NEET UG 2025: ਪੈੱਨ ਅਤੇ ਪੇਪਰ ਮੋਡ 'ਚ ਨਹੀਂ ਸਗੋਂ ਆਨਲਾਈਨ ਹੋਵੇਗੀ NEET ਦੀ ਪ੍ਰੀਖਿਆ? ਸਿੱਖਿਆ ਮੰਤਰੀ ਨੇ ਆਖੀ ਆਹ ਗੱਲ
NEET UG 2025: ਅਗਲੀ ਵਾਰ ਤੋਂ NEET UG ਦੀ ਪ੍ਰੀਖਿਆ ਆਫਲਾਈਨ ਮੋਡ ਦੀ ਬਜਾਏ ਆਨਲਾਈਨ ਮੋਡ ਵਿੱਚ ਹੋ ਸਕਦੀ ਹੈ।
NEET 2025: 2025 ਵਿੱਚ ਆਯੋਜਿਤ ਹੋਣ ਵਾਲੀ NEET ਦੀ ਪ੍ਰੀਖਿਆ ਕਿਸ ਢੰਗ ਨਾਲ ਕਰਵਾਈ ਜਾਵੇਗੀ, ਇਸ ਬਾਰੇ ਚਰਚਾ ਚੱਲ ਰਹੀ ਹੈ। ਇਸਰੋ ਦੇ ਸਾਬਕਾ ਚੇਅਰਮੈਨ ਡਾ. ਕੇ. ਰਾਧਾਕ੍ਰਿਸ਼ਨਨ ਦੀ ਪ੍ਰਧਾਨਗੀ ਹੇਠ ਬਣੀ ਮਾਹਿਰਾਂ ਦੀ ਕਮੇਟੀ ਅਨੁਸਾਰ NEET ਦੀਆਂ ਪ੍ਰੀਖਿਆਵਾਂ ਪੈੱਨ ਅਤੇ ਪੇਪਰ ਦੀ ਬਜਾਏ ਆਨਲਾਈਨ ਢੰਗ ਨਾਲ ਕਰਵਾਈਆਂ ਜਾਣੀਆਂ ਚਾਹੀਦੀਆਂ ਹਨ।
ਇਸ ਮਾਹਰ ਪੈਨਲ ਨੇ NEET 2025 ਪ੍ਰੀਖਿਆ ਦੇ ਸਬੰਧ ਵਿੱਚ ਕਈ ਹੋਰ ਤਬਦੀਲੀਆਂ ਬਾਰੇ ਮਹੱਤਵਪੂਰਨ ਸੁਝਾਅ ਦਿੱਤੇ ਹਨ। ਜਿਵੇਂ ਕਿ ਪ੍ਰੀਖਿਆ ਦੇਣ ਲਈ ਕਿੰਨੇ ਅਟੈਮਪਟ ਦਿੱਤੇ ਜਾਣ, ਪ੍ਰੀਖਿਆ ਕੇਂਦਰਾਂ ਦੀ ਆਊਟਸੋਰਸਿੰਗ ਆਦਿ।
ਹੁਣ ਤੱਕ NEET UG ਪ੍ਰੀਖਿਆ ਹਮੇਸ਼ਾ ਹੀ ਪੂਰੇ ਭਾਰਤ ਅਤੇ ਵਿਦੇਸ਼ੀ ਕੇਂਦਰਾਂ 'ਚ ਆਫਲਾਈਨ ਮੋਡ 'ਚ ਕਰਵਾਈ ਜਾਂਦੀ ਰਹੀ ਹੈ, ਪਰ 2024 ਦੀ ਸ਼ੁਰੂਆਤ ਵਿੱਚ NEET UG ਦੇ ਨਤੀਜਿਆਂ ਤੋਂ ਬਾਅਦ ਪੇਪਰ ਲੀਕ ਹੋਣ ਦੇ ਦੋਸ਼ਾਂ ਨੂੰ ਲੈ ਕੇ ਦੇਸ਼ ਭਰ ਵਿੱਚ ਵਿਦਿਆਰਥੀਆਂ ਦਾ ਜ਼ਬਰਦਸਤ ਪ੍ਰਦਰਸ਼ਨ ਦੇਖਣ ਨੂੰ ਮਿਲਿਆ ਹੈ। ਐਨ.ਟੀ.ਏ. 'ਤੇ ਵੀ ਸਵਾਲ ਚੁੱਕੇ ਗਏ ਅਤੇ ਵਿਚਾਰ ਕੀਤਾ ਗਿਆ।
ਬਣਾਈ ਗਈ ਟੀਮ
ਕਈ ਕੇਂਦਰਾਂ 'ਤੇ ਪੇਪਰ ਲੀਕ ਦੇ ਮੁੱਦੇ ਨੂੰ ਲੈ ਕੇ ਪਟੀਸ਼ਨਾਂ ਦਰਜ ਕੀਤੀਆਂ ਗਈਆਂ ਸਨ ਅਤੇ ਅੰਕ ਬਦਲ ਦਿੱਤੇ ਗਏ ਸਨ। ਜਿਸ ਤੋਂ ਬਾਅਦ ਵਿਦਿਆਰਥੀਆਂ ਦਾ ਸਮੁੱਚਾ ਆਲ ਇੰਡੀਆ ਰੈਂਕ ਵੀ ਬਦਲ ਗਿਆ ਸੀ, ਪੇਪਰ ਲੀਕ ਕਾਂਡ ਤੋਂ ਬਾਅਦ ਤੁਰੰਤ ਪ੍ਰੀਖਿਆ ਦੇ ਢੰਗ ਨੂੰ ਬਦਲਣ ਦੀ ਲੋੜ ਮਹਿਸੂਸ ਕੀਤੀ ਗਈ ਸੀ, ਇਸ ਲਈ ਇਸ ਦਾ ਹੱਲ ਲੱਭਣ ਅਤੇ ਕਿਸੇ ਠੋਸ ਨਤੀਜੇ 'ਤੇ ਪਹੁੰਚਣ ਲਈ ਮਾਹਿਰਾਂ ਦੀ ਟੀਮ ਬਣਾਈ ਗਈ ਸੀ।
ਫਿਲਹਾਲ, NEET UG ਪ੍ਰੀਖਿਆ ਮੋਡ ਵਿੱਚ ਕੋਈ ਅਧਿਕਾਰਤ ਬਦਲਾਅ ਨਹੀਂ ਕੀਤਾ ਗਿਆ ਹੈ। ਸਿੱਖਿਆ ਅਤੇ ਸਿਹਤ ਮੰਤਰਾਲਾ ਇਸ ਫੈਸਲੇ 'ਤੇ ਵਿਚਾਰ ਕਰ ਰਿਹਾ ਹੈ ਕਿ ਕੀ NEET ਪ੍ਰੀਖਿਆ ਨੂੰ ਔਨਲਾਈਨ ਕੰਪਿਊਟਰ-ਅਧਾਰਿਤ ਟੈਸਟ ਫਾਰਮੈਟ ਵਿੱਚ ਬਦਲਿਆ ਜਾਵੇ ਜਾਂ ਨਹੀਂ। ਪਰ ਕੇਂਦਰੀ ਸਿੱਖਿਆ ਮੰਤਰੀ ਧਰਮਿੰਦਰ ਪ੍ਰਧਾਨ ਦੇ ਅਨੁਸਾਰ, ਸਿੱਖਿਆ ਅਤੇ ਸਿਹਤ ਮੰਤਰਾਲਾ ਇਸ ਮਾਮਲੇ 'ਤੇ ਵਿਚਾਰ ਕਰ ਰਿਹਾ ਹੈ ਕਿ ਕੀ ਮੈਡੀਕਲ ਦਾਖਲਾ ਪ੍ਰੀਖਿਆ NEET-UG ਨੂੰ ਪੈੱਨ ਅਤੇ ਪੇਪਰ ਫਾਰਮੈਟ ਵਿੱਚ ਆਯੋਜਿਤ ਕੀਤਾ ਜਾਣਾ ਚਾਹੀਦਾ ਹੈ ਜਾਂ ਆਨਲਾਈਨ ਫਾਰਮੈਟ ਵਿੱਚ, ਇਸ ਬਾਰੇ ਜਲਦੀ ਹੀ ਫੈਸਲਾ ਹੋਣ ਦੀ ਉਮੀਦ ਹੈ।
Education Loan Information:
Calculate Education Loan EMI
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
