Lava Mobile Phones
ਲਾਵਾ ਇੱਕ ਭਾਰਤੀ ਮੋਬਾਈਲ ਕੰਪਨੀ ਹੈ। ਲਾਵਾ ਦੀ ਸ਼ੁਰੂਆਤ 2009 ਵਿੱਚ ਦੂਰ ਸੰਚਾਰ ਦੇ ਕਾਰੋਬਾਰ ਨਾਲ ਹੋਈ ਸੀ। ਲਾਵਾ ਦਾ ਮੁੱਖ ਦਫਤਰ ਨੋਇਡਾ ਵਿੱਚ ਹੈ। ਹਾਲਾਂਕਿ ਥਾਈਲੈਂਡ, ਨੇਪਾਲ, ਬੰਗਲਾਦੇਸ਼, ਸ੍ਰੀਲੰਕਾ, ਇੰਡੋਨੇਸ਼ੀਆ ਤੇ ਰੂਸ ਵਰਗੇ ਦੇਸ਼ਾਂ ਵਿੱਚ ਵੀ ਲਾਵਾ ਦਾ ਕਾਰੋਬਾਰ ਹੈ। ਸਾਲ 2016 ਵਿੱਚ ਲਾਵਾ ਨੇ ਏਸ਼ੀਆ ਤੋਂ ਬਾਹਰ ਅਫਰੀਕਾ ਤੇ ਮਿਸਰ ਵਿੱਚ ਆਪਣੇ ਕਾਰੋਬਾਰ ਦਾ ਵਿਸਥਾਰ ਕੀਤਾ।
ਤੁਹਾਨੂੰ ਦੱਸ ਦੇਈਏ ਕਿ ਸਾਲ 2012 ਵਿੱਚ, ਲਾਵਾ ਨੇ ਆਪਣਾ ਪਹਿਲਾ ਸਮਾਰਟਫੋਨ ਲਾਂਚ ਕਰਨ ਲਈ ਇੰਟੇਲ ਨਾਲ ਕਰਾਰ ਕੀਤਾ ਸੀ। ਲਾਵਾ ਨੇ ਆਪਣੇ ਸਮਾਰਟਫੋਨ ਨੂੰ ਜ਼ੋਲੋ ਬ੍ਰਾਂਡ ਤਹਿਤ ਲਾਂਚ ਕੀਤਾ। ਸਾਲ 2012 ਵਿੱਚ ਕੰਪਨੀ ਟੈਬਲੇਟ ਮਾਰਕੀਟ ਵਿੱਚ ਵੀ ਦਾਖਲ ਹੋਈ। 2014 ਵਿੱਚ ਲਾਵਾ ਨੇ ਆਪਣੇ ਫਲੈਗਸ਼ਿਪ ਸਮਾਰਟਫੋਨ ਆਈਰਸ ਪ੍ਰੋ 30 ਨੂੰ ਲਾਂਚ ਕੀਤਾ। ਸਾਲ 2017 ਵਿੱਚ ਕੰਪਨੀ ਨੇ ਮਾਰਕੀਟ ਵਿੱਚ ਆਪਣਾ ਪਹਿਲਾ 4 ਜੀ ਸਮਾਰਟਫੋਨ ਲਾਂਚ ਕੀਤਾ।
ਲਾਵਾ ਇਸ ਸਮੇਂ ਭਾਰਤੀ ਬਾਜ਼ਾਰ ਵਿੱਚ ਫੀਚਰ ਫੋਨ ਬਣਾਉਣ ਵਾਲੀ ਨੰਬਰ ਇੱਕ ਕੰਪਨੀ ਹੈ। 2012 ਤੋਂ ਲਾਵਾ ਨੇ ਸਮਾਰਟਫੋਨ ਮਾਰਕੀਟ ਵਿੱਚ ਵੀ ਆਪਣੀ ਜਗ੍ਹਾ ਬਣਾਉਣ ਦੀ ਕੋਸ਼ਿਸ਼ ਕੀਤੀ। ਸ਼ੁਰੂ ਵਿੱਚ ਕੰਪਨੀ ਵੀ ਸਫਲ ਰਹੀ ਸੀ ਪਰ ਬਾਅਦ ਵਿੱਚ ਚੀਨੀ ਕੰਪਨੀਆਂ ਨੇ ਇਸ ਦੌੜ ਵਿੱਚ ਲਾਵਾ ਨੂੰ ਮਾਤ ਦਿੱਤੀ। ਹਾਲਾਂਕਿ, ਚੀਨ ਨਾਲ ਵਿਵਾਦ ਦੇ ਵਿਚਕਾਰ, ਲਾਵਾ ਨੇ ਇੱਕ ਵਾਰ ਫਿਰ ਸਮਾਰਟਫੋਨ ਬਾਜ਼ਾਰ ਵਿੱਚ ਮਜ਼ਬੂਤਵਾਪਸੀ ਦਾ ਸੰਕੇਤ ਦਿੱਤਾ।
TV
Appliances
Accessories
