Downfall Of Adani: ਹਿੰਡਨਬਰਗ ਰਿਪੋਰਟ ਤੋਂ ਬਾਅਦ ਅਡਾਨੀ ਨੂੰ ਘਾਟਾ, TOP 20 ਅਮੀਰਾਂ ਦੀ ਸੂਚੀ ਤੋਂ ਹੋਏ ਬਾਹਰ
ਸਾਲ 2023 ਦੀ ਸ਼ੁਰੂਆਤ 'ਚ ਜਿੱਥੇ ਗੌਤਮ ਅਡਾਨੀ (Gautam Adani) ਦੇ ਦੁਨੀਆ ਦੇ ਸਭ ਤੋਂ ਵੱਡੇ ਅਮੀਰ ਬਣਨ ਦੇ ਅੰਦਾਜ਼ੇ ਲਾਏ ਜਾ ਰਹੇ ਸਨ ਅਤੇ ਹੁਣ ਉਹ ਟਾਪ-10 ਦੀ ਸੂਚੀ 'ਚੋਂ ਹੀ ਨਹੀਂ ਸਗੋਂ ਟਾਪ-20 'ਚੋਂ ਵੀ ਬਾਹਰ ਹੋ ਗਏ ਹਨ।
ਰਜਨੀਸ਼ ਕੌਰ ਦੀ ਰਿਪੋਰਟ
Downfall Of Adani: ਸਾਲ 2023 ਦੀ ਸ਼ੁਰੂਆਤ 'ਚ ਜਿੱਥੇ ਗੌਤਮ ਅਡਾਨੀ (Gautam Adani) ਦੇ ਦੁਨੀਆ ਦੇ ਸਭ ਤੋਂ ਵੱਡੇ ਅਮੀਰ ਬਣਨ ਦੇ ਅੰਦਾਜ਼ੇ ਲਾਏ ਜਾ ਰਹੇ ਸਨ ਅਤੇ ਹੁਣ ਉਹ ਟਾਪ-10 ਦੀ ਸੂਚੀ 'ਚੋਂ ਹੀ ਨਹੀਂ ਸਗੋਂ ਟਾਪ-20 'ਚੋਂ ਵੀ ਬਾਹਰ ਹੋ ਗਏ ਹਨ। ਇਸ ਨਾਲ ਹੀ ਫੇਸਬੁੱਕ ਦੇ ਸੀਈਓ ਮਾਰਕ ਜ਼ੁਕਰਬਰਗ ਹੁਣ ਮੁਕੇਸ਼ ਅੰਬਾਨੀ ਤੋਂ ਬਾਅਦ 13ਵੇਂ ਸਥਾਨ 'ਤੇ ਪਹੁੰਚ ਗਏ ਹਨ। ਉਸ ਦੀ ਜਾਇਦਾਦ ਵਿੱਚ ਇੱਕ ਦਿਨ ਵਿੱਚ 12.5 ਬਿਲੀਅਨ ਡਾਲਰ ਦਾ ਵਾਧਾ ਹੋਇਆ ਹੈ। ਜਦਕਿ ਅਡਾਨੀ ਨੂੰ ਇੱਕ ਦਿਨ ਵਿੱਚ 10 ਬਿਲੀਅਨ ਡਾਲਰ ਤੋਂ ਵੱਧ ਦਾ ਨੁਕਸਾਨ ਹੋਇਆ ਹੈ।
ਅਡਾਨੀ ਸਮੂਹ ਦੇ ਕਈ ਸਟਾਕ 60 ਫੀਸਦੀ ਤੋਂ ਹੇਠਾਂ
ਅਮਰੀਕੀ ਨਿਵੇਸ਼ ਖੋਜ ਫਰਮ ਅਤੇ ਸ਼ਾਰਟ ਸੇਲਰ ਹਿੰਡਨਬਰਗ ਦੀ ਰਿਪੋਰਟ ਤੋਂ ਬਾਅਦ ਅਡਾਨੀ ਸਮੂਹ ਦੇ ਕਈ ਸਟਾਕ 60 ਫੀਸਦੀ ਤੋਂ ਹੇਠਾਂ ਆ ਗਏ ਹਨ। ਇਸ ਕਾਰਨ ਗੌਤਮ ਅਡਾਨੀ ਬਲੂਮਬਰਗ ਬਿਲੀਅਨੇਅਰ ਇੰਡੈਕਸ ਦੇ ਸਿਖਰਲੇ 10 ਅਰਬਪਤੀਆਂ ਦੀ ਸੂਚੀ ਵਿੱਚ ਚੌਥੇ ਤੋਂ 21ਵੇਂ ਸਥਾਨ 'ਤੇ ਆ ਗਿਆ ਹੈ। ਇਸ ਸਾਲ ਅਡਾਨੀ ਦੀ ਜਾਇਦਾਦ 59.2 ਅਰਬ ਡਾਲਰ ਘਟ ਕੇ 61.3 ਅਰਬ ਡਾਲਰ ਰਹਿ ਗਈ ਹੈ। ਅਡਾਨੀ ਨੂੰ ਸਿਰਫ ਇਕ ਹਫਤੇ 'ਚ ਕਰੀਬ 52 ਅਰਬ ਡਾਲਰ ਦਾ ਝਟਕਾ ਲੱਗਾ ਹੈ।
ਅਡਾਨੀ ਦੇ ਆਏ ਮਾੜੇ ਦਿਨ
ਦੱਸ ਦੇਈਏ ਕਿ ਪਿਛਲੇ ਸਾਲ ਦੁਨੀਆ ਦੇ ਟਾਪ-10 ਅਮੀਰਾਂ ਦੀ ਸੂਚੀ ਵਿੱਚ ਸਿਰਫ਼ ਦੋ ਭਾਰਤੀਆਂ ਭਾਵ ਮੁਕੇਸ਼ ਅੰਬਾਨੀ ਅਤੇ ਗੌਤਮ ਅਡਾਨੀ ਨੇ ਆਪਣੀ ਦੌਲਤ ਵਿੱਚ ਵਾਧਾ ਕੀਤਾ ਸੀ। ਅਡਾਨੀ ਵੀ ਉਸ ਸਾਲ ਕਮਾਈ ਵਿੱਚ ਪਹਿਲੇ ਨੰਬਰ 'ਤੇ ਸੀ। ਸਾਲ 2022 ਐਲੋਨ ਮਸਕ ਅਤੇ ਜੇਫ ਬੇਜੋਸ ਸਮੇਤ ਅਮਰੀਕੀ ਅਰਬਪਤੀਆਂ ਲਈ ਮਾੜਾ ਸਾਬਤ ਹੋਇਆ। ਇਸ ਦੇ ਉਲਟ ਹੁਣ ਉਨ੍ਹਾਂ ਦੇ ਚੰਗੇ ਦਿਨ ਆ ਗਏ ਹਨ ਅਤੇ ਅਡਾਨੀ ਦੇ ਮਾੜੇ ਦਿਨ।
ਇਸ ਸਾਲ ਐਲੋਨ ਮਸਕ ਦੀ ਕਮਾਈ
ਅੰਬਾਨੀ ਦੀ ਨੈੱਟਵਰਥ ਦੀ ਸਿਹਤ ਵੀ ਇਸ ਸਾਲ ਹੁਣ ਤੱਕ ਠੀਕ ਨਹੀਂ ਰਹੀ ਹੈ। ਐਲੋਨ ਮਸਕ ਇਸ ਸਾਲ ਹੁਣ ਤੱਕ 36.5 ਬਿਲੀਅਨ ਡਾਲਰ ਦੀ ਕਮਾਈ ਕਰਕੇ ਪਹਿਲੇ ਨੰਬਰ 'ਤੇ ਹਨ। ਬਰਨਾਰਡ ਅਰਨੌਲਟ ਨੇ ਆਪਣੀ ਦੌਲਤ ਵਿੱਚ $30.7 ਬਿਲੀਅਨ ਅਤੇ ਜੇਫ ਬੇਜੋਸ ਨੇ $29.3 ਬਿਲੀਅਨ ਦਾ ਵਾਧਾ ਕੀਤਾ ਹੈ। ਇਸ ਇੱਕ ਮਹੀਨੇ ਵਿੱਚ ਮਾਰਕ ਜ਼ੁਕਰਬਰਗ ਦੀ ਜਾਇਦਾਦ ਵਿੱਚ ਵੀ 24.1 ਅਰਬ ਡਾਲਰ ਦਾ ਵਾਧਾ ਹੋਇਆ ਹੈ। ਇਸ ਦੇ ਨਾਲ ਹੀ ਇਸ ਸਾਲ ਅੰਬਾਨੀ ਨੂੰ 6.78 ਅਰਬ ਡਾਲਰ ਅਤੇ ਅਡਾਨੀ ਨੂੰ ਕਰੀਬ 60 ਅਰਬ ਡਾਲਰ ਦਾ ਨੁਕਸਾਨ ਹੋਇਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
