ਰਿਸ਼ਵਤ 'ਚ ਮੰਗੇ 5 ਕਿੱਲੋ ਆਲੂ, 3 ਕਿੱਲੋ 'ਤੇ ਬਣੀ ਸਹਿਮਤੀ, ਥਾਣੇਦਾਰ ਮੁਅੱਤਲ
ਜਾਣਕਾਰੀ ਮੁਤਾਬਕ ਇਕ ਆਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਦੋਸ਼ੀ ਪੁਲਸ ਮੁਲਾਜ਼ਮ ਇਕ ਕਿਸਾਨ ਤੋਂ 5 ਕਿਲੋ ਆਲੂ ਮੰਗਦਾ ਸੁਣਿਆ ਜਾ ਰਿਹਾ ਹੈ।
ਅਸੀਂ ਅਕਸਰ ਥਾਣਿਆਂ ਅਤੇ ਪੁਲਿਸ ਵਾਲਿਆਂ ਵੱਲੋਂ ਰਿਸ਼ਵਤ ਮੰਗਣ ਦੇ ਮਾਮਲੇ ਸੁਣੇ ਹਨ। ਕਈ ਵਾਰ ਲੋਕਾਂ ਤੋਂ ਰਿਸ਼ਵਤ ਵਜੋਂ ਮੋਟੀ ਰਕਮ ਵੀ ਮੰਗੀ ਜਾਂਦੀ ਹੈ, ਜਿਸ 'ਤੇ ਰਿਸ਼ਵਤ ਮੰਗਣ ਵਾਲਿਆਂ ਖਿਲਾਫ ਕਾਰਵਾਈ ਵੀ ਕੀਤੀ ਜਾਂਦੀ ਹੈ। ਹਾਲਾਂਕਿ ਰਿਸ਼ਵਤ ਮੰਗਣ ਦਾ ਅਜਿਹਾ ਮਾਮਲਾ ਉੱਤਰ ਪ੍ਰਦੇਸ਼ ਤੋਂ ਸਾਹਮਣੇ ਆਇਆ ਹੈ, ਜਿਸ ਨੂੰ ਸੁਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ ਹੈ। ਦਰਅਸਲ, ਯੂਪੀ ਪੁਲਿਸ ਦੇ ਸਬ ਇੰਸਪੈਕਟਰ ਨੇ ਰਿਸ਼ਵਤ ਵਜੋਂ 5 ਕਿਲੋ ਆਲੂ ਮੰਗੇ ਹਨ। ਜਾਂਚ ਤੋਂ ਬਾਅਦ 5 ਕਿਲੋ ਦੀ ਮੰਗ ਕਰਨ ਵਾਲੇ ਸਬ-ਇੰਸਪੈਕਟਰ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ।
3 ਕਿਲੋ ਆਲੂ ਚ ਫਾਈਨਲ ਹੋਈ ਡੀਲ
ਜਾਣਕਾਰੀ ਮੁਤਾਬਕ ਇਕ ਆਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਦੋਸ਼ੀ ਪੁਲਸ ਮੁਲਾਜ਼ਮ ਇਕ ਕਿਸਾਨ ਤੋਂ 5 ਕਿਲੋ ਆਲੂ ਮੰਗਦਾ ਸੁਣਿਆ ਜਾ ਰਿਹਾ ਹੈ। ਹਾਲਾਂਕਿ, ਕਿਸਾਨ 5 ਕਿਲੋ ਆਲੂ ਦੀ ਮੰਗ ਪੂਰੀ ਕਰਨ ਤੋਂ ਅਸਮਰੱਥਾ ਪ੍ਰਗਟ ਕਰਦਾ ਹੈ ਅਤੇ ਬਦਲੇ ਵਿੱਚ 2 ਕਿਲੋ ਆਲੂ ਦੇਣ ਲਈ ਕਹਿੰਦਾ ਹੈ। ਇਸ ਤੋਂ ਬਾਅਦ ਕਾਂਸਟੇਬਲ ਗੁੱਸੇ 'ਚ ਆ ਜਾਂਦਾ ਹੈ ਅਤੇ 5 ਕਿਲੋ ਆਲੂ ਦੀ ਜ਼ਿੱਦ ਕਰਦਾ ਹੈ। ਬਾਅਦ 'ਚ ਦੋਵਾਂ ਵਿਚਾਲੇ 3 ਕਿਲੋ 'ਤੇ ਸੌਦਾ ਤੈਅ ਹੋਇਆ। ਪੁਲਿਸ ਮੁਲਾਜ਼ਮ ਵੱਲੋਂ 5 ਕਿਲੋ ਆਲੂ ਮੰਗਣ ਦੀ ਆਡੀਓ ਸਾਹਮਣੇ ਆਉਣ ਤੋਂ ਬਾਅਦ ਪੁਲਿਸ ਹਰਕਤ ਵਿੱਚ ਆ ਗਈ ਅਤੇ ਜਾਂਚ ਦੇ ਆਦੇਸ਼ ਦਿੱਤੇ।
ਕਨੌਜ ਦੇ ਐਸਪੀ ਅਮਿਤ ਕੁਮਾਰ ਆਨੰਦ ਨੇ ਯੂਪੀ ਪੁਲਿਸ ਦੇ ਸਬ ਇੰਸਪੈਕਟਰ ਨੂੰ ਦੋਸ਼ੀ ਪਾਏ ਜਾਣ 'ਤੇ ਮੁਅੱਤਲ ਕਰਨ ਦੇ ਹੁਕਮ ਦਿੱਤੇ ਹਨ। ਜਾਂਚ 'ਚ ਸਾਹਮਣੇ ਆਇਆ ਕਿ 5 ਕਿਲੋ ਆਲੂ ਮੰਗਣ ਵਾਲਾ ਸਬ ਇੰਸਪੈਕਟਰ ਰਾਮਕ੍ਰਿਪਾਲ ਸਿੰਘ ਥਾਣਾ ਸੌਰੀਖ ਦੀ ਥਾਣਾ ਬਹਾਵਲਪੁਰ ਚਪੁੰਨਾ ਚੌਕੀ 'ਚ ਤਾਇਨਾਤ ਸੀ। ਕਨੌਜ ਪੁਲਿਸ ਨੇ ਐਕਸ 'ਤੇ ਇੱਕ ਬਿਆਨ ਵਿੱਚ ਕਿਹਾ, "ਉਪਰੋਕਤ ਮਾਮਲੇ ਵਿੱਚ ਐਸ.ਆਈ. ਰਾਮਕ੍ਰਿਪਾਲ ਨੂੰ ਪਹਿਲੀ ਨਜ਼ਰੇ ਦੋਸ਼ੀ ਪਾਏ ਜਾਣ ਤੋਂ ਬਾਅਦ, ਕਨੌਜ ਦੇ ਪੁਲਿਸ ਸੁਪਰਡੈਂਟ ਦੁਆਰਾ ਉਸਨੂੰ 07.08.2024 ਨੂੰ ਤੁਰੰਤ ਪ੍ਰਭਾਵ ਨਾਲ ਮੁਅੱਤਲ ਕਰ ਦਿੱਤਾ ਗਿਆ ਹੈ ਅਤੇ ਵਿਭਾਗੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। " ਮਾਮਲੇ ਦੀ ਜਾਂਚ ਕਨੌਜ ਦੇ ਸਰਕਲ ਅਫਸਰ ਸਿਟੀ ਕਮਲੇਸ਼ ਕੁਮਾਰ ਨੂੰ ਸੌਂਪੀ ਗਈ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
