Maruti ਦੀਆਂ ਗੱਡੀਆਂ ਖ਼ਰੀਦਣ ਵਾਲਿਆਂ ਲਈ ਖ਼ੁਸ਼ਖ਼ਬਰੀ ! ਟੈਕਸ ਫ੍ਰੀ ਹੋਈ ਇਹ ਪ੍ਰੀਮੀਅਮ ਹੈਚਬੈਕ ! 1 ਲੱਖ ਤੋਂ ਵੱਧ ਹੋਵੇਗਾ ਫ਼ਾਇਦਾ, ਜਾਣੋ ਕਿਵੇਂ ?
Maruti Baleno on CSD Price: ਕੰਟੀਨ ਸਟੋਰ ਵਿਭਾਗ 'ਤੇ 28 ਫੀਸਦੀ ਦੀ ਬਜਾਏ ਸਿਰਫ 14 ਫੀਸਦੀ ਜੀਐਸਟੀ ਲਗਾਇਆ ਜਾਂਦਾ ਹੈ। ਅਜਿਹੇ 'ਚ ਫ਼ੌਜੀ ਕਾਰ ਖਰੀਦਣ 'ਤੇ ਟੈਕਸ ਦੀ ਵੱਡੀ ਰਕਮ ਬਚਾਉਂਦੇ ਹਨ।
Maruti Suzuki Baleno on CSD: ਆਟੋਮੋਬਾਈਲ ਉਦਯੋਗ ਵਿੱਚ ਮਾਰੂਤੀ ਸੁਜ਼ੂਕੀ ਬਲੇਨੋ ਦੀ ਇੱਕ ਵੱਖਰੀ ਪਛਾਣ ਹੈ। ਲੰਬੇ ਸਮੇਂ ਬਾਅਦ ਇਹ ਪ੍ਰੀਮੀਅਮ ਹੈਚਬੈਕ ਦੇਸ਼ ਦੀ ਨੰਬਰ 1 ਕਾਰ ਬਣਨ ਵਿੱਚ ਕਾਮਯਾਬ ਰਹੀ। ਪਿਛਲੇ ਮਹੀਨੇ ਇਸ ਕਾਰ ਦੇ ਕੁੱਲ 16 ਹਜ਼ਾਰ 293 ਯੂਨਿਟ ਵੇਚੇ ਗਏ ਸਨ। ਕੰਪਨੀ CSD ਕੰਟੀਨ ਦੀ ਮਦਦ ਨਾਲ ਦੇਸ਼ ਦੇ ਸੈਨਿਕਾਂ ਨੂੰ ਆਪਣੀਆਂ ਕਾਰਾਂ ਵੇਚਦੀ ਹੈ। CSD ਯਾਨੀ ਕੰਟੀਨ ਸਟੋਰ ਵਿਭਾਗ 'ਤੇ 28 ਫੀਸਦੀ ਦੀ ਬਜਾਏ ਸਿਰਫ 14 ਫੀਸਦੀ ਜੀ.ਐੱਸ.ਟੀ. ਲਿਆ ਜਾਂਦਾ ਹੈ। ਅਜਿਹੇ 'ਚ ਫੌਜੀ ਕਾਰ ਖਰੀਦਣ 'ਤੇ ਟੈਕਸ ਦੀ ਵੱਡੀ ਰਕਮ ਬਚਾਉਂਦੇ ਹਨ।
ਮਾਰੂਤੀ ਸੁਜ਼ੂਕੀ ਬਲੇਨੋ ਦੀ ਸ਼ੁਰੂਆਤੀ ਕੀਮਤ ਸਿਗਮਾ ਵੇਰੀਐਂਟ ਦੀ 5 ਲੱਖ 90 ਹਜ਼ਾਰ ਰੁਪਏ ਹੈ। ਇਸ ਦੀ ਐਕਸ-ਸ਼ੋਅਰੂਮ ਕੀਮਤ 6 ਲੱਖ 66 ਹਜ਼ਾਰ ਰੁਪਏ ਹੈ। ਇਸ ਬੇਸ ਵੇਰੀਐਂਟ 'ਤੇ ਪੂਰੇ 76 ਹਜ਼ਾਰ ਰੁਪਏ ਦੀ ਬਚਤ ਹੋਵੇਗੀ। CSD ਤੇ ਮਾਰੂਤੀ ਬਲੇਨੋ ਦੀਆਂ ਐਕਸ-ਸ਼ੋਰੂਮ ਕੀਮਤਾਂ ਵਿਚਕਾਰ ਟੈਕਸ ਅੰਤਰ 76 ਹਜ਼ਾਰ ਰੁਪਏ ਤੋਂ 1 ਲੱਖ 18 ਹਜ਼ਾਰ ਰੁਪਏ ਤੱਕ ਹੈ।
ਬਲੇਨੋ ਦੇ ਅਲਫਾ ਵੇਰੀਐਂਟ ਦੀ CSD ਕੀਮਤ 8.20 ਲੱਖ ਰੁਪਏ ਹੈ। ਇਸ ਦੀ ਐਕਸ-ਸ਼ੋਰੂਮ ਕੀਮਤ 9 ਲੱਖ 38 ਹਜ਼ਾਰ ਰੁਪਏ ਹੈ। ਇਸ 'ਤੇ 1.18 ਲੱਖ ਰੁਪਏ ਟੈਕਸ ਦੀ ਬਚਤ ਹੋਵੇਗੀ। ਬਲੇਨੋ ਦੇ ਕੁੱਲ 7 ਵੇਰੀਐਂਟਸ 'ਤੇ ਟੈਕਸ ਦੀ ਬਚਤ ਹੋਵੇਗੀ।
ਮਾਰੂਤੀ ਬਲੇਨੋ ਕਾਰ ਦੇ ਫੀਚਰਸ ਦੀ ਗੱਲ ਕਰੀਏ ਤਾਂ ਇਸ 'ਚ ਐਪਲ ਕਾਰਪਲੇ ਤੇ ਐਂਡ੍ਰਾਇਡ ਆਟੋ ਦੇ ਨਾਲ 9-ਇੰਚ ਦਾ ਸਮਾਰਟਪਲੇ ਸਟੂਡੀਓ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, ਓ.ਟੀ.ਏ. ਅਪਡੇਟਸ, ਆਰਕੈਮਿਸ-ਸੋਰਸਡ ਮਿਊਜ਼ਿਕ ਸਿਸਟਮ, ਹੈੱਡ-ਅੱਪ ਡਿਸਪਲੇ (HUD), ਕਰੂਜ਼ ਕੰਟਰੋਲ, ਰੀਅਰ ਏ.ਸੀ. ਜਿਵੇਂ ਕਿ ਬਹੁਤ ਸਾਰੀਆਂ ਵਿਸ਼ੇਸ਼ਤਾਵਾਂ ਵੇਖੀਆਂ ਜਾ ਸਕਦੀਆਂ ਹਨ।
ਇਸ ਦੇ ਨਾਲ ਹੀ ਕਾਰ 'ਚ ਤੁਹਾਨੂੰ ਹਾਈਟ-ਐਡਜਸਟੇਬਲ ਡਰਾਈਵਰ ਸੀਟ, ਆਟੋਮੈਟਿਕ ਕਲਾਈਮੇਟ ਕੰਟਰੋਲ ਅਤੇ 6 ਏਅਰਬੈਗ ਮਿਲਣਗੇ। ਇੱਥੇ ਇਕ ਗੱਲ ਧਿਆਨ ਦੇਣ ਵਾਲੀ ਹੈ ਕਿ ਜ਼ਿਆਦਾਤਰ ਫੀਚਰਸ ਸਿਰਫ ਟਾਪ ਮਾਡਲ ਜਾਂ ਅਪਰ ਵੇਰੀਐਂਟ 'ਚ ਹੀ ਦਿੱਤੇ ਗਏ ਹਨ। ਇੰਜਣ ਦੀ ਗੱਲ ਕਰੀਏ ਤਾਂ ਤੁਹਾਨੂੰ 1.2-ਲੀਟਰ 4-ਸਿਲੰਡਰ ਪੈਟਰੋਲ ਇੰਜਣ ਮਿਲੇਗਾ, ਜੋ 89bhp ਦੀ ਵੱਧ ਤੋਂ ਵੱਧ ਪਾਵਰ ਆਉਟਪੁੱਟ ਅਤੇ 113Nm ਦਾ ਟਾਰਕ ਜਨਰੇਟ ਕਰਨ ਦੇ ਸਮਰੱਥ ਹੈ।
CNG ਮੋਡ 'ਚ ਇੰਜਣ 76bhp ਦੀ ਪਾਵਰ ਅਤੇ 98.5Nm ਦਾ ਟਾਰਕ ਜਨਰੇਟ ਕਰਨ 'ਚ ਸਮਰੱਥ ਹੈ। ਮਾਈਲੇਜ ਦੀ ਗੱਲ ਕਰੀਏ ਤਾਂ ਕੰਪਨੀ ਦਾ ਦਾਅਵਾ ਹੈ ਕਿ ਇੱਕ ਕਿਲੋ ਸੀਐਨਜੀ 30.61 ਕਿਲੋਮੀਟਰ ਤੱਕ ਦੀ ਮਾਈਲੇਜ ਦਿੰਦੀ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
