Weird Job: ਨਿਕਲੀ ਕੁੱਤੇ ਨੂੰ ਸੰਭਾਲਣ ਦੀ ਨੌਕਰੀ, ਤਨਖਾਹ 1 ਕਰੋੜ, ਸਹੂਲਤਾਂ ਇੰਨੀਆਂ ਕਿ ਤੁਸੀਂ ਸੋਚ ਵੀ ਨਹੀਂ ਸਕਦੇ...
Trending: ਕੁੱਤਿਆਂ ਨੂੰ ਸੰਭਾਲਣ ਦੀ ਨੌਕਰੀ ਲਈ ਜੇਕਰ ਇੱਕ ਕਰੋੜ ਰੁਪਏ ਦੀ ਤਨਖਾਹ ਮਿਲਦੀ ਹੈ ਤਾਂ ਕੌਣ ਨਹੀਂ ਕਰਨਾ ਚਾਹੇਗਾ? ਇੱਥੇ ਤਨਖਾਹ ਦੇ ਨਾਲ-ਨਾਲ ਸ਼ਾਨਦਾਰ ਸਹੂਲਤਾਂ ਵੀ ਦਿੱਤੀਆਂ ਜਾ ਰਹੀਆਂ ਹਨ।
Viral News: ਤੁਸੀਂ ਦੁਨੀਆ ਵਿੱਚ ਹਰ ਤਰ੍ਹਾਂ ਦੀਆਂ ਨੌਕਰੀਆਂ ਬਾਰੇ ਸੁਣਿਆ ਹੋਵੇਗਾ। ਇਨ੍ਹਾਂ 'ਚੋਂ ਕੁਝ ਇੰਨੇ ਜ਼ੋਖ਼ਮ ਭਰੀ ਹੁੰਦੀਆਂ ਹਨ ਕਿ ਉਨ੍ਹਾਂ ਨੂੰ ਸੁਣ ਕੇ ਹੀ ਬੰਦਾ ਡਰ ਜਾਂਦਾ ਹੈ। ਇਸ ਦੇ ਨਾਲ ਹੀ, ਕੁਝ ਨੌਕਰੀਆਂ ਵਿੱਚ, ਅਜਿਹੀ ਤਨਖਾਹ ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ ਕਿ ਵਿਅਕਤੀ ਜ਼ੋਖ਼ਮ ਬਾਰੇ ਸੋਚਣਾ ਭੁੱਲ ਜਾਂਦਾ ਹੈ। ਇਸ ਸਮੇਂ ਸੋਸ਼ਲ ਮੀਡੀਆ 'ਤੇ ਇੱਕ ਅਜਿਹੀ ਨੌਕਰੀ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ, ਜਿਸ ਵਿੱਚ ਦੋ ਕੁੱਤਿਆਂ ਨੂੰ ਸੰਭਾਲਣ ਲਈ ਇੱਕ ਵਿਅਕਤੀ ਨੂੰ ਇੱਕ ਕਰੋੜ ਰੁਪਏ ਦੀ ਪੇਸ਼ਕਸ਼ ਕੀਤੀ ਜਾ ਰਹੀ ਹੈ।
ਲਾਈਟਹਾਊਸ ਵਿੱਚ ਬੱਲਬ ਬਦਲਣ ਦੀ ਨੌਕਰੀ, ਟਰੱਕ ਚਲਾਉਣ ਦੀ ਨੌਕਰੀ ਅਤੇ ਖਦਾਣ ਵਿੱਚ ਕੰਮ ਕਰਨ ਦੀ ਨੌਕਰੀ ਅਜਿਹੀਆਂ ਨੌਕਰੀਆਂ ਹਨ, ਜਿਸ ਵਿੱਚ ਜੋਖਮ ਹੁੰਦਾ ਹੈ ਪਰ ਬਦਲੇ ਵਿੱਚ ਤੁਹਾਨੂੰ ਬਹੁਤ ਸਾਰਾ ਪੈਸਾ ਮਿਲਦਾ ਹੈ। ਹਾਲਾਂਕਿ ਕੁੱਤਿਆਂ ਨੂੰ ਸੰਭਾਲਣ ਲਈ ਨੈਨੀ ਦੇ ਕੰਮ ਵਿੱਚ ਅਜਿਹਾ ਕੋਈ ਜੋਖਮ ਨਹੀਂ ਹੈ। ਤੁਹਾਨੂੰ ਕਿਸੇ ਅਰਬਪਤੀ ਦੇ ਘਰ ਜਾ ਕੇ ਉਸ ਦੇ ਕੁੱਤਿਆਂ ਦੀ ਦੇਖਭਾਲ ਕਰਨੀ ਪਵੇਗੀ ਅਤੇ ਬਦਲੇ ਵਿੱਚ ਤੁਹਾਨੂੰ ਪੈਸਿਆਂ ਦੇ ਨਾਲ-ਨਾਲ ਬਹੁਤ ਸਾਰੀਆਂ ਸਹੂਲਤਾਂ ਮਿਲਣਗੀਆਂ।
ਇਹ ਨੌਕਰੀ ਨਾਈਟਸਬ੍ਰਿਜ, ਲੰਡਨ ਵਿੱਚ ਰਹਿਣ ਵਾਲੇ ਅਰਬਪਤੀਆਂ ਦੇ ਘਰ ਲਈ ਹੈ। ਉਹਨਾਂ ਨੂੰ ਇੱਕ ਪੂਰੇ ਸਮੇਂ ਦੀ ਨੈਨੀ ਦੀ ਲੋੜ ਹੈ ਜੋ ਉਹਨਾਂ ਦੇ ਦੋ ਪਿਆਰੇ ਕੁੱਤਿਆਂ ਨਾਲ ਪਰਛਾਵੇਂ ਦੀ ਤਰ੍ਹਾਂ ਰਹੀ ਸਕੇ। ਉਸ ਨੂੰ ਕੁੱਤਿਆਂ ਲਈ ਪਲੇਅ ਡੇਟਸ ਦਾ ਪ੍ਰਬੰਧ ਕਰਨਾ ਹੈ, ਉਨ੍ਹਾਂ ਨੂੰ ਖੁਆਉਣਾ ਹੈ, ਉਨ੍ਹਾਂ ਨੂੰ ਡਾਕਟਰ ਕੋਲ ਲਿਜਾਣਾ ਹੈ ਅਤੇ ਉਨ੍ਹਾਂ ਦੀਆਂ ਸਾਰੀਆਂ ਜ਼ਰੂਰਤਾਂ ਦਾ ਧਿਆਨ ਰੱਖਣਾ ਹੈ। ਉਸ ਨੂੰ ਕੁੱਤਿਆਂ ਦੇ ਖਾਣ-ਪੀਣ ਬਾਰੇ ਪਤਾ ਹੋਣਾ ਚਾਹੀਦਾ ਹੈ ਅਤੇ ਕੁੱਤਿਆਂ ਨਾਲ ਨਿੱਜੀ ਸਬੰਧ ਬਣਾਉਣ ਆਉਣਾ ਚਾਹੀਦਾ ਹੈ। ਇਹ ਨੌਕਰੀ ਫੇਅਰਫੈਕਸ ਅਤੇ ਕੇਨਸਿੰਗਟਨ ਦੀ ਜਾਰਜ ਰਾਲਫ-ਡਨ ਨਾਮਕ ਭਰਤੀ ਏਜੰਸੀ ਨੇ ਮਾਰਕੀਟ ਵਿੱਚ ਰੱਖੀ ਹੈ ਅਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਲਈ ਸਾਲਾਨਾ 1 ਕਰੋੜ ਰੁਪਏ ਦੀ ਤਨਖਾਹ ਦਿੱਤੀ ਜਾਵੇਗੀ।
ਇਹ ਵੀ ਪੜ੍ਹੋ: Viral Video: ਅਚਾਨਕ ਚੱਲਦੀ ਬੱਸ ਦਾ ਡਰਾਈਵਰ ਹੋਇਆ ਬੇਹੋਸ਼, 7ਵੀਂ ਜਮਾਤ ਦੇ ਬੱਚੇ ਨੇ ਐਮਰਜੈਂਸੀ 'ਚ ਸੰਭਾਲੀ ਕਮਾਨ, ਬਚਾਈ 66 ਜਾਨਾਂ
ਇਹ ਨੌਕਰੀ ਕਰਨ ਵਾਲੇ ਉਮੀਦਵਾਰ ਹਾਈ ਪ੍ਰੋਫਾਈਲ ਸਥਾਨ 'ਤੇ ਰਹਿਣਗੇ ਅਤੇ ਉਨ੍ਹਾਂ ਨੂੰ ਅਜਿਹੇ ਲੋਕਾਂ ਨਾਲ ਗੱਲਬਾਤ ਕਰਨੀ ਪਵੇਗੀ। ਹਰ ਸਾਲ ਨੈਨੀ ਨੂੰ 6 ਹਫ਼ਤੇ ਯਾਨੀ 42 ਦਿਨਾਂ ਦੀਆਂ ਛੁੱਟੀਆਂ ਮਿਲਣਗੀਆਂ ਅਤੇ ਗਾਹਕਾਂ ਦੇ ਨਾਲ ਉਨ੍ਹਾਂ ਦੇ ਕੁੱਤਿਆਂ ਦੇ ਨਾਲ ਲਗਜ਼ਰੀ ਪ੍ਰਾਈਵੇਟ ਜੈੱਟ ਦੀ ਯਾਤਰਾ ਵੀ ਕੀਤੀ ਜਾਵੇਗੀ। ਰਹਿਣ-ਸਹਿਣ ਦਾ ਵੀ ਵਧੀਆ ਪ੍ਰਬੰਧ ਕੀਤਾ ਜਾਵੇਗਾ। ਹਾਲਾਂਕਿ, ਉਮੀਦਵਾਰਾਂ ਤੋਂ ਉਮੀਦ ਕੀਤੀ ਜਾਂਦੀ ਹੈ ਕਿ ਉਹ ਆਪਣੀ ਨਿੱਜੀ ਜ਼ਿੰਦਗੀ ਨਾਲੋਂ ਦੋ ਕੁੱਤਿਆਂ ਨੂੰ ਪਹਿਲ ਦੇਣ ਅਤੇ ਸਭ ਕੁਝ ਪਿੱਛੇ ਛੱਡ ਕੇ ਇੱਕ ਕਾਲ 'ਤੇ ਉਨ੍ਹਾਂ ਤੱਕ ਪਹੁੰਚ ਕਰਨ।
ਇਹ ਵੀ ਪੜ੍ਹੋ: ਅੰਗੂਠੇ ਤੋਂ ਪਤਾ ਲੱਗ ਜਾਂਦਾ ਹੈ ਵਿਅਕਤੀ ਦਾ ਸੁਭਾਅ, ਕੀਤੇ ਤੁਹਾਡੇ ਸਾਥੀ ਦਾ ਅੰਗੂਠਾ ਅਜਿਹਾ ਤਾਂ ਨਹੀਂ?
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
