World's Loneliest Home: ਦੁਨੀਆ ਦਾ ਸਭ ਤੋਂ ਇਕਾਂਤਮਈ ਘਰ, ਕੀਮਤ ਜਾਣ ਕੇ ਤੁਸੀਂ ਹੈਰਾਨ ਰਹਿ ਜਾਓਗੇ
Loneliness Home: ਭੱਜ-ਦੌੜ ਭਰੀ ਜ਼ਿੰਦਗੀ ਵਿੱਚ ਹਰ ਵਿਅਕਤੀ ਸ਼ਾਂਤੀ ਦੇ ਕੁਝ ਪਲ ਬਿਤਾਉਣ ਦੀ ਇੱਛਾ ਰੱਖਦਾ ਹੈ। ਜੇਕਰ ਤੁਸੀਂ ਵੀ ਅਜਿਹੀ ਹੀ ਇੱਛਾ ਰੱਖਦੇ ਹੋ ਤੇ ਦੁਨੀਆ ਤੋਂ ਦੂਰ ਇਕਾਂਤ 'ਚ ਕੋਈ ਜਗ੍ਹਾ ਲੱਭ ਰਹੇ ਹੋ
Loneliness Home: ਭੱਜ-ਦੌੜ ਭਰੀ ਜ਼ਿੰਦਗੀ ਵਿੱਚ ਹਰ ਵਿਅਕਤੀ ਸ਼ਾਂਤੀ ਦੇ ਕੁਝ ਪਲ ਬਿਤਾਉਣ ਦੀ ਇੱਛਾ ਰੱਖਦਾ ਹੈ। ਜੇਕਰ ਤੁਸੀਂ ਵੀ ਅਜਿਹੀ ਹੀ ਇੱਛਾ ਰੱਖਦੇ ਹੋ ਤੇ ਦੁਨੀਆ ਤੋਂ ਦੂਰ ਇਕਾਂਤ 'ਚ ਕੋਈ ਜਗ੍ਹਾ ਲੱਭ ਰਹੇ ਹੋ, ਤਾਂ ਅਸੀਂ ਤੁਹਾਨੂੰ ਅਜਿਹੀ ਜਗ੍ਹਾ ਬਾਰੇ ਦੱਸਾਂਗੇ ਜਿਸ ਨਾਲ ਤੁਹਾਡੀ ਇੱਛਾ ਪੂਰੀ ਹੋ ਸਕਦੀ ਹੈ। ਇੱਥੇ ਅਸੀਂ ਤੁਹਾਨੂੰ ਇੱਕ ਅਜਿਹੇ ਘਰ ਬਾਰੇ ਦੱਸਣ ਜਾ ਰਹੇ ਹਾਂ ਜਿਸ ਨੂੰ ਦੁਨੀਆ ਦਾ ਸਭ ਤੋਂ ਇਕੱਲਾ ਘਰ ਕਿਹਾ ਜਾਂਦਾ ਹੈ। ਇਸ ਦਾ ਕਾਰਨ ਇਹ ਵੀ ਹੈ ਕਿ ਇਹ ਘਰ ਸ਼ਹਿਰ ਤੋਂ ਦੂਰ ਇਕ ਟਾਪੂ 'ਤੇ ਬਣਿਆ ਹੈ ਤੇ ਇਸ ਟਾਪੂ 'ਤੇ ਹੋਰ ਕੋਈ ਘਰ ਨਹੀਂ ਹੈ।
ਇਸ ਘਰ ਦੇ ਨੇੜੇ ਕੋਈ ਨਹੀਂ ਰਹਿੰਦਾ। ਭਾਵੇਂ ਦੁਨੀਆਂ ਤੋਂ ਵੱਖ ਹੋਣ ਦੇ ਬਾਵਜੂਦ ਇਸ ਘਰ ਵਿੱਚ ਤੁਹਾਨੂੰ ਤੁਹਾਡੇ ਘਰਾਂ ਵਰਗੀਆਂ ਸਾਰੀਆਂ ਸੁੱਖ ਸਹੂਲਤਾਂ ਮਿਲਣਗੀਆਂ ਪਰ ਇਸ ਲਈ ਤੁਹਾਨੂੰ ਵੱਡੀ ਰਕਮ ਖਰਚ ਕਰਨੀ ਪਵੇਗੀ। ਇਹ ਇੱਕ ਬੈੱਡਰੂਮ ਵਾਲਾ ਛੋਟਾ ਘਰ ਸੰਯੁਕਤ ਰਾਜ ਅਮਰੀਕਾ ਵਿੱਚ ਮੇਨ ਦੇ ਤੱਟ ਦੇ ਨੇੜੇ, ਏਕੇਡੀਆ ਨੈਸ਼ਨਲ ਪਾਰਕ ਅਤੇ ਕੈਨੇਡੀਅਨ ਸਰਹੱਦ ਦੇ ਵਿਚਕਾਰ ਇੱਕ ਟਾਪੂ (ਡੱਕ ਲੇਜੇਸ ਆਈਲੈਂਡ) ਉੱਤੇ ਸਥਿਤ ਹੈ।
ਕਰੋੜਾਂ ਰੁਪਏ ਕੀਮਤ
ਇਸ ਘਰ ਦੀ ਕੀਮਤ 339,000 ਡਾਲਰ ਯਾਨੀ ਕਰੀਬ 2.5 ਕਰੋੜ ਰੁਪਏ ਹੈ। ਇਸ ਨੂੰ ਦੁਨੀਆ ਦਾ ਸਭ ਤੋਂ ਇਕੱਲਾ ਘਰ ਕਿਹਾ ਜਾਂਦਾ ਹੈ। ਇਹ ਘਰ 2009 ਵਿੱਚ ਡੇਢ ਏਕੜ ਜ਼ਮੀਨ ਵਿੱਚ ਬਣਾਇਆ ਗਿਆ ਸੀ। ਤੁਹਾਨੂੰ ਇਸ ਘਰ ਦੇ ਨੇੜੇ ਕੋਈ ਜਾਨਵਰ ਨਹੀਂ ਮਿਲੇਗਾ, ਇੱਥੋਂ ਤੱਕ ਕਿ ਕੋਈ ਗੁਆਂਢੀ ਵੀ ਨਹੀਂ। ਡਕ ਲੇਗੇਸ ਆਈਲੈਂਡ 'ਤੇ 50 ਵਰਗ ਫੁੱਟ 'ਤੇ ਬਣੀ ਹੋਈ ਹੈ, ਜਦੋਂ ਕਿ ਇਸ ਪੂਰੇ ਟਾਪੂ ਦਾ ਖੇਤਰਫਲ 6 ਹਜ਼ਾਰ ਵਰਗ ਮੀਟਰ ਹੈ। ਜੋ ਵੀ ਵਿਅਕਤੀ ਸਮੁੰਦਰ ਦੇ ਕੰਢੇ 'ਤੇ ਬਣੇ ਇਸ ਘਰ ਨੂੰ ਖਰੀਦਣਾ ਚਾਹੁੰਦਾ ਹੈ, ਉਸ ਨੂੰ ਕਿਸੇ ਵੀ ਤਰ੍ਹਾਂ ਦਾ ਰੌਲਾ ਨਹੀਂ ਪਵੇਗਾ ਅਤੇ ਸਿਰਫ ਸ਼ਾਂਤੀ ਹੀ ਹੋਵੇਗੀ।
ਬਾਥਰੂਮ ਘਰ ਤੋਂ ਬਾਹਰ
ਤੁਹਾਡੇ ਮਨੋਰੰਜਨ ਲਈ ਸਮੁੰਦਰ ਦੀਆਂ ਲਹਿਰਾਂ ਹੀ ਹੋਣਗੀਆਂ ਅਤੇ ਹਵਾ ਦੀ ਧੀਮੀ ਆਵਾਜ਼ ਹੋਵੇਗੀ। ਇਹ ਤੁਹਾਨੂੰ ਇਕੱਲਾ ਮਹਿਸੂਸ ਕਰਵਾਉਣ ਲਈ ਕਾਫੀ ਹੈ। ਹਾਲਾਂਕਿ ਇਸ ਛੋਟੇ ਜਿਹੇ ਘਰ ਵਿੱਚ ਵਾਸ਼ਰੂਮ ਨਹੀਂ ਹੈ। ਤੁਹਾਨੂੰ ਵਾਸ਼ਰੂਮ ਲਈ ਬਾਹਰ ਜਾਣਾ ਪਵੇਗਾ ਕਿਉਂਕਿ ਇਸ ਦਾ ਵਾਸ਼ਰੂਮ ਘਰ ਦੇ ਬਾਹਰ ਬਣਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
