ਆਪਣੇ ਖਾਣੇ 'ਚ ਪੀਂਦਾ ਸੀ ਜ਼ਹਿਰ...ਦੁਨੀਆ ਮੰਨਦੀ ਸਭ ਤੋਂ ਜ਼ਹਿਰੀਲਾ ਹਾਕਮ, 52 ਸਾਲ ਦੀ ਉਮਰ ਤੱਕ ਗੁਜਰਾਤ 'ਤੇ ਕੀਤਾ ਰਾਜ, ਜਾਣੋ ਕੌਣ?
ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੇ ਸ਼ਾਸਕ ਬਾਰੇ ਦੱਸਾਂਗੇ ਜੋ ਆਪਣੇ ਖਾਣੇ ਵਿੱਚ ਜ਼ਹਿਰ ਪੀਂਦਾ ਸੀ ਅਤੇ ਉਸਨੂੰ ਇਤਿਹਾਸ ਦਾ ਸਭ ਤੋਂ ਜ਼ਹਿਰੀਲਾ ਸ਼ਾਸਕ ਕਿਹਾ ਜਾਂਦਾ ਹੈ।
Most poisonous ruler: ਇਤਿਹਾਸ ਦੇ ਪੰਨਿਆਂ ਵਿੱਚ ਅਜਿਹੇ ਕਈ ਸ਼ਾਸਕ ਦਰਜ ਹਨ ਜਿਨ੍ਹਾਂ ਨੇ ਅਜਿਹੇ ਅਨੌਖੇ ਕੰਮ ਕੀਤੇ ਹਨ, ਜਿਨ੍ਹਾਂ ਦੀ ਕਲਪਨਾ ਕਰਨਾ ਲਗਭਗ ਅਸੰਭਵ ਹੈ। ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੇ ਸ਼ਾਸਕ ਬਾਰੇ ਦੱਸਾਂਗੇ ਜੋ ਆਪਣੇ ਖਾਣੇ ਵਿੱਚ ਜ਼ਹਿਰ ਪੀਂਦਾ ਸੀ ਤੇ ਉਸਨੂੰ ਇਤਿਹਾਸ ਦਾ ਸਭ ਤੋਂ ਜ਼ਹਿਰੀਲਾ ਸ਼ਾਸਕ ਕਿਹਾ ਜਾਂਦਾ ਹੈ। ਇਸ ਸ਼ਾਸਕ ਦਾ ਨਾਂ ਮਹਿਮੂਦ ਬਗੇੜਾ ਹੈ। ਮਹਿਮੂਦ ਦਾ ਰਹਿਣ-ਸਹਿਣ ਤੇ ਖਾਣ-ਪੀਣ ਦੀਆਂ ਆਦਤਾਂ ਇੰਨੀਆਂ ਡਰਾਉਣੀਆਂ ਸਨ ਕਿ ਰਿਸ਼ਤੇਦਾਰ ਤੇ ਨਜ਼ਦੀਕੀ ਦੋਸਤ ਵੀ ਉਸ ਤੋਂ ਡਰਦੇ ਸਨ। ਮਹਿਮੂਦ ਸ਼ਾਹ ਨੇ ਸਿਰਫ਼ 13 ਸਾਲ ਦੀ ਉਮਰ ਵਿੱਚ ਗੁਜਰਾਤ ਦੀ ਗੱਦੀ ਸੰਭਾਲੀ, ਜਿਸਨੂੰ ਬਾਅਦ ਵਿੱਚ ਮਹਿਮੂਦ ਬਗੇੜਾ ਦੇ ਨਾਂ ਵਜੋਂ ਜਾਣਿਆ ਗਿਆ, ਉਸ ਨੇ 52 ਸਾਲ ਦੀ ਉਮਰ ਤੱਕ ਗੁਜਰਾਤ ਉੱਤੇ ਰਾਜ ਕੀਤਾ।
ਕਿਉਂ ਪੀਂਦਾ ਸੀ ਜ਼ਹਿਰ
ਕਿਹਾ ਜਾਂਦਾ ਹੈ ਕਿ ਇੱਕ ਵਾਰ ਮਹਿਮੂਦ ਨੂੰ ਧੋਖੇ ਨਾਲ ਮਾਰਨ ਲਈ ਕਿਸੇ ਨੇ ਜ਼ਹਿਰ ਦੇ ਦਿੱਤਾ ਸੀ। ਇਸ ਤੋਂ ਬਾਅਦ ਉਸ ਨੇ ਫੈਸਲਾ ਕੀਤਾ ਕਿ ਉਹ ਆਪਣੇ ਸਰੀਰ 'ਤੇ ਇਸ ਤਰ੍ਹਾਂ ਪ੍ਰਯੋਗ ਕਰੇਗਾ ਕਿ ਜ਼ਹਿਰ ਉਸ 'ਤੇ ਕਦੇ ਅਸਰ ਨਾ ਕਰੇ। ਇਹੀ ਕਾਰਨ ਹੈ ਕਿ ਬਚਪਨ ਤੋਂ ਹੀ ਉਸ ਨੇ ਖਾਣੇ ਦੇ ਨਾਲ-ਨਾਲ ਜ਼ਹਿਰ ਵੀ ਪੀਣਾ ਸ਼ੁਰੂ ਕਰ ਦਿੱਤਾ ਅਤੇ ਇੰਨਾ ਜ਼ਹਿਰੀਲਾ ਹੋ ਗਿਆ ਕਿ ਜੇਕਰ ਉਸ 'ਤੇ ਮੱਖੀ ਬੈਠ ਜਾਵੇ ਤਾਂ ਉਹ ਮਰ ਜਾਂਦੀ ਸੀ। ਇਤਿਹਾਸ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਜੇਕਰ ਕੋਈ ਔਰਤ ਉਸ ਸ਼ਾਸਕ ਨਾਲ ਸਬੰਧ ਬਣਾਉਂਦੀ ਸੀ ਤਾਂ ਉਹ ਵੀ ਮਰ ਜਾਂਦੀ ਸੀ। ਇਸ ਗੱਲ ਦਾ ਜ਼ਿਕਰ ਪੁਰਤਗਾਲੀ ਯਾਤਰੀ ਬਾਬੋਸਾ ਦੀ ਕਿਤਾਬ 'ਦ ਬੁੱਕ ਆਫ਼ ਡੁਰੇਟ ਬਾਬੋਸਾ ਵਾਲਿਊਮ 1' ਵਿੱਚ ਕੀਤਾ ਗਿਆ ਹੈ।
1 ਦਿਨ 'ਚ 35 ਕਿਲੋ ਖਾਣਾ ਖਾਂਦਾ ਸੀ
ਮਹਿਮੂਦ ਬਗੇੜਾ ਸਰੀਰ ਪੱਖੋਂ ਬਹੁਤ ਤਕੜਾ ਸੀ। ਇਹ ਸਨਕੀ ਹਾਕਮ ਇੱਕ ਦਿਨ ਵਿੱਚ 35 ਕਿਲੋ ਤੱਕ ਖਾਣਾ ਖਾ ਲੈਂਦਾ ਸੀ। ਉਸ ਦੇ ਬਿਸਤਰੇ ਦੇ ਕੋਲ ਹਮੇਸ਼ਾ ਖਾਣ ਲਈ ਚੀਜ਼ਾਂ ਹੁੰਦੀਆਂ ਸਨ ਅਤੇ ਜਦੋਂ ਵੀ ਉਸਨੂੰ ਭੁੱਖ ਲੱਗਦੀ ਸੀ, ਉਹ ਕੁਝ ਨਾ ਕੁਝ ਖਾ ਲੈਂਦਾ ਸੀ। ਖ਼ਤਰਨਾਕ ਦਿਖਣ ਲਈ ਮਹਿਮੂਦ ਨੇ ਆਪਣੀ ਦਾੜ੍ਹੀ ਅਤੇ ਮੁੱਛਾਂ ਵਧਾ ਲਈਆਂ ਸਨ। ਇੱਥੋਂ ਤੱਕ ਕਿ ਉਸ ਦੇ ਦਰਬਾਰ ਦੇ ਸਾਰੇ ਦਰਬਾਰੀ ਵੀ ਉਸ ਵਾਂਗ ਹੀ ਪਹਿਰਾਵਾ ਪਾਉਂਦੇ ਸਨ। ਕਿਹਾ ਜਾਂਦਾ ਹੈ ਕਿ ਗੁਜਰਾਤ ਦੇ ਪਾਵਾਗੜ੍ਹ ਵਿੱਚ ਕਾਲੀ ਮਾਤਾ ਦੇ ਮੰਦਰ ਦਾ ਸ਼ੇਖਰ ਤੋੜ ਕੇ ਉੱਥੇ ਪੀਰ ਸਦਨ ਸ਼ਾਹ ਦੀ ਦਰਗਾਹ ਬਣਵਾਈ ਸੀ। ਇਸ ਮੰਦਰ 'ਚ ਪਿਛਲੇ 500 ਸਾਲਾਂ ਬਾਅਦ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਝੰਡਾ ਲਹਿਰਾਇਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
