ਮਿਲੋ ਅਮਰੀਕਾ ਦੇ ਗੋਰੇ ਭੰਗੜਚੀ ਨੂੰ, ਜੋ ਝੂਮਰ ਪਾਉਂਦਾ ਕਰਦਾ ਕਮਾਲ

ਗ਼ੈਰ ਪੰਜਾਬੀ ਹੋ ਕੇ ਵੀ ਐਰਿਕ ਬਹੁਤ ਸੁਹਣਾ ਭੰਗੜਾ ਪਾਉਂਦਾ ਹੈ।

ਐਰਿਕ ਦੇ ਦੋਸਤਾਂ ਵਿੱਚ ਕਈ ਪੰਜਾਬੀ ਵੀ ਸ਼ਾਮਲ ਹਨ ਤੇ ਉਹ ਫੇਸਬੁੱਕ 'ਤੇ ਉਨ੍ਹਾਂ ਨਾਲ ਤਸਵੀਰਾਂ ਵੀ ਸਾਂਝੀਆਂ ਕਰਦਾ ਰਹਿੰਦਾ ਹੈ।

ਇਹ ਹੈ ਐਰਿਕ ਮਕੌਰਡ ਸਨੂਕ ਜੋ ਭੰਗੜੇ ਵਿੱਚ ਕਿਸੇ ਪੰਜਾਬੀ ਨਾਲੋਂ ਘੱਟ ਨਹੀਂ।

ਵਰਜੀਨੀਆ: ਭੰਗੜਾ ਪੰਜਾਬੀਆਂ ਦੀ ਸ਼ਾਨ ਹੈ, ਪਰ ਹੁਣ ਗ਼ੈਰ ਪੰਜਾਬੀ ਵੀ ਇਸ ਨਾਚ ਨੂੰ ਨੱਚਣ ਵਿੱਚ ਆਪਣੀ ਸ਼ਾਨ ਸਮਝਦੇ ਹਨ।

ਐਰਿਕ ਨੇ ਵੀ ਇਸ ਵਿੱਚ ਸ਼ਮੂਲੀਅਤ ਕੀਤੀ ਤੇ ਸਮਾਗਮ 'ਚ ਪਹੁੰਚੇ ਸਾਰੇ ਸਰੋਤੇ ਕੀਲ ਲਏ।

ਕੀ ਝੂਮਰ ਤੇ ਕੀ ਧਮਾਲ, ਐਰਿਕ ਭੰਗੜੇ ਦਾ ਹਰ ਦਾਅ-ਪੇਚ ਪੂਰੀ ਰੀਝ ਨਾਲ ਕਰਦਾ ਦਿਖਾਈ ਦੇ ਰਿਹਾ ਹੈ।

ਤਸਵੀਰਾਂ ਪਿਛਲੇ ਸ਼ਨੀਵਾਰ ਅਮਰੀਕਾ ਦੀ ਯੂਨੀਵਰਸਿਟੀ ਆਫ ਵਰਜੀਨੀਆ 'ਚ ਹੋਏ ਸਮਾਗਮ ਦੀਆਂ ਹਨ, ਜਿੱਥੇ ਭੰਗੜੇ ਦੀ ਪੇਸ਼ਕਾਰੀ ਹੋਈ।