ਪਿੰਜਰੇ 'ਚ ਪੜ੍ਹ ਰਹੇ ਪ੍ਰਾਇਮਰੀ ਸਕੂਲ 'ਚ ਬੱਚੇ, ਡਰ ਦੇ ਮਾਰੇ 29 ਬੱਚਿਆਂ ਨੇ ਛੱਡ ਦਿੱਤਾ ਸਕੂਲ, ਪੂਰਾ ਮਾਮਲਾ ਜਾਣ ਹੋ ਜਾਓਗੇ ਹੈਰਾਨ
ਕੀ ਤੁਸੀਂ ਕਦੇ ਅਜਿਹਾ ਸਕੂਲ ਦੇਖਿਆ ਹੈ ਜਿਸ ਵਿੱਚ ਬੱਚਿਆਂ ਨੂੰ ਪਿੰਜਰੇ ਵਰਗੇ ਕਮਰੇ ਵਿੱਚ ਕੈਦ ਹੋ ਕੇ ਪੜ੍ਹਨਾ ਪੈਂਦਾ ਹੋਵੇ? ਕਲਾਸ ਰੂਮ ਤੋਂ ਬਾਹਰ ਡੰਡੇ ਲੈ ਕੇ ਬੱਚਿਆਂ ਨੂੰ ਪਾਣੀ ਪਿਲਾਉਣ ਲਈ ਲੈ ਕੇ ਜਾਂਦੇ ਹਨ।
ਭਿਵਾਨੀ: ਕੀ ਤੁਸੀਂ ਕਦੇ ਅਜਿਹਾ ਸਕੂਲ ਦੇਖਿਆ ਹੈ ਜਿਸ ਵਿੱਚ ਬੱਚਿਆਂ ਨੂੰ ਪਿੰਜਰੇ ਵਰਗੇ ਕਮਰੇ ਵਿੱਚ ਕੈਦ ਹੋ ਕੇ ਪੜ੍ਹਨਾ ਪੈਂਦਾ ਹੋਵੇ? ਜੇਕਰ ਕਲਾਸ ਰੂਮ ਤੋਂ ਬਾਹਰ ਪਾਣੀ ਪੀਣ ਲਈ ਜਾਣਾ ਹੋਵੇ ਤਾਂ ਮਾਸਟਰ ਜੀ ਹੱਥਾਂ ਵਿੱਚ ਵੱਡੇ-ਵੱਡੇ ਡੰਡੇ ਲੈ ਕੇ ਬੱਚਿਆਂ ਨੂੰ ਪਾਣੀ ਪਿਲਾਉਣ ਲਈ ਲੈ ਕੇ ਜਾਂਦੇ ਹਨ। ਇੰਨਾ ਹੀ ਨਹੀਂ ਜਦੋਂ ਸਕੂਲ 'ਚੋਂ ਛੁੱਟੀ ਹੁੰਦੀ ਹੈ ਤਾਂ ਹੱਥਾਂ ਵਿੱਚ ਡੰਡੇ ਲੈ ਕੇ ਬੱਚਿਆਂ ਨੂੰ ਸਕੂਲ ਦੇ ਗੇਟ ਤੋਂ ਬਾਹਰ ਛੱਡ ਕੇ ਆਉਂਦੇ ਹਨ। ਅਸੀਂ ਗੱਲ ਕਰ ਰਹੇ ਹਾਂ ਭਿਵਾਨੀ ਦੇ ਪਿੰਡ ਕੋਂਟ ਦੇ ਮਾਡਲ ਸੰਸਕ੍ਰਿਤਿਕ ਪ੍ਰਾਇਮਰੀ ਸਕੂਲ ਦੀ।
ਆਖਰ ਬੱਚੇ ਡਰ ਦੇ ਸਾਏ 'ਚ ਕਿਉਂ ਪੜ੍ਹਾਈ ਕਰਨ ਲਈ ਮਜਬੂਰ ਹਨ। ਇੰਨਾ ਹੀ ਨਹੀਂ ਇਸ ਡਰ ਕਾਰਨ 29 ਬੱਚੇ ਸਕੂਲ ਛੱਡ ਚੁੱਕੇ ਹਨ। ਇਹ ਡਰ ਹੈ ਇੱਥੋਂ ਦੇ ਬਾਂਦਰਾਂ ਦਾ। ਹੁਣ ਤੱਕ ਇਨ੍ਹਾਂ ਬਾਂਦਰਾਂ ਦੇ ਡਰ ਕਾਰਨ ਦੋ ਦਰਜਨ ਤੋਂ ਵੱਧ ਬੱਚੇ ਸਕੂਲ ਛੱਡ ਚੁੱਕੇ ਹਨ, ਜਿਸ ਕਾਰਨ ਮਾਪੇ ਸਕੂਲ ਤੋਂ ਐਸਐਲਸੀ ਲੈ ਕੇ ਆਪਣੇ ਬੱਚਿਆਂ ਨੂੰ ਦੂਜੇ ਸਕੂਲਾਂ ਵਿੱਚ ਦਾਖ਼ਲ ਕਰਵਾ ਰਹੇ ਹਨ। ਬਾਂਦਰਾਂ ਦੇ ਡਰ ਕਾਰਨ ਬੱਚੇ ਗਰਾਊਂਡ ਵਿੱਚ ਵੀ ਨਹੀਂ ਖੇਡ ਸਕਦੇ ਤੇ ਨਾ ਹੀ ਬੱਚੇ ਸਰਦੀਆਂ ਵਿੱਚ ਧੁੱਪ ਵਿੱਚ ਬੈਠ ਕੇ ਖੇਡ ਸਕਦੇ ਹਨ। ਇਸ ਕਾਰਨ ਬੱਚਿਆਂ ਦਾ ਸਰੀਰਕ ਵਿਕਾਸ ਵੀ ਨਹੀਂ ਹੋਵੇਗਾ।
ਮਾਡਲ ਸੰਸਕ੍ਰਿਤਿਕ ਪ੍ਰਾਇਮਰੀ ਸਕੂਲ ਦੇ ਪ੍ਰਿੰਸੀਪਲ ਅਜੈ ਕੁਮਾਰ, ਸੁਨੀਤਾ ਤੇ ਮਹਿਲਾ ਅਧਿਆਪਕ ਨੇ ਦੱਸਿਆ ਬੱਚਿਆਂ ਨੂੰ ਪੜ੍ਹਾਉਣ ਦੇ ਨਾਲ ਨਾਲ ਬਾਂਦਰਾਂ ਤੋਂ ਬਚਾਉਣਾ ਵੱਡੀ ਚੁਣੌਤੀ ਹੈ। ਜੇਕਰ ਕਿਸੇ ਬੱਚੇ ਨੇ ਬਾਥਰੂਮ ਜਾਣਾ ਹੁੰਦਾ ਹੈ ਤਾਂ ਅਧਿਆਪਕ ਨੂੰ ਡੰਡਾ ਲੈ ਕੇ ਸੁਰੱਖਿਆ ਵਜੋਂ ਨਾਲ ਜਾਣਾ ਪੈਂਦਾ ਹੈ। ਕਮਰਿਆਂ ਦੇ ਬਾਹਰ ਵਰਾਂਡੇ ਨੂੰ ਲੋਹੇ ਦੇ ਜਾਲ ਨਾਲ ਕਵਰ ਕਰ ਦਿੱਤਾ ਹੈ ਤਾਂ ਜੋ ਬਾਂਦਰ ਕਲਾਸਰੂਮ ਵਿੱਚ ਦਾਖਲ ਨਾ ਹੋ ਸਕਣ। ਪਹਿਲਾਂ ਬਾਂਦਰ ਬੱਚਿਆਂ ਦੀਆਂ ਕਿਤਾਬਾਂ ਤੇ ਬੈਗ ਚੁੱਕ ਕੇ ਲੈ ਜਾਂਦੇ ਸੀ।
ਉਨ੍ਹਾਂ ਕਿਹਾ ਕਿ ਸਿੱਖਿਆ ਵਿਭਾਗ ਅਤੇ ਪ੍ਰਸ਼ਾਸਨ ਨੂੰ ਕਈ ਵਾਰ ਲਿਖਤੀ ਸ਼ਿਕਾਇਤ ਦੇ ਚੁੱਕੇ ਹਨ। ਸਾਲ 2019 ਵਿੱਚ ਬਾਂਦਰਾਂ ਨੂੰ ਫੜਿਆ ਵੀ ਗਿਆ ਸੀ ਪਰ ਹੁਣ ਬਾਂਦਰਾਂ ਦੀ ਗਿਣਤੀ ਵੱਧ ਗਈ ਹੈ, ਜੋ ਕਿ 30-40 ਦੇ ਝੁੰਡ ਵਿੱਚ ਆ ਕੇ ਬੱਚਿਆਂ, ਮਹਿਲਾ ਅਧਿਆਪਕਾਂ ਤੇ ਹੋਰ ਸਟਾਫ ਨੂੰ ਆਪਣਾ ਨਿਸ਼ਾਨਾ ਬਣਾਉਂਦੇ ਹਨ। ਮੰਗਲਵਾਰ ਨੂੰ ਆਸਥਾ ਦੇ ਕਾਰਨ ਲੋਕ ਕੇਲੇ, ਚੂਰਮਾ ਪਾ ਜਾਂਦੇ ਹਨ, ਜਿਸ ਕਾਰਨ ਇਨ੍ਹਾਂ ਦੀ ਗਿਣਤੀ ਦਿਨ-ਬ-ਦਿਨ ਵਧਦੀ ਜਾ ਰਹੀ ਹੈ। ਸਕੂਲ ਦੇ ਪ੍ਰਿੰਸੀਪਲ ਨੇ ਦੱਸਿਆ ਕਿ ਇਸ ਸਕੂਲ ਵਿੱਚ 227 ਬੱਚਿਆਂ ਦੇ ਨਾਲ 24 ਦਾ ਸਟਾਫ਼ ਹੈ। ਇਸੇ ਸਕੂਲ ਦੇ ਵਿਹੜੇ ਵਿੱਚ ਇੱਕ ਆਂਗਣਵਾੜੀ ਸੈਂਟਰ ਵੀ ਬਣਿਆ ਹੋਇਆ ਹੈ, ਜਿਸ ਵਿੱਚ ਗਰਭਵਤੀ ਔਰਤਾਂ ਵੀ ਆਉਂਦੀਆਂ ਹਨ, ਜੋ ਬਾਂਦਰਾਂ ਦੇ ਆਤੰਕ ਤੋਂ ਪ੍ਰੇਸ਼ਾਨ ਹਨ।
ਜਦੋਂ ਇਸ ਸਬੰਧੀ ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਰਾਮ ਅਵਤਾਰ ਸ਼ਰਮਾ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਦਾ ਕਹਿਣਾ ਹੈ ਕਿ ਪਿੰਡ ਕੌਂਟ ਦੇ ਮਾਡਲ ਸੰਸਕ੍ਰਿਤਿਕ ਪ੍ਰਾਇਮਰੀ ਸਕੂਲ ਵਿੱਚ ਬਾਂਦਰਾਂ ਦੀ ਸ਼ਿਕਾਇਤ ਜੰਗਲੀ ਜੀਵ ਵਿਭਾਗ ਨੂੰ ਭੇਜ ਦਿੱਤੀ ਗਈ ਹੈ ਪਰ ਬੱਚਿਆਂ ਦੀ ਸੁਰੱਖਿਆ ਲਈ ਸਕੂਲ ਨੂੰ ਲੋਹੇ ਦੇ ਜਾਲ ਨਾਲ ਕਵਰ ਕਰਵਾ ਦਿੱਤਾ ਹੈ ਪਰ ਇਹ ਕੋਈ ਸਥਾਈ ਹੱਲ ਨਹੀਂ ਹੈ। ਬੱਚੇ ਉਦੋਂ ਤੱਕ ਸੁਰੱਖਿਅਤ ਨਹੀਂ ਹਨ ਜਦੋਂ ਤੱਕ ਬਾਂਦਰਾਂ ਨੂੰ ਫੜ ਕੇ ਜੰਗਲ ਵਿੱਚ ਛੱਡਿਆ ਨਹੀਂ ਜਾਂਦਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
