Viral Video: ਹੈਲੀਕਾਪਟਰ ਆਸਮਾਨ ਤੋਂ ਸਿੱਧਾ ਨਦੀ 'ਚ ਡਿੱਗਿਆ, 6 ਲੋਕਾਂ ਦੀ ਮੌਤ, ਦਿਲ ਦਹਿਲਾਉਣ ਵਾਲਾ ਆਇਆ ਵੀਡੀਓ
ਸੋਸ਼ਲ ਮੀਡੀਆ ਉੱਤੇ ਇੱਕ ਵੀਡੀਓ ਤੇਜ਼ੀ ਦੇ ਨਾਲ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਇੱਕ ਹੈਲੀਕਾਪਟਰ ਆਸਮਾਨ ਚ ਉੱਡਦਾ ਹੋਇਆ ਸਿੱਧਾ ਨਦੀ ਚ ਡਿੱਗਦਾ ਹੋਇਆ ਨਜ਼ਰ ਆ ਰਿਹਾ ਹੈ । ਇਸ ਜਹਾਜ਼ ਵਿੱਚ ਸਵਾਰ ਸਾਰੇ ਲੋਕ ਮਾਰੇ ਗਏ।
Viral Video: ਨਿਊਯਾਰਕ ਸ਼ਹਿਰ ਵਿੱਚ ਹਾਲ ਹੀ ਵਿੱਚ ਇੱਕ ਦੁਖਦਾਈ ਹੈਲੀਕਾਪਟਰ ਹਾਦਸਾ ਵਾਪਰਿਆ, ਜਿਸ ਵਿੱਚ ਇੱਕ ਸਪੇਨੀ ਪਰਿਵਾਰ ਦੇ ਸਾਰੇ ਛੇ ਮੈਂਬਰਾਂ ਦੀ ਮੌਤ ਹੋ ਗਈ। ਇਹ ਹਾਦਸਾ 10 ਅਪ੍ਰੈਲ 2025 ਨੂੰ ਦੁਪਹਿਰ ਲਗਭਗ 3:15 ਵਜੇ ਹੋਇਆ, ਜਦੋਂ Bell 206 ਮਾਡਲ ਦਾ ਹੈਲੀਕਾਪਟਰ ਹਡਸਨ ਨਦੀ ਵਿੱਚ ਕਰੈਸ਼ ਕਰ ਗਿਆ। ਇਸ ਹਾਦਸੇ ਦਾ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਤੇਜ਼ੀ ਦੇ ਨਾਲ ਵਾਇਰਲ ਹੋ ਰਿਹਾ ਹੈ।
ਸਿੱਧਾ ਨਦੀ 'ਚ ਜਾ ਡਿੱਗਿਆ ਜਹਾਜ਼, ਖੌਫਨਾਕ ਹਦਸਾ ਕੈਮਰੇ 'ਚ ਹੋਇਆ ਕੈਦ
ਹੈਲੀਕਾਪਟਰ ਨੇ ਡਾਊਨਟਾਊਨ ਮੈਨਹੈਟਨ ਹੈਲੀਪੋਰਟ ਤੋਂ ਉਡਾਣ ਭਰੀ ਸੀ ਅਤੇ ਸ਼ਹਿਰ ਦੇ ਦੱਖਣੀ ਹਿੱਸੇ ਵਿੱਚ Statue of Liberty ਦੇ ਨੇੜੇ ਚੱਕਰ ਲਗਾਉਣ ਤੋਂ ਬਾਅਦ ਮੈਨਹੈਟਨ ਦੇ ਪੱਛਮੀ ਤਟ ਵੱਲ ਉਡਾਣ ਭਰੀ। ਕੁਝ ਹੀ ਸਮੇਂ ਬਾਅਦ, ਹੈਲੀਕਾਪਟਰ ਨੇ ਜਹਾਜ਼ ਵਾਸ਼ਿੰਗਟਨ ਬਰਿਜ਼ ਦੇ ਨੇੜੇ ਮੋੜ ਲਿਆ ਅਤੇ ਨਿਊ ਜਰਸੀ ਦੇ ਤਟ ਵੱਲ ਦੱਖਣ ਦੀ ਦਿਸ਼ਾ ਵਿੱਚ ਵਧਿਆ। ਲਗਭਗ 3:15 ਵਜੇ, ਹੈਲੀਕਾਪਟਰ ਹਵਾ ਵਿੱਚ ਹੀ ਕਰੈਸ਼ ਹੋ ਗਿਆ ਅਤੇ ਹਡਸਨ ਨਦੀ ਵਿੱਚ ਡਿੱਗ ਪਿਆ।
ਤਿੰਨ ਬੱਚੇ ਸਣੇ ਪਤੀ-ਪਤਨੀ ਤੇ ਪਾਇਲਟ ਦੀ ਹੋਈ ਮੌਤ
ਇਸ ਦੁਰਘਟਨਾ ਵਿੱਚ ਮਾਰੇ ਗਏ ਸਾਰੇ ਛੇ ਲੋਕ ਸਪੇਨ ਦੇ ਰਹਿਣ ਵਾਲੇ ਸਨ। ਉਨ੍ਹਾਂ ਵਿੱਚ ਸੀਮੇਨਸ ਸਪੇਨ ਦੇ ਪ੍ਰਧਾਨ ਅਗਸਟਿਨ ਐਸਕੋਬਾਰ, ਉਨ੍ਹਾਂ ਦੀ ਪਤਨੀ ਮਰਸੇ ਕੈਮਪ੍ਰੂਬੀ ਮੋਂਟਾਲ ਅਤੇ ਉਨ੍ਹਾਂ ਦੇ ਤਿੰਨ ਬੱਚੇ (ਉਮਰ 4, 5 ਅਤੇ 11 ਸਾਲ) ਸ਼ਾਮਲ ਸਨ। ਪਾਇਲਟ ਦੀ ਪਛਾਣ ਹਾਲੇ ਤੱਕ ਜਨਤਕ ਨਹੀਂ ਕੀਤੀ ਗਈ।
ਦੁਰਘਟਨਾ ਦੀ ਜਾਂਚ ਹੋਈ ਸ਼ੁਰੂ
ਫੈਡਰਲ ਏਵਿਏਸ਼ਨ ਅਥਾਰਟੀ (FAA) ਅਤੇ ਨੈਸ਼ਨਲ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ (NTSB) ਨੇ ਦੁਰਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਸ਼ੁਰੂਆਤੀ ਰਿਪੋਰਟਾਂ ਦੇ ਮੁਤਾਬਕ, ਦੁਰਘਟਨਾ ਤੋਂ ਥੋੜ੍ਹੀ ਦੇਰ ਪਹਿਲਾਂ ਹੈਲੀਕਾਪਟਰ ਵਿੱਚੋਂ ਇੱਕ ਰੋਟਰ ਬਲੇਡ ਡਿੱਗਦਾ ਹੋਇਆ ਦੇਖਿਆ ਗਿਆ ਸੀ ਅਤੇ ਇਹ ਘੁੰਮਦਾ ਹੋਇਆ ਹਵਾ ਵਿੱਚ ਹੀ ਡਿੱਗ ਗਿਆ। ਅਧਿਕਾਰੀਆਂ ਵਲੋਂ ਕਾਰਨਾਂ ਦੀ ਪੂਰੀ ਜਾਂਚ ਕੀਤੀ ਜਾ ਰਹੀ ਹੈ।
ਇਹ ਹਾਦਸਾ ਮੈਨਹੈਟਨ 'ਚ ਹੋਈਆਂ ਪਿਛਲੀਆਂ ਹੈਲੀਕਾਪਟਰ ਦੁਰਘਟਨਾਵਾਂ ਦੀ ਲੰਮੀ ਲੜੀ 'ਚ ਨਵਾਂ ਵਾਧਾ ਹੈ। 2009 ਅਤੇ 2018 ਵਿੱਚ ਵੀ ਇਥੇ ਅਜਿਹੇ ਹੀ ਹਾਦਸੇ ਹੋ ਚੁੱਕੇ ਹਨ। ਸਥਾਨਕ ਅਧਿਕਾਰੀਆਂ ਨੇ ਇਲਾਕੇ ਵਿੱਚ ਹਵਾਈ ਸੁਰੱਖਿਆ ਉੱਤੇ ਮੁੜ ਵਿਚਾਰ ਕਰਣ ਦਾ ਭਰੋਸਾ ਦਿੱਤਾ ਹੈ, ਤਾਂ ਜੋ ਅੱਗੇ ਜਾ ਕੇ ਐਸੀਆਂ ਘਟਨਾਵਾਂ ਤੋਂ ਬਚਿਆ ਜਾ ਸਕੇ।
UPDATE: SIX DEAD IN HUDSON RIVER HELICOPTER CRASH..
— Volcaholic 🌋 (@volcaholic1) April 10, 2025
3 adults and 3 children were onboard the helicopter when it crashed into the Hudson River. Preliminary information suggests the pilot and the passengers were visiting from Spain - Mayor Eric Adamspic.twitter.com/Z39Urw6ZL8
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
Before You Go
Asim Munir & ISI Killed Imran Khan?:ਸਾਬਕਾ PM ਇਮਰਾਨ ਖਾਨ ਦੀ ਹੱਤਿਆ?ਕਿੱਥੇ ਰੱਖੀ ਲਾਸ਼ ਖੁੱਲ੍ਹੇਗਾ ਵੱਡਾ ਰਾਜ਼!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
