105 ਸਾਲ ਦੀ ਪੜਦਾਦੀ ਰੋਜ਼ਾਨਾ ਖਾਂਦੀ ਅੱਧਾ ਕਿੱਲੋ ਦਹੀਂ, 1 ਲੀਟਰ ਦੁੱਧ ਨਾਲ ਦੇਸੀ ਘਿਓ, ਰੇਸ 'ਚ ਆਪਣੇ ਨਾਂ ਕੀਤਾ ਰਾਸ਼ਟਰੀ ਰਿਕਾਰਡ
105 year old lady: 100 ਸਾਲ ਦੀ ਉਮਰ ਕਿਸੇ ਸੁਭਾਗੇ ਨੂੰ ਹੀ ਮਿਲਦੀ ਹੈ ਤੇ ਇੰਨੀ ਉਮਰ 'ਚ ਵੀ ਸਰੀਰ ਦਾ ਤੰਦਰੁਸਤ ਰਹਿਣਾ ਰੱਬੀ ਬਖਸ਼ਿਸ਼ ਹੁੰਦੀ ਹੈ। ਅੱਜ ਅਸੀਂ ਅਜਿਹੀ ਹੀ ਮਹਿਲਾ ਦੀ ਗੱਲ ਕਰ ਰਹੇ ਹਾਂ ਜਿਸ ਲਈ ਉਮਰ ਸਿਰਫ ਇੱਕ ਗਿਣਤੀ ਹੈ
105 year old lady: 100 ਸਾਲ ਦੀ ਉਮਰ ਕਿਸੇ ਸੁਭਾਗੇ ਨੂੰ ਹੀ ਮਿਲਦੀ ਹੈ ਤੇ ਇੰਨੀ ਉਮਰ 'ਚ ਵੀ ਸਰੀਰ ਦਾ ਤੰਦਰੁਸਤ ਰਹਿਣਾ ਰੱਬੀ ਬਖਸ਼ਿਸ਼ ਹੁੰਦੀ ਹੈ। ਅੱਜ ਅਸੀਂ ਅਜਿਹੀ ਹੀ ਮਹਿਲਾ ਦੀ ਗੱਲ ਕਰ ਰਹੇ ਹਾਂ ਜਿਸ ਲਈ ਉਮਰ ਸਿਰਫ ਇੱਕ ਗਿਣਤੀ ਹੈ। 100 ਸਾਲ ਤੋਂ ਵੀ ਵੱਧ ਉਮਰ ਦੀ ਇਸ ਮਹਿਲਾ ਦੇ ਨਾਂ ਰਾਸ਼ਟਰੀ ਰਿਕਾਰਡ ਦਰਜ ਹੈ ਤੇ ਉਹ ਵੀ ਦੌੜ 'ਚ।
ਹਰਿਆਣਾ ਵਿੱਚ ਰਹਿੰਦੀ ਪੜਦਾਦੀ ਹੈ ਜਿਸ ਦਾ ਨਾਮ ਰਾਮਬਾਈ ਹੈ। ਉਸ ਦੀ ਉਮਰ 105 ਸਾਲ ਹੈ। ਉਸ ਨੇ ਇਸ ਉਮਰ 'ਚ ਨਾ ਸਿਰਫ ਰੇਸ ਲਾਈ ਸਗੋਂ ਰਾਸ਼ਟਰੀ ਰਿਕਾਰਡ ਵੀ ਬਣਾਇਆ। ਸੁਪਰ ਗ੍ਰੇਟ ਦਾਦੀ ਨੇ 100 ਮੀਟਰ ਦੀ ਦੌੜ 45.40 ਸਕਿੰਟਾਂ ਵਿੱਚ ਪੂਰੀ ਕੀਤੀ ਜੋ ਇੱਕ ਰਾਸ਼ਟਰੀ ਰਿਕਾਰਡ ਹੈ। ਇਸ ਤੋਂ ਪਹਿਲਾਂ ਇਹ ਰਿਕਾਰਡ 101 ਸਾਲਾ ਮਾਨ ਕੌਰ ਦੇ ਨਾਂ ਸੀ, ਜਿਸ ਨੇ 74 ਸਕਿੰਟਾਂ 'ਚ ਦੌੜ ਪੂਰੀ ਕੀਤੀ ਸੀ।
ਮੀਡੀਆ ਰਿਪੋਰਟਾਂ ਮੁਤਾਬਕ ਪੜਦਾਦੀ ਰਾਮਬਾਈ ਨੇ ਪਿਛਲੇ ਸਾਲ ਤੋਂ ਪੇਸ਼ੇਵਰ ਰੇਸਿੰਗ ਸ਼ੁਰੂ ਕੀਤੀ ਸੀ। ਇਸ ਸਾਲ ਵਡੋਦਰਾ, ਗੁਜਰਾਤ ਵਿੱਚ ਅਥਲੈਟਿਕਸ ਫੈਡਰੇਸ਼ਨ ਆਫ ਇੰਡੀਆ ਦੀ ਤਰਫੋਂ ਨੈਸ਼ਨਲ ਓਪਨ ਮਾਸਟਰਜ਼ ਅਥਲੈਟਿਕਸ ਚੈਂਪੀਅਨਸ਼ਿਪ ਵਿੱਚ ਭਾਗ ਲਿਆ। ਉਸ ਨੇ 100 ਤੋਂ ਉਪਨ ਉਮਰ ਵਰਗ ਵਿੱਚ ਦੌੜ ਵਿੱਚ ਹਿੱਸਾ ਲਿਆ। ਇਸ ਸ਼੍ਰੇਣੀ ਵਿੱਚ ਉਹਨਾਂ ਨਾਲ ਦੌੜ ਕਰਨ ਵਾਲਾ ਕੋਈ ਨਹੀਂ ਸੀ ਪਰ ਉਨ੍ਹਾਂ ਨੇ ਅਗਲੀ ਸਪੀਡ ਰੇਸ ਪੂਰੀ ਕਰ ਲਈ ਜਿਸ ਵਿੱਚ ਇੱਕ ਰਾਸ਼ਟਰੀ ਰਿਕਾਰਡ ਕਾਇਮ ਕੀਤਾ ਗਿਆ।
ਇਸ ਤੋਂ ਬਾਅਦ ਉਹਨਾਂ ਨੇ 200 ਮੀਟਰ ਦੌੜ ਵਿੱਚ ਵੀ ਹਿੱਸਾ ਲਿਆ ਤੇ ਇਸ ਨੂੰ 1 ਮਿੰਟ 52.17 ਸਕਿੰਟ ਵਿੱਚ ਪੂਰਾ ਕੀਤਾ। ਉਨ੍ਹਾਂ ਨੇ ਦੋਵਾਂ ਦੌੜਾਂ ਵਿੱਚ ਸੋਨ ਤਗਮਾ ਜਿੱਤਿਆ। ਰਮਾਬਾਈ ਦੀ ਇੱਛਾ ਇੱਥੇ ਹੀ ਨਹੀਂ ਰੁਕਦੀ। ਉਨ੍ਹਾਂ ਦਾ ਸੁਪਨਾ ਵਿਦੇਸ਼ ਜਾ ਕੇ ਅੰਤਰਰਾਸ਼ਟਰੀ ਟੂਰਨਾਮੈਂਟਾਂ ਵਿਚ ਹਿੱਸਾ ਲੈਣਾ ਤੇ ਜਿੱਤਣਾ ਹੈ। ਜਿਸ ਲਈ ਉਹ ਪਾਸਪੋਰਟ ਬਣਵਾ ਰਹੇ ਹਨ।
ਮੀਡੀਆ ਨਾਲ ਗੱਲਬਾਤ ਦੌਰਾਨ ਪੜਦਾਦੀ ਨੇ ਦੱਸਿਆ ਕਿ ਉਹ ਹਮੇਸ਼ਾ ਦੌੜਨਾ ਚਾਹੁੰਦੀ ਸੀ ਪਰ ਮੌਕਾ ਨਹੀਂ ਮਿਲਿਆ। 1 ਜਨਵਰੀ 1917 ਨੂੰ ਜਨਮੀ ਰਾਮਬਾਈ ਇੰਨੀ ਫਿੱਟ ਹੈ ਕਿ ਹਰ ਕੋਈ ਉਸ ਨੂੰ ਦੇਖ ਕੇ ਹੈਰਾਨ ਰਹਿ ਜਾਂਦਾ ਹੈ। ਇਸ ਉਮਰ 'ਚ ਵੀ ਉਹਨਾਂ ਦੀ ਪਾਚਨ ਸ਼ਕਤੀ ਜ਼ਬਰਦਸਤ ਹੈ। ਉਹਨਾਂ ਦੀ ਖੁਰਾਕ ਹੈਰਾਨੀਜਨਕ ਹੈ।
ਰਾਮਬਾਈ ਨੇ ਦੱਸਿਆ ਕਿ ਉਹ ਖੂਬ ਖਾਂਦੀ ਹੈ। ਉਹ ਹਰ ਦਿਨ ਇੱਕ ਲੀਟਰ ਦੁੱਧ ਪੀਂਦੀ ਹੈ। ਅੱਧਾ ਕਿਲੋ ਦਹੀਂ ਖਾਂਦੀ ਹੈ। ਬਾਜਰੇ ਦੀ ਰੋਟੀ ਨਾਲ 250 ਗ੍ਰਾਮ ਘਿਓ ਖਾਂਦੀ ਹੈ। ਤੁਸੀਂ ਇਸ ਨੂੰ ਪੜ੍ਹ ਕੇ ਹੈਰਾਨ ਹੋ ਗਏ। ਪਰ ਦਾਦੀ ਦੀ ਖੁਰਾਕ ਇਸੇ ਤਰ੍ਹਾਂ ਦੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਨੂੰ ਹਜ਼ਮ ਕਰਨ ਲਈ ਉਹ ਹਰ ਰੋਜ਼ ਖੇਤਾਂ ਵਿੱਚ ਕੰਮ ਵੀ ਕਰਦੀ ਹੈ। 3 ਤੋਂ 4 ਕਿਲੋਮੀਟਰ ਦੌੜ ਲਾਉਂਦੀ ਹੈ। ਉਹ ਪ੍ਰਦੂਸ਼ਣ ਦੀ ਹਵਾ ਤੋਂ ਦੂਰ ਪਿੰਡ ਵਿੱਚ ਸਿਹਤਮੰਦ ਜੀਵਨ ਬਤੀਤ ਕਰ ਰਹੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
