ਪਾਲਤੂ ਪਿਟਬੁੱਲ ਨੇ 7 ਮਹੀਨੇ ਦੀ ਬੱਚੀ 'ਤੇ ਕੀਤਾ ਜਾਨਲੇਵਾ ਹਮਲਾ, ਬੱਚੀ ਦੀ ਹੋਈ ਦਰਦਨਾਕ ਮੌਤ; ਤਿੰਨ ਗ੍ਰਿਫਤਾਰ
ਕੋਲੰਬਸ ਤੋਂ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਹਰ ਕਿਸੇ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਜੀ ਹਾਂ 7 ਮਹੀਨੇ ਦੀ ਬੱਚੀ 'ਤੇ ਉਸਦੇ ਘਰ ਦੇ ਤਿੰਨ ਪਾਲਤੂ ਪਿਟਬੁੱਲ ਕੁੱਤਿਆਂ ਵਿੱਚੋਂ ਇੱਕ ਨੇ ਹਮਲਾ ਕਰ ਦਿੱਤਾ। ਇਸ ਹਮਲੇ...
Viral News: ਅਮਰੀਕਾ ਦੇ ਕੋਲੰਬਸ ਤੋਂ ਇੱਕ ਦਰਦਨਾਕ ਘਟਨਾ ਸਾਹਮਣੇ ਆਈ ਹੈ। ਇੱਥੇ 7 ਮਹੀਨੇ ਦੀ ਬੱਚੀ 'ਤੇ ਉਸਦੇ ਘਰ ਦੇ ਤਿੰਨ ਪਾਲਤੂ ਪਿਟਬੁੱਲ ਕੁੱਤਿਆਂ ਵਿੱਚੋਂ ਇੱਕ ਨੇ ਹਮਲਾ ਕਰ ਦਿੱਤਾ। ਇਸ ਹਮਲੇ ਵਿੱਚ ਬੱਚੀ ਦੀ ਦਰਦਨਾਕ ਮੌਤ ਹੋ ਗਈ। ਸਥਾਨਕ ਪੁਲਿਸ ਅਧਿਕਾਰੀ ਦੇ ਅਨੁਸਾਰ, ਮਰੇ ਹੋਈ ਬੱਚੀ 'ਤੇ ਪਾਲਤੂ ਕੁੱਤੇ ਨੇ ਹਮਲਾ ਕੀਤਾ ਸੀ। ਉਸ ਪਰਿਵਾਰ ਦੇ ਤਿੰਨੋ ਕੁੱਤਿਆਂ ਨੂੰ ਫ੍ਰੈਂਕਲਿਨ ਕਾਉਂਟੀ ਐਨੀਮਲ ਕੰਟਰੋਲ ਯੂਨਿਟ ਦੁਆਰਾ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਜਾਂਚ ਮੁਕੰਮਲ ਹੋਣ ਤੋਂ ਬਾਅਦ ਇਹ ਫ਼ੈਸਲਾ ਲਿਆ ਜਾਵੇਗਾ ਕਿ ਉਨ੍ਹਾਂ ਨਾਲ ਕੀ ਕੀਤਾ ਜਾਣਾ ਹੈ।
ਪਰਿਵਾਰ ਸਦਮੇ 'ਚ
ਬੱਚੀ ਦੀ ਮਾਂ ਮੈਕੈਂਜੀ ਕੋਪਲੇ ਨੇ ਆਪਣੇ ਦੁਖ ਨੂੰ ਸੋਸ਼ਲ ਮੀਡੀਆ 'ਤੇ ਸਾਂਝਾ ਕਰਦਿਆਂ ਲਿਖਿਆ, "ਮੈਂ ਸ਼ਾਇਦ ਕਦੇ ਨਹੀਂ ਸਮਝ ਪਾਵਾਂਗੀ ਕਿ ਅਜਿਹਾ ਕਿਉਂ ਹੋਇਆ... ਕਿਉਂਕਿ ਤਿੰਨੇ ਪਾਲਤੂ ਕੁੱਤੇ ਹਮੇਸ਼ਾਂ ਮੇਰੇ ਪਰਿਵਾਰ ਦਾ ਹਿੱਸਾ ਰਹੇ ਹਨ ਅਤੇ ਬੱਚੀ ਦੇ ਜਨਮ ਤੋਂ ਬਾਅਦ ਉਹ ਸਦਾ ਉਸਦੇ ਨਾਲ ਹੀ ਰਹੇ ਸਨ।" ਮੈਕੈਂਜੀ ਨੇ ਕੁੱਤਿਆਂ ਨਾਲ ਐਲਿਜ਼ਾ ਦੀਆਂ ਤਸਵੀਰਾਂ ਵੀ ਸਾਂਝੀਆਂ, ਜਿਸ ਵਿੱਚ ਉਹ ਕੁੱਤਿਆਂ ਨਾਲ ਲਿਪਟੀ ਹੋਈ ਦਿਖਾਈ ਦੇ ਰਹੀ ਹੈ। ਉਸਨੇ ਕਿਹਾ ਕਿ ਇਸ ਘਟਨਾ ਤੋਂ ਬਾਅਦ ਮੈਂ ਬਹੁਤ ਟੁੱਟ ਗਈ ਹਾਂ। ਕਿਉਂਕਿ ਇਹ ਉਹੀ ਕੁੱਤਾ ਸੀ ਜੋ ਹਰ ਦਿਨ ਮੇਰੀ ਬੱਚੀ ਦੇ ਨਾਲ ਰਹਿੰਦਾ ਸੀ।
ਐਲਿਜ਼ਾ ਦੇ ਪਿਤਾ ਕੈਮਰਨ ਟਰਨਰ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਹਾਲਤ ਦੱਸਦਿਆਂ ਕਿਹਾ ਕਿ ਜੀਵਨ ਬਹੁਤ ਹੀ ruthless ਹੈ। ਮੈਨੂੰ ਸਮਝ ਨਹੀਂ ਆ ਰਿਹਾ ਕਿ ਉਸ ਨੰਨ੍ਹੀ ਜਾਨ ਦੇ ਬਿਨਾਂ ਕਿਵੇਂ ਜਿਉਂਗਾ। ਸਥਾਨਕ ਪੁਲਿਸ ਅਧਿਕਾਰੀ ਨੇ ਘਟਨਾ ਦੀ ਜਾਣਕਾਰੀ ਦਿੰਦਿਆਂ ਕਿਹਾ, "ਇਹ ਘਟਨਾ ਬਹੁਤ ਹੀ ਦਿਲ ਦਹਿਲਾਣ ਵਾਲੀ ਹੈ..ਘਟਨਾਸਥਲ ਨੂੰ ਦੇਖ ਕੇ ਲੱਗਦਾ ਸੀ ਕਿ ਇਹ ਘਟਨਾ ਇਨ੍ਹਾਂ ਤੇਜ਼ੀ ਨਾਲ ਘਟ ਗਈ ਕਿ ਕਿਸੇ ਨੂੰ ਕੁਝ ਸਮਝਣ ਦਾ ਜਾਂ ਕੁਝ ਕਰਨ ਦਾ ਮੌਕਾ ਹੀ ਨਹੀਂ ਮਿਲਿਆ.. ਇਹ ਇੱਕ ਬੁਰੀ ਦੁਰਘਟਨਾ ਸੀ।"
ਅਧਿਕਾਰੀ ਨੇ ਕਿਹਾ, "ਮੈਂ ਇਸ ਮਾਮਲੇ 'ਤੇ ਜ਼ਿਆਦਾ ਨਹੀਂ ਦੱਸ ਸਕਦਾ। ਕਿਉਂਕਿ ਜੋ ਵੀ ਇੱਥੇ ਘਟਨਾਸਥਲ 'ਤੇ ਪਹੁੰਚਿਆ, ਉਹ ਇੰਨਾ ਦੁੱਖੀ ਹੋ ਗਿਆ ਜਿਵੇਂ ਉਹ ਸਾਡੀ ਹੀ ਬੱਚੀ ਹੋਵੇ। ਕਿਉਂਕਿ ਸਾਡੇ ਵਿੱਚੋਂ ਲਗਭਗ ਸਾਰੇ ਮਾਪੇ ਹਨ ਅਤੇ ਇੱਕ ਬੱਚੀ ਨੂੰ ਇਸ ਤਰ੍ਹਾਂ ਸੰਸਾਰ ਤੋਂ ਜਾਣ ਦੇ ਦੁੱਖ ਦੀ ਕਲਪਨਾ ਵੀ ਨਹੀਂ ਕਰ ਸਕਦੇ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
