Smart TV Spying: ਘਰ ਵਿੱਚ ਲੱਗੇ ਟੈਲੀਵਿਜ਼ਨ ਕਰ ਰਹੇ ਜਾਸੂਸੀ...ਪੂਰੇ ਪਰਿਵਾਰ ਨੂੰ ਬਣਾਇਆ ਜਾ ਰਿਹਾ ਟਾਰਗੇਟ, ਤੁਰੰਤ ਬਦਲੋ ਸੈਟਿੰਗ
Smart TV Spying: ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡਾ ਸਮਾਰਟ ਟੀਵੀ ਵੀ ਤੁਹਾਡੀ ਜਾਸੂਸੀ ਕਰ ਸਕਦਾ ਹੈ? ਇਹ ਤੁਹਾਡੀ ਰੁਚੀ ਤੇ ਆਦਤਾਂ ਦੀ ਨਿਗਰਾਨੀ ਕਰਦਾ ਹੈ, ਜਿਵੇਂ ਤੁਸੀਂ ਕੀ-ਕੀ ਦੇਖਦੇ ਹੋ ਤੇ ਕਿਹੜੇ OTT ਚੈਨਲ ਨੂੰ ਪਸੰਦ ਕਰਦੇ ਹੋ...
Smart TV Spying: ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡਾ ਸਮਾਰਟ ਟੀਵੀ ਵੀ ਤੁਹਾਡੀ ਜਾਸੂਸੀ ਕਰ ਸਕਦਾ ਹੈ? ਇਹ ਤੁਹਾਡੀ ਰੁਚੀ ਤੇ ਆਦਤਾਂ ਦੀ ਨਿਗਰਾਨੀ ਕਰਦਾ ਹੈ, ਜਿਵੇਂ ਤੁਸੀਂ ਕੀ-ਕੀ ਦੇਖਦੇ ਹੋ ਤੇ ਕਿਹੜੇ OTT ਚੈਨਲ ਨੂੰ ਪਸੰਦ ਕਰਦੇ ਹੋ। ਇਸ ਜਾਣਕਾਰੀ ਦੀ ਵਰਤੋਂ ਇਸ਼ਤਿਹਾਰ ਦਿਖਾਉਣ ਲਈ ਕੀਤੀ ਜਾਂਦੀ ਹੈ। ਇਸ ਲਈ ਟੀਵੀ ਸੈੱਟ ਕਰਨ ਤੋਂ ਬਾਅਦ ਤੁਰੰਤ ACR ਵਰਗੀਆਂ ਸੈਟਿੰਗਾਂ ਨੂੰ ਬੰਦ ਕਰ ਦਿਓ।
ਦਰਅਸਲ ਜੇਕਰ ਤੁਹਾਨੂੰ ਲੱਗਦਾ ਹੈ ਕਿ ਸਿਰਫ਼ ਤੁਹਾਡਾ ਫ਼ੋਨ ਹੀ ਤੁਹਾਡੀ ਜਾਸੂਸੀ ਕਰਦਾ ਹੈ ਤਾਂ ਥੋੜ੍ਹਾ ਸੰਭਲ ਕੇ ਰਹੋ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਸਿਰਫ਼ ਤੁਹਾਡਾ ਫ਼ੋਨ ਹੀ ਨਹੀਂ ਸਗੋਂ ਤੁਹਾਡਾ ਸਮਾਰਟ ਟੀਵੀ ਵੀ ਤੁਹਾਡੀ ਹਰ ਹਰਕਤ 'ਤੇ ਨਜ਼ਰ ਰੱਖਦਾ ਹੈ। ਤੁਸੀਂ ਕੀ ਦੇਖਦੇ ਹੋ? ਤੁਸੀਂ ਕਿਸ ਤਰ੍ਹਾਂ ਦੀ ਸਮੱਗਰੀ ਵਿੱਚ ਦਿਲਚਸਪੀ ਰੱਖਦੇ ਹੋ ਜਾਂ ਤੁਸੀਂ ਆਪਣੀ ਮਨਪਸੰਦ ਲੜੀ ਕਿਸ OTT ਚੈਨਲ 'ਤੇ ਪਸੰਦ ਕਰਦੇ ਹੋ। ਤੁਹਾਡਾ ਟੀਵੀ ਲਗਾਤਾਰ ਅਜਿਹੀ ਬਹੁਤ ਸਾਰੀ ਜਾਣਕਾਰੀ ਇਕੱਠੀ ਕਰਦਾ ਹੈ ਤੇ ਇਸ ਨੂੰ ਸਰਵਰਾਂ ਤੱਕ ਭੇਜਦਾ ਹੈ। ਇਸ ਤੋਂ ਬਾਅਦ ਇਸ ਡੇਟਾ ਦੀ ਵਰਤੋਂ ਤੁਹਾਨੂੰ ਟਾਰਗਿਟ ਕਰਕੇ ਇਸ਼ਤਿਹਾਰ ਦਿਖਾਉਣ ਲਈ ਕੀਤੀ ਜਾਂਦੀ ਹੈ।
ਦੱਸ ਦਈਏ ਕਿ ਜ਼ਿਆਦਾਤਰ ਸਮਾਰਟ ਟੀਵੀ ਵਿੱਚ ਤੁਹਾਡੇ ਡੇਟਾ ਨੂੰ ਇਕੱਠਾ ਕਰਨ ਨਾਲ ਸਬੰਧਤ ਸੈਟਿੰਗਾਂ ਪਹਿਲਾਂ ਹੀ ਚਾਲੂ ਹੁੰਦੀਆਂ ਹਨ। ਜੇਕਰ ਇਨ੍ਹਾਂ ਨੂੰ ਬੰਦ ਨਹੀਂ ਕੀਤਾ ਜਾਂਦਾ, ਤਾਂ ਸਿਰਫ਼ ਤੁਸੀਂ ਹੀ ਨਹੀਂ ਸਗੋਂ ਤੁਹਾਡਾ ਪੂਰਾ ਪਰਿਵਾਰ ਤੁਹਾਡੇ ਟੀਵੀ ਦੀ ਜਾਸੂਸੀ ਦਾ ਸ਼ਿਕਾਰ ਹੋ ਜਾਂਦਾ ਹੈ। ਮਾਹਿਰਾਂ ਦੀ ਸਲਾਹ ਹੈ ਕਿ ਟੀਵੀ ਸੈੱਟ ਕਰਨ ਤੋਂ ਤੁਰੰਤ ਬਾਅਦ ਇਸ ਸੈਟਿੰਗ ਨੂੰ ਬੰਦ ਕਰ ਦੇਣਾ ਚਾਹੀਦਾ ਹੈ। ਟੀਵੀ ਨਿਰਮਾਤਾ ਇਸ ਡੇਟਾ ਨੂੰ ਇਸ਼ਤਿਹਾਰਬਾਜ਼ੀ ਤੇ ਕੰਟੈਂਟ ਪਰਸਨਲਾਈਜੇਸ਼ਨ ਲਈ ਵਰਤਦੇ ਹਨ।
ਕੀ ਨੁਕਸਾਨ ?
ਤੁਸੀਂ ਇਸ ਦੇ ਨੁਕਸਾਨਾਂ ਨੂੰ ਇਸ ਤਰ੍ਹਾਂ ਸਮਝ ਸਕਦੇ ਹੋ ਕਿ ਜਦੋਂ ਤੁਸੀਂ ਆਪਣੇ ਸਮਾਰਟਫੋਨ 'ਤੇ ਕੰਟੈਂਟ ਦੇਖਦੇ ਹੋ ਤੇ ਐਪਸ ਤੁਹਾਡੇ ਵਿਵਹਾਰ ਅਨੁਸਾਰ ਤੁਹਾਡੇ ਲਈ ਇਸ਼ਤਿਹਾਰ ਤਿਆਰ ਕਰਦੇ ਹਨ, ਤਾਂ ਉਸ ਸਮੇਂ ਸਿਰਫ ਤੁਸੀਂ ਟਾਰਗੇਟ ਹੁੰਦੇ ਹੋ। ਤੁਹਾਡੇ ਬੱਚੇ ਜਾਂ ਘਰ ਦੇ ਬਜ਼ੁਰਗ ਇਸ ਵਿੱਚ ਸ਼ਾਮਲ ਨਹੀਂ ਹੁੰਦੇ। ਹਾਲਾਂਕਿ, ਟੀਵੀ ਦੇ ਨਾਲ ਅਜਿਹਾ ਬਿਲਕੁਲ ਨਹੀਂ। ਜਦੋਂ ਤੁਹਾਡਾ ਟੀਵੀ ਤੁਹਾਡੇ 'ਤੇ ਨਜ਼ਰ ਰੱਖਦਾ ਹੈ, ਤਾਂ ਇਹ ਘਰ ਦੇ ਹਰ ਮੈਂਬਰ 'ਤੇ ਵੀ ਨਜ਼ਰ ਰੱਖਦਾ ਹੈ ਜੋ ਉਸ ਟੀਵੀ ਦੀ ਵਰਤੋਂ ਕਰਦਾ ਹੈ।
ਇਸ ਤਰ੍ਹਾਂ ਜਾਸੂਸੀ ਕਰਦਾ
ਤੁਹਾਡਾ ਟੀਵੀ ACR ਸੈਟਿੰਗਾਂ ਦੇ ਨਾਲ ਆਉਂਦਾ ਹੈ। ਯਾਨੀ "ਆਟੋਮੈਟਿਕ ਕੰਟੈਂਟ ਰਿਕੋਗਨੀਸ਼ਨ"। ਇਹ ਇੱਕ ਅਜਿਹੀ ਤਕਨੀਕ ਹੈ ਜੋ ਤੁਹਾਡੇ ਟੀਵੀ 'ਤੇ ਚੱਲ ਰਹੀ ਸਮੱਗਰੀ ਨੂੰ ਪਛਾਣਦੀ ਹੈ, ਭਾਵੇਂ ਇਹ ਫਿਲਮ, ਵੈੱਬ ਸੀਰੀਜ਼ ਜਾਂ ਯੂਟਿਊਬ ਵੀਡੀਓ ਹੋਵੇ। ਇਹ ਤਕਨੀਕ ਤੁਹਾਡੇ ਦੁਆਰਾ ਦੇਖੇ ਜਾਣ ਵਾਲੇ ਹਰ ਪ੍ਰੋਗਰਾਮ ਬਾਰੇ ਜਾਣਕਾਰੀ ਇਕੱਠੀ ਕਰਦੀ ਹੈ ਤੇ ਇਸ ਨੂੰ ਟੀਵੀ ਕੰਪਨੀ ਜਾਂ ਕਿਸੇ ਤੀਜੀ ਧਿਰ ਨੂੰ ਭੇਜਦੀ ਹੈ। ਇਸ ਦੀ ਵਰਤੋਂ ਤੁਹਾਡੇ ਦੇਖਣ ਦੇ ਪੈਟਰਨ ਨੂੰ ਸਮਝਣ ਤੇ ਟਾਰਗੇਟਿਡ ਇਸ਼ਤਿਹਾਰ ਦਿਖਾਉਣ ਲਈ ਕੀਤੀ ਜਾਂਦੀ ਹੈ।
ਆਮ ਤੌਰ 'ਤੇ ਇਹ ਫੀਚਰ ਸਮਾਰਟ ਟੀਵੀ ਵਿੱਚ ਪਹਿਲਾਂ ਹੀ ਚਾਲੂ ਹੁੰਦੀ ਹੈ। ਇਸ ਲਈ ਮਾਹਰ ਸਲਾਹ ਦਿੰਦੇ ਹਨ ਕਿ ਸੈੱਟਅੱਪ ਤੋਂ ਬਾਅਦ ACR ਨੂੰ ਬੰਦ ਕਰਨਾ ਬਿਹਤਰ ਹੈ। ਇਸ ਸੈਟਿੰਗ ਨੂੰ ਬੰਦ ਕਰਨ ਲਈ ਤੁਹਾਨੂੰ ਆਪਣੇ ਟੀਵੀ ਦੀਆਂ ਸੈਟਿੰਗਾਂ ਵਿੱਚ ਜਾਣਾ ਪਵੇਗਾ। ਉੱਥੇ ਪ੍ਰਾਈਵੇਸੀ ਜਾਂ ਨਿਯਮ ਤੇ ਸ਼ਰਤਾਂ ਦੀ ਚੋਣ ਕਰੋ। ਇਸ ਤੋਂ ਬਾਅਦ ACR ਜਾਂ ਵਿਊਇੰਗ ਡੇਟਾ ਵਿਕਲਪ ਲੱਭੋ ਤੇ ACR ਜਾਂ ਡੇਟਾ ਸੰਗ੍ਰਹਿ ਨੂੰ ਬੰਦ ਕਰੋ।
Before You Go
iPhone 17 ਦੀ ਸੇਲ ਹੋਈ ਸ਼ੁਰੂ, ਦੇਖੋ, ਨਵੇਂ ਆਈਫੋਨ 17 ਦਾ ਕਮਾਲ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
