ਬਰਸਾਤਾਂ 'ਚ ਕਾਰ ਦੇ ਸ਼ੀਸ਼ੇ 'ਤੇ ਜੰਮ ਜਾਂਦੀ ਹੈ ਫੋਗ ਤਾਂ ਨੱਪ ਦਿਓ ਇਹ ਬਟਨ, ਤੁਰੰਤ ਹੋ ਜਾਵੇਗਾ ਸਾਫ..'
Car Windows : ਗੱਡੀ ਚਲਾਉਂਦੇ ਸਮੇਂ ਇਹ ਬਹੁਤ ਖਤਰਨਾਕ ਹੋ ਸਕਦਾ ਹੈ। ਜੇਕਰ ਤੁਸੀਂ ਸਾਹਮਣੇ ਠੀਕ ਤਰ੍ਹਾਂ ਨਹੀਂ ਦੇਖ ਸਕਦੇ ਹੋ, ਤਾਂ ਤੁਸੀਂ ਕਿਸੇ ਨਾਲ ਟਕਰਾ ਸਕਦੇ ਹੋ। ਪਰ ...
ਪੰਜਾਬ ਸਣੇ ਦੇਸ਼ ਦੇ ਵੱਡੇ ਹਿੱਸੇ ਵਿਚ ਇਸ ਸਮੇਂ ਭਾਰੀ ਬਾਰਸ਼ ਹੋ ਰਹੀ ਹੈ। ਮੀਂਹ ਕਾਰਨ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਮਿਲੀ ਹੈ ਪਰ ਪਾਣੀ ਭਰਨ ਕਾਰਨ ਵਾਹਨ ਚਾਲਕਾਂ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਇਸ ਮੌਸਮ ਵਿਚ ਕਾਰ ਚਾਲਕਾਂ ਲਈ ਸਭ ਤੋਂ ਵੱਡੀ ਸਮੱਸਿਆ ਘੱਟ ਵਿਜ਼ੀਬਿਲਟੀ ਹੁੰਦੀ ਹੈ। ਬਰਸਾਤ ‘ਚ ਸੜਕ ਉਤੇ ਵਿਜ਼ੀਬਿਲਟੀ ਘਟ ਜਾਂਦੀ ਹੈ, ਜਿਸ ਕਾਰਨ ਹਾਦਸੇ ਦਾ ਖਤਰਾ ਬਣਿਆ ਰਹਿੰਦਾ ਹੈ। ਇਸ ਮੌਸਮ ‘ਚ ਨਮੀ ਕਾਰਨ ਕਾਰ ਦੇ ਸ਼ੀਸ਼ੇ ‘ਚ ਫੋਗ ਜਮ੍ਹਾ ਹੋ ਜਾਂਦੀ ਹੈ, ਜਿਸ ਕਾਰਨ ਸਾਹਮਣੇ ਕੁਝ ਵੀ ਦਿਖਾਈ ਨਹੀਂ ਦਿੰਦਾ।
ਗੱਡੀ ਚਲਾਉਂਦੇ ਸਮੇਂ ਇਹ ਬਹੁਤ ਖਤਰਨਾਕ ਹੋ ਸਕਦਾ ਹੈ। ਜੇਕਰ ਤੁਸੀਂ ਸਾਹਮਣੇ ਠੀਕ ਤਰ੍ਹਾਂ ਨਹੀਂ ਦੇਖ ਸਕਦੇ ਹੋ, ਤਾਂ ਤੁਸੀਂ ਕਿਸੇ ਨਾਲ ਟਕਰਾ ਸਕਦੇ ਹੋ। ਪਰ ਸਾਰੇ ਕਾਰ ਚਾਲਕਾਂ ਨੂੰ ਇਸ ਗੱਲ ਦਾ ਸਹੀ ਗਿਆਨ ਨਹੀਂ ਹੁੰਦਾ ਕਿ ਸ਼ੀਸ਼ਿਆਂ ਤੋਂ ਫੋਗ ਨੂੰ ਹਟਾਉਣ ਲਈ ਕੀ ਕਰਨਾ ਚਾਹੀਦਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਇਸ ਸਥਿਤੀ ਨਾਲ ਨਜਿੱਠਣ ਲਈ ਕਾਰ ਵਿੱਚ ਹੀ ਇੱਕ ਫੰਕਸ਼ਨ ਦਿੱਤਾ ਗਿਆ ਹੈ ਜੋ 100 ਪ੍ਰਤੀਸ਼ਤ ਪ੍ਰਭਾਵਸ਼ਾਲੀ ਹੈ।
ਮੀਂਹ ਦੌਰਾਨ ਵਿੰਡਸਕਰੀਨ ਉਤੇ ਫੋਗ ਕਿਉਂ ਇਕੱਠੀ ਹੁੰਦੀ ਹੈ, ਆਓ ਜਾਣਦੇ ਹਾਂ: ਬਰਸਾਤ ਦੇ ਮੌਸਮ ਵਿੱਚ ਵਾਯੂਮੰਡਲ ਵਿੱਚ ਨਮੀ ਜ਼ਿਆਦਾ ਹੁੰਦੀ ਹੈ। ਲਗਾਤਾਰ ਮੀਂਹ ਨਾਲ ਬਾਹਰ ਦਾ ਤਾਪਮਾਨ ਘਟਦਾ ਹੈ ਪਰ ਕਾਰ ਦੇ ਅੰਦਰ ਦਾ ਤਾਪਮਾਨ ਗਰਮ ਰਹਿੰਦਾ ਹੈ। ਜਦੋਂ ਕਾਰ ਅੰਦਰਲੀ ਹਵਾ ਵਿੰਡਸਕਰੀਨ ਨਾਲ ਟਕਰਾਉਂਦੀ ਹੈ, ਤਾਂ ਇਹ ਠੰਢੀ ਹੋ ਜਾਂਦੀ ਹੈ ਅਤੇ ਪਾਣੀ ਦੀਆਂ ਬੂੰਦਾਂ ਵਿੱਚ ਬਦਲ ਜਾਂਦੀ ਹੈ। ਇਹ ਫੋਗ ਬਣ ਜਾਂਦੀ ਹੈ ਅਤੇ ਸ਼ੀਸ਼ੇ ‘ਤੇ ਇਕੱਠੀ ਹੋਣੀ ਸ਼ੁਰੂ ਹੋ ਜਾਂਦੀ ਹੈ ਅਤੇ ਅਸੀਂ ਕੁਝ ਵੀ ਠੀਕ ਤਰ੍ਹਾਂ ਨਹੀਂ ਦੇਖ ਪਾਉਂਦੇ।
ਕਾਰ ਦਾ ਇਹ ਫੰਕਸ਼ਨ ਵਿੰਡਸਕਰੀਨ ਤੋਂ ਧੁੰਦ ਨੂੰ ਹਟਾ ਦੇਵੇਗਾ: ਇਸ ਨਾਲ ਨਜਿੱਠਣ ਲਈ ਕਾਰ ਦੇ ਏਸੀ ਦੀ ਮਦਦ ਲਈ ਜਾ ਸਕਦੀ ਹੈ। ਜਦੋਂ ਤੁਹਾਨੂੰ ਲੱਗੇ ਕਿ ਵਿੰਡਸਕ੍ਰੀਨ ਫੋਗੀ ਹੋ ਰਹੀ ਹੈ ਅਤੇ ਤੁਸੀਂ ਕੁਝ ਵੀ ਸਾਫ਼-ਸਾਫ਼ ਨਹੀਂ ਦੇਖ ਸਕਦੇ, ਤਾਂ AC ਨੂੰ ਚਾਲੂ ਕਰ ਦਿਓ। AC ਨੂੰ ਫਰੈਸ਼ ਏਅਰ ਮੋਡ ਵਿੱਚ ਰੱਖੋ, ਨਾ ਕਿ ਰੀਸਰਕੁਲੇਸ਼ਨ ਉੱਤੇ।
ਇਸ ਕਾਰਨ ਕਾਰ ਦੇ ਅੰਦਰ ਬਾਹਰੋਂ ਠੰਡੀ ਹਵਾ ਆਵੇਗੀ ਅਤੇ ਕਾਰ ਦੇ ਅੰਦਰ ਦਾ ਤਾਪਮਾਨ ਬਾਹਰਲੇ ਤਾਪਮਾਨ ਦੇ ਬਰਾਬਰ ਹੋ ਜਾਵੇਗਾ ਅਤੇ ਫੋਗ ਦੂਰ ਹੋ ਜਾਵੇਗੀ। ਵੈਸੇ ਬਰਸਾਤ ਦੇ ਮੌਸਮ ਵਿੱਚ ਕਾਰ ਦੇ ਅੰਦਰ ਹੀਟਰ ਚਲਾਉਣ ਨਾਲ ਗਰਮੀ ਵਧੇਗੀ ਅਤੇ ਇਸ ਨਾਲ ਨਮੀ ਵੀ ਵਧੇਗੀ। ਇਸ ਤੋਂ ਉਲਟ ਇਹ ਹੋਵੇਗਾ ਕਿ ਫੋਗ ਦੂਰ ਹੋਣ ਦੀ ਬਜਾਏ ਹੋਰ ਵਧੇਗੀ। ਹੁਣ ਤੁਸੀਂ ਸਮਝ ਗਏ ਹੋਵੋਗੇ ਕਿ ਜਦੋਂ ਵੀ ਬਰਸਾਤ ਦੇ ਮੌਸਮ ‘ਚ ਕਾਰ ਦੇ ਸ਼ੀਸ਼ੇ ‘ਤੇ ਫੋਗ ਹੋਵੇ ਤਾਂ ਤੁਹਾਨੂੰ ਏਸੀ ਚਲਾਉਣਾ ਚਾਹੀਦਾ ਹੈ ਨਾ ਕਿ ਕਾਰ ਦਾ ਹੀਟਰ। ਤੁਸੀਂ AC ਨੂੰ ਮੀਡੀਅਮ ਕੂਲਿੰਗ ਟੈਂਪਰੇਚਰ ‘ਤੇ ਚਲਾ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
