ਦੋਸਤ ਦੀ ਵਰਦੀ ਚੋਰੀ ਕਰ ਬਣਿਆ ਇੰਸਪੈਕਟਰ, ਖੂਬ ਝਾੜਿਆ ਰੋਹਬ, Free ਦੀਆਂ ਫ਼ਿਲਮਾਂ, ਮੁਫਤ ਖਾਣਾ, ਇਕ ਗਲਤੀ ਨੇ ਫਸਵਾਇਆ...
Inspector : ਇੰਸਪੈਕਟਰ ਅਸ਼ਵਨੀ ਚਤੁਰਵੇਦੀ ਅਨੁਸਾਰ ਬਹਰਾਇਚ ਰਾਮਗਾਂਵ ਦੇ ਰਹਿਣ ਵਾਲੇ ਸੋਮਿਲ ਸਿੰਘ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਉਹ ਥਾਣੇਦਾਰ ਦੀ ਵਰਦੀ ਪਾ ਕੇ ਘੁੰਮ ਰਿਹਾ ਸੀ। ਸੋਮਿਲ ਨੇ ਸਬ-ਇੰਸਪੈਕਟਰ ਦੀ ਵਰਦੀ ਪਾਈ ਹੋਈ ਸੀ।
ਪੁਲਸ ਨੇ ਸ਼ਨੀਵਾਰ ਸਵੇਰੇ ਖਾਕੀ ਵਰਦੀ ਵਿੱਚ ਦੋ ਸਿਤਾਰਿਆਂ ਦੇ ਨਾਲ ਚਿਨਹਾਟ ਵਿੱਚ ਅਯੁੱਧਿਆ ਹਾਈਵੇਅ ਉੱਤੇ ਘੁੰਮ ਰਹੇ ਇੱਕ ਫਰਜ਼ੀ ਇੰਸਪੈਕਟਰ ਨੂੰ ਫੜਿਆ। ਮੁਲਜ਼ਮ ਕਾਰ ਖਰੀਦਣ ਲਈ ਇੱਕ ਕਾਰ ਦੇ ਸ਼ੋਅਰੂਮ ਵਿੱਚ ਪਹੁੰਚਿਆ ਸੀ। ਸ਼ੱਕੀ ਇੰਸਪੈਕਟਰ ਨੂੰ ਫੜ ਕੇ ਥਾਣੇ ਲਿਜਾਇਆ ਗਿਆ। ਉਥੇ ਪਹੁੰਚ ਕੇ ਵੀ ਫਰਜ਼ੀ ਇੰਸਪੈਕਟਰ ਬਾਰਾਬੰਕੀ 'ਚ ਤਾਇਨਾਤ ਹੋਣ ਦਾ ਦਾਅਵਾ ਕਰਦਾ ਰਿਹਾ। ਸਖ਼ਤੀ ਨਾਲ ਪੁੱਛਗਿੱਛ ਕਰਨ 'ਤੇ ਮੁਲਜ਼ਮ ਨੇ ਸੱਚਾਈ ਦਾ ਖੁਲਾਸਾ ਕੀਤਾ।
ਦੋਸਤ ਦੀ ਵਰਦੀ ਕੀਤੀ ਸੀ ਚੋਰੀ, Star ਖਰੀਦੇ ਸੀ ਬਜ਼ਾਰ ਤੋਂ
ਇੰਸਪੈਕਟਰ ਅਸ਼ਵਨੀ ਚਤੁਰਵੇਦੀ ਅਨੁਸਾਰ ਬਹਰਾਇਚ ਰਾਮਗਾਂਵ ਦੇ ਰਹਿਣ ਵਾਲੇ ਸੋਮਿਲ ਸਿੰਘ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਉਹ ਥਾਣੇਦਾਰ ਦੀ ਵਰਦੀ ਪਾ ਕੇ ਘੁੰਮ ਰਿਹਾ ਸੀ। ਸੋਮਿਲ ਨੇ ਸਬ-ਇੰਸਪੈਕਟਰ ਦੀ ਵਰਦੀ ਪਾਈ ਹੋਈ ਸੀ। ਪਰ ਜੁੱਤੇ ਉਸ ਨੇ ਕਾਲੇ ਰੰਗ ਦੇ ਪਾਏ ਹੋਏ ਸੀ। ਇਸ 'ਤੇ ਚੌਕੀ ਇੰਚਾਰਜ ਜਾਵੇਦ ਨੂੰ ਸ਼ੱਕ ਹੋ ਗਿਆ। ਸੋਮਿਲ ਨੇ ਦੱਸਿਆ ਕਿ ਉਹ ਬਾਰਾਬੰਕੀ 'ਚ ਤਾਇਨਾਤ ਹੈ। ਉਸ ਨੇ ਇਕ ਆਈਡੀ ਕਾਰਡ ਵੀ ਦਿਖਾਇਆ ਜਿਸ 'ਤੇ ਸੋਮਿਲ ਦੀ ਫੋਟੋ ਦੇ ਨਾਲ ਪੀਐਨਓ ਨੰਬਰ ਲਿਖਿਆ ਹੋਇਆ ਸੀ। ਸ਼ੱਕ ਪੈਣ ’ਤੇ ਬਾਰਾਬੰਕੀ ਪੁਲਸ ਨਾਲ ਸੰਪਰਕ ਕੀਤਾ ਗਿਆ ਤਾਂ ਪਤਾ ਲੱਗਾ ਕਿ ਸੋਮਿਲ ਸਿੰਘ ਦਾ ਨਾਂ ਕੋਈ ਸੱਜਣ ਪੁਲਸ ਵਿੱਚ ਹੈ ਹੀ ਨਹੀਂ। ਪੜਤਾਲ ਤੋਂ ਬਾਅਦ ਸੋਮਿਲ ਨੇ ਵੀ ਇਕਬਾਲ ਕਰ ਲਿਆ।
ਦੋਸ਼ੀ ਨੇ ਪੁਲਸ ਨੂੰ ਦੱਸਿਆ ਕਿ ਉਸ ਦਾ ਇਕ ਦੋਸਤ ਕਾਂਸਟੇਬਲ ਹੈ, ਜੋ ਗੌਤਮਪੱਲੀ ਪੁਲਸ ਸਟੇਸ਼ਨ 'ਚ ਤਾਇਨਾਤ ਹੈ। ਸੋਮਿਲ ਨੇ ਆਪਣੇ ਦੋਸਤ ਦੀ ਜਾਣਕਾਰੀ ਤੋਂ ਬਿਨਾਂ ਹੀ ਵਰਦੀ ਚੋਰੀ ਕਰ ਲਈ ਸੀ। ਉਹ ਵਰਦੀ ਲੈ ਕੇ ਲਖਨਊ ਆਇਆ ਸੀ। ਚਾਰਬਾਗ ਦੀ ਇਕ ਦੁਕਾਨ ਤੋਂ ਤਾਰੇ ਖਰੀਦੇ ਅਤੇ ਵਰਦੀ 'ਤੇ ਸਿਲਾਈ ਕੀਤੀ। ਇੰਸਪੈਕਟਰ ਮੁਤਾਬਕ ਸੋਮਿਲ ਸ਼ਨੀਵਾਰ ਸਵੇਰੇ ਕਾਰ ਦੇ ਸ਼ੋਅਰੂਮ 'ਚ ਗਿਆ ਸੀ। ਉਸ ਨੇ ਕਾਰ ਖਰੀਦਣ ਦੀ ਗੱਲ ਕੀਤੀ ਅਤੇ ਸ਼ੋਅਰੂਮ ਦੇ ਮੁਲਾਜ਼ਮ ਨਾਲ ਗੱਲ ਕਰਦੇ ਹੋਏ ਉਹ ਢਾਬੇ ਨੇੜੇ ਪਹੁੰਚ ਗਿਆ।
ਕਾਲੀਆਂ ਜੁੱਤੀਆਂ ਕਾਰਨ ਸ਼ੱਕ, ਪੁੱਛਗਿੱਛ ਦੌਰਾਨ ਦਿਖਾਇਆ ਰੋਹਬ
ਮੁਲਜ਼ਮ ਸੋਮਿਲ ਢਾਬੇ ਕੋਲ ਖੜ੍ਹਾ ਸੀ। ਉਸ ਨੇ ਇੰਸਪੈਕਟਰ ਦੀ ਵਰਦੀ ਨਾਲ ਕਾਲੇ ਰੰਗ ਦੇ ਜੁੱਤੇ ਪਾਏ ਹੋਏ ਸੀ। ਪੁਲਸ ਮਹਿਕਮੇ 'ਚ ਕਾਂਸਟੇਬਲ ਪੱਧਰ 'ਤੇ ਹੀ ਕਾਲੇ ਜੁੱਤੇ ਪਾਏ ਜਾਂਦੇ ਹਨ। ਭੂਰੇ ਰੰਗ ਦੇ ਜੁੱਤੇ ਇੰਸਪੈਕਟਰ ਦੇ ਰੈਂਕ ਤੋਂ ਪਹਿਨੇ ਜਾਂਦੇ ਹਨ। ਇਸ ਅਸਮਾਨਤਾ ਨੇ ਚੌਕੀ ਇੰਚਾਰਜ ਜਾਵੇਦ ਦਾ ਧਿਆਨ ਖਿੱਚਿਆ। ਪੁੱਛਣ 'ਤੇ ਸੋਮਿਲ ਨੇ ਇੰਸਪੈਕਟਰ ਰੋਹਬ ਝਾੜਨ ਦੀ ਕੋਸ਼ਿਸ਼ ਕੀਤੀ ਅਤੇ ਕਾਹਲੀ ਨਾਲ ਕਿਹਾ ਕਿ ਉਹ ਬਾਰਾਬੰਕੀ 'ਚ ਤਾਇਨਾਤ ਹੈ।
ਇੰਸਪੈਕਟਰ ਬਣ ਕੇ ਘੱਟ ਕਰਾਉਣਾ ਸੀ ਦਾਮ
ਇੰਸਪੈਕਟਰ ਮੁਤਾਬਕ ਮੁਲਜ਼ਮ ਦੇ ਪਿਤਾ ਦੀ ਮੌਤ ਹੋ ਚੁੱਕੀ ਹੈ। ਉਹ ਵੀ ਪੁਲਸ ਵਿਭਾਗ ਵਿੱਚ ਹੈੱਡ ਕਾਂਸਟੇਬਲ ਸਨ। ਬੀਏ ਪਾਸ ਕਰਨ ਤੋਂ ਬਾਅਦ ਸੋਮਿਲ ਨੂੰ ਨੌਕਰੀ ਨਹੀਂ ਮਿਲੀ। ਉਹ ਵਰਦੀ ਪਾਉਣ ਦਾ ਸ਼ੌਕੀਨ ਹੈ। ਉਹ ਦੋ ਦਿਨ ਪਹਿਲਾਂ ਲਖਨਊ ਆਇਆ ਸੀ। ਦੋਸਤ ਦੀ ਵਰਦੀ ਚੋਰੀ ਕਰਨ ਤੋਂ ਬਾਅਦ ਉਹ ਸ਼ਨੀਵਾਰ ਨੂੰ ਕਾਰ ਖਰੀਦਣ ਦੇ ਇਰਾਦੇ ਨਾਲ ਸ਼ੋਅਰੂਮ ਪਹੁੰਚਿਆ। ਇੰਸਪੈਕਟਰ ਨੇ ਦੱਸਿਆ ਕਿ ਸੋਮਿਲ ਦੇ ਨਾਲ ਸ਼ੋਅਰੂਮ ਦਾ ਸੇਲਜ਼ਮੈਨ ਵੀ ਸੀ। ਉਸ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਸੋਮਿਲ ਨੇ ਪੁਲਸ ਨੂੰ ਦੱਸਿਆ ਕਿ ਵਰਦੀ ਪਾ ਕੇ ਕਾਰ ਦੇ ਸ਼ੋਅਰੂਮ ਵਿੱਚ ਜਾਣ ਦਾ ਮਕਸਦ ਕੀਮਤ ਘੱਟ ਕਰਾਉਣਾ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
