DA Hike: ਸਰਕਾਰੀ ਮੁਲਾਜ਼ਮਾਂ ਲਈ ਖੁਸ਼ਖਬਰੀ! ਇਸ ਮਹੀਨੇ ਮਿਲੇਗਾ ਮੋਟੀ ਗੱਫਾ, ਵਿੱਤ ਮੰਤਰੀ ਕਰਨਗੇ ਐਲਾਨ...
ਸਤੰਬਰ 2024 ਵਿੱਚ ਕੇਂਦਰੀ ਕਰਮਚਾਰੀਆਂ ਲਈ ਇੱਕ ਹੋਰ ਖੁਸ਼ਖਬਰੀ ਆ ਰਹੀ ਹੈ। ਯੂਪੀਐਸ ਤੋਂ ਬਾਅਦ ਇਸ ਮਹੀਨੇ ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਨੂੰ ਮਹਿੰਗਾਈ ਭੱਤੇ ਵਿੱਚ ਵਾਧੇ ਦਾ ਲਾਭ ਮਿਲਣ ਵਾਲਾ ਹੈ।
DA Hike Date Check: ਸਤੰਬਰ 2024 ਵਿੱਚ ਕੇਂਦਰੀ ਕਰਮਚਾਰੀਆਂ ਲਈ ਇੱਕ ਹੋਰ ਖੁਸ਼ਖਬਰੀ ਆ ਰਹੀ ਹੈ। ਯੂਪੀਐਸ ਤੋਂ ਬਾਅਦ ਇਸ ਮਹੀਨੇ ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਨੂੰ ਮਹਿੰਗਾਈ ਭੱਤੇ ਵਿੱਚ ਵਾਧੇ ਦਾ ਲਾਭ ਮਿਲਣ ਵਾਲਾ ਹੈ। ਉਮੀਦ ਹੈ ਕਿ ਸਰਕਾਰ ਸਤੰਬਰ ਦੇ ਤੀਜੇ ਹਫ਼ਤੇ ਡੀਏ ਵਿੱਚ 3-4 ਫੀਸਦੀ ਵਾਧੇ ਦਾ ਐਲਾਨ ਕਰ ਸਕਦੀ ਹੈ।
ਸਰਕਾਰ ਸਤੰਬਰ ਦੇ ਤੀਜੇ ਹਫ਼ਤੇ ਮਹਿੰਗਾਈ ਭੱਤੇ ਵਿੱਚ 3-4 ਫੀਸਦੀ ਵਾਧਾ ਕਰੇਗੀ। ਸੂਤਰਾਂ ਮੁਤਾਬਕ 3 ਫੀਸਦੀ ਦੇ ਵਾਧੇ ਦੀ ਪੁਸ਼ਟੀ ਹੋਈ ਹੈ, ਪਰ ਇਹ 4 ਫੀਸਦੀ ਵੀ ਹੋ ਸਕਦੀ ਹੈ। ਸੂਤਰਾਂ ਮੁਤਾਬਕ ਇਸ ਤੋਂ ਪਹਿਲਾਂ ਮਾਰਚ 2024 'ਚ ਸਰਕਾਰ ਨੇ ਡੀਏ 4 ਫੀਸਦੀ ਵਧਾ ਕੇ ਬੇਸਿਕ ਪੇਅ ਦਾ 50 ਫੀਸਦੀ ਕਰ ਦਿੱਤਾ ਸੀ।
ਇਸ ਦੇ ਨਾਲ ਹੀ ਪੈਨਸ਼ਨਰਾਂ ਲਈ ਮਹਿੰਗਾਈ ਰਾਹਤ (ਡੀਆਰ) ਵਿੱਚ ਵੀ 4 ਫੀਸਦੀ ਦਾ ਵਾਧਾ ਕੀਤਾ ਗਿਆ ਸੀ। ਮਹਿੰਗਾਈ ਭੱਤਾ (DA) ਕੇਂਦਰੀ ਕਰਮਚਾਰੀਆਂ ਨੂੰ ਦਿੱਤਾ ਜਾਂਦਾ ਹੈ, ਜਦੋਂਕਿ ਮਹਿੰਗਾਈ ਰਾਹਤ (DR) ਪੈਨਸ਼ਨਰਾਂ ਨੂੰ ਦਿੱਤੀ ਜਾਂਦੀ ਹੈ। ਜਨਵਰੀ ਤੇ ਜੁਲਾਈ ਵਿੱਚ ਸਾਲ ਵਿੱਚ ਦੋ ਵਾਰ ਡੀਏ ਤੇ ਡੀਆਰ ਵਿੱਚ ਵਾਧਾ ਕੀਤਾ ਜਾਂਦਾ ਹੈ।
ਹਾਲ ਹੀ ਵਿੱਚ, ਸੰਸਦ ਦੇ ਮਾਨਸੂਨ ਸੈਸ਼ਨ ਵਿੱਚ ਵਿੱਤ ਰਾਜ ਮੰਤਰੀ ਪੰਕਜ ਚੌਧਰੀ ਨੇ ਦੱਸਿਆ ਕਿ ਸਰਕਾਰ ਵੱਲੋਂ ਕੋਵਿਡ-19 ਮਹਾਂਮਾਰੀ ਦੌਰਾਨ ਰੋਕੇ ਗਏ 18 ਮਹੀਨਿਆਂ ਦੇ ਮਹਿੰਗਾਈ ਭੱਤੇ ਤੇ ਡੀਆਰ ਦੇ ਬਕਾਏ ਜਾਰੀ ਕਰਨ ਦੀ ਸੰਭਾਵਨਾ ਨਹੀਂ। ਉਨ੍ਹਾਂ ਨੂੰ ਪੁੱਛਿਆ ਗਿਆ ਸੀ ਕਿ ਕੀ ਸਰਕਾਰ ਕੇਂਦਰੀ ਕਰਮਚਾਰੀਆਂ ਤੇ ਪੈਨਸ਼ਨਰਾਂ ਲਈ 18 ਮਹੀਨਿਆਂ ਦਾ ਮਹਿੰਗਾਈ ਭੱਤਾ ਜਾਂ ਡੀਆਰ ਜਾਰੀ ਕਰਨ ਬਾਰੇ ਵਿਚਾਰ ਕਰ ਰਹੀ ਹੈ।
ਦਰਅਸਲ ਕੇਂਦਰੀ ਕਰਮਚਾਰੀਆਂ ਤੇ ਪੈਨਸ਼ਨਰਾਂ ਲਈ ਜਨਵਰੀ 2020, ਜੁਲਾਈ 2020 ਤੇ ਜਨਵਰੀ 2021 ਤੋਂ ਡੀਏ/ਡੀਆਰ ਦੀਆਂ ਤਿੰਨ ਕਿਸ਼ਤਾਂ ਨੂੰ ਫ੍ਰੀਜ਼ ਕਰਨ ਦਾ ਫੈਸਲਾ ਕੋਵਿਡ-19 ਮਹਾਮਾਰੀ ਦੌਰਾਨ ਆਰਥਿਕ ਪ੍ਰੇਸ਼ਾਨੀਆਂ ਕਾਰਨ ਸਰਕਾਰੀ ਵਿੱਤ 'ਤੇ ਦਬਾਅ ਨੂੰ ਘੱਟ ਕਰਨ ਲਈ ਲਿਆ ਗਿਆ ਸੀ।
ਮੁਲਾਜ਼ਮਾਂ ਦੀ ਕਿੰਨੀ ਵਧੇਗੀ ਤਨਖਾਹ
7ਵੇਂ ਤਨਖਾਹ ਕਮਿਸ਼ਨ ਦੇ ਅਨੁਸਾਰ ਲੈਵਲ-1 'ਤੇ ਕੇਂਦਰੀ ਕਰਮਚਾਰੀਆਂ ਦੀ ਮੁੱਢਲੀ ਤਨਖਾਹ 18000 ਰੁਪਏ ਤੋਂ ਸ਼ੁਰੂ ਹੋ ਕੇ ਵੱਧ ਤੋਂ ਵੱਧ 56900 ਰੁਪਏ ਤੱਕ ਹੈ। ਹੇਠਾਂ ਇਸ ਅਧਾਰ 'ਤੇ ਕੀਤੀ ਗਈ ਗਣਨਾ ਵੇਖੋ…
1. ਕਰਮਚਾਰੀ ਦੀ ਮੁੱਢਲੀ ਤਨਖਾਹ 18,000 ਰੁਪਏ
2. ਨਵਾਂ ਮਹਿੰਗਾਈ ਭੱਤਾ (53%) ਰੁਪਏ 9540/ਮਹੀਨਾ
3. ਹੁਣ ਤੱਕ ਮਹਿੰਗਾਈ ਭੱਤਾ (50%) ਰੁਪਏ 9000/ਮਹੀਨਾ ਹੈ।
4. ਕਿੰਨਾ ਮਹਿੰਗਾਈ ਭੱਤਾ ਵਧਿਆ 9540-9000= 540 ਰੁਪਏ/ਮਹੀਨਾ
ਵੱਧ ਤੋਂ ਵੱਧ ਕਿੰਨਾ ਲਾਭ
1. ਕਰਮਚਾਰੀ ਦੀ ਮੁੱਢਲੀ ਤਨਖਾਹ 56,900 ਰੁਪਏ
2. ਨਵਾਂ ਮਹਿੰਗਾਈ ਭੱਤਾ (53%) ਰੁਪਏ 30,157/ਮਹੀਨਾ
3. ਹੁਣ ਤੱਕ ਮਹਿੰਗਾਈ ਭੱਤਾ (50%) ਰੁਪਏ 28,450/ਮਹੀਨਾ ਹੈ।
4. ਕਿੰਨਾ ਮਹਿੰਗਾਈ ਭੱਤਾ 30,157-28,450 = 1707 ਰੁਪਏ/ਮਹੀਨਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
