ਖੂਬਸੂਰਤ ਏਅਰ ਹੋਸਟੇਸ ਹੋਣ ਲੱਗੀ ਸੀ ਜਹਾਜ਼ 'ਚ ਸਵਾਰ, ਓਦੋਂ ਹੀ ਇਕ ਅਫਸਰ ਨੇ ਦਿੱਤਾ ਜੁਰਾਬਾਂ ਉਤਾਰਨ ਦਾ ਹੁਕਮ ਫੇਰ ...
Viral Video: ਸਾਡੇ ਗੁਆਂਢੀ ਦੇਸ਼ ਪਾਕਿਸਤਾਨ ਦੀ ਸਰਕਾਰੀ ਏਅਰਲਾਈਨ ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਜ਼ (ਪੀ. ਆਈ. ਏ.) ਦੇ ਚਾਲਕ ਦਲ ਦੇ ਮੈਂਬਰ ਵਿਦੇਸ਼ ਜਾਣ ਤੋਂ ਬਾਅਦ ਤਸਕਰੀ ਅਤੇ 'ਗਾਇਬ' ਹੋਣ ਲਈ ਵਿਸ਼ਵ ਪ੍ਰਸਿੱਧ ਹਨ।
ਸੋਨਾ, ਨਸ਼ੀਲੇ ਪਦਾਰਥਾਂ ਅਤੇ ਵਿਦੇਸ਼ੀ ਮੁਦਰਾ ਦੀ ਤਸਕਰੀ ਹਵਾਈ ਜਹਾਜ਼ਾਂ ਰਾਹੀਂ ਪੂਰੀ ਦੁਨੀਆ ਵਿੱਚ ਹੁੰਦੀ ਹੈ। ਆਮ ਨਾਗਰਿਕਾਂ ਦੇ ਨਾਲ-ਨਾਲ ਏਅਰਲਾਈਨਜ਼ ਕੰਪਨੀਆਂ ਦੇ ਸਟਾਫ਼ ਦੇ ਵੀ ਤਸਕਰੀ ਵਿੱਚ ਸ਼ਾਮਲ ਹੋਣ ਦੇ ਮਾਮਲੇ ਸਾਹਮਣੇ ਆਉਂਦੇ ਰਹਿੰਦੇ ਹਨ। ਪਿਛਲੇ ਮਹੀਨੇ ਹੀ ਇੱਕ ਭਾਰਤੀ ਏਅਰ ਹੋਸਟੇਸ ਸੋਨੇ ਦੀ ਤਸਕਰੀ ਕਰਦੇ ਹੋਏ ਰੰਗੇ ਹੱਥੀ ਫੜੀ ਗਈ ਸੀ। ਸਾਡੇ ਗੁਆਂਢੀ ਦੇਸ਼ ਪਾਕਿਸਤਾਨ ਦੀ ਸਰਕਾਰੀ ਏਅਰਲਾਈਨ ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਜ਼ (ਪੀ. ਆਈ. ਏ.) ਦੇ ਚਾਲਕ ਦਲ ਦੇ ਮੈਂਬਰ ਵਿਦੇਸ਼ ਜਾਣ ਤੋਂ ਬਾਅਦ ਤਸਕਰੀ ਅਤੇ 'ਗਾਇਬ' ਹੋਣ ਲਈ ਵਿਸ਼ਵ ਪ੍ਰਸਿੱਧ ਹਨ।
ਹੁਣ ਇੱਕ ਵਾਰ ਫਿਰ PIA ਦੀ ਇੱਕ ਏਅਰ ਹੋਸਟੈੱਸ ਵਿਦੇਸ਼ੀ ਕਰੰਸੀ ਦੀ ਤਸਕਰੀ ਕਰਦੀ ਫੜੀ ਗਈ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਖੂਬਸੂਰਤ ਏਅਰ ਹੋਸਟੈੱਸ ਨੇ ਆਪਣੀਆਂ ਜੁਰਾਬਾਂ 'ਚ ਕਰੀਬ 40 ਲੱਖ ਰੁਪਏ ਦੇ ਡਾਲਰ ਅਤੇ ਸਾਊਦੀ ਰਿਆਲ ਲੁਕਾਏ ਹੋਏ ਸਨ।
ਇਹ ਮਾਮਲਾ ਸ਼ਨੀਵਾਰ ਦਾ ਹੈ। ਅੱਲਾਮਾ ਇਕਬਾਲ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਵਿਦੇਸ਼ੀ ਕਰੰਸੀ ਦੀ ਤਸਕਰੀ ਕਰਦੇ ਹੋਏ ਰੰਗੇ ਹੱਥੀ ਫੜੀ ਗਈ ਏਅਰ ਹੋਸਟੈੱਸ ਨੂੰ ਕਸਟਮ ਅਧਿਕਾਰੀਆਂ ਨੇ ਫੈਡਰਲ ਜਾਂਚ ਏਜੰਸੀ (ਐਫਆਈਏ) ਅਤੇ ਇਮੀਗ੍ਰੇਸ਼ਨ ਦੇ ਸਹਿਯੋਗ ਨਾਲ ਕਾਬੂ ਕੀਤਾ ਹੈ। ਹੁਣ ਏਜੰਸੀਆਂ ਇਸ ਗੱਲ ਦੀ ਜਾਂਚ ਵਿੱਚ ਜੁਟੀਆਂ ਹੋਈਆਂ ਹਨ ਕਿ ਕੀ ਇਹ ਏਅਰ ਹੋਸਟੈਸ ਪਹਿਲਾਂ ਵੀ ਤਸਕਰੀ ਵਿੱਚ ਸ਼ਾਮਲ ਸੀ ਜਾਂ ਨਹੀਂ।
ਜੁਰਾਬਾਂ 'ਚੋਂ ਨਿੱਕਲੇ ਨੋਟ
ਦਿ ਐਕਸਪ੍ਰੈਸ ਟ੍ਰਿਬਿਊਨ ਦੀ ਰਿਪੋਰਟ ਮੁਤਾਬਕ ਏਅਰ ਹੋਸਟੈਸ ਤੋਂ 37318 ਡਾਲਰ (3124356 ਭਾਰਤੀ ਰੁਪਏ) ਅਤੇ 40000 ਸਾਊਦੀ ਰਿਆਲ (892653 ਭਾਰਤੀ ਰੁਪਏ) ਬਰਾਮਦ ਕੀਤੇ ਗਏ ਹਨ। ਇਹ ਏਅਰ ਹੋਸਟੈਸ ਲਾਹੌਰ ਤੋਂ ਜੇਦਾਹ ਲਈ ਪੀਆਈਏ ਦੀ ਫਲਾਈਟ ਵਿੱਚ ਸਵਾਰ ਹੋਣ ਜਾ ਰਹੀ ਸੀ। ਅਫਸਰਾਂ ਨੂੰ ਉਸ ਦੀ ਚਾਲ ਕੁਝ ਅਜੀਬ ਲੱਗੀ। ਜਦੋਂ ਸ਼ੱਕ ਦੇ ਆਧਾਰ 'ਤੇ ਏਅਰਪੋਰਟ 'ਤੇ ਉਸ ਦੀ ਤਲਾਸ਼ੀ ਲਈ ਗਈ ਤਾਂ ਸਾਰਾ ਮਾਮਲਾ ਸਾਹਮਣੇ ਆਇਆ। ਸੋਸ਼ਲ ਮੀਡੀਆ 'ਤੇ ਏਅਰ ਹੋਸਟੇਸ ਦੀ ਤਲਾਸ਼ੀ ਲੈਣ ਦਾ ਵੀਡੀਓ ਵੀ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਇਕ ਮਹਿਲਾ ਅਧਿਕਾਰੀ ਏਅਰ ਹੋਸਟੈੱਸ ਦੀਆਂ ਜੁਰਾਬਾਂ 'ਚੋਂ ਕਰੰਸੀ ਨੋਟਾਂ ਦੀਆਂ ਥੱਦੀਆਂ ਕੱਢ ਰਹੀ ਹੈ।
Pakistani Air hostess pic.twitter.com/YHzrP4BBrq
— JSAF (@JSAF08761645) July 27, 2024
ਵਿਦੇਸ਼ਾਂ ਵਿੱਚ ਗਾਇਬ ਹੋਣ ਲਈ ਮਸ਼ਹੂਰ ਹਨ ਪਾਕਿਸਤਾਨੀ ਚਾਲਕ ਦਲ ਦੇ ਮੈਂਬਰ
ਪਾਕਿਸਤਾਨੀ ਏਅਰਲਾਈਨਜ਼ ਦੇ ਕਰੂ ਮੈਂਬਰ ਵਿਦੇਸ਼ਾਂ ਖਾਸ ਕਰਕੇ ਕੈਨੇਡਾ ਵਿੱਚ ਗਾਇਬ ਹੋਣ ਲਈ ਮਸ਼ਹੂਰ ਹਨ। ਹਾਲ ਹੀ ਵਿੱਚ ਪਾਕਿਸਤਾਨ ਤੋਂ ਕੈਨੇਡਾ ਜਾਣ ਵਾਲੀ ਫਲਾਈਟ ਦਾ ਮੈਂਬਰ ਨੂਰ ਸ਼ੇਰ ਕੈਨੇਡਾ ਵਿੱਚ ਲਾਪਤਾ ਹੋ ਗਿਆ ਸੀ। ਹੁਣ ਜਨਵਰੀ 2023 ਤੋਂ 14 ਚਾਲਕ ਦਲ ਦੇ ਮੈਂਬਰ ਲਾਪਤਾ ਹਨ। ਇਸ ਤੋਂ ਪਹਿਲਾਂ 2022 ਵਿੱਚ ਪੰਜ ਕਰੂ ਮੈਂਬਰ ਕੈਨੇਡਾ ਗਏ ਸਨ ਅਤੇ ਪਾਕਿਸਤਾਨ ਵਾਪਸ ਨਹੀਂ ਪਰਤੇ। ਇਸ ਸਾਲ ਮਾਰਚ ਵਿੱਚ, ਇੱਕ PAIA ਏਅਰ ਹੋਸਟੈੱਸ ਨੂੰ ਕੈਨੇਡਾ ਦੇ ਟੋਰਾਂਟੋ ਹਵਾਈ ਅੱਡੇ 'ਤੇ ਕਈ ਪਾਸਪੋਰਟਾਂ ਨਾਲ ਹਿਰਾਸਤ ਵਿੱਚ ਲਿਆ ਗਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
