(Source: ECI/ABP News)
ਕੀ ਹੈ Wi-Fi 6E ਤਕਨਾਲੋਜੀ, ਕੀ ਹੋਣਗੇ ਇਸ ਦੇ ਫਾਇਦੇ, ਜਾਣੋ ਪੂਰੀ ਡਿਟੇਲ
ਵਾਈ-ਫਾਈ 6ਈ (Wi-Fi 6E) ਦੇ ਫਾਇਦਿਆਂ ਦੀ ਗੱਲ ਕਰੀਏ ਤਾਂ ਇਸ ਤਕਨੀਕ ਦੇ ਆਉਣ ਨਾਲ ਯੂਜ਼ਰਜ਼ ਨੂੰ ਬਿਹਤਰ ਵਾਈ-ਫਾਈ ਕਨੈਕਟੀਵਿਟੀ ਮਿਲੇਗੀ। ਉਪਭੋਗਤਾ ਆਪਣੀ ਪਸੰਦ ਦੇ ਅਨੁਸਾਰ 2.4GHz, 5GHz ਅਤੇ 6GHz ਬੈਂਡਾਂ ਵਿਚੋਂ ਇਕ ਦੀ ਚੋਣ ਕਰ ਸਕਣਗੇ।
ਵਾਈ-ਫਾਈ 6 (Wi-Fi 6) ਤਕਨੀਕ ਇਨ੍ਹੀਂ ਦਿਨੀਂ ਕਾਫੀ ਆਮ ਹੋ ਗਈ ਹੈ ਅਤੇ ਕਈ ਮਿਡ ਰੇਂਜ ਡਿਵਾਈਸ ਇਸ ਕਨੈਕਟੀਵਿਟੀ ਤਕਨੀਕ 'ਤੇ ਕੰਮ ਕਰ ਰਹੇ ਹਨ। ਹਾਲਾਂਕਿ ਕੁਝ ਤਕਨੀਕੀ ਕੰਪਨੀਆਂ ਨੇ ਆਪਣੇ ਹਾਈ-ਐਂਡ ਸਮਾਰਟਫ਼ੋਨਜ਼ ਤੇ ਲੈਪਟਾਪਾਂ 'ਤੇ Wi-Fi 6E, Wi-Fi 6 ਦਾ ਅੱਪਗ੍ਰੇਡ ਕੀਤਾ ਐਡੀਸ਼ਨ ਵਰਤਣਾ ਸ਼ੁਰੂ ਕਰ ਦਿੱਤਾ ਹੈ। ਇਸੇ ਤਰ੍ਹਾਂ ਕਈ ਮੀਡੀਆ ਰਿਪੋਰਟਾਂ 'ਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਐਪਲ ਦੀ ਆਉਣ ਵਾਲੀ ਆਈਫੋਨ 14 ਸੀਰੀਜ਼ 'ਚ ਵਾਈ-ਫਾਈ 6E ਨੂੰ ਸਪੋਰਟ ਕੀਤਾ ਜਾਵੇਗਾ। ਅਜਿਹੇ 'ਚ ਜੇਕਰ ਤੁਹਾਡੇ ਦਿਮਾਗ 'ਚ ਇਹ ਸਵਾਲ ਉੱਠ ਰਿਹਾ ਹੈ ਕਿ Wi-Fi 6E ਕੀ ਹੈ ਅਤੇ ਇਸ ਦੇ ਕੀ ਫਾਇਦੇ ਹਨ, ਤਾਂ ਇਸ ਦਾ ਜਵਾਬ ਤੁਹਾਨੂੰ ਸਾਡੀ ਇਸ ਖਬਰ 'ਚ ਮਿਲੇਗਾ।
Wi-Fi 6E ਕੀ ਹੈ
Wi-Fi 6E ਇਕ ਐਕਸਟੈਂਸ਼ਨ ਹੈ ਜੋ ਵਾਈ-ਫਾਈ 6 ਲਈ ਤਿਆਰ ਕੀਤਾ ਗਿਆ ਹੈ ਤਾਂ ਜੋ ਯੂਜ਼ਰਜ਼ ਨੂੰ ਇਸ ਪਲੇਟਫਾਰਮ ਰਾਹੀਂ ਹਾਈ ਸਪੀਡ ਇੰਟਰਨੈਟ ਮਿਲੇਗਾ। Wi-Fi 6E ਸਮਰਥਿਤ ਡਿਵਾਈਸ 14 ਵਾਧੂ 80 MHz ਚੈਨਲਾਂ ਤੇ 7 ਵਾਧੂ 160 MHz ਚੈਨਲਾਂ ਦਾ ਸਮਰਥਨ ਕਰਦੀ ਹੈ। ਇਹ ਵਿਆਪਕ ਸਪੈਕਟ੍ਰਮ ਨੈੱਟਵਰਕ ਡਿਜ਼ਾਈਨ ਨੂੰ ਵੀ ਸਰਲ ਬਣਾਉਂਦਾ ਹੈ।
Wi-Fi 6E ਦੇ ਫਾਇਦੇ
ਵਾਈ-ਫਾਈ 6ਈ (Wi-Fi 6E) ਦੇ ਫਾਇਦਿਆਂ ਦੀ ਗੱਲ ਕਰੀਏ ਤਾਂ ਇਸ ਤਕਨੀਕ ਦੇ ਆਉਣ ਨਾਲ ਯੂਜ਼ਰਜ਼ ਨੂੰ ਬਿਹਤਰ ਵਾਈ-ਫਾਈ ਕਨੈਕਟੀਵਿਟੀ ਮਿਲੇਗੀ। ਉਪਭੋਗਤਾ ਆਪਣੀ ਪਸੰਦ ਦੇ ਅਨੁਸਾਰ 2.4GHz, 5GHz ਅਤੇ 6GHz ਬੈਂਡਾਂ ਵਿਚੋਂ ਇਕ ਦੀ ਚੋਣ ਕਰ ਸਕਣਗੇ। ਇਸ ਨਾਲ ਯੂਜ਼ਰਜ਼ ਨੂੰ ਹਾਈ ਕਨੈਕਸ਼ਨ ਵਾਲੇ ਖੇਤਰਾਂ 'ਚ ਵੀ ਹਾਈ ਸਪੀਡ ਇੰਟਰਨੈੱਟ ਮਿਲੇਗਾ ਅਤੇ ਵਾਈ-ਫਾਈ ਬਿਹਤਰ ਕੰਮ ਕਰੇਗਾ। ਵਿਸ਼ੇਸ਼ਤਾਵਾਂ ਦੇ ਰੂਪ ਵਿਚ 5GHz ਅਤੇ 6GHz ਦੋਵੇਂ ਹੀ 9.6GHz ਦੀ ਉੱਚੀ ਸਪੀਡ ਦੀ ਪੇਸ਼ਕਸ਼ ਕਰਦੇ ਹਨ, ਪਰ ਉਸ ਸਪੀਡ ਨੂੰ ਪ੍ਰਾਪਤ ਕਰਨ ਦੀਆਂ ਸੰਭਾਵਨਾਵਾਂ ਬਹੁਤ ਘੱਟ ਹਨ। ਹਾਲਾਂਕਿ ਜੇਕਰ ਤੁਸੀਂ ਇਕ ਆਮ ਰਾਊਟਰ ਨਾਲ ਘੱਟ ਸਪੀਡ ਪ੍ਰਾਪਤ ਕਰ ਰਹੇ ਹੋ, ਤਾਂ ਸੰਭਾਵਨਾ ਹੈ ਕਿ Wi-Fi 6E ਲਈ ਸਮਰਥਨ ਵਾਲੀਆਂ ਸਾਰੀਆਂ ਡਿਵਾਈਸਾਂ ਨੂੰ ਇੱਕੋ ਜਿਹੀ ਇੰਟਰਨੈਟ ਸਪੀਡ ਮਿਲੇਗੀ।
ਭਾਰਤੀ ਯੂਜ਼ਰਜ਼ ਨੂੰ ਇੰਤਜ਼ਾਰ ਕਰਨਾ ਪਵੇਗਾ
ਦੱਸ ਦੇਈਏ ਕਿ ਭਾਰਤੀ ਉਪਭੋਗਤਾਵਾਂ ਨੂੰ Wi-Fi 6E ਤਕਨੀਕ ਲਈ ਇੰਤਜ਼ਾਰ ਕਰਨਾ ਹੋਵੇਗਾ। Wi-Fi 6e ਸਮਰਥਿਤ ਡਿਵਾਈਸ ਭਾਰਤੀ ਬਾਜ਼ਾਰ ਵਿਚ ਉਪਲਬਧ ਨਹੀਂ ਹਨ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਆਉਣ ਵਾਲੇ ਸਾਲ 'ਚ ਵਾਈ-ਫਾਈ 6ਈ ਟੈਕਨਾਲੋਜੀ ਭਾਰਤ 'ਚ ਰੋਲਆਊਟ ਕਰ ਦਿੱਤੀ ਜਾਵੇਗੀ ਅਤੇ ਇਸ ਤਕਨੀਕ ਨੂੰ ਸਪੋਰਟ ਕਰਨ ਵਾਲੇ ਡਿਵਾਈਸ ਵੀ ਜਲਦ ਹੀ ਬਾਜ਼ਾਰ 'ਚ ਲਾਂਚ ਕੀਤੇ ਜਾਣਗੇ।
ਇਹ ਵੀ ਪੜ੍ਹੋ : ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਐਲਨ ਮਸਕ ਛੱਡਣਾ ਚਾਹੁੰਦੇ ਹਨ ਨੌਕਰੀ , ਹੁਣ ਇਹ ਕੰਮ ਕਰਨ ਦਾ ਪਲਾਨ
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
