Earthquake Viral Video: ਭੂਚਾਲ ਕਾਰਨ ਕੰਬ ਰਿਹਾ ਸੀ ਹਸਪਤਾਲ, ਨਰਸਾਂ ਨੇ ਜਾਨ 'ਤੇ ਖੇਡਕੇ ਬਚਾਏ ਨਵਜੰਮੇ ਬੱਚੇ, Video ਆਈ ਸਾਹਮਣੇ

Trending Video ਇਹ ਵੀਡੀਓ ਹਸਪਤਾਲ ਦੇ ਅੰਦਰ ਦੀ ਹੈ, ਜਿੱਥੇ ਭੂਚਾਲ ਆਉਣ ਤੋਂ ਬਾਅਦ ਉੱਥੇ ਕੰਮ ਕਰਨ ਵਾਲੀਆਂ ਨਰਸਾਂ ਤੇਜ਼ੀ ਨਾਲ ਉਸ ਕਮਰੇ ਵਿੱਚ ਪਹੁੰਚ ਜਾਂਦੀਆਂ ਹਨ, ਜਿੱਥੇ ਨਵਜੰਮੇ ਬੱਚਿਆਂ ਨੂੰ ਰੱਖਿਆ ਜਾਂਦਾ ਹੈ।

Earthquake Viral Video: ਭੂਚਾਲ ਕਾਰਨ ਕੰਬ ਰਿਹਾ ਸੀ ਹਸਪਤਾਲ, ਨਰਸਾਂ ਨੇ ਜਾਨ 'ਤੇ ਖੇਡਕੇ ਬਚਾਏ ਨਵਜੰਮੇ ਬੱਚੇ, Video ਆਈ ਸਾਹਮਣੇ

Taiwan Earthquake Viral Video: ਹਾਲ ਹੀ ਦੇ ਸਮੇਂ ਵਿੱਚ ਕਈ ਦੇਸ਼ਾਂ ਵਿੱਚ ਭੂਚਾਲ ਦੀਆਂ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਲੰਘੇ ਦਿਨ ਪੰਜਾਬ 'ਚ ਵੀ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਤਾਇਵਾਨ 'ਚ ਬੀਤੇ ਬੁੱਧਵਾਰ ਨੂੰ ਭਿਆਨਕ ਭੂਚਾਲ ਆਇਆ, ਜਿਸ ਦੀ ਤੀਬਰਤਾ ਰਿਕਟਰ ਪੈਮਾਨੇ 'ਤੇ 7.2 ਮਾਪੀ ਗਈ। ਇਹ ਭੂਚਾਲ ਇੰਨਾ ਜ਼ਬਰਦਸਤ ਸੀ ਕਿ ਕਈ ਇਮਾਰਤਾਂ ਢਹਿ ਗਈਆਂ। ਇੱਥੋਂ ਤੱਕ ਕਿ ਜਾਪਾਨ ਦੇ ਦੋ ਟਾਪੂਆਂ 'ਤੇ ਵੀ ਆ ਗਈ ਸੁਨਾਮੀ। ਭੂਚਾਲ ਦੇ ਝਟਕਿਆਂ ਤੋਂ ਬਾਅਦ ਲੋਕ ਭੱਜ-ਦੌੜ ਕਰਦੇ ਦੇਖੇ ਗਏ ਅਤੇ ਕਈਆਂ ਨੂੰ ਜਾਨ ਬਚਾਉਂਦੇ ਹੋਏ ਦੇਖਿਆ ਗਿਆ। ਅਜਿਹਾ ਹੀ ਇੱਕ ਵੀਡੀਓ ਇਸ ਸਮੇਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।

ਦਰਅਸਲ, ਇਹ ਵੀਡੀਓ ਹਸਪਤਾਲ ਦੇ ਅੰਦਰ ਦਾ ਹੈ, ਜਿੱਥੇ ਭੂਚਾਲ ਆਉਣ ਤੋਂ ਬਾਅਦ ਉੱਥੇ ਕੰਮ ਕਰਨ ਵਾਲੀਆਂ ਨਰਸਾਂ ਤੇਜ਼ੀ ਨਾਲ ਉਸ ਕਮਰੇ ਵਿੱਚ ਪਹੁੰਚ ਜਾਂਦੀਆਂ ਹਨ, ਜਿੱਥੇ ਨਵਜੰਮੇ ਬੱਚਿਆਂ ਨੂੰ ਰੱਖਿਆ ਜਾਂਦਾ ਹੈ। ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਉਸ ਕਮਰੇ 'ਚ ਪਹਿਲਾਂ ਤੋਂ ਹੀ ਤਿੰਨ ਨਰਸਾਂ ਮੌਜੂਦ ਸਨ ਅਤੇ ਬੱਚਿਆਂ ਦੀ ਜਾਨ ਬਚਾ ਰਹੀਆਂ ਸਨ। ਜਿਵੇਂ ਹੀ ਭੂਚਾਲ ਆਇਆ, ਇਕ ਹੋਰ ਨਰਸ ਤੇਜ਼ੀ ਨਾਲ ਦੌੜਦੀ ਆਈ ਅਤੇ ਬੱਚਿਆਂ ਨੂੰ ਇਕਜੁੱਟ ਕਰਨ ਵਿਚ ਮਦਦ ਕਰਨ ਲੱਗੀ। ਹੁਣ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਵੀਡੀਓ ਨੂੰ X 'ਤੇ @IamNishantSh ਨਾਮ ਦੇ ਹੈਂਡਲ ਨਾਲ ਸ਼ੇਅਰ ਕੀਤਾ ਗਿਆ ਹੈ। ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਯੂਜ਼ਰ ਨੇ ਕੈਪਸ਼ਨ ਲਿਖਿਆ, "ਭੂਚਾਲ ਦੌਰਾਨ ਬੱਚਿਆਂ ਦੀ ਸੁਰੱਖਿਆ ਕਰ ਰਹੀਆਂ ਤਾਈਵਾਨੀ ਨਰਸਾਂ। ਇਹ ਅੱਜ ਇੰਟਰਨੈੱਟ 'ਤੇ ਮੇਰੇ ਵੱਲੋਂ ਦੇਖੇ ਗਏ ਸਭ ਤੋਂ ਖੂਬਸੂਰਤ ਵੀਡੀਓਜ਼ ਵਿੱਚੋਂ ਇੱਕ ਹੈ। ਇਨ੍ਹਾਂ ਬਹਾਦਰ ਔਰਤਾਂ ਨੂੰ ਸਲਾਮ।"

Taiwanese nurses protecting babies during earthquake.

This is one of the most beautiful video I have seen today on internet. Hats off to these brave ladies. #Taiwan #Tsunami #TaiwanEarthquake #earthquake pic.twitter.com/DwJadI1iMq

— Nishant Sharma (@IamNishantSh) April 4, 2024

ਇਸ ਵੀਡੀਓ ਨੂੰ 2 ਲੱਖ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ

31 ਸੈਕਿੰਡ ਦੇ ਇਸ ਵੀਡੀਓ ਨੂੰ ਹੁਣ ਤੱਕ 2 ਲੱਖ ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ। ਇਸ ਦੇ ਨਾਲ ਹੀ ਕਈ ਯੂਜ਼ਰਸ ਨੇ ਇਸ 'ਤੇ ਆਪਣੀ ਪ੍ਰਤੀਕਿਰਿਆ ਵੀ ਦਿੱਤੀ ਹੈ। ਇੱਕ ਯੂਜ਼ਰ ਨੇ ਲਿਖਿਆ, "ਹੁਣ ਤੱਕ ਦਾ ਸਭ ਤੋਂ ਪਿਆਰਾ ਵੀਡੀਓ।" ਇੱਕ ਹੋਰ ਯੂਜ਼ਰ ਨੇ ਲਿਖਿਆ, "ਦੁਨੀਆਂ ਵਿੱਚ ਅਜੇ ਵੀ ਕੁਝ ਲੋਕ ਅਜਿਹੇ ਹਨ ਜੋ ਦੂਜਿਆਂ ਦੀ ਪਰਵਾਹ ਕਰਦੇ ਹਨ।" ਇਸ ਦੇ ਨਾਲ ਹੀ ਇੱਕ ਹੋਰ ਯੂਜ਼ਰ ਨੇ ਲਿਖਿਆ, "ਮੈਨੂੰ ਉਮੀਦ ਹੈ ਕਿ ਉਹ ਸਾਰੇ ਸੁਰੱਖਿਅਤ ਹੋਣਗੇ।"