(Source: ECI/ABP News/ABP Majha)
Tiranga on helmet: ਹੈਲਮੈਟ ‘ਤੇ ਭਾਰਤ ਦਾ ਝੰਡਾ ਲੱਗਾ ਕੇ ਖੇਡਦੇ ਕ੍ਰਿਕਟਰ...ਕੀ ਅਜਿਹਾ ਕਰਨਾ ਗੈਰ-ਕਾਨੂੰਨੀ ਹੈ?
Tiranga on helmet: ਤੁਸੀਂ ਦੇਖਿਆ ਹੋਵੇਗਾ ਕਿ ਜਦੋਂ ਕਈ ਖਿਡਾਰੀ ਕ੍ਰਿਕਟ ਖੇਡਣ ਲਈ ਮੈਦਾਨ 'ਚ ਆਉਂਦੇ ਹਨ ਤਾਂ ਉਹ ਹੈਲਮੈਟ ਪਾ ਕੇ ਰੱਖਦੇ ਹਨ, ਜਿਸ ‘ਤੇ ਝੰਡਾ ਬਣਿਆ ਹੁੰਦਾ ਹੈ। ਤਾਂ ਜਾਣੋ ਕੀ ਇਹ ਝੰਡੇ ਨਾਲ ਜੁੜੇ ਨਿਯਮਾਂ ਮੁਤਾਬਕ ਸਹੀ ਹੈ?
Tiranga on helmet: ਜਦੋਂ ਵੀ ਕੋਈ ਕ੍ਰਿਕਟ ਮੈਚ ਚੱਲ ਰਿਹਾ ਹੁੰਦਾ ਹੈ, ਤੁਸੀਂ ਦੇਖਿਆ ਹੋਵੇਗਾ ਕਿ ਕਈ ਖਿਡਾਰੀ ਜਦੋਂ ਬੱਲੇਬਾਜ਼ੀ ਕਰਨ ਆਉਂਦੇ ਹਨ ਤਾਂ ਹੈਲਮੇਟ ਪਾ ਕੇ ਆਉਂਦੇ ਹਨ। ਤੁਸੀਂ ਕਈ ਭਾਰਤੀ ਖਿਡਾਰੀਆਂ ਦੇ ਹੈਲਮੇਟ 'ਤੇ ਭਾਰਤੀ ਝੰਡਾ ਦੇਖਿਆ ਹੋਵੇਗਾ ਪਰ ਕਈ ਖਿਡਾਰੀਆਂ ਦੇ ਹੈਲਮੇਟ 'ਤੇ ਇਹ ਝੰਡਾ ਨਹੀਂ ਹੈ।
ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਹੈਲਮੇਟ 'ਤੇ ਝੰਡੇ ਨਾਲ ਖੇਡਣਾ ਤਿਰੰਗੇ ਦਾ ਅਪਮਾਨ ਹੈ, ਜਦਕਿ ਕਈ ਲੋਕ ਇਸ ਨੂੰ ਖਿਡਾਰੀ ਦੀ ਦੇਸ਼ ਭਗਤੀ ਨਾਲ ਜੋੜ ਕੇ ਦੇਖਦੇ ਹਨ। ਅਜਿਹੇ 'ਚ ਸਵਾਲ ਇਹ ਖੜ੍ਹਾ ਹੁੰਦਾ ਹੈ ਕਿ ਨਿਯਮਾਂ ਮੁਤਾਬਕ ਹੈਲਮੇਟ 'ਤੇ ਝੰਡਾ ਲਗਾਉਣਾ ਕਿੰਨਾ ਕੁ ਸਹੀ ਹੈ ਅਤੇ ਝੰਡੇ ਨੂੰ ਲੈ ਕੇ ਕੀ ਨਿਯਮ ਹਨ?
ਦਰਅਸਲ, ਹੈਲਮੇਟ 'ਤੇ ਝੰਡਾ ਬਣਾਉਣ ਨੂੰ ਲੈ ਕੇ ਪਿਛਲੇ ਦਿਨੀਂ ਕਾਫੀ ਚਰਚਾ ਹੋਈ ਹੈ ਅਤੇ ਖਿਡਾਰੀਆਂ ਨੂੰ ਅਜਿਹਾ ਕਰਨ ਤੋਂ ਮਨ੍ਹਾ ਵੀ ਕੀਤਾ ਗਿਆ ਸੀ, ਤਾਂ ਆਓ ਜਾਣਦੇ ਹਾਂ ਝੰਡੇ ਲਾਉਣ ਨੂੰ ਲੈ ਕੇ ਕੀ ਕਹਿੰਦੇ ਹਨ ਨਿਯਮ। ਇਹ ਵੀ ਦੱਸ ਦਈਏ ਕਿ ਇਸ ਨੂੰ ਲੈ ਕੇ ਕੀ ਵਿਵਾਦ ਖੜ੍ਹਾ ਹੋਇਆ ਹੈ...
ਇਹ ਵੀ ਪੜ੍ਹੋ: Viral Video: ਗੋਰੀ ਮੇਮ ਨੂੰ ਪਸੰਦ ਆਈ ਭਾਰਤੀ ਆਵਾਰਾ ਕੁੱਤੀ, ਪਾਸਪੋਰਟ ਬਣਵਾ ਲੈ ਜਾਏਗੀ ਨੀਦਰਲੈਂਡ
ਪਹਿਲਾਂ ਲੱਗਿਆ ਸੀ ਬੈਨ
ਇਹ ਘਟਨਾ ਸਾਲ 2005 ਦੀ ਹੈ, ਜਦੋਂ ਖਿਡਾਰੀਆਂ ਦੇ ਤਿਰੰਗੇ ਦੀ ਵਰਤੋਂ ਕਰਨ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ। ਉਨ੍ਹਾਂ ਖਿਡਾਰੀਆਂ ਵੱਲੋਂ ਵਰਤੇ ਜਾਣ ਵਾਲੇ ਸਮਾਨ 'ਤੇ ਤਿਰੰਗਾ ਨਾ ਲਗਾਉਣ ਲਈ ਕਿਹਾ ਗਿਆ। ਦੱਸ ਦਈਏ ਕਿ ਸਾਲ 2005 'ਚ ਬੀਸੀਸੀਆਈ ਅਤੇ ਭਾਰਤ ਸਰਕਾਰ ਵਿਚਾਲੇ ਵਿਵਾਦ ਤੋਂ ਬਾਅਦ ਭਾਰਤੀ ਖਿਡਾਰੀਆਂ ਨੂੰ ਆਪਣੇ ਹੈਲਮੇਟ, ਰਿਸਟ ਬੈਂਡ ਜਾਂ ਜਰਸੀ 'ਤੇ ਕਿਤੇ ਵੀ ਤਿਰੰਗਾ ਦਿਖਾਉਣ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ।
ਇਸ ਦੌਰਾਨ ਗ੍ਰਹਿ ਮੰਤਰਾਲੇ ਨੇ ਫਲੈਗ ਕੋਡ ਆਫ ਇੰਡੀਆ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਸੀ ਕਿ ਜਰਸੀ ਜਾਂ ਕਿੱਟ 'ਤੇ ਤਿਰੰਗੇ ਦੀ ਵਰਤੋਂ ਨਹੀਂ ਕੀਤੀ ਜਾਣੀ ਚਾਹੀਦੀ।
ਇੰਡੀਆ ਟੂਡੇ ਦੀ ਰਿਪੋਰਟ ਮੁਤਾਬਕ ਇਸ ਤੋਂ ਬਾਅਦ ਸਚਿਨ ਤੇਂਦੁਲਕਰ ਅਤੇ ਸੌਰਵ ਗਾਂਗੁਲੀ ਨੇ ਵੀ ਹੈਲਮੇਟ ਤੋਂ ਤਿਰੰਗਾ ਉਤਾਰ ਦਿੱਤਾ। ਇਸ ਤੋਂ ਬਾਅਦ ਇਸ 'ਤੇ ਕਾਫੀ ਹੰਗਾਮਾ ਹੋਇਆ। ਇਸ ਤੋਂ ਬਾਅਦ ਬੀਸੀਸੀਆਈ ਨੇ ਸਰਕਾਰ ਨਾਲ ਗੱਲ ਕੀਤੀ ਅਤੇ ਤਤਕਾਲੀ ਗ੍ਰਹਿ ਮੰਤਰੀ ਸ਼ਿਵਰਾਜ ਪਾਟਿਲ ਨੇ ਤਿਰੰਗੇ ਦੀ ਵਰਤੋਂ ਕਰਨ ਦੀ ਇਜਾਜ਼ਤ ਦੇ ਦਿੱਤੀ। ਇਸ ਤੋਂ ਬਾਅਦ ਫਿਰ ਤੋਂ ਹੈਲਮੇਟ ਆਦਿ 'ਤੇ ਤਿਰੰਗੇ ਦੀ ਵਰਤੋਂ ਸ਼ੁਰੂ ਹੋ ਗਈ।
ਧੋਨੀ ਨੇ ਤਿਰੰਗਾ ਲਾਉਣ ਕਰ ਦਿੱਤਾ ਸੀ ਬੰਦ
ਟੀਮ ਇੰਡੀਆ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ 2011 ਵਿਸ਼ਵ ਕੱਪ ਤੋਂ ਬਾਅਦ ਆਪਣੇ ਹੈਲਮੇਟ 'ਤੇ ਤਿਰੰਗੇ ਨੂੰ ਪਹਿਨਣਾ ਬੰਦ ਕਰ ਦਿੱਤਾ ਸੀ। ਇਸ ਦੇ ਪਿੱਛੇ ਕਾਰਨ ਇਹ ਦੱਸਿਆ ਜਾ ਰਿਹਾ ਸੀ ਕਿ ਧੋਨੀ ਇਸ ਹੈਲਮੇਟ ਨੂੰ ਜ਼ਮੀਨ 'ਤੇ ਰੱਖ ਕੇ ਰੱਖਦੇ ਸਨ, ਇਸ ਲਈ ਉਨ੍ਹਾਂ ਨੇ ਅਜਿਹਾ ਕਰਨਾ ਬੰਦ ਕਰ ਦਿੱਤਾ ਸੀ।
ਇਹ ਵੀ ਪੜ੍ਹੋ: Viral Video: ਚੱਲਦੀ ਕਾਰ 'ਚ ਰੀਲ ਬਣਾ ਰਹੀਆਂ ਸੀ ਕੁੜੀਆਂ, ਅਚਾਨਕ ਕੰਟਰੋਲ ਤੋਂ ਬਾਹਰ ਹੋਈ ਕਾਰ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
