ਤਿੰਨ ਬੱਚਿਆਂ ਨੇ ਬੱਕਰੀ ਨੂੰ ਅਜਗਰ ਦੇ ਚੁੰਗਲ 'ਚੋਂ ਬਚਾਇਆ, ਇਹ ਵੀਡੀਓ ਦੇਖ ਕੇ ਉੱਡ ਜਾਣਗੇ ਹੋਸ਼
ਤਿੰਨ ਬੱਚਿਆਂ ਨੇ ਨਿਡਰ ਹੋ ਕੇ ਇੱਕ ਬੱਕਰੀ ਦੇ ਬੱਚੇ ਨੂੰ ਅਜਗਰ ਦਾ ਭੋਜਨ ਬਣਨ ਤੋਂ ਬਚਾਇਆ। ਵੀਡੀਓ ਦੀ ਸ਼ੁਰੂਆਤ 'ਚ ਇੱਕ ਅਜਗਰ ਕੁਝ ਦੇਰ ਤੱਕ ਆਪਣੇ ਸ਼ਿਕਾਰ ਨੂੰ ਦੇਖਦਾ ਹੈ ਅਤੇ ਹੌਲੀ-ਹੌਲੀ ਬੱਕਰੀ ਤੱਕ ਪਹੁੰਚ ਜਾਂਦਾ ਹੈ।
Trending Goat Rescue Video: ਸੱਪਾਂ ਦੀ ਪਰਜਾਤੀ ਵਿੱਚ ਅਜਗਰ ਨੂੰ ਵੀ ਬਹੁਤ ਖ਼ਤਰਨਾਕ ਮੰਨਿਆ ਜਾਂਦਾ ਹੈ। ਅਹਿਮ ਗੱਲ ਹੈ ਕਿ ਇਹ ਸੱਪ ਡੰਗਦਾ ਨਹੀਂ ਸਗੋਂ ਆਪਣੇ ਸ਼ਿਕਾਰ ਨੂੰ ਤੜਫਾ-ਤੜਫਾ ਦੇ ਕੇ ਦਰਦਨਾਕ ਮੌਤ ਦਿੰਦਾ ਹੈ। ਉਹ ਪਹਿਲਾਂ ਆਪਣੇ ਸ਼ਿਕਾਰ ਨੂੰ ਚਾਰੇ ਪਾਸਿਓਂ ਲਪੇਟ ਲੈਂਦੇ ਹਨ ਅਤੇ ਉਸ ਨੂੰ ਜ਼ੋਰ ਨਾਲ ਜਕੜ ਲੈਂਦਾ ਹੈ। ਕੁੱਝ ਹੀ ਸਮੇਂ 'ਚ ਸ਼ਿਕਾਰ ਦਮ ਤੋੜ ਦਿੰਦਾ ਹੈ। ਇਹ ਖ਼ਤਰਨਾਕ ਅਜਗਰ ਕਈ ਵਾਰ ਆਪਣੇ ਸ਼ਿਕਾਰ ਨੂੰ ਜ਼ਿੰਦਾ ਵੀ ਨਿਗਲ ਲੈਂਦਾ ਹੈ। ਇਸ ਵਾਇਰਲ ਵੀਡੀਓ 'ਚ ਇੱਕ ਅਜਗਰ ਇੱਕ ਬੱਕਰੀ ਦੇ ਬੱਚੇ ਨੂੰ ਆਪਣੀ ਲਪੇਟ 'ਚ ਲੈਂਦਾ ਨਜ਼ਰ ਆਉਂਦਾ ਹੈ।
ਅਜਗਰ ਨੂੰ ਦੇਖ ਕੇ ਚੰਗੇ-ਭਲੇ ਲੋਕਾਂ ਦੇ ਪਸੀਨੇ ਛੁੱਟ ਜਾਂਦੇ ਹਨ ਅਤੇ ਉਹ ਆਪਣੀ ਜਾਨ ਬਚਾ ਕੇ ਭੱਜਣਾ ਹੀ ਬਿਹਤਰ ਸਮਝਦੇ ਹਨ। ਅਜਿਹੇ 'ਚ ਤਿੰਨ ਬੱਚਿਆਂ ਨੇ ਨਿਡਰ ਹੋ ਕੇ ਇੱਕ ਬੱਕਰੀ ਦੇ ਬੱਚੇ ਨੂੰ ਅਜਗਰ ਦਾ ਭੋਜਨ ਬਣਨ ਤੋਂ ਬਚਾਇਆ। ਵੀਡੀਓ ਦੀ ਸ਼ੁਰੂਆਤ 'ਚ ਇੱਕ ਅਜਗਰ ਕੁਝ ਦੇਰ ਤੱਕ ਆਪਣੇ ਸ਼ਿਕਾਰ ਨੂੰ ਦੇਖਦਾ ਹੈ ਅਤੇ ਹੌਲੀ-ਹੌਲੀ ਬੱਕਰੀ ਤੱਕ ਪਹੁੰਚ ਜਾਂਦਾ ਹੈ। ਅਜਗਰ ਬੱਕਰੀ ਨੂੰ ਆਪਣੇ ਰਡਾਰ 'ਚ ਲੈ ਲੈਂਦਾ ਹੈ ਅਤੇ ਆਪਣੇ ਸਰੀਰ ਦੇ ਆਲੇ-ਦੁਆਲੇ ਲਪੇਟ ਲੈਂਦਾ ਹੈ। ਸੋਸ਼ਲ ਮੀਡੀਆ 'ਤੇ ਤਿੰਨ ਬੱਚਿਆਂ ਦੀ ਬਹਾਦਰੀ ਨਾਲ ਬੱਕਰੀ ਦੇ ਬੱਚੇ ਨੂੰ ਅਜਗਰ ਦੇ ਚੁੰਗਲ 'ਚੋਂ ਛੁਡਾਉਣ ਦਾ ਹੈਰਾਨ ਕਰਨ ਵਾਲਾ ਵੀਡੀਓ ਵਾਇਰਲ ਹੋਇਆ ਹੈ।
ਬਹਾਦਰ ਬੱਚਿਆਂ ਨੇ ਬਚਾਈ ਬੱਕਰੀ ਦੀ ਜਾਨ
ਵੀਡੀਓ 'ਚ ਤੁਸੀਂ ਦੇਖਿਆ ਕਿ ਬੱਕਰੀ ਦੇ ਬੱਚੇ ਨੇ ਇਧਰ-ਉਧਰ ਜਾਣ ਦੀ ਕੋਸ਼ਿਸ਼ ਕੀਤੀ ਤਾਂ ਕਿ ਅਜਗਰ ਉਸ ਨੂੰ ਛੱਡ ਦੇਵੇ ਪਰ ਕੋਈ ਫ਼ਾਇਦਾ ਨਹੀਂ ਹੋਇਆ। ਥੋੜ੍ਹੀ ਦੇਰ ਬਾਅਦ ਤਿੰਨ ਬੱਚੇ ਬੜੇ ਨਾਟਕੀ ਢੰਗ ਨਾਲ ਉੱਥੇ ਆਉਂਦੇ ਵੇਖੇ ਜਾ ਸਕਦੇ ਹਨ। ਬੱਚਿਆਂ ਨੇ ਬੱਕਰੀ ਦੇ ਸਰੀਰ ਤੋਂ ਸੱਪ ਦੀ ਪੂੰਛ ਕੱਢ ਦਿੱਤੀ। ਤਿੰਨਾਂ ਨੇ ਬਹੁਤ ਸਾਵਧਾਨੀ ਨਾਲ ਅਜਗਰ ਦੀ ਪਕੜ ਢਿੱਲੀ ਕਰ ਦਿੱਤੀ। ਬੱਕਰੀ ਅਜਗਰ ਦੇ ਚੁੰਗਲ ਤੋਂ ਛੁੱਟ ਕੇ ਭੱਜ ਜਾਂਦੀ ਹੈ ਅਤੇ ਤਿੰਨ ਬੱਚੇ ਸੱਪ ਨੂੰ ਆਪਣੇ ਨਾਲ ਲੈ ਜਾਂਦੇ ਹਨ। ਇਹ ਪੂਰੀ ਵੀਡੀਓ ਯੋਜਨਾਬੱਧ ਤਰੀਕੇ ਨਾਲ ਤਿਆਰ ਕੀਤੀ ਗਈ ਜਾਪਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
