Indian Scientist Vic Dhillon: ਭਾਰਤੀ ਵਿਗਿਆਨੀ ਵਿਕ ਢਿੱਲੋਂ ਨੇ ਸੁਲਝਾਇਆ ਬ੍ਰਹਿਮੰਡ ਦਾ ਰਹੱਸ, ਦੁਨੀਆ ਦੇ ਵੱਡੇ-ਵੱਡੇ ਵਿਗਿਆਨੀ ਹੋ ਗਏ ਸੀ ਫੇਲ੍ਹ
Indian scientist Vic Dhillon: ਮਨੁੱਖ ਅੱਜ ਹੀ ਨਹੀਂ ਸਦੀਆਂ ਤੋਂ ਬ੍ਰਹਿਮੰਡ ਦੇ ਰਹੱਸ ਨੂੰ ਸੁਲਝਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਹਾਲਾਂਕਿ, ਇਹ ਇੰਨਾ ਵਿਸ਼ਾਲ ਤੇ ਅਨੰਤ ਹੈ ਕਿ ਇਸ ਦੀ ਹਰ ਪਰਤ ਨੂੰ ਖੋਲ੍ਹਣਾ ਲਗਪਗ ਅਸੰਭਵ ਹੈ।
Indian scientist Vic Dhillon: ਮਨੁੱਖ ਅੱਜ ਹੀ ਨਹੀਂ ਸਦੀਆਂ ਤੋਂ ਬ੍ਰਹਿਮੰਡ ਦੇ ਰਹੱਸ ਨੂੰ ਸੁਲਝਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਹਾਲਾਂਕਿ, ਇਹ ਇੰਨਾ ਵਿਸ਼ਾਲ ਤੇ ਅਨੰਤ ਹੈ ਕਿ ਇਸ ਦੀ ਹਰ ਪਰਤ ਨੂੰ ਖੋਲ੍ਹਣਾ ਲਗਪਗ ਅਸੰਭਵ ਹੈ। ਇਸ ਤੋਂ ਇਲਾਵਾ ਇਸ ਬ੍ਰਹਿਮੰਡ ਦੀ ਸ਼ੁਰੂਆਤ ਤੇ ਇਸ ਵਿੱਚ ਮੌਜੂਦ ਤੱਤਾਂ ਦੀ ਹੋਂਦ ਦੇ ਰਹੱਸ ਨੂੰ ਸੁਲਝਾਉਣਾ ਹੋਰ ਵੀ ਵੱਡੀ ਗੱਲ ਹੈ। ਸਦੀਆਂ ਤੋਂ, ਦੁਨੀਆ ਭਰ ਦੇ ਵਿਗਿਆਨੀ ਕੁਝ ਅਜਿਹਾ ਅਦਭੁਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ ਜੋ ਬ੍ਰਹਿਮੰਡ ਦੇ ਰਹੱਸ ਨੂੰ ਸੁਲਝਾ ਲਵੇ।
ਹਾਲਾਂਕਿ ਉਹ ਅਜੇ ਤੱਕ ਅਜਿਹਾ ਨਹੀਂ ਕਰ ਸਕੇ ਪਰ ਹੈਰਾਨੀ ਦੀ ਗੱਲ ਇਹ ਹੈ ਕਿ ਜਿਸ ਭਾਰਤ ਦੇਸ਼ ਨੇ ਦੁਨੀਆ ਨੂੰ ਪੁਲਾੜ ਤੇ ਗ੍ਰਹਿਆਂ ਬਾਰੇ ਦੱਸਿਆ ਸੀ, ਉਸੇ ਭਾਰਤ ਦੇਸ਼ ਦੇ ਇੱਕ ਸ਼ਖਸ ਨੇ ਬ੍ਰਹਿਮੰਡ ਦੇ ਰਹੱਸਾਂ ਨੂੰ ਸੁਲਝਾਉਣ ਵਿੱਚ ਦੁਨੀਆ ਦੀ ਇੱਕ ਵਾਰ ਫਿਰ ਮਦਦ ਕੀਤੀ ਹੈ। ਆਓ ਹੁਣ ਤੁਹਾਨੂੰ ਦੱਸਦੇ ਹਾਂ ਕਿ ਭਾਰਤੀ ਮੂਲ ਦੇ ਇਸ ਵਿਗਿਆਨੀ ਨੇ ਕੀ ਕਰ ਦਿਖਾਇਆ ਹੈ।
ਇਹ ਵਿਗਿਆਨੀ ਕੌਣ?
ਦਰਅਸਲ, ਅਸੀਂ ਜਿਸ ਵਿਗਿਆਨੀ ਦੀ ਗੱਲ ਕਰ ਰਹੇ ਹਾਂ, ਉਹ ਬ੍ਰਿਟੇਨ ਵਿੱਚ ਰਹਿਣ ਵਾਲੇ ਭਾਰਤੀ ਮੂਲ ਦੇ ਵਿਗਿਆਨੀ ਪ੍ਰੋਫੈਸਰ ਵਿੱਕ ਢਿੱਲੋਂ ਹਨ। ਪ੍ਰੋਫੈਸਰ ਵਿੱਕ ਢਿੱਲੋਂ ਯੂਕੇ ਦੀ ਸ਼ੈਫੀਲਡ ਯੂਨੀਵਰਸਿਟੀ ਵਿੱਚ ਭੌਤਿਕ ਵਿਗਿਆਨ ਤੇ ਖਗੋਲ ਵਿਗਿਆਨ ਵਿਭਾਗ ਵਿੱਚ ਪ੍ਰੋਫੈਸਰ ਹਨ। ਪ੍ਰੋਫੈਸਰ ਢਿੱਲੋਂ ਇਸ ਸਮੇਂ ਉਥੇ ਅਲਟਰਾਕੈਮ ਪ੍ਰੋਜੈਕਟ ਦੀ ਅਗਵਾਈ ਕਰ ਰਹੇ ਹਨ।
ਕੀ ਕਮਾਲ ਕੀਤਾ?
ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਪ੍ਰੋਫੈਸਰ ਵਿੱਕ ਢਿੱਲੋਂ ਨੇ ਉਸ ਰਹੱਸ ਨੂੰ ਸੁਲਝਾ ਲਿਆ ਹੈ, ਜਿਸ ਨੂੰ ਵਿਗਿਆਨੀ ਦਹਾਕਿਆਂ ਤੋਂ ਹੱਲ ਨਹੀਂ ਕਰ ਸਕੇ। ਅਸਲ ਵਿੱਚ, ਇੱਕ ਅਤਿ-ਆਧੁਨਿਕ ਕੈਮਰੇ ਦੀ ਮਦਦ ਨਾਲ, ਉਨ੍ਹਾਂ ਨੇ ਬ੍ਰਹਿਮੰਡ ਵਿੱਚ ਸਭ ਤੋਂ ਭਾਰੀ ਰਸਾਇਣਕ ਤੱਤਾਂ ਦੇ ਗਠਨ ਦਾ ਭੇਤ ਸੁਲਝਾ ਲਿਆ ਹੈ।
ਪ੍ਰੋਫੈਸਰ ਢਿੱਲੋਂ ਆਪਣੀ ਖੋਜ ਬਾਰੇ ਕਹਿੰਦੇ ਹਨ ਕਿ ਸਾਡਾ ਕੈਮਰਾ ਅਲਟਰਾਕੈਮ ਗਾਮਾ-ਰੇ ਬਰਸਟ ਦੀ ਥਾਂ ਨੂੰ ਦਰਸਾਉਣ ਵਾਲਾ ਪਹਿਲਾ ਯੰਤਰ ਹੈ, ਜੋ ਹੁਣ ਤੱਕ ਦੇਖਿਆ ਗਿਆ ਦੂਜਾ ਸਭ ਤੋਂ ਚਮਕੀਲਾ ਵਿਸਫੋਟ ਸੀ। ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਹ ਹੁਣ ਤੱਕ ਦਾ ਸਿਰਫ਼ ਦੂਜਾ ਸੁਰੱਖਿਅਤ ਕਿਲੋਨੋਵਾ ਹੈ ਜਿਸ ਦਾ ਪਤਾ ਲਗਾਇਆ ਗਿਆ ਹੈ। ਕਿਲੋਨੋਵਾ ਸਾਡੇ ਲਈ ਬਹੁਤ ਮਹੱਤਵਪੂਰਨ ਹਨ ਕਿਉਂਕਿ ਇਹ ਮੰਨਿਆ ਜਾਂਦਾ ਹੈ ਕਿ ਆਵਰਤੀ ਸਾਰਣੀ ਦੇ ਜ਼ਿਆਦਾਤਰ ਭਾਰੀ ਤੱਤ ਜਿਵੇਂ ਕਿ ਸੋਨਾ, ਪਲੈਟੀਨਮ ਤੇ ਯੂਰੇਨੀਅਮ ਇੱਥੇ ਪੈਦਾ ਹੁੰਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
