ਕਿਤੇ ਤੁਹਾਡਾ Personal Data ਖਤਰੇ 'ਚ ਤਾਂ ਨਹੀਂ? DeepSeek ਦਾ Use ਕਰਨ ਵਾਲੇ ਹੋ ਜਾਓ ਸਾਵਧਾਨ!
DeepSeek: ਚੀਨੀ AI ਮਾਡਲ DeepSeek ਨੇ ਲਾਂਚ ਹੁੰਦਿਆਂ ਹੀ ਟੈਕ ਲਵਰਸ ਅਤੇ ਡੈਵਲਪਰਸ ਵਿੱਚ ਆਪਣੀ ਖਾਸ ਜਗ੍ਹਾ ਬਣਾ ਲਈ, ਪਰ ਹੁਣ ਇਸ ਦੀ ਪ੍ਰਾਈਵੇਸੀ ਪਾਲਿਸੀ ਨੂੰ ਲੈ ਕੇ ਚਿੰਤਾਵਾਂ ਜਤਾਈਆਂ ਜਾ ਰਹੀਆਂ ਹਨ।
DeepSeek: ਚੀਨੀ AI ਮਾਡਲ DeepSeek ਨੇ ਹਲਚਲ ਮਚਾ ਦਿੱਤੀ ਹੈ। ਐਪ ਸਟੋਰ 'ਤੇ Open AI ਦੇ ਚੈਟਜੀਪੀਟੀ ਦਾ ਮੁਕਾਬਲਾ ਕਰਦਿਆਂ ਹੋਇਆਂ ਇਹ ਡਾਊਨਲੋਡਸ ਦੇ ਮਾਮਲੇ ਵਿੱਚ ਸਿਖਰ 'ਤੇ ਪਹੁੰਚ ਗਿਆ ਹੈ। ਇਸ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਹੈ ਕਿ ਇਹ ਹਰ ਕਿਸੇ ਲਈ ਮੁਫ਼ਤ ਹੈ। ਸਾਰੀਆਂ ਵਿਸ਼ੇਸ਼ਤਾਵਾਂ ਦੇ ਬਾਵਜੂਦ, ਜੇਕਰ ਅਸੀਂ ਡੀਪਸੀਕ ਦੀ ਪ੍ਰਾਈਵੇਸੀ ਪਾਲਿਸੀ 'ਤੇ ਨਜ਼ਰ ਮਾਰੀਏ, ਤਾਂ ਸਾਨੂੰ ਪਤਾ ਲੱਗਦਾ ਹੈ ਕਿ ਇਸ ਦਾ ਰਜਿਸਟਰਡ ਦਫ਼ਤਰ ਚੀਨ ਵਿੱਚ ਹੈ।
ਤੁਹਾਡੀ ਇਹ ਜਾਣਕਾਰੀ ਚੀਨ ਦੇ ਹੱਥਾਂ ਵਿੱਚ ਜਾ ਰਹੀ
ਕੀ ਤੁਸੀਂ ਜਾਣਦੇ ਹੋ ਕਿ ਡੀਪਸੀਕ (DeepSeek) ਆਪਣੇ ਉਪਭੋਗਤਾਵਾਂ ਦੀ ਪ੍ਰੋਫਾਈਲ ਜਾਣਕਾਰੀ ਜਿਵੇਂ ਕਿ ਨਾਮ, ਫੋਨ ਨੰਬਰ, ਪਾਸਵਰਡ ਅਤੇ ਜਨਮ ਮਿਤੀ ਕਿੱਥੇ ਸਟੋਰ ਕਰਦਾ ਹੈ? ਡੀਪਸੀਕ ਦੇ FAQ ਪੇਜ 'ਤੇ ਦਿੱਤੀ ਗਈ ਜਾਣਕਾਰੀ ਦੇ ਅਨੁਸਾਰ, ਇਹ ਤੁਹਾਡੇ IP ਐਡਰੈੱਸ, ਭੁਗਤਾਨ ਵੇਰਵੇ, ਡਿਵਾਈਸ ਆਈਡੀ, ਕੂਕੀਜ਼ ਅਤੇ AI ਚੈਟਬੋਟਸ ਨਾਲ ਗੱਲਬਾਤ ਨੂੰ ਟਰੈਕ ਕਰਦਾ ਹੈ। ਇਸ ਤੋਂ ਇਲਾਵਾ, ਡੀਪਸੀਕ ਤੁਹਾਡੀਆਂ ਔਨਲਾਈਨ ਗਤੀਵਿਧੀਆਂ ਨੂੰ ਟਰੈਕ ਕਰਨ ਲਈ ਕੂਕੀਜ਼ ਅਤੇ ਵੈੱਬ ਬੀਕਨ ਦੀ ਵਰਤੋਂ ਕਰਦਾ ਹੈ।
ਓਪਰੇਟਿੰਗ ਸਿਸਟਮ ਦੀ ਜਾਣਕਾਰੀ ਵੀ ਚੀਨ ਕੋਲ ਪਹੁੰਚ ਰਹੀ
DeepSeek ਰਾਹੀਂ ਤੁਹਾਡੇ ਡਿਵਾਈਸ ਮਾਡਲ, ਇੱਥੋਂ ਤੱਕ ਕਿ ਤੁਹਾਡੇ ਓਪਰੇਟਿੰਗ ਸਿਸਟਮ ਦੀ ਜਾਣਕਾਰੀ ਵੀ ਚੀਨ ਦੇ ਹੱਥਾਂ ਵਿੱਚ ਜਾ ਰਹੀ ਹੈ। ਐਪ 'ਤੇ ਉਪਭੋਗਤਾਵਾਂ ਦਾ ਡੇਟਾ ਚੀਨੀ ਸਰਵਰ 'ਤੇ ਸਟੋਰ ਕੀਤਾ ਜਾਂਦਾ ਹੈ। ਡੀਪਸੀਕ ਦੀ ਵੈੱਬਸਾਈਟ 'ਤੇ ਉਪਲਬਧ ਜਾਣਕਾਰੀ ਦੇ ਅਨੁਸਾਰ ਤੁਹਾਡੇ ਤੋਂ ਇਕੱਠੀ ਕੀਤੀ ਗਈ ਨਿੱਜੀ ਜਾਣਕਾਰੀ ਪੀਪਲਜ਼ ਰੀਪਬਲਿਕ ਆਫ਼ ਚਾਈਨਾ ਵਿੱਚ ਸਥਿਤ ਇੱਕ ਸੁਰੱਖਿਅਤ ਸਰਵਰ ਵਿੱਚ ਸਟੋਰ ਕੀਤੀ ਜਾਂਦੀ ਹੈ।
ਉਪਭੋਗਤਾਵਾਂ ਵਿੱਚ ਡੀਪਸੀਕ ਦਾ ਬਹੁਤ ਜ਼ਿਆਦਾ ਕ੍ਰੇਜ਼
ਭਾਰਤ ਵਿੱਚ ਡੀਪਸੀਕ ਦੀ ਪ੍ਰਸਿੱਧੀ ਬਾਰੇ ਅਜੇ ਕੋਈ ਸਪੱਸ਼ਟ ਜਾਣਕਾਰੀ ਨਹੀਂ ਹੈ, ਪਰ ਅਮਰੀਕਾ ਵਿੱਚ ਇਸ ਬਾਰੇ ਬਹੁਤ ਜ਼ਿਆਦਾ ਕ੍ਰੇਜ਼ ਹੈ। ਇਸ ਦਾ ਮਤਲਬ ਹੈ ਕਿ ਅਮਰੀਕੀ ਆਪਣੀ ਜਾਣਕਾਰੀ ਚੀਨੀ ਸਰਵਰਾਂ ਨੂੰ ਦੇ ਰਹੇ ਹਨ। ਤੁਹਾਨੂੰ ਦੱਸ ਦਈਏ ਕਿ ਚੀਨੀ ਐਪ TikTok ਨੂੰ 2020 ਵਿੱਚ ਭਾਰਤ ਵਿੱਚ ਬੈਨ ਕਰ ਦਿੱਤਾ ਗਿਆ ਸੀ। ਉਸ ਸਮੇਂ ਵੀ, ਇਹ ਕਾਰਵਾਈ ਸੁਰੱਖਿਆ ਅਤੇ ਨਿੱਜਤਾ ਲਈ ਖਤਰੇ ਨੂੰ ਦੇਖਦਿਆਂ ਹੋਇਆਂ ਕੀਤੀ ਗਈ ਸੀ।
ਕੀ ਹੈ DeepSeek?
ਹਾਂਗਜ਼ੂ-ਬੇਸਡ DeepSeek 2023 ਤੋਂ ਇੱਕ AI ਮਾਡਲ 'ਤੇ ਕੰਮ ਕਰ ਰਿਹਾ ਹੈ। ਇਸ ਕੰਪਨੀ ਦੀ ਨੀਂਹ ਲਿਆਨ ਵੇਨਫੇਂਗ ਨੇ ਰੱਖੀ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਨੂੰ AI ਚੈਟਬੋਟ ਚੈਟਜੀਪੀਟੀ ਨਾਲ ਮੁਕਾਬਲਾ ਕਰਨ ਲਈ ਲਾਂਚ ਕੀਤਾ ਗਿਆ ਹੈ। ਹੋਰ ਅਮਰੀਕੀ ਕੰਪਨੀਆਂ ਦੇ ਮੁਕਾਬਲੇ ਇਹ ਸਸਤਾ ਹੈ ਅਤੇ ਡੇਟਾ ਵੀ ਘੱਟ ਵਰਤਿਆ ਜਾਂਦਾ ਹੈ। ਖੋਜਕਰਤਾਵਾਂ ਦੇ ਅਨੁਸਾਰ, ਇਸ ਨੂੰ ਵਿਕਸਤ ਕਰਨ ਵਿੱਚ ਸਿਰਫ 6 ਮਿਲੀਅਨ ਡਾਲਰ ਲੱਗੇ, ਜਦੋਂ ਕਿ ਅਮਰੀਕੀ ਤਕਨੀਕੀ ਕੰਪਨੀਆਂ ਨੇ AI 'ਤੇ ਬਹੁਤ ਸਾਰਾ ਪੈਸਾ ਖਰਚ ਕੀਤਾ। ਡੀਪਸੀਕ ਕੋਲ ਇਸ ਵੇਲੇ ਦੋ ਮਾਡਲ ਹਨ - R1 ਅਤੇ R1 Zero । ਫਿਲਹਾਲ,, ਉਪਭੋਗਤਾ ਸਿਰਫ਼ R1 ਮਾਡਲ ਦੀ ਵਰਤੋਂ ਕਰ ਸਕਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
