ਸਸਤੀਆਂ ਕਾਰਾਂ 'ਚ ਵੀ ਹੋਣਗੇ 6 ਏਅਰਬੈਗ! ਸਿਰਫ ਅਮੀਰ ਹੀ ਨਹੀਂ, ਹਰ ਕਿਸੇ ਦੀ ਸੁਰੱਖਿਆ ਜ਼ਰੂਰੀ: ਨਿਤਿਨ ਗਡਕਰੀ
ਗਡਕਰੀ ਨੇ ਕਿਹਾ, "ਬਹੁਤ ਸਾਰੇ ਮੱਧ ਵਰਗ ਦੇ ਲੋਕ ਛੋਟੀਆਂ ਤੇ ਸਸਤੀਆਂ ਕਾਰਾਂ ਖਰੀਦਦੇ ਹਨ ਤੇ ਜੇ ਉਨ੍ਹਾਂ ਦੀ ਕਾਰ ਵਿੱਚ ਏਅਰਬੈਗ ਨਹੀਂ ਹੋਣਗੇ ਤੇ ਜਦੋਂ ਹਾਦਸੇ ਹੁੰਦੇ ਹਨ ਤਾਂ ਇਹ ਵਧੇਰੇ ਨੁਕਸਾਨ ਦਾ ਕਾਰਨ ਬਣਦਾ ਹੈ।
ਨਵੀਂ ਦਿੱਲੀ: ਕੇਂਦਰ ਸਰਕਾਰ ਪਿਛਲੇ ਕੁਝ ਸਮੇਂ ਤੋਂ ਕਾਰਾਂ ਵਿੱਚ ਉਪਲਬਧ ਸੁਰੱਖਿਆ ਵਿਸ਼ੇਸ਼ਤਾਵਾਂ (ਸੇਫਟੀ ਫੀਚਰਸ) ਦੇ ਸੰਬੰਧ ਵਿੱਚ ਬਹੁਤ ਸਾਰੇ ਠੋਸ ਕਦਮ ਚੁੱਕ ਰਹੀ ਹੈ। ਹਾਦਸਿਆਂ ਦੀ ਗਿਣਤੀ ਨੂੰ ਘਟਾਉਣ ਦੇ ਨਾਲ-ਨਾਲ ਮੌਤਾਂ ਦੀ ਗਿਣਤੀ ਨੂੰ ਰੋਕਣ ਲਈ ਕਾਰਾਂ ਵਿੱਚ ਦਿੱਤੀਆਂ ਸੁਰੱਖਿਆ ਵਿਸ਼ੇਸ਼ਤਾਵਾਂ ਬਹੁਤ ਮਹੱਤਵਪੂਰਨ ਹਨ। ਇਸ ਦੇ ਨਾਲ ਹੀ ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਇਸ ਬਾਰੇ ਇੱਕ ਹੋਰ ਬਿਆਨ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਛੋਟੀਆਂ ਕਾਰਾਂ ਨੂੰ ਵੀ ਬਿਹਤਰ ਸੁਰੱਖਿਆ ਵਿਸ਼ੇਸ਼ਤਾਵਾਂ ਦਿੱਤੀਆਂ ਜਾਣੀਆਂ ਚਾਹੀਦੀਆਂ ਹਨ।
ਵੱਡੇ ਵਾਹਨਾਂ ਵਿੱਚ ਵਧੇਰੇ ਏਅਰਬੈਗ ਕਿਉਂ ਹੋਣੇ ਚਾਹੀਦੇ?
ਨਿਤਿਨ ਗਡਕਰੀ ਨੇ ਕਿਹਾ ਕਿ ਛੋਟੀਆਂ ਕਾਰਾਂ, ਜੋ ਜ਼ਿਆਦਾਤਰ ਮੱਧ ਵਰਗ ਦੇ ਲੋਕਾਂ ਦੁਆਰਾ ਖਰੀਦੀਆਂ ਜਾਂਦੀਆਂ ਹਨ, ਵਿੱਚ ਵੀ ਵਧੇਰੇ ਏਅਰਬੈਗ ਹੋਣੇ ਚਾਹੀਦੇ ਹਨ। ਉਨ੍ਹਾਂ ਕਿਹਾ ਕਿ ਮੈਂ ਹੈਰਾਨ ਹਾਂ ਕਿ ਵਾਹਨ ਨਿਰਮਾਤਾ ਕੰਪਨੀਆਂ ਸਿਰਫ ਅਮੀਰ ਲੋਕਾਂ ਦੁਆਰਾ ਖਰੀਦੀਆਂ ਵੱਡੀਆਂ ਤੇ ਮਹਿੰਗੀਆਂ ਕਾਰਾਂ ਵਿੱਚ 8 ਏਅਰਬੈਗ ਕਿਉਂ ਦਿੰਦੇ ਹਨ। ਗਡਕਰੀ ਨੇ ਛੋਟੀਆਂ ਤੇ ਸਸਤੀਆਂ ਕਾਰਾਂ ਵਿੱਚ ਜ਼ਿਆਦਾ ਏਅਰਬੈਗ ਦੇਣ 'ਤੇ ਵੀ ਜ਼ੋਰ ਦਿੱਤਾ। ਇਸ ਨਾਲ ਹਾਦਸਿਆਂ ਕਾਰਨ ਹੋਣ ਵਾਲੀਆਂ ਮੌਤਾਂ ਦੇ ਅੰਕੜਿਆਂ ਨੂੰ ਘੱਟ ਕੀਤਾ ਜਾ ਸਕਦਾ ਹੈ।
6 ਏਅਰਬੈਗ ਦੀ ਲੋੜ ਹੈ
ਗਡਕਰੀ ਦਾ ਇਹ ਬਿਆਨ ਅਜਿਹੇ ਸਮੇਂ ਆਇਆ ਹੈ ਜਦੋਂ ਆਟੋ ਉਦਯੋਗ ਚਿੰਤਤ ਹੈ ਕਿ ਜ਼ਿਆਦਾ ਟੈਕਸ, ਨਿਕਾਸੀ ਨਿਯਮਾਂ ਤੇ ਸਖਤ ਸੁਰੱਖਿਆ ਨਿਯਮਾਂ ਕਾਰਨ ਵਾਹਨਾਂ ਦੀਆਂ ਕੀਮਤਾਂ ਵਧ ਗਈਆਂ ਹਨ। ਗਡਕਰੀ ਨੇ ਕਿਹਾ, "ਬਹੁਤ ਸਾਰੇ ਮੱਧ ਵਰਗ ਦੇ ਲੋਕ ਛੋਟੀਆਂ ਤੇ ਸਸਤੀਆਂ ਕਾਰਾਂ ਖਰੀਦਦੇ ਹਨ ਤੇ ਜੇ ਉਨ੍ਹਾਂ ਦੀ ਕਾਰ ਵਿੱਚ ਏਅਰਬੈਗ ਨਹੀਂ ਹੋਣਗੇ ਤੇ ਜਦੋਂ ਹਾਦਸੇ ਹੁੰਦੇ ਹਨ ਤਾਂ ਇਹ ਵਧੇਰੇ ਨੁਕਸਾਨ ਦਾ ਕਾਰਨ ਬਣਦਾ ਹੈ। ਇਸ ਲਈ ਮੈਂ ਸਾਰੇ ਕਾਰ ਨਿਰਮਾਤਾਵਾਂ ਨੂੰ ਕਾਰਾਂ ਦੇ ਸਾਰੇ ਵੈਰੀਐਂਟਾਂ ਵਿੱਚ ਘੱਟੋ ਘੱਟ ਇੱਕ 6 ਏਅਰਬੈਗ ਦੇਣ ਦੀ ਅਪੀਲ ਕਰਦਾ ਹਾਂ।
ਬਣੇਗਾ ਪਹਿਲਾ ਇਲੈਕਟ੍ਰਿਕ ਹਾਈਵੇ
ਇਸ ਤੋਂ ਪਹਿਲਾਂ ਕੇਂਦਰੀ ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਨੇ ਘੋਸ਼ਣਾ ਕੀਤੀ ਕਿ ਦਿੱਲੀ ਅਤੇ ਜੈਪੁਰ ਦੇ ਵਿੱਚ ਛੇਤੀ ਹੀ ਭਾਰਤ ਦਾ ਪਹਿਲਾ ਇਲੈਕਟ੍ਰਿਕ ਹਾਈਵੇ ਬਣਾਉਣ ਦੇ ਯਤਨ ਕੀਤੇ ਜਾਣਗੇ। ਗਡਕਰੀ ਦੇ ਅਨੁਸਾਰ, ਮੰਤਰਾਲਾ ਇਨ੍ਹਾਂ ਦੋ ਸ਼ਹਿਰਾਂ ਦੇ ਵਿਚਕਾਰ ਇੱਕ ਹਾਈਵੇ ਦੇ ਨਿਰਮਾਣ ਦੇ ਲਈ ਇੱਕ ਵਿਦੇਸ਼ੀ ਕੰਪਨੀ ਦੇ ਨਾਲ ਚਰਚਾ ਵਿੱਚ ਹੈ। ਇਸ ਹਾਈਵੇ ਦੇ ਨਿਰਮਾਣ ਤੋਂ ਬਾਅਦ ਦੋਹਾਂ ਸ਼ਹਿਰਾਂ ਦੀ ਦੂਰੀ ਥੋੜ੍ਹੇ ਸਮੇਂ ਵਿੱਚ ਪੂਰੀ ਹੋ ਜਾਵੇਗੀ।
ਇਹ ਵੀ ਪੜ੍ਹੋ: Canada Election 2021 Results LIVE: ਲਿਬਰਲ ਨੇ ਜਿੱਤੀਆਂ ਜ਼ਿਆਦਾਤਰ ਸੀਟਾਂ, ਬਹੁਮਤ ਤੋਂ ਦੂਰ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
