ਖਰਗੋਸ਼ਾਂ ਨੇ ਫੌਜੀਆਂ ਵਿਰੁੱਧ ਜਿੱਤੀ ਅਦਾਲਤੀ ਲੜਾਈ
ਪੈਰਿਸ ਤੋਂ ਇਕ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ।ਜਿੱਥੇ ਖਰਗੋਸ਼ਾਂ ਨੇ ਪੈਰਿਸ ਦੇ ਸੈਨਿਕਾਂ ਨਾਲ ਅਦਾਲਤੀ ਲੜਾਈ ਜਿੱਤੀ ਹੈ।
ਪੈਰਿਸ: ਪੈਰਿਸ ਤੋਂ ਇਕ ਹੈਰਾਨ ਕਰਨ ਵਾਲੀ ਖ਼ਬਰ ਸਾਹਮਣੇ ਆਈ ਹੈ।ਜਿੱਥੇ ਖਰਗੋਸ਼ਾਂ ਨੇ ਪੈਰਿਸ ਦੇ ਸੈਨਿਕਾਂ ਨਾਲ ਅਦਾਲਤੀ ਲੜਾਈ ਜਿੱਤੀ ਹੈ।ਦਰਅਸਲ,ਇਤਿਹਾਸਕ ਸਥਾਨ ਜਿੱਥੇ ਆਰਮੀ ਮਿਊਜ਼ੀਅਮ ਅਤੇ ਨੈਪੋਲੀਅਨ ਦਾ ਮਕਬਰਾ ਸਥਿਤ ਹੈ, ਉਥੇ ਫੌਜੀ ਸਰਗਰਮੀ ਨਾਲ ਕੰਮ ਕਰਦੇ ਹਨ। ਉਥੇ ਹਰ ਸਾਲ ਇਹ ਸਿਪਾਹੀ ਲਗਭਗ 40 ਖਰਗੋਸ਼ਾਂ ਨੂੰ ਮਾਰਦੇ ਹਨ ਕਿਉਂਕਿ ਇਹ ਖਰਗੋਸ਼ ਲਾਅਨ ਖੋਦਦੇ ਹਨ ਅਤੇ ਪਾਣੀ ਦੀਆਂ ਪਾਈਪਾਂ ਵਿੱਚ ਛੇਕ ਬਣਾਉਂਦੇ ਹਨ, ਜਿਸ ਨਾਲ ਬਹੁਤ ਨੁਕਸਾਨ ਹੁੰਦਾ ਹੈ। ਪਰ ਇੱਥੇ ਸੈਨਿਕਾਂ ਵੱਲੋਂ ਨਿਰਦੋਸ਼ਾਂ ਨੂੰ ਮਾਰਨਾ ਉਚਿਤ ਹੱਲ ਨਹੀਂ ਹੈ।
ਅਜਾਇਬ ਘਰ ਵਿੱਚ ਖਰਗੋਸ਼ਾਂ ਉੱਤੇ ਸਿਪਾਹੀਆਂ ਵੱਲੋਂ ਸਰਕਾਰੀ ਸੰਪਤੀ ਨੂੰ ਨੁਕਸਾਨ ਪਹੁੰਚਾਉਣ ਦਾ ਦੋਸ਼ ਲਗਾਇਆ ਗਿਆ ਸੀ, ਜਿਸ ਕਾਰਨ ਸਿਪਾਹੀ ਇਨ੍ਹਾਂ ਨੁਕਸਾਨਾਂ ਨੂੰ ਰੋਕਣ ਲਈ ਉੱਥੇ ਮੌਜੂਦ ਖਰਗੋਸ਼ਾਂ ਨੂੰ ਮਾਰਦੇ ਸੀ। ਪਰ ਜਦੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਗਈ ਤਾਂ ਬਹੁਤ ਸਾਰੀਆਂ ਗੱਲਾਂ ਸਾਹਮਣੇ ਆਈਆਂ, ਜਿਸ ਵਿੱਚ ਸੈਨਿਕਾਂ ਵੱਲੋਂ ਖਰਗੋਸ਼ਾਂ ਉੱਤੇ ਲਗਾਏ ਗਏ ਦੋਸ਼ ਝੂਠੇ ਨਿਕਲੇ। ਉੱਥੋਂ ਦੇ ਪਸ਼ੂ ਅਧਿਕਾਰੀ ਨੇ ਇਨ੍ਹਾਂ ਸ਼ਿਕਾਇਤਾਂ ਨੂੰ ਝੂਠਾ ਕਰਾਰ ਦਿੱਤਾ। ਜਦੋਂ ਇਹ ਮੁੱਦਾ ਪੈਰਿਸ ਦੀ ਅਦਾਲਤ ਵਿੱਚ ਉਠਾਇਆ ਗਿਆ, ਤਾਂ ਖਰਗੋਸ਼ ਇਸ ਨੂੰ ਜਿੱਤ ਗਏ।
ਕੁਝ ਮਹੀਨਿਆਂ ਪਹਿਲਾਂ ਇੱਕ ਜੱਜ ਵੱਲੋਂ ਖਰਗੋਸ਼ਾਂ ਦੀਆਂ ਇਨ੍ਹਾਂ ਹੱਤਿਆਵਾਂ ਨੂੰ ਰੋਕਣ ਦੇ ਅਦਾਲਤੀ ਆਦੇਸ਼ ਜਾਰੀ ਕੀਤੇ ਗਏ ਸਨ, ਉਦੋਂ ਤੋਂ ਹੀ ਖਰਗੋਸ਼ਾਂ ਦੀਆਂ ਹੱਤਿਆਵਾਂ 'ਤੇ ਰਾਹਤ ਮਿਲੀ ਹੈ।ਇਸ ਮੁੱਦੇ ਬਾਰੇ ਗੰਭੀਰਤਾ ਜ਼ਾਹਰ ਕਰਦਿਆਂ ਅਤੇ ਬੇਘਰ ਲੋਕਾਂ 'ਤੇ ਹੋ ਰਹੇ ਅੱਤਿਆਚਾਰਾਂ ਦਾ ਵਿਰੋਧ ਕਰਦਿਆਂ, ਪੈਰਿਸ ਦੇ ਪਸ਼ੂ ਅਧਿਕਾਰ ਸਮੂਹ ਜ਼ੂਪੋਲਿਸ ਦੇ ਬੁਲਾਰੇ ਨੇ ਕਿਹਾ ਕਿ ਖਰਗੋਸ਼ ਦੇ ਨੁਕਸਾਨ ਦੇ ਦਾਅਵੇ ਬੇਬੁਨਿਆਦ ਹਨ, ਉਨ੍ਹਾਂ ਕਿਹਾ ਕਿ "ਅਸੀਂ ਸਿਰਫ ਇਹੀ ਕਹਿ ਰਹੇ ਹਾਂ ਕਿ ਸਿਪਾਹੀ ਖਰਗੋਸ਼ਾਂ ਨਾਲ ਸ਼ਾਂਤੀ ਨਾਲ ਰਹਿ ਸਕਦੇ ਹਨ"।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
