(Source: ECI/ABP News)
lottery Ticket : ਜਨਮਦਿਨ 'ਤੇ ਮਿਲਿਆ ਅਜੀਬ ਤੋਹਫ਼ਾ, ਬੇਰੁਜ਼ਗਾਰ ਔਰਤ ਰਾਤੋ-ਰਾਤ ਬਣੀ ਕਰੋੜਪਤੀ
God's gift ਉੱਪਰ ਵਾਲਾ ਜਦ ਵੀ ਦਿੰਦਾ ਹੈ ਛੱਪਰ ਪਾੜ ਕੇ ਦਿੰਦਾ ਹੈ, ਅਜਿਹਾ ਹੀ ਇੱਕ ਔਰਤ ਨਾਲ ਹੋਇਆ ਹੈ। ਉਹ ਸਿਰਫ ਕੁਝ ਹਜ਼ਾਰ ਦਾ ਨਿਵੇਸ਼ ਕਰਕੇ ਕਰੋੜਪਤੀ ਬਣ ਗਈ...
ਉੱਪਰ ਵਾਲਾ ਜਦ ਵੀ ਦਿੰਦਾ ਹੈ ਛੱਪਰ ਪਾੜ ਕੇ ਦਿੰਦਾ ਹੈ, ਅਜਿਹਾ ਹੀ ਇੱਕ ਔਰਤ ਨਾਲ ਹੋਇਆ ਹੈ। ਉਹ ਸਿਰਫ ਕੁਝ ਹਜ਼ਾਰ ਦਾ ਨਿਵੇਸ਼ ਕਰਕੇ ਕਰੋੜਪਤੀ ਬਣ ਗਈ। ਜਿਸ ਘਰ ਅਤੇ ਦੌਲਤ ਨੂੰ ਹਾਸਲ ਕਰਨ ਲਈ ਲੋਕ ਸਾਰੀ ਉਮਰ ਲਗਾ ਦਿੰਦੇ ਹਨ, ਇੱਕ ਬੇਰੁਜ਼ਗਾਰ ਔਰਤ ਨੇ ਉਹ ਸਭ ਸਿਰਫ਼ 2600 ਰੁਪਏ ਦੀ ਟਿਕਟ ਨਾਲ ਹਾਸਲ ਕਰ ਲਿਆ।
ਦੱਸ ਦਈਏ ਕਿ ਇਹ ਕਹਾਣੀ ਐਲਿਜ਼ਾ ਯਾਹੀਓਗਲੂ ਨਾਂ ਦੀ ਔਰਤ ਦੀ ਹੈ, ਜਿਸ ਦੀ ਉਮਰ 56 ਸਾਲ ਹੈ। ਇਸ ਔਰਤ ਨੇ ਓਮੇਜ਼ ਮਿਲੀਅਨ-ਪਾਊਂਡ ਹਾਊਸ ਡਰਾਅ ਵਿੱਚ 25 ਪੌਂਡ ਭਾਵ ਭਾਰਤੀ ਕਰੰਸੀ ਵਿੱਚ ਲਗਭਗ 2600 ਰੁਪਏ ਵਿੱਚ ਟਿਕਟ ਲਈ ਸੀ। ਇਸ ਲੱਕੀ ਡਰਾਅ 'ਚ ਔਰਤ ਨੂੰ 20 ਲੱਖ ਪੌਂਡ ਸਟਰਲਿੰਗ ਦਾ ਫਾਰਮ ਹਾਊਸ ਮਿਲਿਆ ਅਤੇ ਉਹ ਰਾਤੋ-ਰਾਤ ਕਰੋੜਪਤੀ ਬਣ ਗਈ।
ਐਲਿਜ਼ਾ ਯਾਹੀਓਗਲੂ ਦਾ 56ਵਾਂ ਜਨਮਦਿਨ ਉਸ ਲਈ ਇੱਕ ਵੱਖਰਾ ਤੋਹਫ਼ਾ ਲੈ ਕੇ ਆਇਆ । ਜਦੋਂ ਉਹ ਆਪਣਾ ਜਨਮ ਦਿਨ ਮਨਾ ਰਹੀ ਸੀ ਤਾਂ ਉਸ ਦੇ ਪਤੀ ਦਾ ਫੋਨ ਆਇਆ। ਪਾਰਟੀ ਦੌਰਾਨ ਫੋਨ ਚੁੱਕਣ 'ਤੇ ਔਰਤ ਨੇ ਖੁਦ ਆਪਣੇ ਪਤੀ ਨੂੰ ਕੁਝ ਕਿਹਾ ਪਰ ਅਗਲੇ ਹੀ ਪਲ ਉਸ ਦੀ ਜ਼ਿੰਦਗੀ ਬਦਲ ਗਈ। ਓਮਜ਼ ਪ੍ਰੇਜੇਂਟਰ ਨੇ ਖੁਦ ਉਨ੍ਹਾਂ ਦੇ ਘਰ ਆ ਕੇ ਇਸ ਸ਼ਾਨਦਾਰ ਜਿੱਤ ਦੀ ਖਬਰ ਦਿੱਤੀ ।ਔਰਤ ਦਾ ਕਹਿਣਾ ਹੈ ਕਿ ਇਹ ਸਭ ਉਸਨੂੰ ਸੁਪਨਾ ਲੱਗ ਰਿਹਾ ਹੈ ਕਿ ਉਸ ਨੇ ਯੌਰਕਸ਼ਾਇਰ ਨੇੜੇ ਇਕ ਖੂਬਸੂਰਤ ਕੁਦਰਤੀ ਥਾਂ 'ਤੇ ਆਲੀਸ਼ਾਨ ਬੰਗਲਾ ਜਿੱਤਿਆ ਹੈ। ਇਸ ਦੇ ਲਈ ਨਾ ਤਾਂ ਕੁਝ ਗਿਰਵੀ ਰੱਖਣਾ ਸੀ ਅਤੇ ਨਾ ਹੀ ਕੋਈ ਸਟੈਂਪ ਡਿਊਟੀ ਜਾਂ ਕਾਨੂੰਨੀ ਫੀਸ ਅਦਾ ਕਰਨੀ ਸੀ।
ਐਲਿਜ਼ਾ ਨੇ ਓਮੇਜ਼ ਦਾ ਸਬਸਕ੍ਰਿਪਸ਼ਨ 2600 ਰੁਪਏ ਵਿੱਚ ਲਿਆ ਸੀ, ਜਿਸ ਕਰਕੇ ਉਸ ਨੂੰ ਇਹ ਜਿੱਤ ਮਿਲੀ। ਘਰ ਦੇ ਨਾਲ ਹੀ ਉਨ੍ਹਾਂ ਨੂੰ 1 ਕਰੋੜ ਰੁਪਏ ਦਾ ਨਕਦ ਇਨਾਮ ਵੀ ਮਿਲਿਆ । ਇਸ ਡਰਾਅ ਰਾਹੀਂ ਬਲੱਡ ਕੈਂਸਰ ਦੇ ਮਰੀਜ਼ਾਂ ਲਈ 20 ਕਰੋੜ ਤੋਂ ਵੱਧ ਦਾ ਫੰਡ ਇਕੱਠਾ ਕੀਤਾ ਗਿਆ ਹੈ। ਇੱਕ ਪ੍ਰਤੀਨਿਧੀ ਨੇ ਦੱਸਿਆ ਕਿ ਯੌਰਕਸ਼ਾਇਰ ਵਿੱਚ ਇੱਕ ਸੁੰਦਰ ਘਰ ਖਰੀਦਣ ਤੋਂ ਇਲਾਵਾ, ਐਲਿਜ਼ਾ ਨੇ ਚੈਰਿਟੀ ਵਿੱਚ ਵੀ ਯੋਗਦਾਨ ਪਾਇਆ ਹੈ। ਇੰਨੇ ਵੱਡੇ ਇਨਾਮ ਦੇ ਰਾਹੀਂ, ਉਹਨਾਂ ਨੂੰ ਬਹੁਤ ਸਾਰਾ ਦਾਨ ਮਿਲਦਾ ਹੈ, ਜੋ ਬਲੱਡ ਕੈਂਸਰ ਦੇ ਮਰੀਜ਼ਾਂ ਦੀ ਭਲਾਈ ਲਈ ਵਰਤਿਆ ਜਾਂਦਾ ਹੈ। ਕਿਉਂਕਿ ਐਲੀਜ਼ਾ ਯੌਰਕਸ਼ਾਇਰ ਤੋਂ ਹੈ, ਇਸ ਲਈ ਇਹ ਇਨਾਮ ਉਸ ਲਈ ਹੋਰ ਵੀ ਖਾਸ ਬਣ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
