Office 'ਚ Periods ਨੂੰ ਲੈ ਕੇ ਕੀਤੀ ਗੱਲ... ਤਾਂ ਕੰਪਨੀ ਨੇ ਔਰਤ ਨੂੰ ਦੇ ਦਿੱਤੀ ਸਖ਼ਤ ਚੇਤਾਵਨੀ, ਗੁੱਸੇ 'ਚ ਆਏ ਲੋਕ
ਅੱਜ ਦੇ ਸਮੇਂ ਵਿੱਚ, ਜੇ ਕੋਈ ਤੁਹਾਨੂੰ Periods ਦੇ ਦਰਦ ਬਾਰੇ ਗੱਲ ਕਰਨ ਉੱਤੇ ਧਮਕੀਆਂ ਦੇਣਾ ਸ਼ੁਰੂ ਕਰ ਦਿੰਦਾ ਹੈ, ਤਾਂ ਤੁਹਾਡੀ ਪ੍ਰਤੀਕਿਰਿਆ ਕੀ ਹੋਵੇਗੀ? ਦਰਅਸਲ ਕੰਪਨੀ 'ਚ ਕੰਮ ਕਰਨ ਵਾਲੀ ਇੱਕ ਔਰਤ ਨਾਲ ਵੀ ਕੁਝ ਅਜਿਹਾ ਹੀ ਹੋਇਆ।
Weird News : ਪੀਰੀਅਡ ਦੇ ਦੌਰਾਨ ਜ਼ਿਆਦਾਤਰ ਔਰਤਾਂ ਨੂੰ ਕਈ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਈ ਵਾਰ ਪੇਟ ਵਿੱਚ ਤੇਜ਼ ਦਰਦ ਤੇ ਕੜਵੱਲ ਉਨ੍ਹਾਂ ਦੀ ਸਮੱਸਿਆ ਨੂੰ ਵਧਾ ਦਿੰਦੇ ਹਨ ਅਤੇ ਕਈ ਵਾਰ ਲੱਤਾਂ ਅਤੇ ਕਮਰ ਵਿੱਚ ਦਰਦ ਕਾਰਨ ਉਹ ਦਿਨ ਭਰ ਬੇਚੈਨ ਰਹਿੰਦੀਆਂ ਹਨ। ਅੱਜ-ਕੱਲ੍ਹ ਲੋਕ ਪੀਰੀਅਡਜ਼ ਨੂੰ ਲੈ ਕੇ ਕਾਫੀ ਖੁੱਲ੍ਹ ਗਏ ਹਨ। ਔਰਤਾਂ ਦੀ ਇਸ ਮਹੀਨਾਵਾਰ ਸਮੱਸਿਆ ਨੂੰ ਜ਼ਿਆਦਾਤਰ ਮਰਦਾਂ ਨੇ ਗੰਭੀਰਤਾ ਨਾਲ ਲੈਣਾ ਸ਼ੁਰੂ ਕਰ ਦਿੱਤਾ ਹੈ ਤੇ ਉਨ੍ਹਾਂ ਦਾ ਧਿਆਨ ਰੱਖਣਾ ਸ਼ੁਰੂ ਕਰ ਦਿੱਤਾ ਹੈ। ਉਨ੍ਹਾਂ ਨੂੰ ਸਮਝਣਾ ਸ਼ੁਰੂ ਕਰ ਦਿੱਤਾ ਹੈ। ਔਰਤਾਂ ਨੇ ਵੀ ਪੀਰੀਅਡਸ ਨਾਲ ਜੁੜੀਆਂ ਕੁੱਝ ਕੁ ਸਮੱਸਿਆਵਾਂ ਨੂੰ ਨਜ਼ਰਅੰਦਾਜ਼ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਹਾਲਾਂਕਿ ਅੱਜ ਵੀ ਕੁਝ ਲੋਕਾਂ ਦੇ ਦਿਮਾਗ ਮਾਹਵਾਰੀ (ਪੀਰੀਅਡਸ) ਨੂੰ ਲੈ ਕੇ ਨਕਾਰਾਤਮਕਤਾ ਨਾਲ ਭਰੇ ਹੋਏ ਹਨ।
ਅੱਜ ਦੇ ਸਮੇਂ ਵਿੱਚ, ਜੇ ਕੋਈ ਤੁਹਾਨੂੰ ਮਾਹਵਾਰੀ ਦੇ ਦਰਦ ਬਾਰੇ ਗੱਲ ਕਰਨ ਲਈ ਧਮਕਾਉਣਾ ਸ਼ੁਰੂ ਕਰ ਦਿੰਦਾ ਹੈ, ਤਾਂ ਤੁਹਾਡੀ ਪ੍ਰਤੀਕਿਰਿਆ ਕੀ ਹੋਵੇਗੀ? ਯਕੀਨਨ ਤੁਸੀਂ ਹੈਰਾਨ ਹੋਵੋਗੇ ਅਤੇ ਉਸਨੂੰ ਖ਼ਰੀਆਂ-ਖ਼ਰੀਆਂ ਸੁਣਾਉਣਾ ਸ਼ੁਰੂ ਕਰ ਦਿਓਗੇ। ਅਜਿਹਾ ਹੀ ਕੁਝ ਇੱਕ ਔਰਤ ਨਾਲ ਵੀ ਹੋਇਆ। ਦਰਅਸਲ, ਜਿਸ ਕੰਪਨੀ ਵਿਚ ਔਰਤ ਕੰਮ ਕਰਦੀ ਹੈ, ਉਸ ਦੀ ਮਨੁੱਖੀ ਸਰੋਤ ਟੀਮ ਨੇ ਉਸ ਨੂੰ ਸਿਰਫ ਇਸ ਲਈ ਚੇਤਾਵਨੀ ਦਿੱਤੀ ਕਿਉਂਕਿ ਉਹ ਦਫਤਰ ਵਿਚ ਪੀਰੀਅਡਜ਼ ਬਾਰੇ ਗੱਲ ਕਰ ਰਹੀ ਸੀ।
ਔਰਤ ਨੇ ਸੁਣਾਈ ਆਪਬੀਤੀ
ਮਹਿਲਾ ਨੇ Reddit 'ਤੇ ਇਕ ਪੋਸਟ ਲਿਖ ਕੇ ਆਪਣੇ ਨਾਲ ਹੋਏ ਵਿਤਕਰੇ ਬਾਰੇ ਦੱਸਿਆ। ਔਰਤ ਨੇ ਦੱਸਿਆ ਕਿ ਉਹ ਕੰਪਨੀ ਵਿੱਚ ਸੁਪਰਵਾਈਜ਼ਰ ਵਜੋਂ ਕੰਮ ਕਰਦੀ ਹੈ। ਇਸ ਲਈ ਉਸ ਤੋਂ ਇਹ ਉਮੀਦ ਕੀਤੀ ਜਾਂਦੀ ਹੈ ਕਿ ਉਹ ਹੋਰ ਕਰਮਚਾਰੀਆਂ ਨੂੰ ਪਰੇਸ਼ਾਨ ਨਾ ਕਰੇ। ਔਰਤ ਨੇ ਦੱਸਿਆ ਕਿ ਮੇਰੀ ਇਕ ਦਫਤਰੀ ਕਰਮਚਾਰੀ ਨੂੰ ਪੀਰੀਅਡਸ ਕਾਰਨ ਦਰਦ ਹੋ ਰਿਹਾ ਸੀ ਤਾਂ ਮੈਂ ਵੀ ਉਸ ਨੂੰ ਦੱਸਿਆ ਕਿ ਮੈਨੂੰ ਵੀ ਪੀਰੀਅਡਸ ਹੋ ਰਹੇ ਹਨ ਅਤੇ ਪੇਟ ਵਿਚ ਤੇਜ਼ ਦਰਦ ਹੋ ਰਿਹਾ ਹੈ। ਜਿਵੇਂ ਹੀ ਔਰਤ ਨੇ ਇਹ ਕਿਹਾ, ਉਸ ਨੂੰ ਮਨੁੱਖੀ ਸਰੋਤ ਟੀਮ ਤੋਂ ਚੇਤਾਵਨੀ ਮਿਲੀ।
ਕਈ ਔਰਤਾਂ ਨਾਲ ਅੱਜ ਵੀ ਹੁੰਦੈ ਭੇਦਵਾਵ
ਔਰਤ ਨੇ ਦੱਸਿਆ ਕਿ ਕੰਪਨੀ ਦੀ ਹਿਊਮਨ ਰਿਸੋਰਸ (ਐੱਚ.ਆਰ.) ਵੀ ਇੱਕ ਔਰਤ ਹੈ, ਜਿਸ ਨੇ ਪਿਛਲੇ ਸਾਲ ਲਿੰਗ ਅਸਮਾਨਤਾ 'ਤੇ ਇਕ ਲੰਮਾ ਭਾਸ਼ਣ ਦਿੱਤਾ ਸੀ ਅਤੇ ਇਹ ਵੀ ਕਿਹਾ ਸੀ ਕਿ ਔਰਤਾਂ ਨੂੰ ਸਵੇਰੇ ਤਿਆਰ ਹੋਣ ਲਈ ਘੱਟ ਸਮਾਂ ਲੈਣਾ ਚਾਹੀਦਾ ਹੈ, ਤਾਂ ਜੋ ਮਰਦ ਉਨ੍ਹਾਂ ਨੂੰ ਲੈ seriously ਸਕਣ। ਔਰਤ ਵੱਲੋਂ Reddit 'ਤੇ ਪੋਸਟ ਸ਼ੇਅਰ ਕਰਨ ਤੋਂ ਬਾਅਦ ਕਈ ਔਰਤਾਂ ਨੇ ਕਮੈਂਟ ਸੈਕਸ਼ਨ 'ਚ ਆਪਣੇ ਨਾਲ ਹੋਏ ਅਜਿਹੇ ਵਿਤਕਰੇ ਬਾਰੇ ਵੀ ਦੱਸਿਆ। ਇਕ ਯੂਜ਼ਰ ਨੇ ਕਿਹਾ, 'ਮੇਰੇ ਨਾਲ ਵੀ ਕੁਝ ਅਜਿਹਾ ਹੀ ਹੋਇਆ ਹੈ। ਮੇਰੇ ਬੌਸ ਨੇ ਵੇਖਿਆ ਸੀ ਕਿ ਮੈਂ ਕੰਮ ਵਾਲੀ ਥਾਂ 'ਤੇ ਖੁਸ਼ ਨਜ਼ਰ ਨਹੀਂ ਆ ਰਹੀ ਸੀ। ਉਹ ਮੇਰੇ ਕੋਲ ਆਇਆ ਅਤੇ ਪੁੱਛਿਆ ਕਿ ਮੈਂ ਖੁਸ਼ ਕਿਉਂ ਨਹੀਂ ਹਾਂ। ਜਿਸ ਤੋਂ ਬਾਅਦ ਮੈਂ ਉਸ ਨੂੰ ਦੱਸਿਆ ਕਿ ਮੈਨੂੰ ਪੀਰੀਅਡਸ ਆਏ ਹੋਏ ਹਨ। ਫਿਰ ਉਸਨੇ ਕਿਹਾ ਕਿ ਮੈਨੂੰ ਪੀਰੀਅਡਸ ਬਾਰੇ ਦੱਸਣ ਦੀ ਕੋਈ ਲੋੜ ਨਹੀਂ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
