ਬੈਂਕ ਕਰਮਚਾਰੀ ਵੱਲੋਂ ਫੌਜੀ ਨਾਲ ਕੀਤੀ ਬਦਤਮੀਜ਼ੀ? ਵਾਇਰਲ ਹੋ ਰਹੀ ਆਡੀਓ ਦੀ ਜਾਣੋ ਕੀ ਹੈ ਅਸਲ ਸੱਚਾਈ!
ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਦਿਨਾਂ ਇੱਕ ਆਡੀਓ ਕਲਿੱਪ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਇੱਕ ਮਹਿਲਾ, ਜੋ ਕਥਿਤ ਤੌਰ 'ਤੇ ਬੈਂਕ ਕਰਮਚਾਰੀ ਦੱਸੀ ਜਾ ਰਹੀ ਹੈ, ਇੱਕ ਵਿਅਕਤੀ ਨੂੰ, ਜੋ ਆਰਮੀ ਦਾ ਜਵਾਨ ਦੱਸਿਆ ਜਾ ਰਿਹਾ ਹੈ।
ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਦਿਨਾਂ ਇੱਕ ਆਡੀਓ ਕਲਿੱਪ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਇੱਕ ਮਹਿਲਾ, ਜੋ ਕਥਿਤ ਤੌਰ 'ਤੇ ਬੈਂਕ ਕਰਮਚਾਰੀ ਦੱਸੀ ਜਾ ਰਹੀ ਹੈ, ਇੱਕ ਵਿਅਕਤੀ ਨੂੰ, ਜੋ ਆਰਮੀ ਦਾ ਜਵਾਨ ਦੱਸਿਆ ਜਾ ਰਿਹਾ ਹੈ। ਆਡੀਓ ਦੇ ਵਿੱਚ ਮਹਿਲਾ ਕਰਮਚਾਰੀ, “ਗਵਾਰ ਹੋ ਇਸ ਲਈ ਬਾਰਡਰ 'ਤੇ ਭੇਜੇ ਗਏ ਹੋ” ਵਰਗੀਆਂ ਗੱਲਾਂ ਕਹਿੰਦੀ ਸੁਣੀ ਦੇ ਰਹੀ ਹੈ। ਮਹਿਲਾ ਉਸ ਵਿਅਕਤੀ ਨਾਲ ਹੋਰ ਵੀ ਕਈ ਆਪੱਤੀਜਨਕ ਗੱਲਾਂ ਕਰਦੀ ਹੈ। ਆਡੀਓ ਕਲਿੱਪ ਸਾਹਮਣੇ ਆਉਂਦੇ ਹੀ ਲੋਕ ਗੁੱਸੇ 'ਚ ਹਨ ਅਤੇ ਫੌਜੀ ਜਵਾਨ ਲਈ ਵਰਤੀ ਗਈ ਭਾਸ਼ਾ ਨੂੰ ਬੇਅਦਬੀ ਕਰਾਰ ਦੇ ਰਹੇ ਹਨ। ਹਾਲਾਂਕਿ ਹੁਣ ਬੈਂਕ ਨੇ ਖੁਦ ਚੁੱਪੀ ਤੋੜਦੇ ਹੋਏ ਸੱਚਾਈ ਦੱਸੀ ਹੈ।
ਆਡੀਓ ਕਲਿੱਪ ਵਿੱਚ ਜੋ ਮਹਿਲਾ ਹੈ, ਉਸਨੂੰ ਮੁੰਬਈ ਦੇ HDFC ਬੈਂਕ ਦੀ ਲੋਨ ਰਿਕਵਰੀ ਏਜੰਟ ਦੱਸਿਆ ਜਾ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਏ ਕੁਝ ਪੇਜਾਂ 'ਤੇ ਇਸ ਦਾ ਨਾਮ ਅਨੁਰਾਧਾ ਵਰਮਾ ਦੱਸਿਆ ਗਿਆ ਹੈ। ਗੱਲਬਾਤ ਦੀ ਸ਼ੁਰੂਆਤ ਤੋਂ ਹੀ ਉਹ ਸਾਹਮਣੇ ਵਾਲੇ ਵਿਅਕਤੀ ਨਾਲ ਝਗੜਦੀ ਸੁਣਾਈ ਦਿੰਦੀ ਹੈ। ਗੱਲਬਾਤ ਸੁਣਕੇ ਅਜਿਹਾ ਲੱਗਦਾ ਹੈ ਜਿਵੇਂ ਉਹ ਵਿਅਕਤੀ ਫੌਜੀ ਹੈ। ਮਹਿਲਾ ਕਹਿੰਦੀ ਹੈ, “ਤੁਹਾਨੂੰ ਮੇਸੇਜ ਦਾ ਜਵਾਬ ਤਾਂ ਦੇਣਾ ਚਾਹੀਦਾ ਕਿ ਕੋਈ ਦਿੱਕਤ ਹੈ।”
ਇਸ 'ਤੇ ਉਹ ਵਿਅਕਤੀ ਜਵਾਬ ਦਿੰਦਾ ਹੈ ਕਿ ਪੈਸੇ ਨੂੰ ਲੈ ਕੇ ਕੁਝ ਹਿਸਾਬ ਉਸਨੂੰ ਸਮਝ ਨਹੀਂ ਆਇਆ। ਇਹ ਸੁਣ ਕੇ ਮਹਿਲਾ ਕਹਿੰਦੀ ਹੈ, “ਅਰੇ 75 ਵਾਰ ਦੱਸ ਤਾਂ ਚੁੱਕੀ ਹਾਂ। ਤੁਸੀਂ ਗਵਾਰ ਹੋ ਤਾਂ ਕੀ ਕਰ ਸਕਦੇ ਹਾਂ। ਜੇ ਪੜ੍ਹੇ-ਲਿਖੇ ਹੁੰਦੇ ਤਾਂ ਕਿਸੇ ਵਧੀਆ ਕੰਪਨੀ 'ਚ ਨੌਕਰੀ ਕਰ ਰਹੇ ਹੁੰਦੇ। ਗਵਾਰ ਹੋ ਇਸ ਲਈ ਬਾਰਡਰ 'ਤੇ ਭੇਜ ਦਿੱਤਾ ਗਿਆ ਹੈ ਤੈਨੂੰ। ਕਦੇ ਕਿਸੇ ਦਾ ਹੱਕ ਨਹੀਂ ਖਾਣਾ ਚਾਹੀਦਾ, ਨਹੀਂ ਤਾਂ ਹਜ਼ਮ ਨਹੀਂ ਹੁੰਦਾ, ਫਿਰ ਤੁਹਾਡੇ ਬੱਚੇ ਵਿਕਲਾਂਗ ਪੈਦਾ ਹੁੰਦੇ ਹਨ। ਅਤੇ ਅਜਿਹੇ ਹੀ ਲੋਕ ਹੁੰਦੇ ਹਨ ਜੋ ਸ਼ਹੀਦ ਹੋ ਜਾਂਦੇ ਹਨ।” ਮਹਿਲਾ ਅੱਗੇ ਵੀ ਉਸ ਵਿਅਕਤੀ ਨਾਲ ਹੋਰ ਬਦਸਲੂਕੀ ਕਰਦੀ ਰਹਿੰਦੀ ਹੈ।
ਲੋਕਾਂ ਦਾ ਗੁੱਸਾ ਫੁੱਟਿਆ
ਵਾਇਰਲ ਕਲਿੱਪ ਨੂੰ ਲੈ ਕੇ ਲੋਕ ਮਹਿਲਾ 'ਤੇ ਕਾਫੀ ਗੁੱਸਾ ਜ਼ਾਹਿਰ ਕਰ ਰਹੇ ਹਨ। ਇੰਟਰਨੈੱਟ ਯੂਜ਼ਰਾਂ ਨੇ ਮਹਿਲਾ ਖ਼ਿਲਾਫ਼ ਜਲਦੀ ਕਾਰਵਾਈ ਦੀ ਮੰਗ ਕੀਤੀ ਹੈ। ਕਈ ਯੂਜ਼ਰਾਂ ਨੇ HDFC ਬੈਂਕ ਨੂੰ ਟੈਗ ਕਰਕੇ ਵੀ ਜਵਾਬ ਮੰਗਿਆ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਇੱਕ ਸੈਨਿਕ ਲਈ ਅਜਿਹੀ ਭਾਸ਼ਾ ਬਿਲਕੁਲ ਕਬੂਲ ਨਹੀਂ। ਇੱਕ ਯੂਜ਼ਰ ਨੇ ਲਿਖਿਆ, “ਅਰੇ ਉਹ ਬਾਰਡਰ 'ਤੇ ਹੈ, ਇਸ ਕਰਕੇ ਹੀ ਤੂੰ ਅੱਜ ਚੱਪੜ-ਚੱਪੜ ਕਰ ਰਹੀ ਹੈਂ।” ਇੱਕ ਹੋਰ ਯੂਜ਼ਰ ਨੇ ਲਿਖਿਆ, “ਨੌਕਰੀ ਤੋਂ ਕੱਢੋ ਤੇ ਕਿੱਸਾ ਖਤਮ ਕਰੋ।”
HDFC ਬੈਂਕ ਨੇ ਦੱਸੀ ਸੱਚਾਈ
ਮਾਮਲਾ ਵੱਧਣ ਤੋਂ ਬਾਅਦ HDFC ਬੈਂਕ ਨੇ ਵਿਵਾਦ 'ਤੇ ਪ੍ਰਤੀਕਿਰਿਆ ਦਿੰਦਿਆਂ ਇੱਕ ਬਿਆਨ ਜਾਰੀ ਕਰਕੇ ਅਨੁਰਾਧਾ ਵਰਮਾ ਦੇ ਬੈਂਕ ਕਰਮਚਾਰੀ ਹੋਣ ਤੋਂ ਇਨਕਾਰ ਕੀਤਾ ਹੈ। ਬੈਂਕ ਨੇ ਸਪੱਸ਼ਟ ਕਿਹਾ ਕਿ ਆਡੀਓ ਵਿੱਚ ਜਿਸ ਮਹਿਲਾ ਦਾ ਨਾਮ ਲਿਆ ਗਿਆ ਹੈ, ਉਸਦਾ ਬੈਂਕ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਬੈਂਕ ਨੇ ਸਰਕਾਰੀ ਬਿਆਨ ਵਿੱਚ ਕਿਹਾ, “HDFC ਬੈਂਕ ਵਿੱਚ ਅਨੁਰਾਧਾ ਵਰਮਾ ਨਾਮ ਦੀ ਕੋਈ ਕਰਮਚਾਰੀ ਨਹੀਂ ਹੈ। ਆਡੀਓ ਵਿੱਚ ਸੁਣਾਈ ਦੇਣ ਵਾਲਾ ਸਲੂਕ ਅਸਵੀਕਾਰਯੋਗ ਹੈ ਅਤੇ HDFC ਬੈਂਕ ਦੇ ਮੁੱਲਾਂ ਨੂੰ ਨਹੀਂ ਦਰਸਾਉਂਦਾ।” ਇਸ ਵੇਲੇ ਆਡੀਓ ਦੀ ਸੱਚਾਈ ਜਾਂ ਇਸ ਵਿੱਚ ਸ਼ਾਮਲ ਮਹਿਲਾ ਦੀ ਪਹਿਚਾਣ ਬਾਰੇ ਕੋਈ ਅਧਿਕਾਰਕ ਪੁਸ਼ਟੀ ਨਹੀਂ ਹੋਈ। ਏਬੀਪੀ ਸਾਂਝਾ ਇਸ ਵਾਇਰਲ ਆਡੀਓ ਦੀ ਪੁਸ਼ਟੀ ਨਹੀਂ ਕਰਦਾ ਹੈ।
HDFC Bank female employee went to the extreme of misbehaving with a military personnel over a loan
— Ghar Ke Kalesh (@gharkekalesh) September 18, 2025
pic.twitter.com/iYMEyBreMQ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
