Realme GT 6T: 5500mAh ਬੈਟਰੀ ਵਾਲਾ Realme ਦਾ ਸ਼ਾਨਦਾਰ ਫੋਨ, ਘੱਟ ਕੀਮਤ ਵਿਚ ਕਮਾਲ ਦੇ ਫੀਚਰ
Realme GT 6T ਨੂੰ ਭਾਰਤ ‘ਚ ਲਾਂਚ ਕੀਤਾ ਗਿਆ ਹੈ। ਕੰਪਨੀ ਨੇ ਇਸ ਫੋਨ ਦੀ ਸ਼ੁਰੂਆਤੀ ਕੀਮਤ 31,999 ਰੁਪਏ ਰੱਖੀ ਹੈ।ਇਸ ਵਿੱਚ ਬਹੁਤ ਹੀ ਯੂਨੀਕ ਫੀਚਰਸ ਹਨ
Realme GT 6T Featrures: Realme GT 6T ਨੂੰ ਭਾਰਤ ‘ਚ ਲਾਂਚ ਕੀਤਾ ਗਿਆ ਹੈ। ਕੰਪਨੀ ਨੇ ਇਸ ਫੋਨ ਦੀ ਸ਼ੁਰੂਆਤੀ ਕੀਮਤ 31,999 ਰੁਪਏ ਰੱਖੀ ਹੈ। ਇਸ ਫੋਨ ਦੀ ਸਭ ਤੋਂ ਖਾਸ ਗੱਲ ਇਸ ਦਾ Qualcomm Snapdragon 7+ Gen 3 ਚਿਪਸੈੱਟ ਹੈ। ਇਸ ਫੋਨ ਨੂੰ ਗੇਮਿੰਗ ਨੂੰ ਧਿਆਨ ‘ਚ ਰੱਖਦੇ ਹੋਏ ਲਾਂਚ ਕੀਤਾ ਗਿਆ ਹੈ।
Realme GT 6T ਵਿੱਚ 6.78-ਇੰਚ ਦਾ LTPO ਕਰਵਡ AMOLED ਪੈਨਲ ਹੈ ਜਿਸਦਾ ਰੈਜ਼ੋਲਿਊਸ਼ਨ 2,789 x 1,264 ਪਿਕਸਲ ਹੈ ਅਤੇ 120Hz ਦੀ ਰਿਫਰੈਸ਼ ਰੇਟ ਹੈ। ਕੰਪਨੀ ਦਾ ਇਹ Realme ਫੋਨ 2500Hz ਇੰਸਟੈਂਟ ਟੱਚ ਸੈਂਪਲਿੰਗ ਰੇਟ, 2160Hz PWM ਡਿਮਿੰਗ ਅਤੇ 6000 nits ਪੀਕ ਬ੍ਰਾਈਟਨੈੱਸ ਨਾਲ ਆਉਂਦਾ ਹੈ। ਫੋਨ ਦੇ ਫਰੰਟ ‘ਤੇ ਕਾਰਨਿੰਗ ਗੋਰਿਲਾ ਗਲਾਸ ਵਿਕਟਸ 2 ਸੁਰੱਖਿਆ ਉਪਲਬਧ ਹੈ।
ਫ਼ੋਨ 4nm ਪ੍ਰੋਸੈਸਰ ‘ਤੇ ਆਧਾਰਿਤ ਕੁਆਲਕਾਮ ਦੇ ਨਵੀਨਤਮ ਸਨੈਪਡ੍ਰੈਗਨ 7+ ਜੈਨ 3 ਚਿੱਪਸੈੱਟ ‘ਤੇ ਕੰਮ ਕਰਦਾ ਹੈ, ਅਤੇ ਸਾਰੇ ਗ੍ਰਾਫਿਕਸ ਲਈ ਫ਼ੋਨ Adreno 732 GPU ਨਾਲ ਪੇਅਰ ਕੀਤਾ ਗਿਆ ਹੈ। Realme GT 6T ਵਿੱਚ 12GB LPDDR5X ਰੈਮ ਅਤੇ 512GB ਤੱਕ UFS 4.0 ਸਟੋਰੇਜ ਦਿੱਤੀ ਗਈ ਹੈ।
ਕੈਮਰੇ ਦੀ ਗੱਲ ਕਰੀਏ ਤਾਂ Realme GT 6T ਇੱਕ ਡਿਊਲ ਕੈਮਰਾ ਸੈੱਟਅੱਪ ਦੇ ਨਾਲ ਆਉਂਦਾ ਹੈ, ਜਿਸ ਵਿੱਚ 50-ਮੈਗਾਪਿਕਸਲ ਦਾ Sony LYT 600 ਪ੍ਰਾਇਮਰੀ ਸੈਂਸਰ ਅਤੇ 8-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ-ਐਂਗਲ ਲੈਂਸ ਸ਼ਾਮਲ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਦੀਆਂ ਸਾਰੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਫੋਨ ਵਿੱਚ ਇੱਕ 32-ਮੈਗਾਪਿਕਸਲ ਦਾ ਫਰੰਟ-ਫੇਸਿੰਗ ਸ਼ੂਟਰ ਵੀ ਦਿੱਤਾ ਗਿਆ ਹੈ।
ਫੋਨ ਲੇਟੈਸਟ ਐਂਡਰਾਇਡ 14 ਆਪਰੇਟਿੰਗ ਸਿਸਟਮ ‘ਤੇ ਆਧਾਰਿਤ Realme UI 5.0 ‘ਤੇ ਕੰਮ ਕਰਦਾ ਹੈ। Realme ਇਸ ਡਿਵਾਈਸ ਦੇ ਨਾਲ 3 ਸਾਲਾਂ ਦੇ ਐਂਡਰਾਇਡ ਅਪਡੇਟਾਂ ਅਤੇ ਇੱਕ ਵਾਧੂ ਸਾਲ ਦੇ ਸੁਰੱਖਿਆ ਅਪਡੇਟਾਂ ਦਾ ਵਾਅਦਾ ਕਰ ਰਿਹਾ ਹੈ। ਪਾਵਰ ਲਈ ਇਸ ਸਮਾਰਟਫੋਨ ‘ਚ 5,500mAh ਦੀ ਬੈਟਰੀ ਦਿੱਤੀ ਗਈ ਹੈ, ਜਿਸ ਦੇ ਨਾਲ 120W ਦਾ ਸੁਪਰਵੂਕ ਚਾਰਜਰ ਦਿੱਤਾ ਗਿਆ ਹੈ। ਫੋਨ ਨੂੰ ਧੂੜ ਅਤੇ ਪਾਣੀ ਤੋਂ ਸੁਰੱਖਿਆ ਲਈ IP65 ਰੇਟਿੰਗ ਮਿਲਦੀ ਹੈ।
Realme GT 6T ਦੇ 8GB RAM/128GB ਸਟੋਰੇਜ ਵੇਰੀਐਂਟ ਦੀ ਕੀਮਤ ₹30,999, 8GB RAM/256GB ਸਟੋਰੇਜ ਵੇਰੀਐਂਟ ਦੀ ਕੀਮਤ ₹32,999, 12GB RAM/256GB ਸਟੋਰੇਜ ਵੇਰੀਐਂਟ ਦੀ ਕੀਮਤ ₹35,999 ਹੈ ਅਤੇ 12GB RAM/512GB ਸਟੋਰੇਜ ਵੇਰੀਐਂਟ ਦੀ ਕੀਮਤ ₹39,999 ਰੱਖੀ ਗਈ ਹੈ। ਨਵੀਨਤਮ Realme ਫੋਨ ਦੋ ਰੰਗਾਂ ਦੇ ਵਿਕਲਪਾਂ ਵਿੱਚ ਉਪਲਬਧ ਹੋਵੇਗਾ, ਜਿਸ ਵਿੱਚ ਫਲੂਇਡ ਸਿਲਵਰ ਅਤੇ ਰੇਜ਼ਰ ਗ੍ਰੀਨ ਸ਼ਾਮਲ ਹਨ। ਗਾਹਕ ਇਸ ਫੋਨ ਨੂੰ Amazon, Realme.com ਤੋਂ 29 ਮਈ ਤੋਂ ਖਰੀਦ ਸਕਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
