ਅਮਰੀਕੀ ਬਾਜ਼ਾਰ 'ਚ ਜੈਵਿਕ ਟੁੱਥਬ੍ਰਸ਼ ਵਜੋਂ ਵਿਕ ਰਹੀ ਨਿੰਮ ਦੀ ਦਾਤਣ, ਕੀਮਤ ਸੁਣ ਤੁਸੀਂ ਵੀ ਹੋ ਜਾਓਗੇ ਹੈਰਾਨ

ਦੰਦਾਂ ਨੂੰ ਸਾਫ਼ ਕਰਨ ਲਈ ਲੋਕ ਭਾਰਤ ਵਿੱਚ ਸਦੀਆਂ ਤੋਂ ਦਾਤਣ ਦੀ ਵਰਤੋਂ ਕਰਦੇ ਆ ਰਹੇ ਹਨ ਪਰ ਹੁਣ ਇਸ ਦੀ ਧਮਕ ਅਮਰੀਕੀ ਬਾਜ਼ਾਰ ਤੱਕ ਪਹੁੰਚ ਗਈ ਹੈ।

organic_toothbrush

ਨਵੀਂ ਦਿੱਲੀ: ਸਦੀਆਂ ਤੋਂ ਭਾਰਤ ਦੇ ਲੋਕ ਆਪਣੇ ਦੰਦਾਂ ਨੂੰ ਸਾਫ ਕਰਨ ਲਈ ਨਿੰਮ ਦੀ ਦਾਤਣ ਦੀ ਵਰਤੋਂ ਕਰਦੇ ਆ ਰਹੇ ਹਨ। ਹਾਲਾਂਕਿ, ਹੁਣ ਦਾਤਣ ਸਿਰਫ ਪਿੰਡਾਂ ਵਿੱਚ ਵੀ ਘੱਟ ਹੀ ਵਰਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਅਮਰੀਕਾ ਵਿੱਚ ਅੱਜਕੱਲ੍ਹ ਜੈਵਿਕ ਤੇ ਰਸਾਇਣ ਮੁਕਤ ਉਤਪਾਦਾਂ ਦਾ ਪ੍ਰਚਲਤ ਹਨ। ਉਨ੍ਹਾਂ ਚੋਂ ਇੱਕ ਹੈ ਨੀਮ ਦਾਤਣ। ਜੋ ਅੱਜ ਕੱਲ੍ਹ ਹੌਟ ਟੌਪਿਕ ਬਣਿਆ ਹੋਇਆ ਹੈ। ਹਾਲਾਂਕਿ ਭਾਰਤੀ ਹੁਣ ਘੱਟ ਹੀ ਦਾਤਣ ਦੀ ਵਰਤੋਂ ਕਰਦੇ ਹਨ, ਪਰ ਇਸ ਉਤਪਾਦ ਨੇ ਵਿਸ਼ਵ ਬਾਜ਼ਾਰ ਵਿੱਚ ਕੁਝ ਥਾਂ ਬਣਾਈ ਹੈ।

ਨੀਮ ਦੀ ਦਾਤਣ ਦੀ ਧਮਕ ਅਮਰੀਕੀ ਬਾਜ਼ਾਰ ਤੱਕ

ਅਮਰੀਕਾ ਵਿੱਚ ਔਨਲਾਈਨ ਸਾਮਾਨ ਵੇਚਣ ਵਾਲੀ ਇੱਕ ਈ-ਕਾਮਰਸ ਕੰਪਨੀ ਨੇ ਨੀਮ ਦੀ ਦਾਤਣ ਵੇਚਣਾ ਸ਼ੁਰੂ ਕਰ ਦਿੱਤਾ ਹੈ। 'ਨੀਮ ਟ੍ਰੀ ਫਾਰਮਜ਼' ਆਕਰਸ਼ਕ ਪੈਕਿੰਗ ਵਿੱਚ ਕੁਦਰਤੀ ਟੁੱਥਬ੍ਰਸ਼ ਵੇਚ ਰਿਹਾ ਹੈ। ਦਾਤਣ ਦੀ ਇੱਕ ਛੋਟੀ ਜਿਹੀ ਟਹਿਣੀ ਹੈ, ਜਿਸ ਨੂੰ ਲੋਕ ਪਿੰਡਾਂ ਵਿੱਚ ਫਰੀ ਅਤੇ ਸ਼ਹਿਰਾਂ ਵਿੱਚ 5-6 ਰੁਪਏ  ਦੀ ਕੀਮਤ ਦੇ ਕੇ ਆਸਾਨੀ ਨਾਲ 'ਚ ਹਾਸਲ ਕਰਦੇ ਹਨ।

ਪਰ ਅਮਰੀਕੀ ਸੁਪਰਮਾਰਕੀਟਾਂ ਵਿੱਚ ਇਸ ਦੀ ਕੀਮਤ 24.83 ਡਾਲਰ ਰੱਖਿਆ ਗਿਆ ਹੈ, ਜੋ ਕਿ ਕਰੀਬ 1800 ਰੁਪਏ ਬਣਦੀ ਹੈ। ਕੰਪਨੀ ਨਿੰਮ ਦੀਆਂ ਵਿਸ਼ੇਸ਼ਤਾਵਾਂ ਦੇ ਵੇਰਵੇ ਵੀ ਦੱਸ ਰਹੀ ਹੈ। ਨੀਮ ਟ੍ਰੀ ਫਾਰਮਜ਼ ਦਾਤਣ ਦੀ ਵਰਤੋਂ ਕਰਨ ਦੇ ਤਰੀਕੇ ਬਾਰੇ ਵੀ ਦੱਸਿਆ ਜਾ ਰਿਹਾ ਹੈ। ਇੱਕ ਚੌਥਾਈ ਪੌਂਡ ਵਿੱਚ 15 ਤੋਂ 25 ਨਿੰਮ ਦੀਆਂ ਸਟਿਕਸ ਹੁੰਦੀਆਂ ਹਨ, ਜੋ ਕਿ ਇਸ ਦੇ ਆਕਾਰ 'ਤੇ ਨਿਰਭਰ ਕਰਦਾ ਹੈ। ਉਹ ਲਗਪਗ 3 ਮਹੀਨਿਆਂ ਦੇ ਹੋਣੇ ਚਾਹੀਦੇ ਹਨ। ਵਧੀਆ ਨਤੀਜਿਆਂ ਲਈ ਫਰਿੱਜ ਵਿੱਚ ਰੱਖਣ ਦੀ ਸਲਾਹ ਦੇ ਨਾਲ, ਉਨ੍ਹਾਂ ਨੂੰ ਪਲਾਸਟਿਕ ਦੀ ਬਜਾਏ ਕਾਗਜ਼ ਵਿੱਚ ਰੱਖਣ ਲਈ ਕਿਹਾ ਗਿਆ ਹੈ। ਕੁਝ ਦਿਨ ਪਹਿਲਾਂ ਤੱਕ 'ਮੰਜੇ' 41,211.85 ਰੁਪਏ ਵਿੱਚ ਵਿਕਣ ਦੀ ਖ਼ਬਰ ਸਾਹਮਣੇ ਆਈ ਸੀ।

'ਆਰਗੈਨਿਕ ਟੂਥਬ੍ਰਸ਼' 1800 ਰੁਪਏ 'ਚ

'Vintage Indian Daybed' ਨਾਂਅ ਦੇ ਆਮ ਭਾਰਤੀ ਮੰਜੇ ਨੂੰ ਵੇਚਿਆ ਜਾ ਰਿਹਾ ਹੈ। ਇਸਦੇ ਇਸ਼ਤਿਹਾਰ ਵਿੱਚ ਬ੍ਰਾਂਡ ਇਸਨੂੰ "ਇੱਕ ਤਰ੍ਹਾਂ ਦਾ" ਅਤੇ "ਮੂਲ" ਮੰਜਾ ਦੱਸ ਰਿਹਾ ਹੈ। ਹਾਲਾਂਕਿ, ਇੱਕ ਈ-ਕਾਮਰਸ ਕੰਪਨੀ ਵਲੋਂ ਬਹੁਤ ਜ਼ਿਆਦਾ ਕੀਮਤਾਂ 'ਤੇ ਨਿੰਮ ਦਾਤਣ ਵੇਚਣ ਦਾ ਮੁੱਦਾ ਪਹਿਲੀ ਵਾਰ ਸੁਰਖੀਆਂ ਵਿੱਚ ਨਹੀਂ ਆਇਆ ਹੈ, ਇਸ ਤੋਂ ਪਹਿਲਾਂ ਵੀ ਅਮਰੀਕਾ ਵਿੱਚ ਨਿੰਮ ਦੀ ਦਾਤਣ ਦੀ ਵਿਕਰੀ ਕਾਰਨ ਲੋਕਾਂ ਦੇ ਹੋਸ਼ ਉੱਡ ਗਏ ਸੀ। 2020 ਵਿੱਚ ਉਦਯੋਗਪਤੀ ਹਰਸ਼ ਗੋਇਨਕਾ ਨੇ ਇੱਕ ਹੋਰ ਅਜਿਹੇ 'ਔਰਗੈਨਿਕ ਟੂਥਪੇਸਟ' ਦੀ ਇੱਕ ਫੋਟੋ ਟਵੀਟ ਕੀਤੀ, ਜੋ 15 ਡਾਲਰ ਯਾਨੀ 1,095.44 ਰੁਪਏ ਵਿੱਚ ਵਿਕ ਰਹੀ ਸੀ।

This is the same ‘dattun’ used by people in our villages now sold in US supermarkets for $15 as ‘organic toothbrush’. #marketing pic.twitter.com/zLKsk1p5Id

— Harsh Goenka (@hvgoenka) September 17, 2020

ਇਹ ਵੀ ਪੜ੍ਹੋ: Ration Card ਦੇ ਨਿਯਮਾਂ 'ਚ ਵੱਡੀ ਤਬਦੀਲੀ! ਜਾਣੋ ਨਹੀਂ ਤਾਂ ਰਾਸ਼ਨ ਲੈਣ ਲਈ ਝਲਣੀ ਪਵੇਗੀ ਪ੍ਰੇਸ਼ਾਨੀ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904