Drive in Waterlogged: ਪਾਣੀ ਨਾਲ ਭਰੀ ਸੜਕ ‘ਤੇ ਇਸ ਤਰ੍ਹਾਂ ਨਾ ਚਲਾਓ ਗੱਡੀ, ਇੰਜਣ ਹੋ ਸਕਦੈ ਜਾਮ, ਇਨ੍ਹਾਂ 5 ਗੱਲਾਂ ਦਾ ਰੱਖੋ ਧਿਆਨ
ਹੜ੍ਹ ਵਾਲੇ ਇਲਾਕਿਆਂ ਜਾਂ ਪਾਣੀ ਨਾਲ ਭਰੀਆਂ ਸੜਕਾਂ ਤੋਂ ਲੰਘਦੇ ਸਮੇਂ ਇਨ੍ਹਾਂ ਪੰਜ ਗੱਲਾਂ ਦਾ ਧਿਆਨ ਜ਼ਰੂਰ ਰੱਖੋ। ਸਾਵਧਾਨੀ ਵਰਤ ਕੇ ਤੁਸੀਂ ਆਪਣੀ ਕਾਰ ਨੂੰ ਖਰਾਬ ਹੋਣ ਤੋਂ ਬਚਾ ਸਕਦੇ ਹੋ।
ਮਾਨਸੂਨ ਇਸ ਸਮੇਂ ਉੱਤਰ ਭਾਰਤ ਵਿਚ ਐਕਟਿਵ ਹੈ ਅਤੇ ਥੋੜੀ ਜਿਹੀ ਬਾਰਿਸ਼ ਨਾਲ ਹੀ ਪੰਜਾਬ ਦਿੱਲੀ ਅਤੇ ਮੁੰਬਈ ਵਰਗੀਆਂ ਥਾਵਾਂ ਦੀ ਹਾਲਤ ਵਿਗੜ ਜਾਂਦੀ ਹੈ। ਬਰਸਾਤ ਦੇ ਮੌਸਮ ਦੌਰਾਨ ਥਾਂ-ਥਾਂ ਸੇਮ ਅਤੇ ਪਾਣੀ ਭਰੀਆਂ ਸੜਕਾਂ ਨਜ਼ਰ ਆਉਂਦੀਆਂ ਹਨ। ਤੇਜ਼ ਮੀਂਹ ਹੜ੍ਹਾਂ ਦਾ ਖਤਰਾ ਵੀ ਆਪਣੇ ਨਾਲ ਲਿਆਉਂਦਾ ਹੈ। ਭਾਰਤ ਵਿੱਚ ਬਹੁਤ ਸਾਰੇ ਇਲਾਕੇ ਅਤੇ ਸ਼ਹਿਰ ਅਜਿਹੇ ਹਨ ਜੋ ਥੋੜੀ ਜਿਹੀ ਬਾਰਿਸ਼ ਨੂੰ ਵੀ ਬਰਦਾਸ਼ਤ ਨਹੀਂ ਕਰ ਸਕਦੇ। ਅਜਿਹੇ ਖੇਤਰਾਂ ਵਿੱਚ ਕਾਰ ਚਲਾਉਣਾ ਬਹੁਤ ਮੁਸ਼ਕਲ ਹੈ। ਜੇਕਰ ਤੁਹਾਡੇ ਆਲੇ-ਦੁਆਲੇ ਪਾਣੀ ਹੈ ਜਾਂ ਸੜਕਾਂ ਪਾਣੀ ਵਿਚ ਡੁੱਬੀਆਂ ਹਨ ਤਾਂ ਤੁਹਾਨੂੰ ਕਾਰ ਚਲਾਉਂਦੇ ਸਮੇਂ ਸਾਵਧਾਨ ਰਹਿਣਾ ਚਾਹੀਦਾ ਹੈ। ਤੁਹਾਡੀ ਇੱਕ ਗਲਤੀ ਕਾਰ ਦੇ ਇੰਜਣ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ।
ਅੱਜ ਵੀ ਭਾਰਤੀ ਸ਼ਹਿਰਾਂ ਦਾ ਬੁਨਿਆਦੀ ਢਾਂਚਾ ਭਾਰੀ ਬਾਰਸ਼ ਦਾ ਸਾਮ੍ਹਣਾ ਨਹੀਂ ਕਰ ਸਕਦਾ। ਟੋਇਆਂ, ਕੂੜੇ ਨਾਲ ਭਰੀਆਂ ਨਾਲੀਆਂ ਅਤੇ ਸੜਕ ਦੇ ਨਿਰਮਾਣ ਵਿੱਚ ਗੁਣਵੱਤਾ ਦੀ ਘਾਟ ਦਾ ਸਿੱਧਾ ਮਤਲਬ ਇਹ ਹੈ ਕਿ ਬਰਸਾਤ ਹੁੰਦੇ ਹੀ ਪਾਣੀ ਭਰ ਜਾਣਾ ਆਮ ਗੱਲ ਹੈ। ਹੜ੍ਹ ਵਾਲੇ ਇਲਾਕਿਆਂ ਜਾਂ ਪਾਣੀ ਨਾਲ ਭਰੀਆਂ ਸੜਕਾਂ ਤੋਂ ਲੰਘਦੇ ਸਮੇਂ ਇਨ੍ਹਾਂ ਪੰਜ ਗੱਲਾਂ ਦਾ ਧਿਆਨ ਜ਼ਰੂਰ ਰੱਖੋ। ਸਾਵਧਾਨੀ ਵਰਤ ਕੇ ਤੁਸੀਂ ਆਪਣੀ ਕਾਰ ਨੂੰ ਖਰਾਬ ਹੋਣ ਤੋਂ ਬਚਾ ਸਕਦੇ ਹੋ।
1. ਪਾਣੀ ਨਾਲ ਭਰੀਆ ਸੜਕਾਂ ਤੋਂ ਬਚੋ: ਸਭ ਤੋਂ ਪਹਿਲਾਂ, ਪਾਣੀ ਨਾਲ ਭਰੀਆਂ ਸੜਕਾਂ ਤੋਂ ਸਫ਼ਰ ਨਾ ਕਰਨ ਦੀ ਕੋਸ਼ਿਸ਼ ਕਰੋ। ਜੇ ਸੰਭਵ ਹੋਵੇ, ਤਾਂ ਪਾਣੀ ਨਾਲ ਭਰੀਆ ਸੜਕਾਂ ਤੋਂ ਬਚੋ। ਜੇਕਰ ਤੁਹਾਡੇ ਕੋਲ ਕੋਈ ਹੋਰ ਰਸਤਾ ਹੈ ਤਾਂ ਉਸ ਰਸਤੇ ਰਾਹੀਂ ਜਾਓ। ਜੇਕਰ ਤੁਹਾਨੂੰ ਪਾਣੀ ਵਿੱਚ ਡੁੱਬੀ ਸੜਕ ਤੋਂ ਲੰਘਣਾ ਪਵੇ, ਤਾਂ ਸਾਵਧਾਨੀ ਨਾਲ ਗੱਡੀ ਚਲਾਓ।
2. ਚਲਦੇ ਰਹੋ: ਜੇਕਰ ਤੁਸੀਂ ਆਪਣੀ ਕਾਰ ਨੂੰ ਪਾਣੀ ਵਿਚ ਲੈ ਗਏ ਹੋ, ਤਾਂ ਬੱਸ ਚਲਦੇ ਰਹੋ। ਵਿਚਕਾਰ ਰੁਕਣ ਦੀ ਕੋਸ਼ਿਸ਼ ਨਾ ਕਰੋ। ਕਾਰ ਬਹੁਤ ਹੌਲੀ ਚਲਾਓ। ਤੇਜ਼ ਰਫਤਾਰ ਨਾਲ ਕਾਰ ਚਲਾਉਣ ਨਾਲ ਕਾਰ ਕੰਟਰੋਲ ਤੋਂ ਬਾਹਰ ਹੋ ਸਕਦੀ ਹੈ ਅਤੇ ਨੁਕਸਾਨ ਦਾ ਕਾਰਨ ਬਣ ਸਕਦੀ ਹੈ।
3. ਜੇਕਰ ਕਾਰ ਪਾਣੀ ‘ਚ ਫਸ ਜਾਵੇ ਤਾਂ ਇੰਜਣ ਨੂੰ ਸਟਾਰਟ ਨਾ ਕਰੋ: ਜੇਕਰ ਤੁਹਾਡੀ ਕਾਰ ਪਾਣੀ ‘ਚ ਫਸ ਗਈ ਹੈ, ਤਾਂ ਇੰਜਣ ਨੂੰ ਵਾਰ-ਵਾਰ ਸਟਾਰਟ ਕਰਨ ਦੀ ਕੋਸ਼ਿਸ਼ ਨਾ ਕਰੋ। ਇਸ ਨਾਲ ਇੰਜਣ ਨੂੰ ਨੁਕਸਾਨ ਹੋ ਸਕਦਾ ਹੈ।
4. ਜੇਕਰ ਤੁਸੀਂ ਪਾਣੀ ਵਿੱਚ ਫਸ ਜਾਂਦੇ ਹੋ ਤਾਂ ਘਬਰਾਓ ਨਹੀਂ : ਜੇਕਰ ਤੁਸੀਂ ਪਾਣੀ ਵਿੱਚ ਫਸ ਜਾਂਦੇ ਹੋ ਤਾਂ ਘਬਰਾਓ ਨਾ, ਸ਼ਾਂਤ ਰਹੋ ਅਤੇ ਮਦਦ ਲਈ ਕਿਸੇ ਨੂੰ ਕਾਲ ਕਰੋ। ਪਾਣੀ ਦੇ ਦਬਾਅ ਕਾਰਨ ਦਰਵਾਜ਼ੇ ਨਹੀਂ ਖੁੱਲ੍ਹਦੇ, ਇਸ ਲਈ ਦੋਵੇਂ ਪੈਰਾਂ ਨਾਲ ਜ਼ੋਰ ਲਗਾ ਕੇ ਦਰਵਾਜ਼ਾ ਖੋਲ੍ਹੋ। ਜੇਕਰ ਤੁਸੀਂ ਅਜਿਹਾ ਕਰਨ ਦੇ ਯੋਗ ਨਹੀਂ ਹੋ ਤਾਂ ਹੈੱਡਰੇਸਟ ਜਾਂ ਕਿਸੇ ਮਜ਼ਬੂਤ ਵਸਤੂ ਨਾਲ ਵਿੰਡੋ ਨੂੰ ਤੋੜ ਦਿਓ। ਵਿੰਡਸਕ੍ਰੀਨ ਨੂੰ ਤੋੜਨ ਦੀ ਕੋਸ਼ਿਸ਼ ਨਾ ਕਰੋ ਕਿਉਂਕਿ ਇਹ ਬਹੁਤ ਮਜ਼ਬੂਤ ਹੁੰਦੀ ਹੈ।
5. ਜਦੋਂ ਤੁਸੀਂ ਪਾਣੀ ਤੋਂ ਬਾਹਰ ਆਉਂਦੇ ਹੋ ਤਾਂ ਬ੍ਰੇਕਾਂ ਨੂੰ ਪੰਪ ਕਰਨਾ: ਜਦੋਂ ਤੁਸੀਂ ਪਾਣੀ ਤੋਂ ਬਾਹਰ ਆਉਂਦੇ ਹੋ ਤਾਂ ਬ੍ਰੇਕ ਨੂੰ ਕਈ ਵਾਰ ਹੌਲੀ-ਹੌਲੀ ਦਬਾਓ। ਇਸ ਨਾਲ ਬ੍ਰੇਕ ਪੈਡ ਸੁੱਕ ਜਾਣਗੇ ਅਤੇ ਬ੍ਰੇਕ ਠੀਕ ਤਰ੍ਹਾਂ ਕੰਮ ਕਰਨਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
