Village: ਇਸ ਪਿੰਡ ‘ਚ 12 ਸਾਲ ਤੋਂ ਜਾਗ ਰਹੇ ਲੋਕ... ਵਜ੍ਹਾ ਜਾਣ ਕੇ ਰਹਿ ਜਾਓਗੇ ਹੈਰਾਨ
Village: ਇਹ ਪਿੰਡ ਮੱਧ ਪ੍ਰਦੇਸ਼ ਦੇ ਖਰਗੋਨ ਵਿੱਚ ਸਥਿਤ ਹੈ। ਖਰਗੋਨ ਤੋਂ ਕਰੀਬ 48 ਕਿਲੋਮੀਟਰ ਦੂਰ ਨਰਮਦਾ ਨਦੀ ਦੇ ਕੰਢੇ ਵਸੇ ਇਸ ਪਿੰਡ ਦਾ ਨਾਂ ਮਾਕੜਖੇੜਾ ਹੈ। ਇੱਥੇ ਰਾਤ ਹੁੰਦੇ ਹੀ ਲੋਕ ਚੌਕਸ ਹੋ ਜਾਂਦੇ ਹਨ।
Village: ਦੁਨੀਆ 'ਚ ਸ਼ਾਇਦ ਹੀ ਕੋਈ ਅਜਿਹੀ ਥਾਂ ਹੋਵੇਗੀ ਜਿੱਥੇ ਕੋਈ ਰਾਤ ਨੂੰ ਨਹੀਂ ਸੌਂਦਾ ਹੋਵੇਗਾ। ਦਰਅਸਲ ਮਨੁੱਖ ਦਾ ਰੂਟੀਨ ਹੀ ਇਦਾਂ ਦਾ ਹੈ ਕਿ ਉਹ ਦਿਨ ਵਿੱਚ ਆਪਣੇ ਸਾਰੇ ਕੰਮ ਪੂਰੇ ਕਰਦਾ ਹੈ ਅਤੇ ਰਾਤ ਨੂੰ ਆਰਾਮ ਕਰਦਾ ਹੈ। ਹਾਲਾਂਕਿ, ਜੇਕਰ ਅਸੀਂ ਤੁਹਾਨੂੰ ਕਹੀਏ ਕਿ ਭਾਰਤ ਵਿੱਚ ਇੱਕ ਅਜਿਹਾ ਪਿੰਡ ਹੈ ਜਿੱਥੇ ਲੋਕ 12 ਸਾਲਾਂ ਤੋਂ ਰਾਤ ਨੂੰ ਨਹੀਂ ਸੌਂ ਹੀ ਰਹੇ ਹਨ, ਤਾਂ ਤੁਸੀਂ ਕੀ ਕਹੋਗੇ? ਆਓ ਤੁਹਾਨੂੰ ਦੱਸਦੇ ਹਾਂ ਇਸ ਪਿੰਡ ਦੀ ਅਨੋਖੀ ਕਹਾਣੀ।
ਕਿੱਥੇ ਹੈ ਇਹ ਪਿੰਡ
ਨਿਊਜ਼18 ਦੀ ਰਿਪੋਰਟ ਮੁਤਾਬਕ ਇਹ ਪਿੰਡ ਮੱਧ ਪ੍ਰਦੇਸ਼ ਦੇ ਖਰਗੋਨ 'ਚ ਸਥਿਤ ਹੈ। ਖਰਗੋਨ ਤੋਂ ਕਰੀਬ 48 ਕਿਲੋਮੀਟਰ ਦੂਰ ਨਰਮਦਾ ਨਦੀ ਦੇ ਕੰਢੇ ਵਸੇ ਇਸ ਪਿੰਡ ਦਾ ਨਾਂ ਮਾਕੜਖੇੜਾ ਹੈ। ਇੱਥੇ ਰਾਤ ਹੁੰਦੇ ਹੀ ਲੋਕ ਚੌਕਸ ਹੋ ਜਾਂਦੇ ਹਨ ਅਤੇ ਪੂਰੀ ਰਾਤ ਜਾਗਣ ਲਈ ਤਿਆਰ ਹੋ ਜਾਂਦੇ ਹਨ।
ਇਹ ਵੀ ਪੜ੍ਹੋ: Netflix, Amazon ਅਤੇ ਹੋਰ OTT ਐਪਸ ਨੂੰ ਨਿਯਮਤ ਕਰਨ ਲਈ ਸਰਕਾਰ ਲਿਆਈ ਨਵਾਂ ਬਿੱਲ, ਜਾਣੋ ਡਿਟੇਲਸ
ਕਿਉਂ ਜਾਗਦੇ ਹਨ ਲੋਕ?
ਇੱਥੋਂ ਦੇ ਲੋਕਾਂ ਦੀ ਰਾਤ ਨੂੰ ਜਾਗਣ ਦੀ ਕੋਈ ਖਾਸ ਵਜ੍ਹਾ ਤਾਂ ਨਹੀਂ ਹੈ ਪਰ ਫਿਰ ਵੀ ਤੁਸੀਂ ਇਸ ਨੂੰ ਸੁਣ ਕੇ ਪਰੇਸ਼ਾਨ ਹੋ ਸਕਦੇ ਹੋ। ਦਰਅਸਲ ਇਸ ਪਿੰਡ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਪਿੰਡ 'ਚ ਚੋਰੀ ਦੀਆਂ ਘਟਨਾਵਾਂ ਕਾਫੀ ਵੱਧ ਗਈਆਂ ਹਨ। ਇਸ ਤੋਂ ਬਾਅਦ ਪਿੰਡ ਦੇ ਬੰਦਿਆਂ ਨੇ ਫੈਸਲਾ ਕੀਤਾ ਕਿ ਉਹ ਰਾਤ ਨੂੰ ਪਹਿਰਾ ਦੇਣਗੇ। ਤੁਹਾਨੂੰ ਦੱਸ ਦਈਏ ਕਿ ਇਸ ਪਿੰਡ ਦੇ ਹਰ ਘਰ ਤੋਂ ਹਰ ਰੋਜ਼ ਰਾਤ ਦੇ 10 ਵਜੇ ਤੋਂ ਸਵੇਰੇ 4 ਵਜੇ ਤੱਕ ਇਕ ਵਿਅਕਤੀ ਪਹਿਰਾ ਦਿੰਦਾ ਹੈ।
ਹਾਲਾਂਕਿ, ਇੱਕ ਘਰ ਤੋਂ 8 ਦਿਨਾਂ ਵਿੱਚ ਇੱਕ ਰਾਤ ਹੀ ਨੌਜਵਾਨ ਨੂੰ ਜਾਗਣਾ ਪੈਂਦਾ ਹੈ। ਇਸੇ ਤਰ੍ਹਾਂ ਹਰ ਘਰ ਦੇ ਲੋਕ ਇਕ-ਇਕ ਕਰਕੇ ਪਿੰਡ ਦੀ ਰਾਖੀ ਲਈ ਰਾਤ ਨੂੰ ਜਾਗਦੇ ਹਨ। ਸਭ ਤੋਂ ਵੱਡੀ ਗੱਲ ਇਹ ਹੈ ਕਿ ਇਕ ਵਾਰ ਪਿੰਡ ਦੀ ਪਹਿਰੇਦਾਰੀ ਬੰਦ ਹੋਣ ਤੋਂ ਬਾਅਦ ਫਿਰ ਚੋਰੀ ਦੀਆਂ ਘਟਨਾਵਾਂ ਵੱਧ ਗਈਆਂ ਹਨ। ਇੱਥੋਂ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਜਦੋਂ ਰਾਤ ਦੀ ਪਹਿਰੇਦਾਰੀ ਬੰਦ ਕਰ ਦਿੱਤੀ ਤਾਂ ਇੱਕ ਹਫ਼ਤੇ ਵਿੱਚ ਪੰਜ ਚੋਰੀਆਂ ਹੋ ਗਈਆਂ। ਇਸ ਤੋਂ ਬਾਅਦ ਗਸ਼ਤ ਮੁੜ ਸ਼ੁਰੂ ਕਰ ਦਿੱਤੀ ਗਈ।
ਇਹ ਵੀ ਪੜ੍ਹੋ: Diwali Offer: ਇਨ੍ਹਾਂ ਸਮਾਰਟਫੋਨਜ਼ 'ਤੇ ਬੰਪਰ ਡਿਸਕਾਊਂਟ, ਜਾਣੋ ਆਫਰ ਦਾ ਪੂਰਾ ਵੇਰਵਾ ਇੱਥੇ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
