਕਸ਼ਨ ਪ੍ਰਾਪਤ ਕਰ ਸਕਣ ਜਿੱਥੇ BSNL ਦੇ ਸਟੋਰ ਘੱਟ ਹਨ। ਇਸ ਸਰਵਿਸ ਨਾਲ ਸਬੰਧਤ ਜਾਣਕਾਰੀ ਅਤੇ ਮਦਦ ਗਾਹਕ ਸੇਵਾ ਕੇਂਦਰ ਤੋਂ ਵੀ ਲਈ ਜਾ ਸਕਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
