BSNL ਦੇ ਕਰੋੜਾਂ ਗਾਹਕ ਦੀ ਬੱਲੇ-ਬੱਲੇ, ਸਰਕਾਰ ਨੇ ਦੱਸਿਆ- ਕਦੋਂ ਤੋਂ ਮਿਲੇਗੀ 5G ਸੇਵਾ?
Ashwini Vaishnaw: ਟੈਲੀਕਾਮ ਕੰਪਨੀਆਂ ਵੱਲੋਂ ਦੱਸਿਆ ਗਿਆ ਸੀ ਕਿ 4ਜੀ ਤੇ 5ਜੀ ਦਾ ਟੈਰਿਫ ਲਗਭਗ ਇੱਕੋ ਜਿਹਾ ਹੋਵੇਗਾ। ਕੇਂਦਰੀ ਦੂਰਸੰਚਾਰ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਸਰਕਾਰੀ ਮਾਲਕੀ ਵਾਲੇ BSNL ਗਾਹਕਾਂ ਨੂੰ ਵੱਡੀ ਖੁਸ਼ਖਬਰੀ ਦਿੱਤੀ ਹੈ।
Indian Telecom Industry: ਜੀਓ ਤੇ ਏਅਰਟੈੱਲ ਵਰਗੀਆਂ ਦਿੱਗਜ ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਨੇ ਦੇਸ਼ ਦੇ ਵੱਖ-ਵੱਖ ਸਰਕਲਾਂ ਵਿੱਚ 5ਜੀ ਸੇਵਾ ਸ਼ੁਰੂ ਕੀਤੀ ਹੈ। ਦੋਵਾਂ ਕੰਪਨੀਆਂ ਨੇ ਨਵੇਂ ਸਾਲ 'ਚ ਦੇਸ਼ ਭਰ 'ਚ 5ਜੀ ਸੇਵਾ ਸ਼ੁਰੂ ਕਰਨ ਦਾ ਐਲਾਨ ਕੀਤਾ ਹੈ। ਅਜਿਹੇ 'ਚ ਕੁਝ ਲੋਕਾਂ ਨੂੰ ਚਿੰਤਾ ਹੈ ਕਿ 5ਜੀ ਰੀਚਾਰਜ 4G ਤੋਂ ਮਹਿੰਗਾ ਹੋ ਜਾਵੇਗਾ ਪਰ ਇਸ 'ਤੇ ਟੈਲੀਕਾਮ ਕੰਪਨੀਆਂ ਵੱਲੋਂ ਦੱਸਿਆ ਗਿਆ ਕਿ ਦੋਵਾਂ ਦੀ ਕੀਮਤ ਲਗਭਗ ਬਰਾਬਰ ਹੋਵੇਗੀ। ਇਸ ਦੌਰਾਨ ਕੇਂਦਰੀ ਦੂਰਸੰਚਾਰ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਸਰਕਾਰੀ ਮਾਲਕੀ ਵਾਲੇ BSNL ਗਾਹਕਾਂ ਨੂੰ ਵੱਡੀ ਖੁਸ਼ਖਬਰੀ ਦਿੱਤੀ ਹੈ।
1.35 ਲੱਖ ਟਾਵਰਾਂ 'ਚ ਸ਼ੁਰੂ ਹੋਵੇਗੀ 5ਜੀ ਤਕਨੀਕ
ਦੂਰਸੰਚਾਰ ਮੰਤਰੀ ਨੇ ਦੱਸਿਆ ਕਿ ਆਉਣ ਵਾਲੇ 5-7 ਮਹੀਨਿਆਂ 'ਚ 4ਜੀ ਆਧਾਰਿਤ ਤਕਨੀਕ ਨੂੰ 5G 'ਚ ਅਪਡੇਟ ਕੀਤਾ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ ਦੇਸ਼ ਭਰ ਵਿੱਚ ਬੀਐਸਐਨਐਲ ਦੇ 1.35 ਲੱਖ ਟਾਵਰਾਂ ਵਿੱਚ 5ਜੀ ਦੀ ਸ਼ੁਰੂਆਤ ਕੀਤੀ ਜਾਵੇਗੀ। ਉਦਯੋਗਿਕ ਸੰਸਥਾ ਸੀਆਈਆਈ (CII) ਦੇ ਇੱਕ ਪ੍ਰੋਗਰਾਮ ਵਿੱਚ ਵੈਸ਼ਨਵ ਨੇ ਕਿਹਾ ਕਿ ਸਰਕਾਰ ਦੀ ਦੇਸ਼ ਦੀ ਨਵੀਨਤਾ ਨੂੰ ਉਤਸ਼ਾਹਿਤ ਕਰਨ ਲਈ ਦੂਰਸੰਚਾਰ ਤਕਨਾਲੋਜੀ ਵਿਕਾਸ ਫੰਡ (ਟੀਟੀਡੀਐਫ) ਨੂੰ 500 ਕਰੋੜ ਰੁਪਏ ਤੋਂ ਵਧਾ ਕੇ 4,000 ਕਰੋੜ ਰੁਪਏ ਸਾਲਾਨਾ ਕਰਨ ਦੀ ਯੋਜਨਾ ਹੈ।
BSNL ਦੂਰਸੰਚਾਰ ਖੇਤਰ 'ਚ ਮਜ਼ਬੂਤ ਸਥਿਤੀ 'ਚ ਹੋਵੇਗਾ
ਕੋਟਕ ਬੈਂਕ ਦੇ ਸੀਈਓ ਉਦੈ ਕੋਟਕ ਵੱਲੋਂ ਦੂਰਸੰਚਾਰ ਉਦਯੋਗ ਵਿੱਚ ਬੀਐਸਐਨਐਲ ਦੀ ਭੂਮਿਕਾ ਬਾਰੇ ਪੁੱਛੇ ਗਏ ਇੱਕ ਸਵਾਲ ਦੇ ਜਵਾਬ ਵਿੱਚ ਵੈਸ਼ਨਵ ਨੇ ਕਿਹਾ ਕਿ ਬੀਐਸਐਨਐਲ ਦੂਰਸੰਚਾਰ ਖੇਤਰ ਵਿੱਚ ਬਹੁਤ ਮਜ਼ਬੂਤ ਸਥਿਤੀ ਵਿੱਚ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਬੀਐਸਐਨਐਲ ਦੇ ਦੇਸ਼ ਭਰ ਵਿੱਚ ਕਰੀਬ 1.35 ਲੱਖ ਮੋਬਾਈਲ ਟਾਵਰ ਹਨ।
ਇਸ ਤੋਂ ਇਲਾਵਾ, ਕੰਪਨੀ ਦੀ ਪੇਂਡੂ ਖੇਤਰ ਵਿੱਚ ਬਹੁਤ ਮਜ਼ਬੂਤ ਮੌਜੂਦਗੀ ਹੈ। ਕਈ ਖੇਤਰਾਂ ਵਿੱਚ ਹੋਰ ਟੈਲੀਕਾਮ ਕੰਪਨੀਆਂ ਅਜੇ ਤੱਕ ਪਹੁੰਚ ਨਹੀਂ ਕਰ ਸਕੀਆਂ ਹਨ। ਵੈਸ਼ਨਵ ਨੇ ਕਿਹਾ, 'ਟੈਲੀਕਾਮ ਤਕਨੀਕ ਲਗਾਈ ਜਾ ਰਹੀ ਹੈ। ਇਹ 4ਜੀ ਟੈਕਨਾਲੋਜੀ ਦਾ 'ਸਟੈਕ' ਹੈ, ਜਿਸ ਨੂੰ ਪੰਜ ਤੋਂ ਸੱਤ ਮਹੀਨਿਆਂ 'ਚ 5ਜੀ 'ਤੇ ਅਪਡੇਟ ਕੀਤਾ ਜਾਵੇਗਾ। ਇਹ ਤਕਨੀਕ 'ਸਟੈਕ' ਦੇਸ਼ ਦੇ 1.35 ਲੱਖ ਟੈਲੀਕਾਮ ਟਾਵਰਾਂ 'ਤੇ ਲਾਗੂ ਕੀਤੀ ਜਾਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
