Flight Guidelines: ਜਹਾਜ਼ 'ਚ ਸਫਰ ਕਰਦੇ ਵੇਲੇ ਕਦੇ ਵੀ ਨਾ ਪਹਿਨੋ ਅਜਿਹੇ ਕੱਪੜੇ, ਫਲਾਈਟ ਅਟੈਂਡੈਂਟ ਨੇ ਦੱਸੀ ਅਸਲੀਅਤ
ਪਹਿਲਾਂ ਲੋਕ ਵਿਦੇਸ਼ ਯਾਤਰਾ ਲਈ ਹੀ ਫਲਾਈਟ ਲੈਂਦੇ ਪਰ ਅੱਜਕੱਲ੍ਹ ਦੇਸ਼ ਦੇ ਅੰਦਰ ਹੀ ਲੋਕ ਜਹਾਜ਼ ਰਾਹੀਂ ਸਫਰ ਨੂੰ ਤਰਜੀਹ ਦੇਣ ਲੱਗੇ ਹਨ। ਇਸ ਦਾ ਇੱਕ ਕਾਰਨ ਇਹ ਹੈ ਕਿ ਮਨੁੱਖ ਕੋਲ ਸਮਾਂ ਘੱਟ ਹੈ। ਹਰ ਕੋਈ ਵੱਧ ਤੋਂ ਵੱਧ ਸਮਾਂ ਬਚਾਉਣਾ ਚਾਹੁੰਦਾ ਹੈ,
Flight Guidelines: ਪਿਛਲੇ ਕੁਝ ਸਮੇਂ ਤੋਂ ਜਹਾਜ਼ਾਂ ਵਿੱਚ ਸਫਰ ਕਰਨ ਦਾ ਰੁਝਾਨ ਕਾਫੀ ਵਧਿਆ ਹੈ। ਪਹਿਲਾਂ ਲੋਕ ਵਿਦੇਸ਼ ਯਾਤਰਾ ਲਈ ਹੀ ਫਲਾਈਟ ਲੈਂਦੇ ਪਰ ਅੱਜਕੱਲ੍ਹ ਦੇਸ਼ ਦੇ ਅੰਦਰ ਹੀ ਲੋਕ ਜਹਾਜ਼ ਰਾਹੀਂ ਸਫਰ ਨੂੰ ਤਰਜੀਹ ਦੇਣ ਲੱਗੇ ਹਨ। ਇਸ ਦਾ ਇੱਕ ਕਾਰਨ ਇਹ ਹੈ ਕਿ ਮਨੁੱਖ ਕੋਲ ਸਮਾਂ ਘੱਟ ਹੈ। ਹਰ ਕੋਈ ਵੱਧ ਤੋਂ ਵੱਧ ਸਮਾਂ ਬਚਾਉਣਾ ਚਾਹੁੰਦਾ ਹੈ, ਚਾਹੇ ਉਹ ਸਫ਼ਰ ਕਰਨ ਦਾ ਸਮਾਂ ਹੋਵੇ ਜਾਂ ਕੋਈ ਲੰਬਾ ਕੰਮ ਪਲ ਭਰ ਵਿੱਚ ਪੂਰਾ ਕਰਨ ਦਾ ਹੋਵੇ।
ਇਹੀ ਕਾਰਨ ਹੈ ਕਿ ਹੁਣ ਲੋਕ ਸਮਾਂ ਬਚਾਉਣ ਤੇ ਆਰਾਮਦਾਇਕ ਯਾਤਰਾ ਕਰਨ ਲਈ ਰੇਲ ਦੀ ਬਜਾਏ ਫਲਾਈਟ ਦਾ ਸਹਾਰਾ ਲੈਂਦੇ ਹਨ। ਹਾਲਾਂਕਿ, ਹਵਾਈ ਯਾਤਰਾ ਕਰਨ ਤੋਂ ਪਹਿਲਾਂ, ਇਹ ਜਾਣਨਾ ਬਹੁਤ ਜ਼ਰੂਰੀ ਹੈ ਕਿ ਤੁਹਾਨੂੰ ਇੱਥੇ ਕੀ ਕਰਨਾ ਹੈ ਤੇ ਕੀ ਨਹੀਂ। ਅਜਿਹੀ ਜਾਣਕਾਰੀ ਤੁਹਾਡੇ ਸਫਰ ਨੂੰ ਹੋਰ ਬਿਹਤਰ ਬਣਾ ਸਕਦੀ ਹੈ।
ਹਾਲਾਂਕਿ ਫਲਾਈਟ ਸਫਰ ਨੂੰ ਲੈ ਕੇ ਐਡਵਾਈਜ਼ਰੀ ਤੈਅ ਕੀਤੀ ਗਈ ਹੈ ਪਰ ਸਾਡੇ 'ਚੋਂ ਕਈ ਛੋਟੀਆਂ-ਛੋਟੀਆਂ ਗੱਲਾਂ ਦਾ ਧਿਆਨ ਨਹੀਂ ਰੱਖਦੇ। ਉਦਾਹਰਨ ਲਈ ਹਵਾਈ ਯਾਤਰਾ ਵਿੱਚ ਆਪਣੇ ਨਾਲ ਕੀ ਲੈਣਾ ਚਾਹੀਦਾ ਹੈ ਜਾਂ ਕੀ ਨਹੀਂ ਲੈਣਾ ਚਾਹੀਦਾ ਆਦਿ। ਉਂਝ ਤੁਹਾਨੂੰ ਸਾਮਾਨ ਦੀ ਸੂਚੀ ਤਾਂ ਪਤਾ ਹੀ ਹੋਵੇਗੀ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕੁਝ ਅਜਿਹੇ ਕੱਪੜੇ ਹਨ, ਜਿਨ੍ਹਾਂ ਨੂੰ ਪਹਿਨ ਕੇ ਤੁਸੀਂ ਫਲਾਈਟ 'ਚ ਸਫਰ ਨਹੀਂ ਕਰ ਸਕਦੇ।
ਟਿਕਟੌਕ 'ਤੇ ਇੱਕ ਫਲਾਈਟ ਅਟੈਂਡੈਂਟ ਨੇ ਵੀਡੀਓ ਬਣਾ ਕੇ ਦੱਸਿਆ ਹੈ ਕਿ ਜੇ ਤੁਸੀਂ ਹਵਾਈ ਯਾਤਰਾ ਕਰ ਰਹੇ ਹੋ ਤਾਂ ਦੋ ਕੱਪੜੇ ਹਨ ਜੋ ਨਹੀਂ ਪਹਿਨਣੇ ਚਾਹੀਦੇ। ਅਟੈਂਡੈਂਟ ਨੇ ਦੱਸਿਆ ਕਿ ਹਵਾਈ ਸਫ਼ਰ ਦੌਰਾਨ ਸ਼ਾਰਟਸ ਜਾਂ ਸਕਰਟ ਕਦੇ ਵੀ ਨਹੀਂ ਪਹਿਨਣੀ ਚਾਹੀਦੀ। ਤੁਸੀਂ ਸੋਚ ਰਹੇ ਹੋਵੋਗੇ ਕਿ ਇਹ ਬਹੁਤ ਆਰਾਮਦਾਇਕ ਕੱਪੜੇ ਹਨ ਪਰ ਇਨ੍ਹਾਂ ਨੂੰ ਪਹਿਨਣ ਦੀ ਮਨਾਹੀ ਕਿਉਂ ਹੈ।
ਇਸ ਦਾ ਜਵਾਬ ਵੀ ਟਾਮੀ ਸੈਮਾਟੋ ਨਾਂ ਦੇ ਕਰੂ ਮੈਂਬਰ ਨੇ ਦਿੱਤਾ ਹੈ ਤੇ ਕਿਹਾ ਹੈ ਕਿ ਤੁਹਾਨੂੰ ਨਹੀਂ ਪਤਾ ਹੁੰਦਾ ਕਿ ਫਲਾਈਟ ਦੀ ਸੀਟ ਕਿੰਨੀ ਗੰਦੀ ਜਾਂ ਸਾਫ਼ ਹੈ। ਅਜਿਹੀ ਸਥਿਤੀ ਵਿੱਚ ਪੂਰੇ ਕੱਪੜੇ ਪਹਿਨਣ ਨਾਲ, ਤੁਸੀਂ ਕੀਟਾਣੂਆਂ ਤੋਂ ਘੱਟ ਤੋਂ ਘੱਟ ਪ੍ਰਭਾਵਿਤ ਹੋਵੋਗੇ। ਟੌਮੀ ਨੇ ਦੱਸਿਆ ਹੈ ਕਿ ਫਲਾਈਟ ਦੀ ਖਿੜਕੀ 'ਤੇ ਖੜ੍ਹੇ ਨਹੀਂ ਹੋਣਾ ਚਾਹੀਦਾ ਕਿਉਂਕਿ ਬਹੁਤ ਸਾਰੇ ਲੋਕ ਇਸ ਨੂੰ ਆਪਣੇ ਹੱਥਾਂ ਨਾਲ ਛੂੰਹਦੇ ਹਨ। ਅਜਿਹੀ ਸਥਿਤੀ ਵਿੱਚ ਉਨ੍ਹਾਂ ਦੀਆਂ ਬਿਮਾਰੀਆਂ ਤੁਹਾਨੂੰ ਸੰਕਰਮਿਤ ਕਰ ਸਕਦੀਆਂ ਹਨ।
ਚਾਲਕ ਦਲ ਦੇ ਮੈਂਬਰ ਨੇ ਕੁੱਲ 5 ਅਜਿਹੇ ਬਿੰਦੂ ਦੱਸੇ ਹਨ, ਜੋ ਹਵਾਈ ਯਾਤਰਾ ਵਿੱਚ ਤੁਹਾਡੇ ਜੋਖਮ ਨੂੰ ਘੱਟ ਕਰਦੇ ਹਨ। ਇਨ੍ਹਾਂ ਵਿੱਚ ਸ਼ਾਰਟਸ ਤੇ ਸਕਰਟ ਨਾ ਪਾਉਣਾ ਤੇ ਖਿੜਕੀ 'ਤੇ ਆਰਾਮ ਨਾ ਕਰਨਾ, ਫਲੱਸ਼ ਬਟਨ ਤੇ ਲੀਵਰ ਨੂੰ ਸਿੱਧਾ ਨਾ ਛੂਹਣਾ ਸ਼ਾਮਲ ਹੈ। ਇਸ ਦੀ ਵਰਤੋਂ ਹਮੇਸ਼ਾ ਟਿਸ਼ੂ ਪੇਪਰ ਲਾਉਣ ਤੋਂ ਬਾਅਦ ਕਰੋ। ਟਰੈਕਸੂਟ ਪਾ ਕੇ ਜਾਣ ਦੀ ਕੋਸ਼ਿਸ਼ ਕਰੋ ਤਾਂ ਜੋ ਤੁਹਾਨੂੰ ਜਹਾਜ਼ ਦੇ ਸਿੱਧੇ ਸੰਪਰਕ ਵਿੱਚ ਨਾ ਆਉਣਾ ਪਵੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
