(Source: ECI/ABP News)
9 ਕਰੋੜ ਦੀ ਕਾਰ ਵੀ ਨਹੀਂ ਦੇ ਰਹੀ ਸੇਫਟੀ ਦੀ ਗਾਰੰਟੀ! Lamborghini 'ਚ ਲੱਗੀ ਅੱਗ ਦਾ ਵੀਡੀਓ ਆਇਆ ਸਾਹਮਣੇ
Lamborghini Fire Accident In Mumbai: ਲੈਂਬੋਰਗਿਨੀ ਨੂੰ ਅੱਗ ਲੱਗਣ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਜਿਸ ਬਰਾਂਡ ਦੀ ਕਾਰ ਨੂੰ ਅੱਗ ਲੱਗੀ, ਉਸ ਦੀ ਕੀਮਤ 9 ਕਰੋੜ ਰੁਪਏ ਹੈ। ਘਟਨਾ ਵਿੱਚ ਕਿਸੇ ਵਿਅਕਤੀ ਨੂੰ ਨੁਕਸਾਨ ਨਹੀਂ ਪਹੁੰਚਿਆ।
Lamborghini Fire Accident: ਵੋਲਵੋ ਕਾਰ ਵਿੱਚ ਹੋਏ ਹਾਦਸੇ ਨੂੰ ਹਾਲੇ ਕੁਝ ਦਿਨ ਹੀ ਹੋਏ ਹਨ ਅਤੇ ਇੱਕ ਹੋਰ ਕਾਰ ਹਾਦਸਾ ਸਾਹਮਣੇ ਆਇਆ ਹੈ। ਮੁੰਬਈ ਦੀ ਇਕ ਸੜਕ 'ਤੇ ਲੈਂਬੋਰਗਿਨੀ ਨੂੰ ਅੱਗ ਲੱਗਣ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਹਾਲਾਂਕਿ ਇਸ ਹਾਦਸੇ 'ਚ ਕਿਸੇ ਵੀ ਵਿਅਕਤੀ ਨੂੰ ਨੁਕਸਾਨ ਨਹੀਂ ਪਹੁੰਚਿਆ ਹੈ। ਪਰ ਇਸ ਘਟਨਾ ਤੋਂ ਬਾਅਦ ਇੱਕ ਵਾਰ ਫਿਰ ਸਵਾਲ ਖੜ੍ਹਾ ਹੋ ਗਿਾ ਹੈ ਕਿ ਕੀ ਸਭ ਤੋਂ ਮਹਿੰਗੀ ਅਤੇ ਸ਼ਾਨਦਾਰ ਸੇਫਟੀ ਫੀਚਰਸ ਤੋਂ ਲੈਸ ਕਾਰ ਵੀ ਲੋਕਾਂ ਨੂੰ ਸੇਫਟੀ ਦੀ ਗਾਰੰਟੀ ਦਿੰਦੀ ਹੈ ਜਾਂ ਨਹੀਂ।
ਲੈਂਬੋਰਗਿਨੀ ਨੂੰ ਲੱਗੀ ਅੱਗ
ਲੈਂਬੋਰਗਿਨੀ ਵਿੱਚ ਅੱਗ ਲੱਗਣ ਦੀ ਘਟਨਾ ਕ੍ਰਿਸਮਸ ਵਾਲੇ ਦਿਨ, ਬੁੱਧਵਾਰ, 25 ਦਸੰਬਰ ਨੂੰ ਵਾਪਰੀ। ਇਸ ਘਟਨਾ ਦੀ ਵੀਡੀਓ The Raymond ਦੇ ਸੰਸਥਾਪਕ ਅਤੇ ਸੀਈਓ ਗੌਤਮ ਸਿੰਘਾਨੀਆ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ। ਵੀਡੀਓ ਪੋਸਟ ਕਰਨ ਦੇ ਨਾਲ ਹੀ ਗੌਤਮ ਸਿੰਘਾਨੀਆ ਨੇ ਕਾਰ ਦੇ ਸੇਫਟੀ ਸਟੈਂਡਰਡ ਨੂੰ ਲੈਕੇ ਵੀ ਚਿੰਤਾ ਜ਼ਾਹਰ ਕੀਤੀ ਹੈ।
Spotted by me: A Lamborghini engulfed in flames on Coastal Road, Mumbai. Incidents like this raise serious concerns about the reliability and safety standards of Lamborghini. For the price and reputation, one expects uncompromising quality—not potential hazards.@MumbaiPolice… pic.twitter.com/lIC7mYtoCB
— Gautam Singhania (@SinghaniaGautam) December 25, 2024
ਗੌਤਮ ਸਿੰਘਾਨੀਆ ਵਲੋਂ ਸ਼ੇਅਰ ਕੀਤੀ ਗਈ ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸ਼ੁਰੂ 'ਚ ਲੈਂਬੋਰਗਿਨੀ 'ਚੋਂ ਧੂੰਆਂ ਨਿਕਲਦਾ ਦਿਖਾਈ ਦੇ ਰਿਹਾ ਹੈ ਅਤੇ ਕੁਝ ਹੀ ਸਮੇਂ 'ਚ ਕਾਰ ਨੂੰ ਅੱਗ ਲੱਗ ਗਈ। ਵੀਡੀਓ ਵਿੱਚ ਇੱਕ ਵਿਅਕਤੀ ਇਸ ਕਾਰ ਵਿੱਚ ਲੱਗੀ ਅੱਗ ਨੂੰ ਬੁਝਾਉਣ ਦੀ ਕੋਸ਼ਿਸ਼ ਕਰਦਾ ਵੀ ਨਜ਼ਰ ਆ ਰਿਹਾ ਹੈ। ਇਹ ਲਗਜ਼ਰੀ ਕਾਰ Lamborghini Revulto ਹੈ। ਇਸ ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 8.89 ਕਰੋੜ ਰੁਪਏ ਹੈ।
ਹਾਲ ਹੀ 'ਚ ਕਰਨਾਟਕ ਦੀ ਰਾਜਧਾਨੀ ਬੈਂਗਲੁਰੂ 'ਚ ਇਕ ਵੋਲਵੋ ਕਾਰ 'ਤੇ ਇਕ ਕੰਟੇਨਰ ਡਿੱਗ ਗਿਆ, ਜਿਸ ਕਾਰਨ ਕਾਰ 'ਚ ਬੈਠੇ ਸਾਰੇ 6 ਲੋਕਾਂ ਦੀ ਮੌਤ ਹੋ ਗਈ। ਇਹ ਕਾਰ ਵੋਲਵੋ XC90 ਸੀ, ਜਿਸ ਨੂੰ ਦੁਨੀਆ ਦੀ ਸਭ ਤੋਂ ਸੁਰੱਖਿਅਤ ਕਾਰ ਮੰਨਿਆ ਜਾਂਦਾ ਹੈ। ਇਸ ਵਾਹਨ ਦੇ ਕਰੈਸ਼ ਟੈਸਟ ਵਿੱਚ ਵਾਹਨ ਚਾਲਕਾਂ ਨੇ ਕੰਟੇਨਰ ਨੂੰ ਇੱਟਾਂ ਨਾਲ ਸੁੱਟ ਕੇ ਦਿਖਾਇਆ ਸੀ, ਜਿਸ ਵਿੱਚ ਇਹ ਦੱਸਿਆ ਗਿਆ ਸੀ ਕਿ ਜੇਕਰ ਕੰਟੇਨਰ ਡਿੱਗਣ ਨਾਲ ਵੀ ਗੱਡੀ ਵਿੱਚ ਬੈਠੇ ਕਿਸੇ ਵੀ ਵਿਅਕਤੀ ਨੂੰ ਨੁਕਸਾਨ ਨਹੀਂ ਹੋਵੇਗਾ। ਪਰ ਬੈਂਗਲੁਰੂ ਵਿੱਚ ਹੋਏ ਹਾਦਸੇ ਵਿੱਚ ਕਾਰ ਵਿੱਚ ਸਵਾਰ ਸਾਰੇ ਲੋਕਾਂ ਦੀ ਮੌਤ ਹੋ ਗਈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
