ਔਰਤ ਨੇ 22 ਸਾਲਾਂ ਤੋਂ ਨਹੀਂ ਉਤਾਰਿਆ ਚਿਹਰੇ ਦਾ ਮੇਕਅੱਪ! ਹੁਣ ਚਮੜੀ ਦਾ ਹਾਲ ਖਰਾਬ, ਤਸਵੀਰਾਂ ਦੇਖ ਕੇ ਡਰ ਜਾਓਗੇ
ਔਰਤਾਂ ਨੂੰ ਮੈਕਅੱਪ ਕਰਨ ਦਾ ਬਹੁਤ ਸ਼ੌਕ ਹੁੰਦਾ ਹੈ, ਇਸ ਨਾਲ ਚਿਹਰਾ ਖੂਬਸੂਰਤ ਤਾਂ ਲੱਗਦਾ ਹੈ। ਪਰ ਜੇਕਰ ਤੁਸੀਂ ਮੈਕਅੱਪ ਤੋਂ ਬਾਅਦ ਸਾਵਧਾਨੀਆਂ ਨਹੀਂ ਵਰਤੀਆਂ ਤਾਂ ਤੁਹਾਡੇ ਚਿਹਰੇ ਨੂੰ ਵੱਡਾ ਨੁਕਸਾਨ ਪਹੁੰਚ ਸਕਦਾ ਹੈ।
ਮੈਕਅੱਪ ਕਰਨਾ ਕਈ ਲੋਕਾਂ ਨੂੰ ਚੰਗਾ ਲੱਗਦਾ ਹੈ, ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਜੇ ਮੈਕਅੱਪ ਕਰਣ ਤੋਂ ਬਾਅਦ ਚਿਹਰਾ ਢੰਗ ਨਾਲ ਨਾ ਧੋਇਆ ਜਾਵੇ ਤਾਂ ਕੀ ਹੋ ਸਕਦਾ ਹੈ? ਚੀਨ ਦੀ ਇੱਕ ਔਰਤ "ਗਾਓ" ਨੇ ਵੀ ਨਹੀਂ ਸੋਚਿਆ ਸੀ ਕਿ ਉਸ ਨਾਲ ਇੰਨਾ ਬੁਰਾ ਹੋਵੇਗਾ। ਉਹ ਲਗਾਤਾਰ 20 ਸਾਲ ਤੱਕ ਹਰ ਰੋਜ਼ ਮੈਕਅੱਪ ਕਰਦੀ ਰਹੀ, ਪਰ ਉਸਨੂੰ ਇਹ ਉਤਾਰਨਾ ਝੰਜਟ ਵਾਲਾ ਕੰਮ ਲੱਗਦਾ ਸੀ। ਉਸਦਾ ਕਹਿਣਾ ਸੀ ਕਿ ਜੇ ਅਗਲੇ ਦਿਨ ਫਿਰੋਂ ਵਾਪਸ ਮੈਕਅੱਪ ਹੀ ਕਰਨਾ ਹੈ ਤਾਂ ਫਿਰ ਰਾਤ ਨੂੰ ਧੋਣ ਦੀ ਲੋੜ ਕੀ ਹੈ? ਨਤੀਜਾ ਇਹ ਹੋਇਆ ਕਿ ਇਸ ਸਾਲ ਉਸਦੇ ਚਿਹਰੇ ਉੱਤੇ ਐਲਰਜੀ ਹੋ ਗਈ ਜਿਸ ਕਰਕੇ ਉਹ ਪਛਾਣ ਵਿੱਚ ਹੀ ਨਹੀਂ ਆਉਂਦੀ। ਚਿਹਰਾ ਇੰਨਾ ਸੂਜ ਗਿਆ ਕਿ ਉਹ ਬਾਹਰ ਨਿਕਲਣ ਤੋਂ ਵੀ ਡਰਨ ਲੱਗੀ।
22 ਸਾਲ ਤੋਂ ਔਰਤ ਨੇ ਨਹੀਂ ਉਤਾਰਿਆ ਮੈਕਅੱਪ
ਚੀਨ ਦੀ ਇੱਕ ਔਰਤ, ਜਿਸਦਾ ਨਾਮ ਗਾਓ ਹੈ, ਉਸਨੇ ਸੋਸ਼ਲ ਮੀਡੀਆ ਰਾਹੀਂ ਲੋਕਾਂ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਮੈਕਅੱਪ ਕਰਨ ਤੋਂ ਬਾਅਦ ਚਿਹਰਾ ਚੰਗੀ ਤਰ੍ਹਾਂ ਧੋਣਾ ਬਹੁਤ ਜ਼ਰੂਰੀ ਹੈ। ਉਸਨੇ ਆਪਣੀ ਜ਼ਿੰਦਗੀ ਦੇ 20 ਸਾਲ ਤੱਕ ਤਾਂ ਮੈਕਅੱਪ ਕੀਤਾ, ਪਰ ਕਦੇ ਵੀ ਢੰਗ ਨਾਲ ਚਿਹਰਾ ਸਾਫ਼ ਨਹੀਂ ਕੀਤਾ। ਸਿਰਫ਼ ਪਾਣੀ ਨਾਲ ਧੋ ਲੈਂਦੀ ਸੀ ਤੇ ਅਗਲੀ ਸਵੇਰ ਫਿਰੋਂ ਮੈਕਅੱਪ ਕਰ ਲੈਂਦੀ ਸੀ। ਸ਼ੁਰੂ ਵਿੱਚ ਤਾਂ ਸਭ ਕੁਝ ਠੀਕ ਸੀ, ਪਰ ਇਸ ਸਾਲ ਉਸਦੇ ਚਿਹਰੇ 'ਚ ਐਨੀ ਤੇਜ਼ ਐਲਰਜੀ ਹੋ ਗਈ ਕਿ ਚਿਹਰਾ ਪੂਰੀ ਤਰ੍ਹਾਂ ਸੂਜ ਗਿਆ। ਇੰਨਾ ਕਿ ਉਸਨੂੰ ਪਹਿਚਾਨਣਾ ਵੀ ਔਖਾ ਹੋ ਗਿਆ। ਖੁਜਲੀ ਵੀ ਇੰਨੀ ਜ਼ਿਆਦਾ ਸੀ ਕਿ ਉਸਨੇ ਕਿਹਾ, “ਇਹੋ ਜਿਹਾ ਲੱਗ ਰਿਹਾ ਸੀ ਜਿਵੇਂ ਹਜ਼ਾਰਾਂ ਚੀਟੀਆਂ ਚਿਹਰੇ ਉੱਤੇ ਦੌੜ ਰਹੀਆਂ ਹੋਣ।” ਇਹ ਖ਼ਬਰ ਜਾਣਕੇ ਤੁਸੀਂ ਵੀ ਹੈਰਾਨ ਰਹਿ ਜਾਓਗੇ।
ਹੁਣ ਚਿਹਰੇ ਦੀ ਹੋਈ ਬੇਹਾਲ ਹਾਲਤ
ਗਾਓ ਨੇ ਸੋਸ਼ਲ ਮੀਡੀਆ 'ਤੇ ਦੱਸਿਆ ਕਿ ਹੁਣ ਉਸਦੀ ਹਾਲਤ ਇੰਨੀ ਖ਼ਰਾਬ ਹੈ ਕਿ ਉਸਨੂੰ ਲੱਗਦਾ ਹੈ ਜਿਵੇਂ ਉਸਦੇ ਚਿਹਰੇ ਉੱਤੇ ਹਜ਼ਾਰਾਂ ਕੀੜੀਆਂ ਰੇਂਗ ਰਹੀਆਂ ਹੋਣ। ਉਸਨੂੰ ਲਗਾਤਾਰ ਖੁਜਲੀ ਰਹਿੰਦੀ ਹੈ, ਚਿਹਰਾ ਝੁਰੀਆਂ ਨਾਲ ਭਰ ਗਿਆ ਹੈ ਤੇ ਉਹ ਡਰ ਦੇ ਮਾਰੇ ਲੋਕਾਂ ਨਾਲ ਮਿਲਣਾ ਵੀ ਛੱਡ ਚੁੱਕੀ ਹੈ। ਪਹਿਲਾਂ ਉਸਨੇ ਡਾਕਟਰ ਕੋਲ ਜਾਣ ਦੀ ਬਜਾਏ ਸਕਿਨ ਕਲੀਨਿਕ ਤੋਂ ਇੰਜੈਕਸ਼ਨ ਲਵਾਏ, ਜਿਸ ਨਾਲ ਹਾਲਤ ਹੋਰ ਖ਼ਰਾਬ ਹੋ ਗਈ। ਗਾਓ ਹੁਣ ਲੋਕਾਂ ਨੂੰ ਸਮਝਾ ਰਹੀ ਹੈ ਕਿ ਜੇ ਮੈਕਅੱਪ ਕਰੋ ਤਾਂ ਕਰੋ, ਪਰ ਸੌਣ ਤੋਂ ਪਹਿਲਾਂ ਚਿਹਰਾ ਚੰਗੀ ਤਰ੍ਹਾਂ ਸਾਫ਼ ਕਰਨਾ ਬਹੁਤ ਜ਼ਰੂਰੀ ਹੈ — ਸਿਰਫ ਪਾਣੀ ਨਾਲ ਨਹੀਂ, ਕਿਸੇ ਵਧੀਆ ਫੇਸਵਾਸ਼ ਨਾਲ। ਨਹੀਂ ਤਾਂ ਚਿਹਰਾ ਖੂਬਸੂਰਤ ਨਹੀਂ, ਡਰਾਉਣਾ ਵੀ ਬਣ ਸਕਦਾ ਹੈ।
ਯੂਜ਼ਰਾਂ ਦੇ ਰਹੇ ਅਜਿਹੀਆਂ ਪ੍ਰਤੀਕਿਰਿਆ
ਜਿਵੇਂ ਹੀ ਇਹ ਮਾਮਲਾ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ, ਲੱਖਾਂ ਲੋਕਾਂ ਨੇ ਇਹਦੇ ਵੀਡੀਓਜ਼ ਤੇ ਤਸਵੀਰਾਂ ਦੇਖੀਆਂ। ਲੋਕਾਂ ਨੇ ਇਸ ਮਹਿਲਾ ਦੀ ਹਾਲਤ ਵੇਖ ਕੇ ਵੱਖ-ਵੱਖ ਕਿਸਮ ਦੇ ਰਿਐਕਸ਼ਨ ਦਿੱਤੇ। ਇੱਕ ਯੂਜ਼ਰ ਨੇ ਲਿਖਿਆ: "...ਹੁਣ ਕਰ ਲਓ ਹੋਰ ਮੈਕਅੱਪ, ਉਮੀਦ ਹੈ ਹੁਣ ਅਕਲ ਆ ਗਈ ਹੋਵੇਗੀ।" ਇੱਕ ਹੋਰ ਯੂਜ਼ਰ ਨੇ ਕਿਹਾ: "...ਭੈਣ ਤੇਰਾ ਚਿਹਰਾ ਦੇਖ ਕੇ ਤਾ ਮੈਂਨੂੰ ਡਰ ਲੱਗ ਰਿਹਾ ਹੈ।" ਇੱਕ ਹੋਰ ਨੇ ਤਿੱਖੀ ਟਿੱਪਣੀ ਕਰਦਿਆਂ ਲਿਖਿਆ: "...ਇਹੋ ਜਿਹੇ ਲੋਕਾਂ ਤੋਂ ਤਾਂ ਸਮਾਜਿਕ ਦੂਰੀ ਬਣਾਈ ਰੱਖਣੀ ਚਾਹੀਦੀ ਹੈ, ਇਹ ਤਾਂ ਕੁਝ ਵੀ ਕਰ ਸਕਦੇ ਨੇ!"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
