(Source: ECI/ABP News)
Unique Sim Card Number: 7 ਕਰੋੜ 'ਚ ਵਿਕਿਆ ਮੋਬਾਈਲ ਨੰਬਰ 7777777....22 ਲੱਖ ਤੋਂ ਸ਼ੁਰੂ ਹੋਈ ਬੋਲੀ 7 ਕਰੋੜ ਤੱਕ ਪਹੁੰਚੀ
Unique Sim Card Number: ਸੰਯੁਕਤ ਅਰਬ ਅਮੀਰਾਤ ਵਿੱਚ ਖਾਸ ਨੰਬਰ ਪਲੇਟਾਂ ਤੇ ਸਿਮ ਕਾਰਡਾਂ ਵਾਲੇ ਵਾਹਨਾਂ ਦਾ ਹੋਣਾ ਇੱਕ ਸਟੇਟਸ ਸਿੰਬਲ ਬਣ ਗਿਆ ਹੈ। ਨਿਲਾਮੀ ਵਿੱਚ ਵਿਕਣ ਵਾਲੀਆਂ ਵਸਤਾਂ ਵਿੱਚੋਂ ਇੱਕ ਵਿਸ਼ੇਸ਼ ਮੋਬਾਈਲ ਨੰਬਰ 058-7777777 ਹੈ
Unique Sim Card Number: ਦੁਬਈ ਵਿੱਚ ਲੋਕ ਬਹੁਤ ਸਾਰਾ ਪੈਸਾ ਖਰਚ ਕਰਨ ਲਈ ਜਾਣੇ ਜਾਂਦੇ ਹਨ। ਇੱਕ ਵਾਰ ਫਿਰ ਕਿਸੇ ਚੀਜ਼ 'ਤੇ ਬਹੁਤ ਸਾਰਾ ਪੈਸਾ ਖਰਚ ਕੀਤਾ ਗਿਆ ਹੈ। ਹਾਲ ਹੀ 'ਚ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਦੇ ਕਈ ਅਮੀਰ ਲੋਕ 'ਦ ਮੋਸਟ ਨੋਬਲ ਨੰਬਰ' ਨਾਮ ਦੀ ਵਿਸ਼ੇਸ਼ ਨਿਲਾਮੀ ਲਈ ਇਕੱਠੇ ਹੋਏ ਸਨ।
ਸੰਯੁਕਤ ਅਰਬ ਅਮੀਰਾਤ ਵਿੱਚ ਖਾਸ ਨੰਬਰ ਪਲੇਟਾਂ ਤੇ ਸਿਮ ਕਾਰਡਾਂ ਵਾਲੇ ਵਾਹਨਾਂ ਦਾ ਹੋਣਾ ਇੱਕ ਸਟੇਟਸ ਸਿੰਬਲ ਬਣ ਗਿਆ ਹੈ। ਨਿਲਾਮੀ ਵਿੱਚ ਵਿਕਣ ਵਾਲੀਆਂ ਵਸਤਾਂ ਵਿੱਚੋਂ ਇੱਕ ਵਿਸ਼ੇਸ਼ ਮੋਬਾਈਲ ਨੰਬਰ 058-7777777 ਹੈ, ਜਿਸ ਲਈ ਬੋਲੀਕਾਰਾਂ ਵਿੱਚ ਬਹੁਤ ਸਖ਼ਤ ਮੁਕਾਬਲਾ ਰਿਹਾ।
ਯੂਨੀਕ ਨੰਬਰ ਲਈ 7 ਕਰੋੜ ਖਰਚੇ
ਇਸ ਵਿਸ਼ੇਸ਼ ਸਿਮ ਕਾਰਡ 'ਤੇ ਸਾਰਿਆਂ ਦੀਆਂ ਨਜ਼ਰਾਂ ਸਨ ਤੇ ਆਖਰਕਾਰ ਇਹ 32 ਲੱਖ ਦਿਰਹਮ (ਕਰੀਬ 7 ਕਰੋੜ ਰੁਪਏ) 'ਚ ਨਿਲਾਮ ਹੋ ਗਿਆ। ਇਸ ਨੰਬਰ ਦੀ ਬੋਲੀ 1 ਲੱਖ ਦਿਰਹਮ (ਲਗਪਗ 22 ਲੱਖ ਰੁਪਏ) ਤੋਂ ਸ਼ੁਰੂ ਹੋਈ ਤੇ ਕੁਝ ਹੀ ਸਕਿੰਟਾਂ ਵਿੱਚ 3 ਕਰੋੜ ਦਿਰਹਮ ਤੱਕ ਪਹੁੰਚ ਗਈ।
ਇਸੇ ਤਰ੍ਹਾਂ 7 ਨੰਬਰ ਸਮੇਤ ਹੋਰ ਨੰਬਰ ਵੀ ਲੋਕਾਂ ਵੱਲੋਂ ਨਿਲਾਮੀ ਵਿੱਚ ਦਿਲਚਸਪੀ ਨਾਲ ਖਰੀਦੇ ਗਏ। ਇਸ ਨਿਲਾਮੀ 'ਚ ਕੁੱਲ 38 ਕਰੋੜ ਦਿਰਹਮ (ਕਰੀਬ 86 ਕਰੋੜ ਰੁਪਏ) ਦੀ ਵਸੂਲੀ ਹੋਈ, ਜਿਸ 'ਚੋਂ ਸਿਰਫ 29 ਕਰੋੜ ਦਿਰਹਮ (ਕਰੀਬ 65 ਕਰੋੜ ਰੁਪਏ) ਹੀ ਖਾਸ ਨੰਬਰਾਂ ਵਾਲੀਆਂ ਗੱਡੀਆਂ ਦੀਆਂ ਨੰਬਰ ਪਲੇਟਾਂ ਵੇਚ ਕੇ ਵਸੂਲੇ ਗਏ। ਇਸ ਤੋਂ ਇਲਾਵਾ ਏਤਿਸਲਾਤ ਕੰਪਨੀ ਦੇ ਵਿਸ਼ੇਸ਼ ਨੰਬਰਾਂ ਲਈ ਬੋਲੀ ਤੋਂ 4.135 ਕਰੋੜ ਦਿਰਹਾਮ (ਲਗਪਗ 9 ਕਰੋੜ ਰੁਪਏ) ਤੇ ਡੂ ਕੰਪਨੀ ਦੇ ਵਿਸ਼ੇਸ਼ ਨੰਬਰਾਂ ਤੋਂ 4.935 ਕਰੋੜ ਦਿਰਹਾਮ (ਕਰੀਬ 11 ਕਰੋੜ ਰੁਪਏ) ਪ੍ਰਾਪਤ ਹੋਏ।
ਇਸ ਨਿਲਾਮੀ ਵਿੱਚ ਸਿਰਫ਼ 10 ਵਿਸ਼ੇਸ਼ ਵਾਹਨਾਂ ਦੀਆਂ ਨੰਬਰ ਪਲੇਟਾਂ ਤੇ ਪ੍ਰਮੁੱਖ ਦੂਰਸੰਚਾਰ ਕੰਪਨੀਆਂ ਡੂ ਤੇ ਏਤਿਸਲਾਤ ਦੇ 21 ਮੋਬਾਈਲ ਨੰਬਰ ਸ਼ਾਮਲ ਸਨ। ਇਸ ਨਿਲਾਮੀ ਤੋਂ ਇਕੱਠੀ ਹੋਈ ਰਕਮ "Dh1 ਬਿਲੀਅਨ ਮਦਰਜ਼ ਐਂਡੋਮੈਂਟ ਮੁਹਿੰਮ" ਨੂੰ ਦਾਨ ਕਰਨ ਦਾ ਫੈਸਲਾ ਕੀਤਾ ਗਿਆ ਸੀ। ਇਹ ਮੁਹਿੰਮ ਸੰਯੁਕਤ ਅਰਬ ਅਮੀਰਾਤ ਦੇ ਉਪ ਰਾਸ਼ਟਰਪਤੀ ਤੇ ਪ੍ਰਧਾਨ ਮੰਤਰੀ ਤੇ ਦੁਬਈ ਦੇ ਸ਼ਾਸਕ ਸ਼ੇਖ ਮੁਹੰਮਦ ਬਿਨ ਰਾਸ਼ਿਦ ਅਲ ਮਕਤੂਮ ਦੁਆਰਾ ਸ਼ੁਰੂ ਕੀਤੀ ਗਈ ਸੀ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
