Nepenthes Pudica: ਬਹੁਤ ਖਤਰਨਾਕ ਹੁੰਦਾ ਮਾਸਾਹਾਰੀ ਪੌਦਾ, ਨੇੜੇ ਜਾਂਦੇ ਹੀ ਜੀਵ-ਜੰਤੂਆਂ ਨੂੰ ਬਣਾ ਲੈਂਦਾ ਸ਼ਿਕਾਰ

ਆਪਣੀ ਕਿਸਮ ਦਾ ਪਹਿਲਾ ਮਾਸਾਹਾਰੀ ਪੌਦਾ ਇੰਡੋਨੇਸ਼ੀਆ ਦੇ ਉੱਤਰੀ ਕਾਲੀਮੰਤਨ ਦੇ ਬੋਰਨੀਆ ਟਾਪੂ 'ਤੇ ਮਿਲਿਆ ਹੈ, ਜੋ ਭੂਮੀਗਤ ਰਹਿ ਕੇ ਸ਼ਿਕਾਰ ਕਰਦਾ ਹੈ। ਇਸ ਪੌਦੇ ਨੂੰ ਨੇਪੇਨਥੇਸ ਪੁਡਿਕਾ (Nepenthes Pudica) ਦਾ ਨਾਂ ਦਿੱਤਾ ਗਿਆ ਹੈ।

ਮਾਸਾਹਾਰੀ ਪੌਦਾ

Nepenthes Pudica: ਆਪਣੀ ਕਿਸਮ ਦਾ ਪਹਿਲਾ ਮਾਸਾਹਾਰੀ ਪੌਦਾ ਇੰਡੋਨੇਸ਼ੀਆ ਦੇ ਉੱਤਰੀ ਕਾਲੀਮੰਤਨ ਦੇ ਬੋਰਨੀਆ ਟਾਪੂ 'ਤੇ ਮਿਲਿਆ ਹੈ, ਜੋ ਭੂਮੀਗਤ ਰਹਿ ਕੇ ਸ਼ਿਕਾਰ ਕਰਦਾ ਹੈ। ਇਸ ਪੌਦੇ ਨੂੰ ਨੇਪੇਨਥੇਸ ਪੁਡਿਕਾ (Nepenthes Pudica) ਦਾ ਨਾਂ ਦਿੱਤਾ ਗਿਆ ਹੈ। ਜਰਨਲ ਫਾਈਟੋਕੀਜ਼ ਵਿੱਚ ਇੱਕ ਅਧਿਐਨ ਪ੍ਰਕਾਸ਼ਿਤ ਕੀਤਾ ਗਿਆ, ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਨੇਪੇਨਥੇਸ ਪੁਡਿਕਾ ਉੱਤਰੀ ਕਾਲੀਮੰਤਨ ਦੇ ਮੇਨਤਾਰੰਗ ਹੁਲੂ ਜ਼ਿਲ੍ਹੇ ਦੇ ਕੁਝ ਗੁਆਂਢੀ ਖੇਤਰਾਂ ਵਿੱਚ ਹੀ ਪਾਇਆ ਜਾਂਦਾ ਹੈ ਜਿੱਥੇ ਸਮੁੰਦਰ ਤਲ ਤੋਂ ਉਚਾਈ 1,100-1,300 ਮੀਟਰ ਹੈ।

ਚੈੱਕ ਗਣਰਾਜ ਦੀ ਪਾਲਕੀ ਯੂਨੀਵਰਸਿਟੀ ਦੇ ਮਾਰਟਿਨ ਦਾਨਕ ਨੇ ਕਿਹਾ ਕਿ ਸਾਨੂੰ ਇੱਕ ਪਿਚਰ (pitcher) ਪੌਦਾ ਮਿਲਿਆ ਹੈ ਜੋ ਹੋਰ ਸਾਰੀਆਂ ਨਸਲਾਂ ਤੋਂ ਵੱਖਰਾ ਹੈ। ਇਸ ਦੀ ਸ਼ਕਲ ਘੜੇ ਵਰਗੀ ਹੁੰਦੀ ਹੈ, ਇਸ ਲਈ ਇਸ ਨੂੰ ਪਿਚਰ ਪਲਾਂਟ ਵੀ ਕਿਹਾ ਜਾਂਦਾ ਹੈ। ਇਹ ਪੌਦਾ ਆਪਣੇ 11-ਸੈ.ਮੀ.-ਲੰਬੇ ਘੜੇ ਨੂੰ ਜ਼ਮੀਨ ਦੇ ਹੇਠਾਂ ਰੱਖਦਾ ਹੈ, ਜਿੱਥੇ ਇਹ ਭੂਮੀਗਤ ਰਹਿਣ ਵਾਲੇ ਜਾਨਵਰਾਂ ਨੂੰ ਫਸਾਉਂਦਾ ਹੈ, ਆਮ ਤੌਰ 'ਤੇ ਕੀੜੀਆਂ, ਕੀੜੇ ਤੇ ਛੋਟੇ ਕੀੜੇ ਸ਼ਾਮਲ ਹੁੰਦੇ ਹਨ।

 

This Plant Lurks Underground to Trap Prey in a Way We've Never Seen Before https://t.co/x0xFM5bZnY

— ScienceAlert (@ScienceAlert) June 30, 2022

ਇਸ ਤਰ੍ਹਾਂ ਸ਼ਿਕਾਰ ਕਰਦਾ 

ਅਧਿਐਨ ਦੇ ਲੇਖਕਾਂ ਦੁਆਰਾ ਜਾਰੀ ਕੀਤੀਆਂ ਤਸਵੀਰਾਂ ਦਿਖਾਉਂਦੀਆਂ ਹਨ ਕਿ ਪੌਦੇ ਪੂਰੀ ਤਰ੍ਹਾਂ ਚਿੱਟੇ, ਕਲੋਰੋਫਿਲ-ਮੁਕਤ ਪੱਤਿਆਂ ਨਾਲ ਵਿਸ਼ੇਸ਼ ਭੂਮੀਗਤ ਸ਼ੂਟ ਬਣਾਉਂਦੇ ਹਨ। ਇਸ ਤੋਂ ਇਲਾਵਾ, ਘੜੇ ਨੂੰ ਸਹਾਰਾ ਦੇਣ ਵਾਲੇ ਪੱਤੇ, ਜੋ ਸ਼ਿਕਾਰ ਨੂੰ ਫਸਾ ਲੈਂਦੇ ਹਨ, ਉਨ੍ਹਾਂ ਦੇ ਆਮ ਆਕਾਰ ਦਾ ਇੱਕ ਹਿੱਸਾ ਹੁੰਦਾ ਹੈ। ਹਾਲਾਂਕਿ, ਘੜੇ ਆਪਣੇ ਆਪ ਵਿੱਚ ਆਮ ਆਕਾਰ ਦੇ ਹੁੰਦੇ ਹਨ ਤੇ ਉਨ੍ਹਾਂ ਦਾ ਰੰਗ ਲਾਲ-ਜਾਮਨੀ ਹੁੰਦਾ ਹੈ।

ਇਹ ਕੀੜੇ ਪੌਦੇ ਦੇ ਅੰਦਰ ਮਿਲੇ 

ਚੈੱਕ ਗਣਰਾਜ ਵਿੱਚ ਮੈਂਡੇਲ ਯੂਨੀਵਰਸਿਟੀ ਦੇ ਵੈਕਲਾਵ ਸੇਰਮਕ ਨੇ ਕਿਹਾ ਕਿ ਦਿਲਚਸਪ ਗੱਲ ਇਹ ਹੈ ਕਿ, ਸਾਨੂੰ ਘੜੇ ਦੇ ਅੰਦਰ ਕਈ ਜੀਵ ਮਿਲੇ, ਜਿਸ ਵਿੱਚ ਮੱਛਰ ਦਾ ਲਾਰਵਾ, ਨੇਮਾਟੋਡ ਤੇ ਕੀੜੇ ਦੀ ਇੱਕ ਪ੍ਰਜਾਤੀ ਸ਼ਾਮਲ ਹੈ, ਜਿਸ ਨੂੰ ਇੱਕ ਨਵੀਂ ਪ੍ਰਜਾਤੀ ਵਜੋਂ ਵੀ ਦਰਸਾਇਆ ਗਿਆ ਸੀ। 

ਪੌਦਿਆਂ ਦੀਆਂ ਤਿੰਨ ਹੋਰ ਕਿਸਮਾਂ

ਵਿਗਿਆਨੀਆਂ ਨੇ ਕਿਹਾ ਕਿ ਭੂਮੀਗਤ ਸ਼ਿਕਾਰ ਨੂੰ ਫੜਨ ਲਈ ਪੌਦੇ ਦੇ ਵਿਕਾਸ ਦੇ ਕੁਝ ਕਾਰਨ ਸੁੱਕੇ ਸਮੇਂ ਦੌਰਾਨ ਵਧੇਰੇ ਸਥਿਰ ਸਥਿਤੀਆਂ ਹਨ। ਮਾਸਾਹਾਰੀ ਪੌਦਿਆਂ ਦੀਆਂ ਸਿਰਫ਼ ਤਿੰਨ ਹੋਰ (ਜਾਣੀਆਂ) ਕਿਸਮਾਂ ਹਨ ਜੋ ਭੂਮੀਗਤ ਸ਼ਿਕਾਰ ਕਰਦੇ ਹਨ, ਪਰ ਉਹ ਸਾਰੇ ਬਹੁਤ ਵੱਖਰੇ ਢੰਗਾਂ ਦੀ ਵਰਤੋਂ ਕਰਦੇ ਹਨ।