(Source: ECI/ABP News)
Employees Salaries: ਮੁਲਾਜ਼ਮਾਂ ਲਈ ਖੁਸ਼ਖਬਰੀ! ਤਨਖਾਹਾਂ 'ਚ ਹੋਏਗਾ 9.3 ਫੀਸਦੀ ਵਾਧਾ
ਨੌਕਰੀ ਪੇਸ਼ਾ ਮੁਲਾਜ਼ਮਾਂ ਲਈ ਖੁਸ਼ਖਬਰੀ ਹੈ। ਉਨ੍ਹਾਂ ਦੀਆਂ ਤਨਖਾਹਾਂ 'ਚ 9.3 ਫੀਸਦੀ ਤੱਕ ਦਾ ਵਾਧਾ ਹੋਏਗਾ। ਇਹ ਦਾਅਵਾ ਗਲੋਬਲ ਪ੍ਰੋਫੈਸ਼ਨਲ ਸਰਵਿਸਿਜ਼ ਫਰਮ ਏਓਐਨ ਪੀਐਲਸੀ ਦੇ ਇੱਕ ਸਰਵੇਖਣ ਵਿੱਚ ਕੀਤਾ ਗਿਆ ਹੈ।
Employees Salaries Increase: ਨੌਕਰੀ ਪੇਸ਼ਾ ਮੁਲਾਜ਼ਮਾਂ ਲਈ ਖੁਸ਼ਖਬਰੀ ਹੈ। ਉਨ੍ਹਾਂ ਦੀਆਂ ਤਨਖਾਹਾਂ 'ਚ 9.3 ਫੀਸਦੀ ਤੱਕ ਦਾ ਵਾਧਾ ਹੋਏਗਾ। ਇਹ ਦਾਅਵਾ ਗਲੋਬਲ ਪ੍ਰੋਫੈਸ਼ਨਲ ਸਰਵਿਸਿਜ਼ ਫਰਮ ਏਓਐਨ ਪੀਐਲਸੀ ਦੇ ਇੱਕ ਸਰਵੇਖਣ ਵਿੱਚ ਕੀਤਾ ਗਿਆ ਹੈ। ਮੰਦੀ ਦੇ ਦੌਰ ਵਿੱਚ ਇਹ ਚੰਗੀ ਖਬਰ ਹੈ। ਇਸ ਸਰਵੇਖਣ ਦਰਸਾਉਂਦਾ ਹੈ ਕਿ ਉਦਯੋਗ ਤੇ ਕਾਰੋਬਾਰ ਖੇਤਰ ਵਿੱਚ ਉਭਾਰ ਆਉਣ ਦੀ ਉਮੀਦ ਹੈ।
ਦਰਅਸਲ ਅਰਥਵਿਵਸਥਾ ਦੇ ਵੱਖ-ਵੱਖ ਖੇਤਰਾਂ ਵਿੱਚ ਸਕਾਰਾਤਮਕ ਕਾਰੋਬਾਰੀ ਦ੍ਰਿਸ਼ ਦੇ ਵਿਚਕਾਰ ਅਗਲੇ ਕੈਲੰਡਰ ਸਾਲ ਯਾਨੀ 2025 ਵਿੱਚ ਦੇਸ਼ ਵਿੱਚ ਕਰਮਚਾਰੀਆਂ ਦੀ ਔਸਤ ਤਨਖਾਹ ਵਿੱਚ 9.5 ਪ੍ਰਤੀਸ਼ਤ ਦਾ ਵਾਧਾ ਹੋ ਸਕਦਾ ਹੈ। ਇਸ ਦੇ ਨਾਲ ਹੀ ਮੌਜੂਦਾ ਕੈਲੰਡਰ ਸਾਲ 'ਚ ਔਸਤ ਤਨਖਾਹ ਵਾਧਾ 9.3 ਫੀਸਦੀ ਹੋ ਸਕਦਾ ਹੈ। ਏਓਐਨ ਪੀਐਲਸੀ ਦੇ ਸਰਵੇਖਣ ਅਨੁਸਾਰ ਇੰਜਨੀਅਰਿੰਗ, ਨਿਰਮਾਣ ਤੇ ਪ੍ਰਚੂਨ ਉਦਯੋਗਾਂ ਵਿੱਚ 10 ਫੀਸਦੀ ਤਨਖਾਹ ਵਾਧਾ ਹੋ ਸਕਦਾ ਹੈ।
ਇਹ ਵੀ ਪੜ੍ਹੋ: ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ 'ਤੇ ਰੁਪਏ ਨਹੀਂ ਡਾਲਰ ਚੱਲਣਗੇ!
ਇਸ ਤੋਂ ਬਾਅਦ ਵਿੱਤੀ ਸੰਸਥਾਵਾਂ 'ਚ ਕਰਮਚਾਰੀਆਂ ਦੀ ਤਨਖਾਹ 'ਚ ਔਸਤਨ 9.9 ਫੀਸਦੀ ਦਾ ਵਾਧਾ ਹੋ ਸਕਦਾ ਹੈ। ਹਾਲਾਂਕਿ 2024 ਦੀ ਸ਼ੁਰੂਆਤ ਟੈਕਨਾਲੋਜੀ ਸੈਕਟਰ ਲਈ ਸਾਵਧਾਨੀ ਨਾਲ ਕੀਤੀ ਗਈ ਸੀ, ਪਰ ਗਲੋਬਲ ਕੰਪੀਟੈਂਸ ਸੈਂਟਰਾਂ ਤੇ ਟੈਕਨਾਲੋਜੀ ਉਤਪਾਦਾਂ ਤੇ ਪਲੇਟਫਾਰਮਾਂ 'ਤੇ ਕਰਮਚਾਰੀਆਂ ਨੂੰ ਕ੍ਰਮਵਾਰ 9.9 ਫੀਸਦੀ ਤੇ 9.3 ਫੀਸਦੀ ਤਨਖਾਹ ਵਾਧੇ ਮਿਲਣ ਦੀ ਸੰਭਾਵਨਾ ਹੈ।
ਏਓਨ ਦੇ ਪਾਰਟਨਰ ਰੂਪਾਂਕ ਚੌਧਰੀ ਨੇ ਕਿਹਾ, “ਗਲੋਬਲ ਚੁਣੌਤੀਆਂ ਦੇ ਬਾਵਜੂਦ, ਸਾਡਾ ਅਧਿਐਨ ਭਾਰਤ ਵਿੱਚ ਇੱਕ ਸਕਾਰਾਤਮਕ ਵਪਾਰਕ ਦ੍ਰਿਸ਼ਟੀਕੋਣ ਨੂੰ ਦਰਸਾਉਂਦਾ ਹੈ। ਇਹ ਭਾਵਨਾ ਸਥਾਨਕ ਬਾਜ਼ਾਰ ਦੀ ਤਾਕਤ 'ਤੇ ਵਧਦੇ ਹੋਏ ਕਈ ਖੇਤਰਾਂ ਵਿੱਚ ਜਾਰੀ ਹੈ। ਇਹ ਮੈਨੂਫੈਕਚਰਿੰਗ ਤੇ ਪ੍ਰਚੂਨ ਉਦਯੋਗਾਂ ਵਿੱਚ ਅਨੁਮਾਨਿਤ ਤਨਖਾਹ ਵਾਧੇ ਤੋਂ ਸਪੱਸ਼ਟ ਹੁੰਦਾ ਹੈ।
ਰਿਪੋਰਟ ਮੁਤਾਬਕ ਇਸ ਸਾਲ ਔਸਤਨ 16.9 ਫੀਸਦੀ ਕਰਮਚਾਰੀਆਂ ਨੇ ਨੌਕਰੀ ਛੱਡ ਦਿੱਤੀ। ਇਹ ਅਨੁਪਾਤ 2023 ਵਿੱਚ 18.7 ਫ਼ੀਸਦੀ ਤੇ 2022 ਵਿੱਚ 21.4 ਫ਼ੀਸਦੀ ਸੀ। ਤਰੁਣ ਸ਼ਰਮਾ, ਐਸੋਸੀਏਟ ਡਾਇਰੈਕਟਰ (ਟੇਲੈਂਟ ਸੋਲਿਊਸ਼ਨ), ਏਓਨ ਨੇ ਕਿਹਾ, ਅਟ੍ਰੀਸ਼ਨ ਦਰਾਂ ਵਿੱਚ ਗਿਰਾਵਟ ਕੰਪਨੀਆਂ ਲਈ ਅੰਦਰੂਨੀ ਵਿਕਾਸ, ਸਮਰੱਥਾ ਨਿਰਮਾਣ ਤੇ ਲੰਬੇ ਸਮੇਂ ਦੀ ਉਤਪਾਦਕਤਾ ਨੂੰ ਵਧਾਉਣ 'ਤੇ ਧਿਆਨ ਦੇਣ ਦਾ ਇੱਕ ਵਿਲੱਖਣ ਮੌਕਾ ਪ੍ਰਦਾਨ ਕਰਦੀ ਹੈ।
ਨੋਟ : ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
