'ਕੀ 30 ਹਜ਼ਾਰ ਤਨਖ਼ਾਹ ਵਾਲੇ ਵੀ ਖਰੀਦ ਸਕਦੇ ਦੇਸ਼ ਦੀ ਸਭ ਤੋਂ ਸਸਤੀ ਇਲੈਕਟ੍ਰਿਕ ਕਾਰ? ਇੱਥੇ ਪੜ੍ਹੋ ਪੂਰੀ ਜਾਣਕਾਰੀ
ਜੇਕਰ ਤੁਹਾਡੀ ਸੈਲਰੀ 30 ਹਜ਼ਾਰ ਰੁਪਏ ਤੱਕ ਵੀ ਹੈ, ਤਾਂ ਵੀ ਤੁਸੀਂ MG Comet EV ਨੂੰ EMI ‘ਤੇ ਆਸਾਨੀ ਨਾਲ ਖਰੀਦ ਸਕਦੇ ਹੋ। ਜੀ ਹਾਂ ਤੁਹਾਡੇ ਲਈ ਇਹ ਸੁਨਹਿਰੀ ਮੌਕਾ ਹੈ।ਆਓ ਇਸ ਗੱਡੀ ਦੀ ਆਨ-ਰੋਡ ਕੀਮਤ, EMI ਅਤੇ ਫਾਇਨੈਂਸ ਪਲਾਨ ਬਾਰੇ..
ਹਾਲ ਹੀ ਵਿੱਚ ਦੇਸ਼ ਦੀ ਸਭ ਤੋਂ ਸਸਤੀ ਇਲੈਕਟ੍ਰਿਕ ਕਾਰ MG Comet EV ਨੂੰ ਨਵੇਂ ਅੱਪਡੇਟਸ ਨਾਲ ਲਾਂਚ ਕੀਤਾ ਗਿਆ ਹੈ। ਹੁਣ ਇਹ ਕਾਰ ਪਹਿਲਾਂ ਨਾਲੋਂ ਜ਼ਿਆਦਾ ਸੁਰੱਖਿਅਤ ਅਤੇ ਫੀਚਰ-ਭਰਪੂਰ ਹੋ ਗਈ ਹੈ। 7 ਲੱਖ ਰੁਪਏ (ਐਕਸ-ਸ਼ੋਰੂਮ) ਦੀ ਸ਼ੁਰੂਆਤੀ ਕੀਮਤ ਵਾਲੀ ਇਹ ਇਲੈਕਟ੍ਰਿਕ ਕਾਰ ਘੱਟ ਬਜਟ ਵਾਲਿਆਂ ਲਈ ਬਿਹਤਰੀਨ ਚੋਣ ਹੈ।
ਜੇ ਤੁਹਾਡੀ ਮਾਸਿਕ ਤਨਖ਼ਾਹ 30 ਹਜ਼ਾਰ ਰੁਪਏ ਤੱਕ ਵੀ ਹੈ, ਤਾਂ ਵੀ ਤੁਸੀਂ MG Comet EV ਨੂੰ EMI ‘ਤੇ ਆਸਾਨੀ ਨਾਲ ਖਰੀਦ ਸਕਦੇ ਹੋ। ਆਓ ਇਸ ਗੱਡੀ ਦੀ ਆਨ-ਰੋਡ ਕੀਮਤ, EMI ਅਤੇ ਫਾਇਨੈਂਸ ਪਲਾਨ ਬਾਰੇ ਪੂਰੀ ਜਾਣਕਾਰੀ ਲੈ ਲਈਏ।
MG Comet EV ਦੀ ਕੀਮਤ ਕੀ ਹੈ?
ਨਵੀਂ MG Comet EV ਦੀ ਆਨ-ਰੋਡ ਕੀਮਤ ਲਗਭਗ 7.30 ਲੱਖ ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ। ਜੇ ਤੁਸੀਂ 1 ਲੱਖ ਰੁਪਏ ਦੀ ਡਾਊਨ ਪੇਮੈਂਟ ਕਰਦੇ ਹੋ, ਤਾਂ ਤੁਹਾਨੂੰ 6.30 ਲੱਖ ਰੁਪਏ ਦਾ ਲੋਨ ਲੈਣਾ ਪਵੇਗਾ। ਇਸ ਲੋਨ ਦੀ ਸਾਲਾਨਾ ਬਿਆਜ ਦਰ ਲਗਭਗ 9.8% ਹੋਵੇਗੀ ਅਤੇ ਇਸਨੂੰ ਵਾਪਸ ਕਰਨ ਦੀ ਮਿਆਦ 5 ਸਾਲ ਹੋਵੇਗੀ।
ਇਸ ਅਨੁਸਾਰ, ਹਰ ਮਹੀਨੇ ਤੁਹਾਨੂੰ 13,400 ਰੁਪਏ ਦੀ EMI ਭਰਣੀ ਪਵੇਗੀ। ਕੁੱਲ ਮਿਲਾ ਕੇ, 5 ਸਾਲਾਂ ਵਿੱਚ ਤੁਹਾਡਾ ਕੁੱਲ ਭੁਗਤਾਨ ਲਗਭਗ 8 ਲੱਖ ਰੁਪਏ ਹੋਵੇਗਾ, ਜਿਸ ਵਿੱਚ ਮੂਲ ਲੋਨ ਰਕਮ ਅਤੇ ਵਿਆਜ ਦੋਹਾਂ ਸ਼ਾਮਲ ਹਨ। ਹਾਲਾਂਕਿ, ਵੱਖ-ਵੱਖ ਸ਼ਹਿਰਾਂ ਵਿੱਚ MG Comet EV ਦੀ ਆਨ-ਰੋਡ ਕੀਮਤ ਵਿੱਚ ਥੋੜ੍ਹਾ ਫਰਕ ਹੋ ਸਕਦਾ ਹੈ।
ਸ਼ਾਨਦਾਰ ਫੀਚਰ ਅਤੇ ਪ੍ਰਦਰਸ਼ਨ
MG Comet EV ਫੀਚਰਾਂ ਅਤੇ ਪ੍ਰਦਰਸ਼ਨ ਦੇ ਮਾਮਲੇ ਵਿੱਚ ਵੀ ਬਹੁਤ ਸ਼ਾਨਦਾਰ ਹੈ। ਇਹ ਇੱਕ ਕੰਪੈਕਟ 4-ਸੀਟਰ ਇਲੈਕਟ੍ਰਿਕ ਕਾਰ ਹੈ, ਜੋ ਖਾਸ ਤੌਰ ‘ਤੇ ਸ਼ਹਿਰਾਂ ਵਿੱਚ ਚਲਾਉਣ ਲਈ ਡਿਜ਼ਾਇਨ ਕੀਤੀ ਗਈ ਹੈ। ਇਸ ਵਿੱਚ 17.3 kWh ਦੀ ਲਿਥੀਅਮ-ਆਇਅਨ ਬੈਟਰੀ ਦਿੱਤੀ ਗਈ ਹੈ, ਜੋ ਇੱਕ ਵਾਰੀ ਚਾਰਜ ਕਰਨ 'ਤੇ 230 ਕਿਮੀ ਤੱਕ ਚੱਲਦੀ ਹੈ। ਇਹ ਕਾਰ ਏਸੀ ਫਾਸਟ ਚਾਰਜਿੰਗ ਸਪੋਰਟ ਦੇ ਨਾਲ ਆਉਂਦੀ ਹੈ।
ਸੁਰੱਖਿਆ ਅਤੇ ਟੈਕਨੋਲੋਜੀ
ਸੁਰੱਖਿਆ ਅਤੇ ਟੈਕਨੋਲੋਜੀ ਦੇ ਮਾਮਲੇ ਵਿੱਚ ਇਹ ਕਾਰ ਡੁਅਲ ਏਅਰਬੈਗਸ ਅਤੇ ਰੀਅਰ ਪਾਰਕਿੰਗ ਕੈਮਰਾ ਨਾਲ ਲੈਸ ਹੈ। ਇਸ ਵਿੱਚ ਪਾਵਰ-ਫੋਲਡਿੰਗ ORVMs, ਇਲੈਕਟ੍ਰਾਨਿਕ ਪਾਰਕਿੰਗ ਬਰੇਕ ਅਤੇ ਡਿਸਕ ਬਰੇਕਸ ਦੇ ਨਾਲ ABS + EBD ਵਰਗੀਆਂ ਸੁਵਿਧਾਵਾਂ ਵੀ ਦਿੱਤੀਆਂ ਗਈਆਂ ਹਨ, ਜੋ ਇਸਨੂੰ ਹੋਰ ਸੁਰੱਖਿਅਤ ਬਣਾਉਂਦੀਆਂ ਹਨ।
Before You Go
Stubble Burning ਨੂੰ ਲੈ ਕੇ ਡਿਪਟੀ ਕਮਿਸ਼ਨਰ ਨੇ ਜਾਰੀ ਕੀਤੀ ਹਦਾਇਤ | Paddy
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
